JUAN 12:38 - Tepehuano Tepehuán del Sureste (Durango)

³⁸ Puiꞌ ji chu buus nat jɨꞌk jax tu uaꞌnak gu Isaiiyas guiꞌ na bɨjɨk bhaankamuꞌn tu aꞌgimɨk gu Dios, nap jum kaiꞌch: Cham jɨꞌxkat jiñ jɨɨꞌñ jamɨt gu jaꞌtkam jiñ Gɨꞌkoraꞌ nañ alh tɨi pup tu ja aꞌgidhimɨk, ni sia kuñ chɨi ja nɨiꞌñchudat jix bhaiꞌm duukam jup tu bua.

JUAN 12:38 ပူးပေါင်းရင်းမြစ်များ

MATEO 15:7

Bak guꞌr puiꞌ nat jax jaꞌk tu uaꞌnak gu Isaiiyas guiꞌ na bɨjɨk bhaankam tu aꞌgimɨk gu Dios na aapiꞌm jam aagɨt jup kaiꞌch, na jaꞌpnim kaiꞌch:

MATEO 16:17

Baꞌp tɨtda gu Jesuus: ―Jaꞌp moo joidham jix bhaiꞌ tum jii Simoon aap nap jir maraaꞌn gu Jonaas, nat guꞌ cham tuꞌ jaroiꞌ yaꞌ kam dhi oiꞌñgaꞌn jum aaꞌñ gu dhiꞌ puiꞌ na pich jax jaꞌk tɨi nañ jir tuꞌp tuꞌm daꞌ aañ, guꞌ guñ Gɨꞌkoraꞌ ji guiꞌ nax dhaam jup tuꞌiiꞌ nat jum aaꞌñ.

MATEO 27:35

Baꞌ gatuuk na mɨt paiꞌ dhuuk bhaiꞌ xi sissapak bhaan gu kuruus, xim mamaiꞌchɨk jamɨt gu sandaaruiꞌx aꞌlhiok xi chu uꞌuuk gu jajannulhiꞌñ. Puiꞌ ji chu buus nat jax tum uaꞌnak bɨjɨk, nap jum kaiꞌch: “Aꞌlhiok jamɨt xi chu uꞌuuk guñ jajannulh.”

JUAN 12:37

Baꞌ pu cham tɨ jɨɨgiꞌñ am gu Israel kam jaꞌtkam buiñor gu Jesuus sia ku tɨi ja nɨiꞌñchudat jix bhaiꞌm duukam jup tu bua.

JUAN 12:39

Gio baꞌ jaꞌpnip tu uaꞌnak gu Isaiiyas kum baꞌ cham tɨ jɨɨgiꞌñ gu Israel kam jaꞌtkam buiñor gu Jesuus, na jaꞌpni muiꞌ ji kɨksa:

JUAN 15:25

Ku baꞌ guꞌ dhiꞌ miꞌ pɨx puiꞌ ba jim ji na bhaan pɨx jum kuugalhdhaꞌ na jax jum kaiꞌch mi uꞌuan taꞌm nat paiꞌ tum uaꞌnak bɨjɨk nap jum kaiꞌch: “Jaꞌp pɨx ji guꞌ moo na mɨt bhaiꞌ jiñ bhaamki.”

JUAN 17:12

Na guꞌ aañ nañ jɨꞌx ja bɨɨm oilhimɨk, siamri cham tuꞌ maaꞌn jiñ ñakgak maiꞌ gɨi ji, nañ guꞌx bhaiꞌ ja nuukdaidhat gam nañ ja palhbuiꞌñchuꞌndat bɨɨx aixim bhaan. Dai dho siamri guiꞌ na maaxik jiñ kɨɨsaꞌ nam boiñ bhɨichdhaꞌ na baꞌ maiꞌ ba gɨɨxix, na jax pu pu chuꞌm kɨꞌn daaxix na baꞌ bhaan jum kuugalhdhaꞌ nat jax tum uaꞌnak bɨjɨk nam dhiꞌ aagat jup kaiꞌch.

JUAN 19:24

Baꞌp jum tɨ tɨtda am: ―Cham jach saasasdaꞌ, jaꞌpji nach jich mamaiꞌchiaꞌ, ea jaroiꞌx pɨk bhaan ji biꞌyaꞌ. Baꞌ dhiꞌ bhaan puiꞌ ji chum kuugalh nat jax tum uaꞌnak bɨjɨk nap jum kaiꞌch: “Aꞌlhiok jamɨt xi chu uꞌuuk guñ jajannulh, gio gu tɇb jiñ kutuun jamɨt xim mamaiꞌchɨk xi bhɨɨk.” Puiꞌ mɨt dho tu dooda gu sandaaruiꞌx na jɨꞌk jax jum kaiꞌch.

ROOMA KAM 10:16

Guꞌ ji na guꞌ cham tuꞌ nam moo bɨɨx kɇɇji miꞌ puiꞌp jimiaꞌ na jax jum kaiꞌchdhaꞌ gux bhaiꞌm kaiꞌchdham ñioꞌkiꞌñ guch Xoiꞌkam, jaꞌp na jax jum kaiꞌch miꞌ nat paiꞌ tu uaꞌnak gu Isaiiyas bɨjɨk, jup jum kaiꞌch: “Aapiꞌ Dios, cham jaroiꞌ iam tɨ jɨɨꞌñdhak miꞌ puiꞌ ba ji jii sia ku mɨt tɨi ba kai gux bhaiꞌm kaiꞌchdham jum ñiꞌook.”

ROOMA KAM 10:20

Baꞌ jaꞌp jaꞌk gu Isaiiyas jix bhaiꞌ puiꞌp xi kaiꞌch bhaankamuꞌn gu Dios, jup kaiꞌch: Jiñ chɨɨ mɨt gu jaꞌtkam guiꞌ nam tɨi cham jiñ gaꞌnga, ja buiñ maax jañich gu jaꞌtkam guiꞌ nam cham jɨꞌx iam paiꞌ dhuuk tɨñ chɨkka.

1 KORIINTO KAM 1:24

Baꞌ guiꞌ nat jɨꞌk Dios ja aꞌm tɨ tɨɨgɨk puiꞌ ja duu nam tuꞌ sɨlhkam buiñor ba tɨ jɨɨgiꞌñdhaꞌ, bax maat am na bhaankam guch Xoiꞌkam tuch aꞌgiꞌñ gu Dios. Bɨɨx sia bhaankam guch Xoiꞌkam tu ja aꞌgiꞌñ guiꞌ nam jir Israel kam jaꞌtkam gio guiꞌ nam cham jir Israel kam.

GALAASIA KAM 1:16

bañ mattuda gu Maraaꞌn nañ baꞌ bhaankam naiꞌ ji chu aꞌgaꞌ gux bhaiꞌm kaiꞌchdham ñioꞌkiꞌñ na bhaan tu aꞌga nam jax jaꞌk dui cham mu jaꞌk ka bhɨɨyaꞌ gu jaꞌtkam nam paiꞌ gammɨjɨ miꞌ pup jum tulhiiñdhaꞌ, guiꞌ nam cham jir Israel kam jaꞌtkam jañ tu ja aꞌgidhaꞌ. Guꞌ baꞌ aañ janoꞌ cham paiꞌ mu paiꞌ gaagam gu jaroiꞌ nañ tɨkkaꞌ nañ jax jaꞌk ba ji chu duñiaꞌ ja bui gu jaꞌtkam, piam nañ jax jaꞌk ba ji chu ja aꞌgidhaꞌ.