JUAN 1:45 - Tepehuano Tepehuán del Sureste (Durango)

⁴⁵ Gu Piliip jup ma gaagam gu Natanail, jummɨ gama jaꞌk nat ba tɨɨ jup tɨtda: ―Ampɨx maat jachich dho gi ji baꞌ xib guiꞌ na saak bha jimdaꞌ jix dhaam dɨr nat jax tu uaꞌnak gu Moisees gio gu jaiꞌ nam bɨjɨk ya jaꞌp bhaankamuꞌn tu aꞌgimɨk guch Gɨꞌkoraꞌ nam dhiꞌ aagɨt jup kaiꞌch. Gu Jesuus bak jir diꞌ, maraaꞌn gu Josee Nasareet kam.

JUAN 1:45 ပူးပေါင်းရင်းမြစ်များ

MATEO 10:3

Gio baꞌ moo gu Piliip ɨp, gio baꞌ gu Bartolomee, gio baꞌ moo gu Tomaas ɨp. Gio baꞌ gu Mateo guiꞌ na bɨɨpɨꞌ dɨr jir tuumiñ tutaandam tugiꞌñ kat gux ioꞌm gɇꞌkam Rooma kam. Gio baꞌ moo gu jumai na puiꞌp tɨɨꞌ Jakoobo guiꞌ na Alpeo jir maraaꞌn, gio baꞌ moo gu Tadeo ɨp.

MATEO 13:55

¿Cham aa pɨn jir diꞌ nar maraaꞌn guiꞌ na uꞌuux tu jiibdat jup tu buadaꞌ gu bɨxchuꞌ, na Mariiya jir dɨꞌɨɨꞌn, nam jir jum jajaaꞌnnim gu Jakoobo, gio gu Josee, gio gu Simoon, gio baꞌ gu Juudas?

MATEO 2:23

Baꞌ nat jax mummɨ ai, miꞌ dhɨr mu jaꞌk jup bhɨi na puiꞌ tɨ tɨɨꞌ Nasareet. Baꞌ dhiꞌ puꞌñi jaꞌk jum kuugalh gu puiꞌ na mɨt jax jaꞌk tu uaꞌnak guiꞌ nam bɨjɨk bhaankam tu aꞌgimɨk gu Dios, na saak guch Xoiꞌkam puiꞌ jaꞌk jix mat kaꞌ am gu jaꞌtkam: Jesuus Nasareet kam.

MATEO 21:11

Baꞌ jaiꞌ dhɨt jup kaiꞌch am: ―Dho dhiꞌ dhor diꞌ gu Jesuus guiꞌ na bhaankamuꞌn tu aꞌga gu Dios, guiꞌ na mummɨ kio Nasareet guiꞌ na miꞌ bipioꞌ na paiꞌ jax jir Galilea.

MAARKOS 14:67

Baꞌ miꞌ pɨx ji chɨɨ gu Peegro na miꞌ daakat ka juukaꞌ taikob, baꞌ bhaiꞌ xi ñɨidhimɨk jup tɨtda: ―¿Aap aa maadɨt jir diꞌ nap kaichuꞌ gu Jesuus Nasareet kam?

MAARKOS 6:3

¿Cham aar diꞌ guiꞌ na uꞌuux ka tu jibdaꞌ na bɨxchuꞌ kap tu buadaꞌ, na Mariiya jir dɨꞌɨɨꞌn, nam jir jum sɨspidhim gu Jakoobo gio gu Josee gio gu Juudas gio baꞌ gu Simoon? Gio gu uꞌuub sɨspidhiꞌñ, ¿cham aa pɨn yaꞌ tu bɨpnaꞌ am? Miꞌ puiꞌ xi kaiꞌchimɨk gan ji ɨɨ mɨt, nam guꞌ jaꞌppɨx maaꞌnkam ɨlhiiꞌñ.

LUUKAS 18:37

Baꞌp tɨtda am na Jesuus Nasareet kam mi jaꞌp jim muiꞌ ja bɨɨm gu jaꞌtkam.

LUUKAS 2:4

Puꞌñi duuk baꞌ gu Josee ma jii miꞌ dhɨr Nasareet na Galilea bhaan bipioꞌ gu dɨbɨɨr, bhammɨ jaꞌk bhɨi Beleen na paiꞌ Judea bhaan bipioꞌ ɨp guiꞌ gu dɨbɨɨr, nat guꞌ bhaiꞌ maaxir gu boxiiꞌñ Dabii nar gɇꞌkam kat bɨjɨk.

LUUKAS 2:48

Baꞌ na mɨt ba tɨɨ gu gɨꞌkorgaꞌn na paiꞌ daakat pɨx chuꞌ kaiꞌch, gampaiꞌ ji dhuuꞌn jamɨt ɨp sia, nam guꞌ cham jɨꞌxkat paiꞌ dhuuk puiꞌ nɨidhat gu jax chuꞌm alhii na jax jaꞌk tu jim gu Jesuus. Baꞌp tɨtda gu dɨꞌɨɨꞌn: ―¿Jax baꞌñ chioꞌñ ku pich baꞌch oꞌñxi? Naiꞌch chɨim gaaꞌñchuꞌ gook dɨt dhim taat jix buam jich aaꞌntugɨt.

LUUKAS 24:27

Baꞌ xi ja aagiꞌñ gu Jesuus puiꞌ moꞌram dɨr xi boosgaidhat na paiꞌ jaꞌp puiꞌm kaiꞌch nam dhiꞌ aagɨt jup kaiꞌch na mɨt tu uaꞌnak gu bɨjɨk dɨr kam. Mummɨ dɨr bhaiꞌ ji kɨi nat paiꞌ gu Moisees tu uaꞌnak, miꞌ dhɨr baꞌ gu jaiꞌ na mɨt puiꞌp tu uaꞌnak nam sia dhiꞌ pɨx aagɨt jup kaiꞌch.

LUUKAS 24:44

Baꞌp ja tɨtda ɨp gio nat xi koiꞌchok: ―Puꞌjani na tuñ dhoodaꞌ kuñ baꞌp jam tɨtdadaꞌ nañ mu jaꞌp jam bɨɨm oirɨdaꞌ, nam aayaꞌ gu tanoolh na paiꞌ dhuuk puiꞌ ji chu buusniaꞌ na jax tu aagix nat tu uaꞌnak gu Moisees na aañ jiñ aagɨt jup kaiꞌch, gio gu jaiꞌ na mɨt puiꞌ bhaankamuꞌn gu Dios jup tu uaꞌnak nam sia aañ jiñ aagɨt jup kaiꞌch, puiꞌ na miꞌ Salmos taꞌm.

LUUKAS 3:23

Baꞌ naiꞌ ji chu ja aꞌgi gu Jesuus gu jaꞌtkam na ba biaꞌkaꞌ jɨꞌk maaꞌn ooꞌm daman mambhɨɨx oidhaꞌ. Baꞌ puiꞌ ɨlhiiꞌñdhaꞌ am gu jaꞌtkam nar taataꞌn kaꞌ gu Josee, gio miꞌ dhɨr gu Josee, Elii jup jir taataꞌn kat.

LUUKAS 4:22

Baꞌ pɨx jix bhaiꞌm taat am bɨɨx gu jaꞌtkam nam miꞌp tuꞌiiꞌ nam joidham kɇɇ na tu aꞌga gu Jesuus, pɨx jup jum tɨ tɨtda am: ―¿Dhiꞌ aa gu Josee gu maraaꞌn?

JUAN 1:44

Gu Piliip jir Betsaida kam nar paiꞌ kam gu Anrees gio gu Peegro.

JUAN 12:21

Baꞌ dhiꞌ jɨꞌ nam griago kɨꞌn tu aꞌga, mu jaꞌp ji chɨɨgɨk ba tɨkka am gu Piliip guiꞌ nar Betsaida kam na Galilea dɨbɨɨr bhaan bipioꞌ, soiꞌ xi chɨtda am na baꞌ ja aagiꞌñdhaꞌ, jup tɨtda am: ―¿Paa jaꞌk jax chuꞌiiꞌ gu Jesuus? Noꞌ pich iam jich aaꞌñ jiñ jaduuñ. Aach tɨix ñioꞌkdhak ji.

JUAN 14:8

Baꞌ gu Piliip bhaiꞌp ji ñio, jup tɨtda ɨp gu Jesuus: ―Eap xich chɨɨꞌñchodak gu Dios na jax chuꞌm tɨ nɨiꞌñ jiñ jaduuñ, nach baꞌ cham jax jich aagɨt dai guiꞌ bhaan tɨtɨɨꞌñchokaꞌ pɨx baꞌ.

JUAN 18:5

Guiꞌp kaiꞌch am: ―Dho gu Jesuus guiꞌ na saak jir Nasareet kam. Baꞌ gu Jesuus jup ja tɨtda ɨp gio: ―Dho aañ jir diꞌ. ¿Tuꞌ gɨt? Bɨɨx mi jaꞌp eek kɨɨk ji guꞌ gu Juudas Iskarioti ja bɨɨm gu sandaaruiꞌx na miꞌ maaxik kɨksa gu Jesuus nam boi bhɨichdhaꞌ.

JUAN 18:7

Baꞌ giop xi ja tɨkka gu Jesuus, jup ja tɨtda: ―¿Jarooni aa pim gaꞌnga? Guiꞌr maaꞌn nam jax kaiꞌch, jup kaiꞌch am: ―Dho kaiꞌñkam gu Jesuus guiꞌ na saak jir Nasareet kam.

JUAN 19:19

Baꞌ gux kaiꞌ Pilaato nat jax dhaa maaꞌn gu taaꞌmla alhiꞌch komaarak paꞌ, miꞌ xi chu uaꞌna, jup jum kaiꞌch: “Gu Jesuus Nasareet kam, ja gɇꞌkam tuk gu Israel kam jaꞌtkam.” Miꞌ dhɨr baꞌ xi chu chia nam bhammɨ siispapuꞌ moꞌbon gu Jesuus na paiꞌ sissap.

JUAN 21:2

Maap miꞌ ka oipo am gu Simoon Peegro, gio baꞌ gu Tomaas guiꞌ nam Gook Dɨm jup jix mat kaꞌ, gio gu Natanail guiꞌ nar Kanaa kam na Galilea dɨbɨɨr bhaan bipioꞌ, gio baꞌ gook gu maamraꞌn gu Sebedeo, gio jaiꞌ gook pup nam puiꞌp kaichuꞌ gu Jesuus.

JUAN 6:42

Bhaiꞌ ji ñiokbo mɨt, jup kaiꞌch am: ―¿Jax ku baꞌ puiꞌ kaiꞌch dhi jaduuñ? ¿Cham aar diꞌ gu Jesuus tɨɨgim, maraaꞌn gu Josee, gio gu dɨꞌɨɨꞌn jach jup jix maat ɨp? ¿Jax gi ji ku baꞌp jich chɨtda: “Aañ bhammɨ dɨr jim jix dhaam”?

JUAN 6:5

Baꞌ muiꞌ pɨx jax ji ai mɨt gu jaꞌtkam nat ba ja tɨɨ gu Jesuus guiꞌ nam gatuuk dɨr mu jiimchuꞌ. Baꞌ gu Jesuus xi chɨkka gu Piliip, jup tɨtda: ―¿Jax jach baꞌ dui tu ja makiaꞌ dhi jaꞌtkam? ¿Tuꞌch kɨꞌn tu sabaꞌdaꞌ gu koiꞌ nach ja makiaꞌ?

JUAN 6:7

Baꞌp kaiꞌch gu Piliip: ―Dho pu ni jax dhui dho, nach guꞌ cham muiꞌ uaꞌ gu tuumiñ. ¿Tuꞌch gi kɨꞌn jup tu sabaꞌdaꞌ gu koiꞌ? Sia ku chich chi moo tɨi ma chu jua jɨꞌk xijum baik masaaꞌn, pu cham dho ja aix gu koiꞌ, sia ñich chi bɨɨx kaꞌm tu sabaꞌlh nañ jɨꞌk maiꞌchiaꞌ gu tuumiñ.

GU NOONBIꞌÑ GUCH XOIꞌKAM 10:38

Dho guꞌ puiꞌ dho na pim jax bax maat jiañ jaaduñ, nat gu Dios gɇꞌkam kɨꞌn bhaan tɨ tɨɨ gu Jesuus Nasareet kam gio nat gɇꞌ bhaan tajaa gux Dhuuduꞌ kam jix Uañ Iiꞌmdaꞌ, puiꞌ ku baꞌ joidham jix bhaiꞌm duukam xip tu buimɨk gu Jesuus, gio baꞌ na bha jaꞌp oirɨt ja duduaꞌñdhidhaꞌ guiꞌ nam jɨꞌk kam tulhiiñdhat nam jix kakoꞌk kaꞌ na puiꞌ jaꞌk ja duukaꞌ gu jaꞌook. Baꞌ dhiꞌ puiꞌ nat jɨꞌk jax tu duu, dhiꞌ gu Dios na bhaan tɨ nɨidhidhaꞌ, puiꞌ ku baꞌx bhaaiꞌ nat puꞌñi tu duu.

GU NOONBIꞌÑ GUCH XOIꞌKAM 2:22

’Pu kagɨt na pim moo alhio kapup xiñ kaayaꞌ jiñ jaaduñ Israel kam nañ jax jam tɨɨdaꞌ. Dho guꞌ gu Jesuus guiꞌ nar Nasareet kam, jir diꞌ dho guch Xoiꞌkam nat Dios bha jam joochxi aapiꞌm jam bui. Puiꞌ ku baꞌ joidham jix bhaiꞌ xi chu buimɨk na tuꞌr jix kɨɨꞌp jum duukam na jɨꞌx juugɨt yaꞌ xi oilhimɨk bhaan dhi oiꞌñgaꞌn.

GU NOONBIꞌÑ GUCH XOIꞌKAM 22:8

Baꞌ aañ xi chɨkka nar jaroiꞌ dhaꞌ, jaꞌp jañ chɨtda: “¿Jir jaroop gi dhaꞌ aapiꞌ Gɇꞌkam?” Baꞌ guiꞌp kaiꞌch na bhammɨ dɨr bha tuñ aꞌgiꞌñ: “Aa dho aañiꞌ dhor diꞌ gu Jesuus Nasareet kam guiꞌ nap jaroiꞌ oꞌbhagiꞌñchuꞌ.”

GU NOONBIꞌÑ GUCH XOIꞌKAM 26:9

’Aañ dho bɨɨpɨꞌ dɨr nañ chakui tɨ jɨɨꞌñdhat buiñor gu Jesuus Nasareet kam, puiꞌñ aaꞌndaꞌ iñ nañ bɨɨx aixim tu doodaꞌ na jax jaꞌk dui cham jaroiꞌ bhaan ka tɨtɨɨꞌñchukaꞌ gɨt buiñor.

GU NOONBIꞌÑ GUCH XOIꞌKAM 3:6

Baꞌ gio muiꞌp ji ñio gu Peegro, jup tɨtda: ―Cham uaꞌ iñ dho gu tuumiñ nañ jum makiaꞌ gɨt jiñ jaduuñ. Ku baꞌ guꞌm makiaꞌ iñ ji guiꞌ nap tuꞌ cham ɨlhiiꞌñdhaꞌ. Kap xi kɨkboꞌñ jaduuñ. Aañ yaꞌ pum tɨtda bhaankamuꞌn guch Xoiꞌkam gu Nasareet kam, nap xib dɨr jaꞌp jaꞌk ba tu oirɨdaꞌ.