JUAN 14:13 - Tepehuano Tepehuán del Sureste (Durango)

¹³ Baꞌ noꞌ ñich puꞌñi ba jii, bhammɨ dɨr dai nañ bhaiꞌ ba jam joochxiꞌñdhaꞌ gu tuꞌ na pim yaꞌ dɨr mu taandaꞌ guñ Gɨꞌkoraꞌ aañ jiñ bui jix biiñak kat, na baꞌ bhaan jix maatɨꞌ kaꞌ nach sɨlhkam gook dɨt maaꞌn iiꞌmdaꞌ pɨx jup duuk guñ Gɨꞌkoraꞌ na giilhim jir gɇꞌkam.

JUAN 14:13 ပူးပေါင်းရင်းမြစ်များ

MATEO 21:22

Guꞌ baꞌ puꞌñi ɨp noꞌ pim bɨɨx jam jujur kɨꞌn jix biiñak buiñor guñ Gɨꞌkoraꞌ, jam makiaꞌ dho tuꞌ na pim taandaꞌ.

MATEO 7:7

’Gio baꞌ moo jaꞌpniñ jup xi jam tɨɨdam jiñ jaaduñ na pim tu daandaꞌ buiñor guñ Gɨꞌkoraꞌ. Baꞌ gu tuꞌ na pim mu taandaꞌ, jam makiaꞌ dho, gio gu tuꞌ na pim jix maachim kaꞌ, machiaꞌ pim dho, na guꞌ guiꞌ dɨɨlh jam makiaꞌ gu matdaꞌ. Na guꞌ dhiꞌ jaꞌpni ji buusan jia na jax noꞌñ mu paiꞌ kiicham paxiaraim nañ muiꞌ xi chu ñioꞌkdhaꞌ, na guꞌ bañ kupioꞌkdhaꞌ gu kiꞌñgob gu kiokam, miꞌ dhɨr baꞌ dai na bañ chiñiaꞌ nañ mu jaꞌk ba bakiaꞌ.

MAARKOS 11:24

Aañ moo jam aagiꞌñ noꞌ pim tuꞌ yaꞌ dɨr mu taan guñ Gɨꞌkoraꞌ jix dhaam jaꞌk soiꞌm ɨlhdhat, noꞌ pim moo pɨx pum aaꞌ nar puiꞌ kaꞌ na pim jax tɨɨdaꞌ, puiꞌ dho ji buusniaꞌ.

LUUKAS 11:9

Baꞌ aañ puiꞌp jam tɨtda, gu tuꞌ na pim taandaꞌ guñ Gɨꞌkoraꞌ, jam makiaꞌ dho. Piam gu tuꞌ na pim gaꞌngadaꞌ, jam aagiꞌñdhaꞌ ɨp. Gio noꞌ pim pɨx ji kɨɨsaim na pim bha tu soon kiꞌñgob, jam kupioꞌkdhaꞌ ɨp.

JUAN 10:30

Na guꞌ aañ gio guñ Gɨꞌkoraꞌ maaꞌn iiꞌmdaꞌ pɨx jup duuk ich gook dɨt.

JUAN 12:44

Baꞌp ja tɨtda ɨp gio gu Jesuus gɇꞌ kɨꞌn nam baꞌ kɇɇkɇꞌ: ―Gu jaroiꞌ noꞌt ba tɨ jɨɨꞌñ aañ jiñ bui, bɨɨx buiñor tɨ jɨɨꞌñdhaip jum duñiaꞌ guñ Gɨꞌkoraꞌ nat bhañ joot.

JUAN 13:31

Baꞌ miꞌ dhɨr jup kaiꞌch gu Jesuus nat paiꞌ pu ba jii gu Juudas: ―Xib dho gi baꞌ ampɨx jum ai ji nam paiꞌ dhuuk am xi machiaꞌ gu jaꞌtkam nañ aañ jaꞌxbuiꞌp jir gɇꞌkam na guñ Gɨꞌkoraꞌ nat bhañ joot.

JUAN 14:14

Tɨꞌñchokat japim moo na pim aañ jiñ bui pɨx jix biiñak kat mu taandaꞌ guñ Gɨꞌkoraꞌ gu tuꞌ na jam aꞌm jum aagaidhaꞌ. Aañ baꞌ pu maaꞌn jimdam bha jam joochxidhaꞌ, nañ guꞌx mat kaꞌ na pim aañ jiñ kaichuꞌ.

JUAN 14:6

Baꞌ gu Jesuus jup tɨtda: ―Aañiꞌ dhor diꞌ gux kɨɨꞌ boi na bhaan jum bhɨbhɨɨ jix dhaam jaꞌk na paiꞌ cham ka tu muukiꞌ. Jum aaꞌ na aañ jiñ bui tɨ jɨɨꞌñdhaꞌ gu jaroiꞌ na baꞌ jimiaꞌ jix dhaam jaꞌk buiñor guñ Gɨꞌkoraꞌ.

JUAN 15:16

Aañ bɨɨpɨꞌ jam tɨɨgɨk jam daa jia bɨɨx jɨꞌmaꞌn na pim bañ kaichgɨdaꞌ xib, cham tuꞌ na pimɨt aapiꞌm bɨɨpɨꞌñ chɨɨgɨk bhaiꞌ jiñ kai. Baꞌ aañ xib puiꞌ ɨlhiiꞌñ na pim naiꞌ xi jimiaꞌ bɨɨx kap na pim jix bhaiꞌm duukam jup tu duiñpuꞌ jiñ aꞌmkam. Gammɨjɨ pim pɨx bhaan ji baapmigiaꞌ, na ñich guꞌ pu chuꞌm kɨꞌn jam aꞌm tɨ tɨɨgɨk ba jam daa bɨɨx jɨꞌmaꞌn. Baꞌ guñ Gɨꞌkoraꞌ dɨɨlh jam maakidhaꞌ jiñ aꞌmkam gu tuꞌ na jam aꞌm jum aagaidhaꞌ na pim paiꞌ dhuuk mu taandaꞌ.

JUAN 15:7

’Guꞌ noꞌ pim moo miꞌ puiꞌ jiimɨt nañ jax tu jam aꞌgiꞌñ gammɨjɨx biiñak kat aañ jiñ bui, jam kɇɇkɇt jam maakidhaꞌ ji guñ Gɨꞌkoraꞌ sia tuꞌ na pim yaꞌ dɨr mu taandaꞌ.

JUAN 16:23

’Janoꞌ pim dho gi cham tuꞌ bhaan jax jim aagɨt tuꞌp ka xiñ chɨkkam kaꞌ ji noꞌ ñich gio yaꞌp ba ai duadɨk, na guꞌ dai na pim puꞌñi joidham jix bhaiꞌ bam taat kaꞌ. Baꞌ miꞌ dhɨr noꞌ pim tuꞌ ba taan guñ Gɨꞌkoraꞌ aañ jiñ buix biiñak kat, jam makiaꞌ dho maaꞌn jimdam jiñ aꞌmkam.

JUAN 16:26

Cham tuꞌ kam aaꞌndaꞌ nañ aañ soiꞌ tɨɨꞌntuꞌndaꞌ guñ Gɨꞌkoraꞌ na baꞌ jam makiaꞌ gu tuꞌ na pim yaꞌ dɨr mu taandaꞌ, jaꞌpji noꞌ pim aañ jiñ buix biiñak pɨx, pu jotmodaꞌ jam makiaꞌ gu tuꞌ na pim tañiaꞌ.

JUAN 16:7

Guꞌ aañ miꞌx bhaiꞌ jam tɨtda ji. Na guꞌ noꞌñ yaꞌ pu oirɨ, cham jɨꞌxdhaꞌ bha jimiaꞌ guiꞌ nañ aaꞌ na gammɨjɨ jam buip tuiꞌkaꞌ na jam nuukdaidhaꞌ gio na jam guguuxdhatgɨdaꞌ. Guꞌ cham noꞌ ñich mu jii, nañ guꞌ bhammɨ ɇɇji bhɨjɨ xi jam joochxidhaꞌ.

JUAN 4:10

Baꞌ gu Jesuus jup tɨtda: ―Aap guꞌ moo cham jax ji kaiꞌchɨt alhiꞌch xiñ baxbhidhaꞌ jiñ jaduuñ, nap guꞌ cham maat nañ jir tuꞌp tuꞌm daꞌ aañ nañ yaꞌm taan gu suudaiꞌ, ni kup jix maat na tuꞌm makiaꞌ gu Dios noꞌp moo soiꞌm ɨlhdhai ba taandaꞌ gɨt. Pu kani noꞌ pich aap soiꞌm ɨlhdhak jiñ chaa gu suudaiꞌ, jix kɨɨꞌ ji nañ jum makiaꞌ na jax chuꞌm kɨꞌn jix bhaiꞌ ba tum jimdaꞌ noꞌ pich ba ii.

JUAN 4:14

Guꞌ gu suudaiꞌ nañ aañ jax chuꞌm tu maak, cham tuꞌ ka tanoom kaꞌ ji gu jaroiꞌ noꞌt ba ii, na guꞌ gammɨjɨ pu bhaan ba baꞌpundaꞌ, na guꞌ bhaan ba tɨ nɨidhidhaꞌ guñ Gɨꞌkoraꞌ na baꞌ cham tuꞌ ka tulhiiñchudaꞌ, dai na ba baidhikaꞌx dhaam jaꞌk.

JUAN 5:19

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌñ jaaduñ, ni jɨꞌx kur puiꞌ iam na pim jax jum aaꞌ. Na guꞌ aañ cham tuꞌp tu bua gu tuꞌ nar jix bhaiꞌm duukam gu aañ dɨɨlh pɨx, sia kuñ jir maraaꞌn gu Dios, guꞌ ji noꞌt puiꞌ ba tɨi guñ Gɨꞌkoraꞌ nañ tuꞌ jax duñiaꞌ nañ baꞌ aañ miꞌ dhɨr puiꞌp tu duñiaꞌ bhaankamuꞌn. Na guꞌ bɨɨx na jɨꞌk tuꞌ jax buadaꞌ guñ Gɨꞌkoraꞌ, aañ miꞌ dhɨr bhaankamuꞌn puiꞌp tu duñiidhaꞌ.

JUAN 7:37

Baꞌ janoꞌ nam baꞌ moo ba tɨɨmuꞌ nam tu piastat gu Israel kam jaꞌtkam, mi jaꞌp kɨkbuk jup ja tɨtda gu Jesuus gɇꞌ kɨꞌn nam baꞌ bɨɨx kaayaꞌ: ―Noꞌ jaroiꞌx chanoom, jum aaꞌ na soiꞌm ɨlhdhaiñ chañiaꞌ gu suudaiꞌ na baꞌ tu iꞌyaꞌ.

1 KORIINTO KAM 14:13

Baꞌ noꞌ guꞌ jaroiꞌr aꞌmkamuꞌn na tu daandaꞌ gu jumai ñiꞌook kɨꞌn, xi chañiaꞌ ɨp gu Dios na puiꞌp jir aꞌmkamuꞌn kaꞌ nax maatɨt kɇɇkɇꞌ dhi jumai ñiꞌook na baꞌp ja aagiꞌñdhaꞌ bɨɨx nam jɨꞌk miꞌ paiꞌ maap jup tuiꞌkaꞌ na jax jir jum duukam.

EEPESO KAM 2:18

Gio nat muu pɨx guch Xoiꞌkam bhaan gu uꞌuux na gai bɨɨt nach baꞌ maaꞌn iiꞌmdaꞌ pɨx bap duuk. Aapiꞌm na pim cham jir Israel kam jaꞌtkam jach jam bui maaꞌn iiꞌmdaꞌ bap duuk, gio aapiꞌm mu dɨr bha jaꞌk puiꞌ maaꞌn iiꞌmdaꞌ pɨx bap duuk jich bui aach nach jir Israel kam jaꞌtkam. Baꞌ maaꞌn iiꞌmdaꞌp duiñchugɨt jach amuub bap tuꞌiiꞌ buiñor gu Dios jich Gɨꞌkoraꞌ. Baꞌ puꞌñi nach jax maaꞌn iiꞌmdaꞌ bap duiñchuꞌ, maap bɨɨx jach buiñor aayaꞌ gu Dios.

EEPESO KAM 3:12

Baꞌ taxchaabgiꞌñ ich guch Xoiꞌkam nat jix bhaiꞌch dhuu, dhiꞌ nach jaroiꞌ buiñor tɨ jɨɨgiꞌñ, na guꞌ xib bax bhaaiꞌ nach miaꞌn aayaꞌ buiñor gu Dios cham tuꞌ bhaan ji chotdonɨt.

EEPESO KAM 3:14

Baꞌ bɨɨx dhiꞌ pu kaiꞌñkam jañ jiñ oꞌlhia kɨꞌn kɨɨkat gammɨjɨ buiñor tu daan gu Dios, dhiꞌ nar Gɨꞌkorgaꞌn gu Gɇꞌkam jich Xoiꞌkam,

PILIIPOS KAM 4:13

Bɨɨx aixim cham tuꞌ bhaan jax jir jiñ aaꞌndam iñ kiaꞌ, na guꞌ guch Xoiꞌkam pɨx nañ aꞌm tɨ nɨidhidhat jiñ palhbuiꞌñchuꞌ nañ baꞌ bɨɨx aixim bhaan jix chu nakooꞌndaꞌ.

KOLOOSAS KAM 3:17

Gio bɨɨx na pim jɨꞌk jax kaiꞌchdhaꞌ, piam na pim jɨꞌk tuꞌ jax buadaꞌ, puiꞌ pim jaꞌk buadaꞌ na jax jaꞌk bhaan jix maatɨꞌ kaꞌ na pim aapiꞌm sɨlhkam kaichuꞌ guch Xoiꞌkam nar Gɇꞌkam. Xi taxchaabgidhat japim ɨp baꞌ gu Dios jich Gɨꞌkoraꞌ nat jix bhaiꞌ ba duu jam aꞌmkam guch Xoiꞌkam.

ISRAEL KAM 13:15

Baꞌ aañ jam guguuxiꞌñ jiñ jaaduñ nach gammɨjɨ mu daañchuꞌndaꞌ guch Gɨꞌkoraꞌ jix dhaam, gam nach taxchaabgiꞌñdhaꞌ nat jix bhaiꞌ ba duu nat bha joot guch Xoiꞌkam na puꞌñi yaꞌ tuch ñamkixdhaꞌ guch uaꞌtulhdharaꞌ, jaꞌp ji buusandaꞌ nach mu tu makgɨrxiꞌñdhaꞌ guiꞌ na kɨꞌn tuch uañiꞌñkaꞌ guch uaꞌtulhdharaꞌ.

ISRAEL KAM 4:15

Guiꞌch palhbuiꞌñkaꞌ noꞌch tuꞌ bhaan cham ka xi ja buatuꞌ, na guꞌ guch Xoiꞌkam na puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu juan, jix bhaiꞌx maat na giilhim jir tulhiiñaraꞌ yaꞌ dhi oiꞌñgaꞌn, na guꞌ dɨɨlh puiꞌp jum tulhiiñaimɨk janoꞌ na yaꞌ xi oilhimɨk. Tɨi mamaiꞌchimɨk gu jaꞌook na sap baꞌm uaꞌtulhdhaꞌ gɨt, guꞌ ji nat guꞌ cham jɨꞌxkat maꞌiich. Baꞌ cham tuꞌ bhaan jum uaꞌtulhdhak guch Xoiꞌkam, puiꞌ kuñ baꞌp kaiꞌch nax maat na giilhim bɨxchuꞌ bhaan tu mamaiꞌchɨk gu jaꞌook yaꞌ dhi oiꞌñgaꞌn.

ISRAEL KAM 7:25

Baꞌ dhiꞌ yaꞌ dɨr jaꞌp jaꞌk pu gammɨjɨ bax bhaaiꞌn kaꞌ na ja baidhikaꞌx dhaam buiñor gu Dios jɨꞌk nam mux jimiik kaꞌ, na guꞌ dhiꞌ yaꞌ dɨr jaꞌp jaꞌk gammɨjɨ pu ba jaiꞌch kaꞌ, nach aꞌmkam ñiokdaꞌ buiñor gu Dios.

SANTIAGO 1:5

Baꞌ noꞌ pim guꞌ jaiꞌ dhɨt aapiꞌm jix bhaiꞌx maachik na jax pɨk jaꞌk moox aaꞌ gu Dios na pim tuiꞌñgɨdaꞌ, soiꞌm ɨlhdhai pim muiꞌ xi chañiaꞌ gu Dios. Guiꞌ jam makiaꞌ maaꞌn jimdam gu matdaꞌ cham jax ji chɨꞌji, gɇꞌ cham daaxix kam, na pim baꞌ miꞌ dhɨr kɨꞌn bhaiꞌ ji machiaꞌ puꞌñi na jax pɨk jaꞌk jix aaꞌ na pim tuiꞌñgɨdaꞌ.

SANTIAGO 5:16

Puꞌñi jaꞌk jum aaꞌ na pim duiñchuꞌndaꞌñ jaaduñ. Xi chu aꞌgat japim xi chum uañdhat maaꞌn ñiꞌook xip buaꞌt noꞌ pimɨt tuꞌ bhaan mam uaꞌtulh dai aapiꞌm jam bui, na baꞌ guꞌp jam kɇɇkɇꞌ gu Dios na pim paiꞌ dhuuk puꞌñi soiꞌ ba tɨtdadaꞌ na pim tum daañxiꞌñdhaꞌ bɨɨx jɨꞌmaꞌn na jam duduaꞌñdhaꞌ noꞌt ba ji jam ai gu jax chuꞌm koꞌkdaiꞌ, sia gu jam iꞌiiꞌmdaꞌ bhaan. Na guꞌ gu jaroiꞌ noꞌ moo miꞌ puiꞌ xi dhuiñchuꞌ na jax jaꞌk moox aaꞌ guch Gɨꞌkoraꞌ, bɨxchuꞌx bhaiꞌm duukam jix bhaaiꞌ na pu tu duñiaꞌ bhaankamuꞌn, na guꞌ kɇɇkɇꞌ na paiꞌ dhuuk muiꞌ ba taandaꞌ.

1 PEEGRO 2:5

Baꞌ aapiꞌm noꞌ pim moo bɨɨx jam jujur kɨꞌn tɨ jɨɨgiꞌñ buiñor guch Xoiꞌkam, gu Dios pu chuꞌm jup jam duñiaꞌ na jax gu joodai gux kɨkɨɨꞌ joidham, miꞌ dhɨr baꞌ kɨꞌn kɨɨsaꞌ gux abhaar gu chiopgaꞌn. Piam na pu chuꞌm jup jam duñiaꞌ na jax guiꞌ nam miꞌr gɇꞌgɇrkam kaꞌ jax chuꞌm chiop, nam miꞌ oipot tu makgɨrxiꞌñdhaꞌ gu Dios gam nam tu kubhioñxiꞌñdhaꞌ na gammɨjɨ guiꞌ na joidham jix kɨɨgalhdhidhaꞌ. Aapiꞌm puꞌñip ji bubuakiaꞌñ jaaduñ noꞌ pim moo pɨx bhaan ji baapmigim na pim miꞌ puiꞌ jiimɨt jix biiñak buiñor guch Xoiꞌkam nar gɇꞌp jum duukam buiñor gu Dios,

1 JUAN 3:22

Baꞌ guiꞌ xi jam joiꞌndat tu jam maakidhaꞌ bɨɨx na pim jɨꞌk tuꞌ mu taandaꞌ bhammɨ jaꞌk na paiꞌp tuꞌiiꞌ, na guꞌx mat kaꞌ na pim tuꞌ kaꞌm nɨidhat miꞌ puiꞌ bhɨichgɨdaꞌ na jax chu daaxix gux bhaiꞌm kaiꞌchdham ñioꞌkiꞌñ gam na jax pɨk jaꞌk jix aaꞌ.

1 JUAN 5:14

Na guꞌ aach nach jɨꞌk ba tɨ jɨɨgiꞌñ buiñor guch Xoiꞌkam, dai gu Dios jach pɨx buiñor bax biiñak, nach guꞌx maat nach kɇɇkɇꞌ nach paiꞌ dhuuk soiꞌch ɨlhdhat mu taandaꞌ gu tuꞌ nach aꞌm jum aaꞌndaꞌ, noꞌx maat na sɨlhkam jich aꞌm jum aaꞌ.