Baꞌ bhammɨ dɨr Sidoon na chich gio gamaiꞌp ji jii gu bɨɨx suudaiꞌ dhaam bhaan gu gɇꞌ kanuub, mɨjɨ dɨr jaꞌp jachich bhɨi bɨɨx gakoolh miꞌ na jɨꞌx alhiꞌch jir dɨbɨɨr na puiꞌ tɨ tɨɨꞌ Chipre, na guꞌ mɨjɨ dɨr jaꞌp cham pɨk jix ioꞌm tɨ gɨb gu jɨbɨɨlh, na guꞌ miꞌ dhɨr jaꞌk pɨk bhaiꞌp jɨbɨɨr nach paiꞌ jaꞌk jiim, baꞌ cham bhaiꞌ nach sɨlh mu bhɨɨyaꞌ, na guꞌ bha jaꞌk nuꞌyas gu gɇꞌ kanuub nach bhaan jim.
GU NOONBIꞌÑ GUCH XOIꞌKAM 21:3 - Tepehuano Tepehuán del Sureste (Durango)3 Baꞌ nammɨ paiꞌ nach ba jiim gu suudaiꞌ ɨraab, ba tɨɨ chich na mu jaꞌp pɨx alhiꞌch jir dɨbɨɨr na paiꞌ puiꞌ tɨ tɨɨꞌ Chipre. Baꞌ aach jaꞌp gai dhɨr xi bhɨɨk, maaꞌn nach jiimchuꞌ bhammɨ dɨr jaꞌk na paiꞌ bhaan bipioꞌ gu Siiria dɨbɨɨr. Baꞌ sɨlh mu jaꞌk bhɨichuꞌ ich na paiꞌ puiꞌ tɨ tɨɨꞌ Tiiro, nam guꞌ mu jaꞌk tɨ tɨɨpxidhaꞌ gu tuꞌ nam bha tu bhiiñor bhaan gu gɇꞌ kanuub. အခန်းကိုကြည့်ပါ။ |
GU NOONBIꞌÑ GUCH XOIꞌKAM 21:3
22 ပူးပေါင်းရင်းမြစ်များ
Baꞌ jaiꞌ dhɨt jup mach oi mɨt guch jaaduñ guiꞌ nam tɨ jɨɨgiꞌñdhaꞌ buiñor guch Xoiꞌkam. Baꞌ nammɨ nat ba jur, mach baidhak jamɨt nach tɨbiappuꞌ mu jaꞌp na paiꞌ kiokaꞌ maaꞌn guch jaduuñ na puiꞌ tɨɨꞌ Nasoon. Baꞌ dhiꞌ bɨjɨk dɨr ba tɨ jɨɨgiꞌñdhaꞌ buiñor guch Xoiꞌkam, jir mu jaꞌk kam kaꞌ na paiꞌ alhiꞌch jir dɨbɨɨr na puiꞌ tɨ tɨɨꞌ Chipre.
Baꞌ moop jix ja bhaamkiꞌñdhaꞌ gu Eroodis gu Tiiro kam jaꞌtkam gio baꞌ gu Sidoon kam, baꞌ guiꞌ maaꞌn ñiꞌook xip duuk muiꞌ ma jii mɨt buiñor gu Blaasto guiꞌ na iam pɨx jaꞌxbuiꞌp jir gɇꞌkam kaꞌ na jax gu Eroodis, na mɨt pu tɨɨdam na sap ja aꞌmkam nokiaꞌ, na miꞌ dhɨr pu tɨɨdaꞌ gu Eroodis na cham ka bhaam kaꞌ ja bui, na guꞌ nam jix aaꞌ gu Tiiro kam gio gu Sidoon kam nam mi jaꞌp tu sabaꞌndaꞌ gu koiꞌ na paiꞌ jax jir gɇꞌkam gu Eroodis na Judea dɨbɨɨr bhaan bipioꞌ.
Baꞌ pɨx jaꞌx puiꞌ tu aꞌgadaꞌ am gu jaꞌtkam bɨɨx na jɨꞌx bhaan bipioꞌ gu Siiria dɨbɨɨr na gu Jesuus mu paiꞌ pɨx oirɨt jix kɨɨꞌp jum duukam jup tu bua. Baꞌ jaiꞌ dhɨt na bɨɨx aixim tuꞌm ja ɇɇkaꞌ gu koꞌkdaiꞌ, muiꞌ ma ja uꞌuuk jamɨt mummɨ na paiꞌ oirɨdaꞌ gu Jesuus na mɨt ba chiañim na ja duduaꞌñdhaꞌ, puiꞌ na jax guiꞌ nam jix ñanaanbiꞌ kaꞌ na ja aꞌm jup tuiꞌñgɨdaꞌ gu cham kɨkɨɨꞌ iꞌiiꞌmdaꞌ, gio baꞌ jaiꞌ guiꞌ nam ampɨx tu kaammukdaꞌ, gio baꞌ jaiꞌ guiꞌ nam jix mamaꞌmkulhiꞌ kaꞌ. Baꞌ bɨɨx ja duduaꞌñ gu Jesuus.
Baꞌ muiꞌ tanoolh miꞌ kapup xi juruuñ gu Paablo na paiꞌr Koriinto. Gatuuk baꞌ miꞌ dhɨr ba jii ja bɨɨm gu Prisiila gio gu Akiila, dai na mɨt jax ja tabuimgi guiꞌ nam tɨ jɨɨgiꞌñdhaꞌ buiñor guch Xoiꞌkam. Pu jii mɨt baꞌ mu jaꞌk na paiꞌ bhaan bipioꞌ gu Siiria dɨbɨɨr, dai na mɨt jax bha tɨɨtɨs bhaan gu gɇꞌ kanuub. Baꞌ bɨɨpɨꞌ dɨr nat chakui bha tɨs gu Paablo bhaan gu gɇꞌ kanuub, soosnapan xi jiikak gu kuupaꞌn na baꞌ bhaan jix maatɨꞌ kaꞌ nat ba tu kuugalh gu puiꞌ nat jax jaꞌk tu dai bɨɨpɨꞌ dɨr na pu tu duñiaꞌ.
Baꞌ muiꞌ ba ja joot jamɨt xi ja maakak gu uꞌuan, na jaꞌpnim kaiꞌchim: “Aachiꞌ nach jir jam jaaduñ gio nach jir noonbiꞌñ guch Xoiꞌkam, ja bɨɨm gu jaiꞌ guiꞌ nam ja guguuxiꞌñ guiꞌ nam tɨ jɨɨgiꞌñ buiñor guch Xoiꞌkam, aach yaꞌ dɨr muiꞌ xi chu jam guguuxiꞌñ jich jaaduñ, aapiꞌm na pim cham jir Israel kam na pim mummɨ oiꞌdhaꞌ Antiokiiya, gio guiꞌ na bhaan bipioꞌ gu Siiria dɨbɨɨr, gio baꞌ aapiꞌm ɨp na pim bhammɨ dɨr jaꞌk jup oiꞌdhaꞌ na paiꞌ bhaan bipioꞌ gu Siliisia dɨbɨɨr.
Baꞌ puiꞌ nat jax ja chia gux Dhuuduꞌ kam jix Uañ Iiꞌmdaꞌ gu Bernabee gio gu Saulo, pu jii mɨt mu jaꞌk juꞌñdharan gu gɇꞌ suudaiꞌ na paiꞌ puiꞌ tɨ tɨɨꞌ Siluusia. Miꞌ dhɨr baꞌ bhammɨ dɨr jaꞌk jup bhɨi mɨt na paiꞌ alhiꞌch jir dɨbɨɨr na puiꞌ tɨ tɨɨꞌ Chipre, dai na mɨt jax bha tɨɨtɨs bhaan gu gɇꞌ kanuub na mi jaꞌp sɇꞌ suudaiꞌ jugiiꞌñ.
Baꞌ gatuuk na mɨt paiꞌ dhuuk xi muꞌaak gu Teeban, jaiꞌ naiꞌp ji ja gaa mɨt guiꞌ nam tɨ jɨɨgiꞌñdhaꞌ buiñor guch Xoiꞌkam gu Israel kam. Baꞌ guiꞌ bhaiꞌ dhɨr maiꞌ ma boop jamɨt, mu jaꞌk bhɨi mɨt jaiꞌ na paiꞌ puiꞌ tɨ tɨɨꞌ Piniisia, jaiꞌ baꞌ mu jaꞌk Chipre, jaiꞌ baꞌ mu jaꞌk Antiokiiya. Baꞌ dhiꞌ bɨɨx kap na mɨt jɨꞌk kap ai, mi jaꞌp pu bhaiꞌ ji chu ja aꞌgi mɨt gu Israel kam jaꞌtkam gux bhaiꞌm kaiꞌchdham ñiꞌook, guꞌ baꞌ guiꞌ nam cham jir Israel kam jaꞌtkam, cham tuꞌ tu ja aꞌgi mɨt.
Baꞌx buam jum aagɨt ba ja aaꞌ gu Jesuus gu Korasiin oiꞌñkam gio gu Betsaida kam, jup kaiꞌch: ―Aañ jix buam jiñ aaꞌ ja bui gu Korasiin oiꞌñkam gio gu Betsaida kam, na mɨt guꞌ cham miꞌ puiꞌ jii na jax jix aaꞌ guñ Gɨꞌkoraꞌ. Tɨi ñich jix bhaiꞌ tu duu ja nɨiꞌñchudat nam jax jaꞌk cham paiꞌ dhuuk puiꞌ tɨ nɨidhat. Noꞌñ gɨt Tiiro gio Sidoon puiꞌx bhaiꞌ tu duñiaꞌ sia kum cham jir Israel kam, moo janoꞌ gɨt soiꞌm ɨlhdhai miꞌ puiꞌ ba jimiaꞌ am. Jajannulh jix xaasak jam gɨt pu tɨm tɨiꞌdhaꞌ, ni kum ka batbiadaꞌ, jaꞌkbuiꞌ kat jam matai bhaiꞌ xim buidhidhaꞌ na bhaan jix maatɨꞌ kaꞌ nam sɨlhkam soiꞌm ɨlhiiꞌñ.
―¡Jaꞌp moo cham bhaiꞌ tu jam jimiaꞌ aapiꞌm na pim Korasiiñ oiꞌdhaꞌ gio baꞌ aapiꞌm na pim Betsaida jaꞌk jup oiꞌdhaꞌ, na pimɨt guꞌ cham miꞌ puiꞌ jii na jax jix aaꞌ guñ Gɨꞌkoraꞌ! Tɨi ñich jam nɨiꞌñchudat joidham jix kɨɨꞌp jum duukam jup tu duu jam bui na pim tuꞌ cham paiꞌ dhuuk nɨidhat. Iam chi na pimɨt guꞌ tɨɨgɨk miꞌ puiꞌ ba jii. Na guꞌ noꞌñ mu jaꞌk Tiiro puiꞌ joidham jix bhaiꞌm duukam jup tu duñiaꞌ gɨt, gio mu jaꞌk na paiꞌ Sidoon jup tɨ tɨɨꞌ, moo janoꞌ gɨt nam tɨ jɨɨꞌñdhai gu jaꞌtkam buiñor guñ Gɨꞌkoraꞌ miꞌ puiꞌ ba jimiaꞌ na jax jix aaꞌ, baꞌ dai nam ba tɨm tɨiꞌdhaꞌ gɨt gu jajannulh jix xaasak, ni kum bar tu batbiadam kaꞌ gɨt, gio nam mu jaꞌp pɨx ba daraakaꞌ gɨt na paiꞌ jax kaat gu matai, baꞌ dhiꞌ bhaan jix maatɨꞌ kaꞌ gɨt nam jix ioꞌm soiꞌ bam ɨlhiiꞌñ.
ကြော်ငြာတွေ