JUAN 11:40 - Tepehuano Tepehuán del Sureste (Durango)

⁴⁰ Baꞌ gu Jesuus jup tɨtda: ―Matgam gu Dios cham tuꞌ xijaichuꞌn ji nax bhaiꞌm duukam jup tu duñiaꞌ. Jaꞌpji aapiꞌ noꞌp jix biiñak kat aañ jiñ bui bɨɨx jum jur kɨꞌn tɨ jɨɨgiꞌñ na puiꞌ ji chu buusniaꞌ jax ñap ɨlhiiꞌñdhaꞌ, nañ jax bam tɨtda bo bɨɨpɨꞌ.

JUAN 11:40 ပူးပေါင်းရင်းမြစ်များ

MATEO 17:20

Baꞌp ja tɨtda gu Jesuus: ―Dho na pim cham bɨɨx jam jujur kɨꞌn tɨ jɨɨgiꞌñ dho buiñor guñ Gɨꞌkoraꞌ. Na guꞌ noꞌ pim bɨɨx jam jujur kɨꞌn tɨ jɨɨgiꞌñdhaꞌ gɨt buiñor, sia ku pim guꞌ panaas cham tuꞌ bhaigɨm tuꞌiiꞌ, jaꞌp na jax gu mostaasa kai na panaas cham tuꞌ bhaigɨm tuꞌiiꞌ, aañ pu jam tɨtda na sia dhi oidhaꞌ jix bhaaiꞌ na pim pu tɨɨdaꞌ na maakam jaꞌk jimiaꞌ, puiꞌ dho ji chu buusniaꞌ noꞌ pim moo tuꞌ sɨlhkam tɨ jɨɨgiꞌñ buiñor guñ Gɨꞌkoraꞌ.

MAARKOS 9:23

Baꞌp tɨtda gu Jesuus: ―Dho guꞌ noꞌp guꞌ bax biiñak kaꞌ buiñor guñ Gɨꞌkoraꞌ, xib dho puiꞌ ji chu buusniaꞌ, na guꞌ guiꞌ cham tuꞌ xijaichuꞌn.

JUAN 1:14

Na guꞌ maaxik yaꞌ xi oilhimɨk guiꞌ na joidham gɇꞌ tanoor maaꞌnkam jup jum duuk. Jir diꞌ pɨx gu jumai na jaꞌxbuiꞌp jir gɇꞌkam na guch Gɨꞌkoraꞌ. Aach jaiꞌ dhɨt jix bhaiꞌx maat, nach guꞌ bɨɨmaꞌn oipimɨk na jɨꞌx juugɨt yaꞌ oilhimɨk. Jix bhaiꞌ tɨɨgɨk jachich na cham tuꞌr jaꞌppɨx maaꞌnkam, nat guꞌ cham jɨꞌxkat iatdaꞌ tu aꞌgimɨk, dai na joidham jix chu joiꞌgɨꞌndaꞌ pɨx.

JUAN 11:4

Baꞌp kaiꞌch gu Jesuus nam ba aagiꞌñ: ―Cham tuꞌ pu mukiaꞌ ji matgam guñ jaduuñ noꞌt moo jaꞌp jix ioꞌm jup ma ai guiꞌ gu koꞌkdaiꞌ na jax chuꞌm ɇɇ. Matgam guꞌ dhiꞌ na bhaan pɨx matgilhiaꞌ ji na giilhim bɨxchuꞌx aichuꞌn na pu tu duñiaꞌ gu Dios, gam na bhaan matgilhiaꞌ ɨp nañ aañ jaꞌxbuiꞌp jir gɇꞌkam na guñ Gɨꞌkoraꞌ nat bhañ joot.

JUAN 12:41

Pux maat jia gu Isaiiyas na guch Xoiꞌkam giilhim jir gɇꞌkam, puiꞌ kut baꞌ puꞌñi jaꞌk tu uaꞌnak na dhiꞌ aagɨt jup kaiꞌch na jɨꞌk jax tu duñiaꞌ.

JUAN 9:3

Baꞌ gu Jesuus jup ja tɨtda: ―Cham tuꞌ ji na tuꞌ ja uaꞌtulhdharaꞌ gu gɨꞌkorgaꞌn puiꞌ dhuuk am dhiꞌ, nix chuꞌ gu dɨɨlh uaꞌtulhdhargaꞌn. Jaꞌpji nat puiꞌ jaꞌk pu duu gu Dios na baꞌ gatuuk duaꞌñdhaꞌ na bhaan matgilhiaꞌ na cham tuꞌ xijaichuꞌn na pu tu duñiaꞌ.

ROOMA KAM 6:4

Janoꞌ na chich paiꞌ dhuuk jich bopko suudaiꞌ kɨꞌn, dhiꞌ jaꞌp jir jum duukam na mɨt maap guch Xoiꞌkam much chua tɨ dɨꞌn kɨr janoꞌ na mɨt paiꞌ dhuuk mua. Baꞌ na chich maap koi guch Xoiꞌkam, pu kaiꞌñkam maap koi chich nach baꞌ jaiꞌ puiꞌp duduadɨi giop baapmigiaꞌ nat jax jum duu guiꞌ. Miꞌ dhɨr baꞌ puꞌñi bar jix kɨkɨɨꞌ jaꞌtkam kaꞌ ich, jix bhaiꞌ ba tuch jimdaꞌ ɨp baꞌ, na guꞌ guch Gɨꞌkoraꞌ na bɨxchuꞌx bhaaiꞌ na joidham tuꞌm jup tu duñiaꞌ, duaꞌñ guch Xoiꞌkam.

2 KORIINTO KAM 3:18

Puiꞌ na jax aach na guꞌ cham tuꞌ tuꞌ kach iiñ guch buibas, puiꞌ pɨx baꞌ maaxik gɇꞌ tanoor ich, na guꞌch aꞌm jum maaxiꞌñ gu Dios na jax jir tuꞌm kam. Gammɨjɨch jix ioꞌm puiꞌch dhuñiim na jax jir tuꞌm kam gu Dios, na guꞌch Xoiꞌkam pɨx nap tu duiñchuꞌ, na guꞌr dhiꞌ pɨx gux Dhuuduꞌ kam jix Uañ Iiꞌmdaꞌ.

2 KORIINTO KAM 4:6

Nat guꞌ gu Dios guiꞌ nat tu chia bɨjɨk na miꞌ dhɨr jaiꞌchdhɨlhiaꞌ gux chu maax na paiꞌx chu tukgam, mɨmɨich guch jujur nach baꞌ puꞌñi ja bɨꞌñxidhaꞌ gu jaꞌtkam, nañ jaꞌpni kaiꞌñkam jup kaiꞌch nach ja aagiꞌñdhaꞌ gu jaꞌtkam na jɨꞌx jir gɇꞌkam gu Dios, gio na dhiꞌ pɨx bhaan jum maaxiꞌñ guch Xoiꞌkam na jax jir tuꞌm kam gu Dios.