GU NOONBIꞌÑ GUCH XOIꞌKAM 8:3 - Tepehuano Tepehuán del Sureste (Durango)

³ Gu Saulo guꞌ mɨlhchuꞌ ji na ja gaaꞌñchuꞌ guiꞌ nam jɨꞌk tɨ jɨɨgiꞌñ buiñor guch Xoiꞌkam, mɨjɨ jaꞌp baꞌpki chɨr baapkidhat ja tɨbaipput bha ja boosgaim gu chichioꞌñ gio gu uꞌuub. Miꞌ dhɨr baꞌ dai na ja uꞌtɨkat ja kuupaim bhaiꞌ nam paiꞌ ja kukpadaꞌ gu jaꞌtkam.

GU NOONBIꞌÑ GUCH XOIꞌKAM 8:3 ပူးပေါင်းရင်းမြစ်များ

GU NOONBIꞌÑ GUCH XOIꞌKAM 16:19

Baꞌ giilhim bhaiꞌ ji bhaak jamɨt guiꞌ nam jaroiꞌ miꞌ ka daaskaꞌ gu ubii tɨyaa, na guꞌ cham ka bhaaiꞌ nam jax dhui bhaan ka maiꞌchiaꞌ gu tuumiñ. Na guꞌ nam tɨi xi ñɨiꞌñ, ni jɨꞌx ku cham ka mamtɨ gu tuꞌ nam tɨi xi chɨkka gu jaꞌtkam namkidhat. Baꞌ ba daa mɨt gu Paablo gio gu Siilas, miꞌ dhɨr baꞌ dai na mɨt ba ja uꞌuuk mu jaꞌk ɨrban gu gɇꞌ kiicham ja bui gu gɇꞌgɇrkam.

GU NOONBIꞌÑ GUCH XOIꞌKAM 22:19

Baꞌ aañ bhaiꞌ tɨi soiꞌ ji chɨɨꞌn jaꞌp jañ chɨtda: “Jaꞌpji nam guꞌx maat nañ aañ bɨɨpɨꞌ dɨr mu jaꞌp naiꞌ ja daꞌngɨt ka ja tulhiiñchuꞌndaꞌ guiꞌ nam jɨꞌk tɨ jɨɨgiꞌñdhaꞌ aap jum bui, na jax aaꞌ kuñ puiꞌ ja gɨbdat ja koꞌktulhiꞌñdhaꞌ.

GU NOONBIꞌÑ GUCH XOIꞌKAM 7:58

Baꞌ na mɨt jax daa, gamaiꞌ bhɨich jamɨt mu jaꞌk dɨɨrap dɨr miꞌ gu gɇꞌ kiicham. Baꞌ miꞌ bhaiꞌ ji maꞌyasa mɨt joodai kɨꞌn guiꞌ nam miꞌ xi iattulhdhimɨk bɨɨpɨꞌ dɨr. Mi jaꞌp jamɨt xi chu darsak gu daam dɨr kam ja kuktun, xi chianɨk jamɨt maaꞌn gu biapmaꞌ Saulo tɨɨgim na sap miꞌ ka ja nɨiꞌñxiꞌñkaꞌ.

GU NOONBIꞌÑ GUCH XOIꞌKAM 8:2

Guꞌ baꞌ gu Teeban na mɨt mua, yaas jamɨt gu tukgaꞌn jɨꞌkchi gu jaꞌtkam nam jir jix bhabhaiꞌkam kaꞌ, gio baꞌ nam tɨi suan nam jix joiꞌgɨꞌn.

GU NOONBIꞌÑ GUCH XOIꞌKAM 9:21

Baꞌ bɨɨx guiꞌ nam jɨꞌk ba kaayaꞌ na puꞌñi tu aꞌgadaꞌ, miꞌ puiꞌ pup tuiꞌkaꞌ am, dai nam tɨim tɨ tɨkkadaꞌ dɨɨlh, jup kaiꞌchdhaꞌ am: ―¿Kux cham tuꞌ aa pɨn jir diꞌ guiꞌ na saak bhammɨ Jerusaleen oirɨt ja daꞌngɨt ja kukpadaꞌ guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, gio nat saak bha jii yaꞌ na ja daꞌngiaꞌ guiꞌ nam jɨꞌk puiꞌp tɨ jɨɨgiꞌñdhaꞌ buiñor guch Xoiꞌkam, na baꞌ ja uiꞌkaꞌ bhammɨ jaꞌk Jerusaleen ja bui gu ja gɇꞌgɇrkam tuk guiꞌ nam bhammɨ gɇꞌ chiop tu daandaꞌ ja aꞌmkam gu jaꞌtkam?

1 KORIINTO KAM 15:9

Puiꞌ kuñ baꞌ cham tuꞌ kaꞌm jiñ ɨlhiiꞌñ ja bui guiꞌ nam bɨɨpɨꞌ dɨr pu bar noonbiꞌñ guch Xoiꞌkam, ni ku iam xiñ ñamɨɨk nañ puiꞌñ chɨɨtɨꞌndaꞌ nañ puiꞌp jir nobiiꞌñ guch Xoiꞌkam, nañ guꞌx ja bhaamkidhat guiꞌ nam kaichgɨdaꞌ, jir jaꞌtkam tugiꞌñ kaꞌ guꞌ tɨi gu Dios.

GALAASIA KAM 1:13

Jix maat japim dho nañ aañ jax jir tuꞌm kat nañ chakui buiñor tɨ jɨɨꞌñdhat guch Xoiꞌkam, nañ miꞌ puiꞌ ka tu daaꞌñchuꞌndaꞌ nam jɨꞌk jax tu jim gu Israel kam jaꞌtkam guiꞌ nam cham tɨ jɨɨgiꞌñ buiñor guch Xoiꞌkam. Jix bhaamut jañ ja gaagidhaꞌ guiꞌ nam tɨ jɨɨgiꞌñ, jix ja koodaktuꞌndaꞌ iñ.

PILIIPOS KAM 3:6

Baꞌx ioꞌm jix joojoidhat miꞌ puiꞌ jimdaꞌ iñ nam jax jaꞌk tu jimdaꞌ, cham jaroiꞌ jaiꞌch kaꞌ na tuꞌ bhaan jax jiñ chɨɨdaꞌ, nam guꞌ bɨɨx pɨx jix mat kaꞌ nañ miꞌ puiꞌ jimdaꞌ. Baꞌ dhiꞌ bhaan gɇꞌkam jiñ chaatɨt bhaiꞌ ji ja tulhiiñchuda ñich guiꞌ nam ba tɨ jɨɨgiꞌñdhaꞌ buiñor guch Xoiꞌkam.

1 TIMOTEO 1:13

sia kuñ guꞌ bɨɨpɨꞌ dɨr giilhim jix bhaamut ka aꞌgadaꞌ, ganaiꞌ bɨɨx aixim jañ aiꞌchuxdhat aꞌgadaꞌ na jax cham jir am kat nañ pu kaiꞌchdhaꞌ. Gam nañ ja daꞌngɨt ja kukpadaꞌ guiꞌ nam buiñor tɨ jɨɨgiꞌñdhaꞌ, giilhim jañ xi ja tɨtdat. Guꞌ ji nat guꞌ siamri xiñ joiꞌmdak jiñ chɨɨ gu Dios sia pu chuꞌm giilhim jix uaꞌtulhdhix kam, nañ guꞌ chakui tɨ jɨɨgiꞌñdhaꞌ buiñor guch Xoiꞌkam, pu cham mat kaꞌ iñ noꞌñ jix buam jum duukam bhaan jup tuiꞌkaꞌ.

SANTIAGO 2:6

Guꞌ ji na guꞌ aapiꞌm dhiꞌ baꞌ pɨk tuꞌ pɨx ja ɨlhiiꞌñdhaꞌ, gampaiꞌ pɨx ja ɨlhiiꞌñ japim na pim ja nɨiꞌñ nam alh cham tuꞌ biaꞌ, dai gux chutumñigam na pim baꞌx ja kɨɨgalhdhat jix bhaiꞌ ja buadaꞌ. Guꞌ dhiꞌ jim baꞌ pɨk tu xi bua noꞌ mɨt bach oꞌbhaiꞌ, jich uiꞌkaꞌ am dho buiñor gu gɇꞌkam nam jich chulhiiñchudaꞌ noꞌ chich palhɨɨp am cham am bua miꞌ paiꞌ.