JUAN 10:2 - Tepehuano Tepehuán del Sureste (Durango)

² Guꞌ noꞌt miꞌ dhɨr jaꞌk mu baa na paiꞌ kiidhaꞌ gu ja chikiir, dho gi guꞌr diꞌ kaꞌ ji gu bipiaꞌdam guiꞌ na jaroiꞌ ja nuukaꞌn,

JUAN 10:2 ပူးပေါင်းရင်းမြစ်များ

MATEO 15:11

Jax dhui na moo cham tuꞌ xidhuu gu tuꞌ koiꞌ noꞌ moo tu kuaꞌ pɨx gu jaroiꞌ. Guꞌ ji noꞌ giilhim kaiꞌch na jax cham jir am na baꞌ puiꞌm kaiꞌch nax xidhuu, na guꞌr uaꞌtulhdharaꞌ.

JUAN 10:14

’Guꞌ aañ matgam tuꞌ sɨlhkam ji nañ jir jix kɨɨꞌ bipiaꞌdam, cham jum aaꞌ na jaroiꞌñ ñamkiꞌñdhaꞌ. Jix bhaiꞌx ja mat kaꞌ iñ ɨp guiꞌ nam jɨꞌk jir jiñ kakasniraꞌ kaꞌ, gio guiꞌ mu dɨr bha jaꞌk puiꞌx bhaiꞌp xiñ mat kaꞌ am.

JUAN 10:7

Baꞌp ja tɨtda ɨp gio gu Jesuus: ―Tuꞌ sɨlhkam jañ yaꞌ pu jam tɨɨdaꞌ, aañ jir diꞌ gu kiꞌñgob bhaiꞌ nam paiꞌ dhɨr mu baapak gu kakasnir mɨjɨ jaꞌk ja chikiir am.

JUAN 10:9

Guꞌ xib aañ jir diꞌ ji gu kiꞌñgob bhaiꞌ na paiꞌ dhɨr mu tum bapkɨ mɨjɨ jaꞌk ɨrban dɨr, na baꞌ gu jaroiꞌ noꞌt jum guguuxdhak bhaiꞌ dhɨr mu baa dhiꞌ bhaan gu kiꞌñgob, joidham jix bhaiꞌ ba tu jimiaꞌ, na guꞌ bhaan ba tɨ nɨidhidhaꞌ guñ Gɨꞌkoraꞌ. Jaꞌp ji buusniaꞌ na jax maaꞌn gu kasnir na buusaidhai mɨjɨ dɨr chikiir tɨr gu bipiaꞌdam ba biaꞌraꞌ paiꞌ na joidham jix xaꞌiiꞌ kaꞌ, na baꞌx kɨɨꞌ kaꞌ jix dhuakam.

GU NOONBIꞌÑ GUCH XOIꞌKAM 20:28

Baꞌ xib dɨr jaꞌp jaꞌk jam aꞌm jum aaꞌ na pim miꞌ puiꞌ xi jiimdat nañ jax ba tu jam aꞌgiꞌñ na pim jix bhaiꞌ xi ja guguuxdhat guiꞌ nam puiꞌp tɨ jɨɨgiꞌñ buiñor guch Xoiꞌkam, nat guꞌ pu kaiꞌñkam jam aꞌm bam tajaa jia gux Dhuuduꞌ kam jix Uañ Iiꞌmdaꞌ. Baꞌ jaꞌp ji buusandaꞌ pim na jax gu bipiaꞌdam, na pim guꞌ ja guguuxiꞌñdhaꞌ guiꞌ na pim maap tu daan buiñor gu Dios nam baꞌ cham maakam pɨx ba jujurtɨkaꞌ, nat guꞌ ba ja sabaꞌlh gu ɨꞌraꞌn kɨꞌn guch Xoiꞌkam nat jum jaax.

1 TIMOTEO 4:14

Puiꞌp xi chu duñiaꞌ nap jax jaꞌk jix chaat jum jur am bhaan, nat guꞌ gu Dios dhiꞌ bhaan jum aꞌm ba tɨ tɨɨ. Nap guꞌp kaiꞌch nap bhaankam jix chu juanam gu Dios, puiꞌ ku mɨt baꞌ puiꞌ jaꞌk tum daañxi bhaiꞌ xim daagɨk guiꞌ nam bɨjɨk dɨr ba tɨ jɨɨgiꞌñ buiñor guch Xoiꞌkam.

TIITO 1:5

Janoꞌ na ñich jax bhammɨ dɨr xim doꞌñchok Kreeta, jup xim tɨɨdak jañich nap aap baꞌr diꞌ kaꞌ nap tɨ tɨɨmoꞌ nat jɨꞌk tuꞌ tu bii nach jax ka tu buaꞌt. Gio baꞌ nam paiꞌ jax jum jumpaꞌn guch Xoiꞌkam jɨɨgiꞌñdham, saak jap jɨꞌmaꞌn naiꞌ ja darsaꞌ guiꞌ nam tu ja aꞌgiꞌñdhaꞌ nam jax jaꞌk miꞌ puiꞌ jiimdaꞌ gammɨjɨ. Gio nar miꞌ kam kaꞌ ja bui guiꞌ am gu jaroiꞌ nap daasaꞌ, gam na muiꞌ tanoolh ba tɨ jɨɨgiꞌñdhaꞌ buiñor guch Xoiꞌkam.

ISRAEL KAM 13:20

Baꞌ gu Gɇꞌkam Dios guiꞌ nat duaꞌñdhak giop bamiiꞌ guch Xoiꞌkam mu dɨr koiꞌñgaꞌn tɨr, guiꞌ na xib puiꞌ ji buusan nar jix kɨɨꞌ bipiaꞌdam, xi jam joiꞌndat tu jam uañiꞌñkaꞌ gu jam uaꞌtulhdharaꞌ kɨꞌn gu ɨꞌraꞌn nat jaax,

1 PEEGRO 2:25

Nach guꞌ aach jaꞌpni pɨx tuꞌt na jax gu kakaasnir noꞌ cham jaroiꞌ jaiꞌch na ja bipiaꞌdaꞌ, nam gammɨjɨ pɨx chaꞌtak jiimdaꞌ, jaiꞌ jaꞌp jaꞌk gio jaiꞌ jaꞌp jaꞌk. Guꞌ matgɨm xib bax maat ich ji na jaroiꞌr jix kɨɨꞌ bipiaꞌdam, guch Xoiꞌkam dho nach jaroiꞌ buiñor tɨ jɨɨꞌñdhat bax biiñak. Guiꞌ ji na baꞌch aꞌm tɨ nɨidhidhat jich nuukdaim nach baꞌ gammɨjɨx jɨjɨkgɨm bap tuiꞌkaꞌ, nach guꞌ cham tuꞌ maiꞌ ka suulhgix.

1 PEEGRO 5:4

Na baꞌ janoꞌ na paiꞌ dhuuk jich baidhikaꞌ guch Xoiꞌkam guiꞌ na jaroiꞌr jam gɇꞌkam tuk na pim tu bipiꞌñxiꞌñ gu kakaasnir gaꞌn, joidham jix bhaiꞌm ɨlhdhaꞌ pim buiñor, na guꞌ pɨx jix bhaiꞌ jam tɨɨdai ba jam tuttuidhaꞌ bɨɨx jɨꞌmaꞌn gu kuruun nax ioꞌm jix dhaꞌram namɨɨk, na pu cham jax jum bua, dhiꞌ baꞌ kɨꞌn jix ioꞌm gɇꞌkam kɨꞌn jix bhaiꞌ bam ɨlhdhaꞌ pim.

NAT JAX TƗ TƗƗ GU JUAN 1:20

Baꞌ xim aagiꞌñdhaꞌ iñ na jax jir jum duukam dhix xijum gook chiichiaꞌ nañ ja daaꞌ gio dhix xijum gook na bhaan jum tuttu gu kañdhiir nap yaꞌ nɨiꞌñ. Dho dhix xijum gook chiichiaꞌ, jir diꞌ am guñ chujuandam tuk guiꞌ nam mu jaꞌp bɨɨpɨꞌ dɨr guꞌkat ja aagiꞌñ gux bhaiꞌm kaiꞌchdham jiñ ñiꞌook guiꞌ nam bañ kaichuꞌ. Guꞌ baꞌ dhix xijum gook na bhaan jum tuttu gu kañdhiir, dhiꞌ pɨx puiꞌ jaꞌk jum maaxiꞌñ mu jaꞌp xijum gok kap nam paiꞌ jax jum jumpaꞌn nam jiñ dhaandaꞌ guiꞌ nam ba tɨ jɨɨgiꞌñ aañ jiñ bui.