JUAN 13:3 - Tepehuano Tepehuán del Sureste (Durango)

³ Gu Jesuus puiꞌ pɨx xim aaꞌ juraꞌram bhaan nat bam ai na paiꞌ dhuuk giop ba jimiaꞌx dhaam buiñor gu Dios nat jaroiꞌ bha joot. Pux bhaiꞌx maat guꞌ na bɨɨx bhaan ji chu biꞌyaꞌ sia nar tuꞌ, gam na bɨɨx tu daam ba kɨɨkaꞌ yaꞌ dhi oiꞌñgaꞌn.

JUAN 13:3 ပူးပေါင်းရင်းမြစ်များ

MATEO 11:27

Miꞌ dhɨr baꞌ moo jaꞌpni bhaiꞌp ji chu ja aꞌgi gu jaꞌtkam, jup ja tɨtda: ―Aañ bhañ joot guñ Gɨꞌkoraꞌ jix dhaam dɨr nañ baꞌ bhaankam ya jaꞌp ja aagiꞌñdhaꞌ gu jaꞌtkam na tuꞌr jix bhaiꞌm duukam. Baꞌ dɨɨlh pɨx jix maat guñ Gɨꞌkoraꞌ nañ jir tuꞌp tuꞌm daꞌ, nañ guꞌr Maraaꞌn, gio aañ yaꞌ dɨr mu jaꞌk dɨɨlh pɨx jup jix maat ɨp guñ Gɨꞌkoraꞌ nar tuꞌp tuꞌm daꞌ. Ku baꞌ guꞌ gu jaroiꞌ noꞌ moo jaꞌp tuꞌ sɨlhkam kɨꞌn jix maachim nach jir tuꞌp tuꞌm daꞌ gook dɨt guñ Gɨꞌkoraꞌ, aañiꞌ dho aagiꞌñdhaꞌ.

MATEO 28:18

Baꞌ gu Jesuus amuub xi ɇɇk jup ja tɨtda: ―Guñ Gɨꞌkoraꞌ gɇꞌkam kɨꞌn jiñ dhai jix dhaam jaꞌk gio yaꞌ dhi oiꞌñgaꞌn bhaan.

LUUKAS 10:22

Baꞌp ja tɨtda guiꞌ nam miꞌp tuꞌiiꞌ: ―Aañ bɨɨx tuñ maa guñ Gɨꞌkoraꞌ na jɨꞌk tuꞌx chu jaiꞌch, na guꞌ dai aañ jix bhaiꞌ xiñ maat nañ jir tuꞌp tuꞌm daꞌ, nañ guꞌr maraaꞌn. Gio aañ yaꞌ dɨr mu jaꞌk dai aañ dɨɨlh pɨx jup jix maat guñ Gɨꞌkoraꞌ nar tuꞌp tuꞌm daꞌ. Guꞌ baꞌ gu jaroiꞌ noꞌx maachim nach jir tuꞌp tuꞌm daꞌ gook dɨt, aañiꞌ dho aagiꞌñdhaꞌ.

JUAN 1:18

Noꞌ chakui jich aagiꞌñdhaꞌ gɨt, pu chakui machiaꞌ ich gɨt. Guꞌ ji nat guꞌ siamri xich joiꞌndak bhaiꞌ xich guguuxdharak, sia ku jaꞌxbuiꞌp jir gɇꞌkam na guch Gɨꞌkoraꞌ, na guꞌ dɨɨlh gu Dios cham jɨꞌxkat yaꞌ paiꞌm maaxdhaꞌ maaxik nach gɨt iam jup ba machiaꞌ na jax jir tuꞌm kam.

JUAN 13:1

Baꞌ takaab dɨr na baꞌ moo bam aayaꞌ gu bhaan Paaskua taꞌm nam paiꞌ dhuuk tu piastatdaꞌ gu Israel kam jaꞌtkam, pux bhaiꞌ bax maat gu Jesuus nat bam ai na paiꞌ dhuuk giop ba jimiaꞌx dhaam buiñor guch Gɨꞌkoraꞌ nat paiꞌ dhɨr bha jii. Cham jax bua sia ku mɨt dɨɨlh yaꞌ ji bii guiꞌ nam jɨꞌk kaichuꞌ, na guꞌ puiꞌ na jax jix ja joiꞌndat bax ja daꞌdaꞌ sia kut ba jii nat jax jix ja joiꞌgɨlh yaꞌ dhi oiꞌñgaꞌn na ja bɨɨm oilhimɨk.

JUAN 17:2

Na pich puiꞌñ chɨɨdak bhañ joot nañ aañ yaꞌ ja aꞌmkam mukiaꞌ dhi jaꞌtkam, nam baꞌ miꞌ dhɨr puꞌñi bhaiꞌ ji machiaꞌ nap jir tuꞌp tuꞌm daꞌ. Baꞌ miꞌ dhɨr bax bhaaiꞌn kaꞌ nañ ja baidhikaꞌx dhaam jaꞌk na pich jɨꞌk pɨx pu ja dai bɨjɨk dɨr nam puꞌñi jum bui aayaꞌ,

JUAN 3:13

’Na guꞌ aañ jix dhaam dɨr jimdat jup kaiꞌch na paiꞌ cham jaroiꞌ tɨ nɨiꞌñ, dai aañ nañ jir bhammɨ kam nat baꞌ bhañ joot guñ Gɨꞌkoraꞌ.

JUAN 3:35

Baꞌ na guꞌx dhaꞌdat jix kɨɨgalhiꞌñ guch Gɨꞌkoraꞌ gu Maraaꞌn, bɨɨx chu maa na tuꞌ ɨlhiiꞌñ. Dai guiꞌ bhaan jup tu tuꞌiiꞌ gu xib bɨɨx nach jɨꞌk tuꞌ cham ɨlhiiꞌñ aach.

JUAN 7:29

Dai aañ na ñich bhammɨ dɨr bha jii na paiꞌp tuꞌiiꞌ nat bhañ joot nañ baꞌx maat.

JUAN 7:33

Guꞌ ji na guꞌp ja tɨtda gu Jesuus na mɨt mu ba ai nam tɨi bax buuprak: ―¿Jax japim baꞌp jiñ dhuñiaꞌ, nañ guꞌ yaꞌ pɨx buusnichuꞌ? Jaꞌp pɨk ba ji jiiñ chi matgam bhammɨ jaꞌk buiñor guiꞌ nat bhañ joot,

JUAN 8:14

Guꞌ ji na guꞌp ja tɨtda gu Jesuus: ―Dho guꞌ cham jax bua ji sia kuñ dɨɨlh jiñ aꞌmkam ñiok, na guꞌr puiꞌ nañ jɨꞌk jax kaiꞌch, nañ guꞌx maat na ñich paiꞌ dhɨr bha jii gio nañ pa jaꞌk jim. Aapiꞌm na pim guꞌ cham maat nañ paiꞌ dhɨr jaꞌk jim gio nañ pa jaꞌk bhɨichuꞌ.

JUAN 8:42

Baꞌp ja tɨtda gu Jesuus: ―Matgam noꞌ Dios jir jam taat kaꞌ gɨt, xiñ kɨɨgalhiꞌñdhaꞌ pim gɨt ji, na ñich guꞌ aañ bhammɨ dɨr bha jii na paiꞌp tuꞌiiꞌ. Cham tuꞌ nañ dɨɨlh pɨx ya jaꞌp jimdat puiꞌ ba tu jam aꞌgidhim, guꞌ jaꞌpji gu Dios nat bhañ joot.

GU NOONBIꞌÑ GUCH XOIꞌKAM 2:36

’Baꞌ dhiꞌ bhaan jix maatɨꞌ jiñ jaaduñ aapiꞌm na pim jir Israel kam, na dhiꞌr diꞌ gu Jesuus na aagɨt jup kaiꞌch, guiꞌ na pimɨt jaroiꞌ tu chia nam kuruus taꞌm sissapaꞌ, nat gɇꞌkam kɨꞌn dai gu Dios na baꞌ puꞌñir jich Xoiꞌkam kaꞌ.

1 KORIINTO KAM 15:27

Gu Dios pɨx dɨɨlh puiꞌ jaꞌk tɨi na bɨɨx bɨtaaꞌn bap tu tuiꞌkaꞌ guch Xoiꞌkam na jɨꞌk tuꞌx chu jaiꞌch. Baꞌ na puiꞌ kaiꞌch gu Dios na bɨɨx bɨtaaꞌn bap tu tuiꞌkaꞌ guch Xoiꞌkam na jɨꞌk tuꞌx chu jaiꞌch, cham tuꞌ na bɨɨx jum aagɨt jup kaiꞌch gu Dios na bɨtaaꞌn bap tuiꞌkaꞌ guch Xoiꞌkam. Jax dhui na guꞌ guiꞌ pɨx baꞌ puiꞌ tu duiñchuꞌ na bɨtaaꞌn bap tu tuiꞌkaꞌ guch Xoiꞌkam bɨɨx na jɨꞌk tuꞌx chu jaiꞌch.

ISRAEL KAM 1:2

Baꞌ aach xib dai guch Xoiꞌkam jup jich mattuꞌn na jax jaꞌk jix aaꞌ gu Dios nach tuiꞌñgɨdaꞌ bɨɨx jɨꞌmaꞌn, puiꞌ baꞌ nat jax jaꞌk xi chu daasak na jax yaꞌ xi oilhimɨk. Dhiꞌ pɨx jir diꞌ guiꞌ nat jaroiꞌp duu dhi oiꞌñgaꞌn gio dhix dhaam bhaankamuꞌn gu Dios. Baꞌ bɨɨx na jɨꞌk tuꞌx chu jaiꞌch jir tu guiꞌ gaꞌn xib, nat guꞌ bɨɨx bhaan ji chu bii.