JUAN 20:23 - Tepehuano Tepehuán del Sureste (Durango)

²³ na jam mattudidhaꞌ na pim jax jaꞌk tu ja aꞌgidhaꞌ gu jaꞌtkam. Baꞌ guiꞌ nam jɨꞌk tɨ jɨɨꞌñdhaꞌ na pim jɨꞌk jax tu ja aꞌgidhaꞌ, baꞌ uañchudhix kaꞌ gu ja uaꞌtulhdharaꞌ. Guꞌ baꞌ guiꞌ nam jɨꞌk cham tɨ jɨɨꞌñdhaꞌ, cham tuꞌ ja uañchudhix kaꞌ, puiꞌ nam jax bax uꞌuaꞌtulhdhix kaꞌ, nam guꞌ cham jɨꞌxdhaꞌ uanaꞌ gu dɨɨlh pɨx.

JUAN 20:23 ပူးပေါင်းရင်းမြစ်များ

MATEO 16:19

Jum makiaꞌ iñ guiꞌ na bhaan jix maatɨꞌ kaꞌ na bɨɨx jum aꞌm ji chu biꞌyaꞌ gu tuꞌ nap jax jix dhuñiim kaꞌ, jix dhaam dɨr jañ yaꞌ tum aichulhdhaꞌ. Baꞌ jax ñap tɨꞌiidhaꞌ yaꞌ dhi oiꞌñgaꞌn, puiꞌp tu tuiꞌkaꞌ jix dhaam jaꞌk, gio gu tuꞌ nap jax jix dhuñiim kaꞌ, puiꞌ jaꞌk jup tu tuiꞌkaꞌ jix dhaam jaꞌk.

MATEO 18:18

’Baꞌ jax ña pim jix aaꞌndaꞌ yaꞌ dhi oiꞌñgaꞌn bhaan, puiꞌ jaꞌk jup tu tuiꞌkaꞌ jix dhaam jaꞌk buiñor guñ Gɨꞌkoraꞌ, aañ moo yaꞌ pu jam tɨtda. Piam na pim jax tɨꞌiidhaꞌ gio na pim tuꞌ cham aaꞌndaꞌ na puiꞌ tu tuiꞌkaꞌ yaꞌ dhi oiꞌñgaꞌn bhaan, puiꞌ jaꞌk jup tu tuiꞌkaꞌ jix dhaam jaꞌk.

JUAN 20:22

Puiꞌ xi ja tɨɨdak naiꞌ xi ja buxcha bɨɨx, baꞌp ja tɨtda: ―Jaiñ. Dhiꞌñix Dhuuduꞌ kam jix Uañ Iiꞌmdaꞌ jam aꞌm jup tuiꞌñgɨdaꞌ yaꞌ dɨr jaꞌp jaꞌk

GU NOONBIꞌÑ GUCH XOIꞌKAM 10:43

Baꞌ guiꞌ nam jɨꞌk bɨjɨk bhaankamuꞌn tu aꞌgimɨk gu Dios, pu puꞌñi pu bhaan tu aꞌgadaꞌ am gu Jesuus, gio baꞌ nam puiꞌ kaiꞌchdhaꞌ ɨp na sap gu jaroiꞌ na buiñor tɨ jɨɨꞌñdhaꞌ, cham tuꞌ ka tulhiiñchudaꞌ gu Dios.

GU NOONBIꞌÑ GUCH XOIꞌKAM 2:38

Baꞌ gu Peegro jup ja tɨtda: ―Dho guꞌ na pim miꞌ puiꞌ ba jimiaꞌ dho na jax jaꞌk jix aaꞌ gu Dios, na pim tɨ jɨɨꞌñdhaꞌ buiñor guch Xoiꞌkam. Miꞌ dhɨr baꞌ dai na pim bam bopkonaꞌ bɨɨx jɨꞌmaꞌn na baꞌ guꞌ gu Dios xi jam joiꞌmdai uañchudai gu jam uaꞌtulhdharaꞌ jam aꞌm ba tajaanaꞌ gux Dhuuduꞌ kam jix Uañ Iiꞌmdaꞌ.

1 KORIINTO KAM 5:4

Puiꞌ pim xim aaꞌndaꞌ nañ jam bɨɨm jup tuꞌiiꞌ na pim paiꞌ dhuuk maap jum jumpaꞌndaꞌ. Gio guꞌ gu Dios jam tajaañ gux Dhuuduꞌ kam jix Uañ Iiꞌmdaꞌ na pim kɨꞌn pu duñiaꞌ gu tuꞌ na puꞌñim aagidhaꞌ, dhiꞌ kɨꞌn japim bhaankam guch Xoiꞌkam

EEPESO KAM 2:20

Aapiꞌm na pim jɨꞌk buiñor ba tɨ jɨɨgiꞌñ guch Xoiꞌkam, jaꞌp ji buan japim na jax gu joodai na daam dɨr muiꞌ ba bhiꞌñbakchix kaꞌ bhaan gu jaiꞌ joodai na bɨtaaꞌn jup darkaꞌ. Gu joodai na bɨtaaꞌn darkaꞌ, dhiꞌ puiꞌ ji buan am na jax guiꞌ nam jɨꞌk jir noonbiꞌñ guch Xoiꞌkam, piam guiꞌ nam bhaankam tu aꞌga gu Dios. Baꞌ dɨɨlh guch Xoiꞌkam jaꞌp ji buusan na dhiꞌr diꞌ gu jodai na bɨɨx bhaan jum siisap dhiꞌ dhi bhiꞌñbak.

1 TIMOTEO 1:20

Gu Imeneo gio gu Alijaanru puiꞌ jaꞌk tu ja duiñchuꞌ. Aañ xi ja nɨiꞌñ pɨx na pu ja doodaꞌ gu jaꞌook nam baꞌ miꞌ xi machiaꞌ na cham bhaiꞌ nam giilhim aiꞌchuxdhat aꞌgadaꞌ gu Dios.