GU NOONBIꞌÑ GUCH XOIꞌKAM 13:3 - Tepehuano Tepehuán del Sureste (Durango)

³ Baꞌ gatuuk na mɨt paiꞌ dhuuk xi chɨɨmuk nam tu daañimɨk gio nam jum saabuimɨk, puiꞌ jaꞌk tuꞌm kɨꞌn ba ja darai mɨt gu Bernabee gio gu Saulo, nam sap miꞌ dhɨr jaꞌp jaꞌk naiꞌ bhaankam ba tu aꞌgadaꞌ gu Dios. Miꞌ dhɨr baꞌ dai na mɨt bhaiꞌ xi ja daagɨk ma tu daanɨ ja aꞌmkam buiñor gu Dios. Miꞌ dhɨr baꞌ dai na mɨt naiꞌ ba ja joot nam tu aꞌgapuꞌ.

GU NOONBIꞌÑ GUCH XOIꞌKAM 13:3 ပူးပေါင်းရင်းမြစ်များ

LUUKAS 2:37

Dɨɨlh baꞌ pup oirɨ nat dɨr dɨɨlh bii, maakob ooꞌm daman maakob oidhaꞌ bap duu janoꞌ dɨr. Guꞌ baꞌ miꞌ pɨx jaꞌk ji ai chiop na paiꞌ baꞌ pup jir tujuandam tugiꞌñ gu Dios, cham paiꞌ maakam jaꞌk ka buus. Gammɨjɨ tu juandaꞌ miꞌ dhi chiop nabap tanoolh gio nabap tukaaꞌ, gam nam saabdaꞌ, gio na tu daandaꞌ.

GU NOONBIꞌÑ GUCH XOIꞌKAM 1:24

Miꞌ dhɨr baꞌ dai na mɨt ma tu daanɨ jix dhaam jaꞌk, jup kaiꞌch am: ―Aapiꞌ jich Gɨꞌkoraꞌ, jich aagiꞌñdhaꞌ ap nap jaroiꞌ bhaan tɨ nɨnɨiꞌñ dhi gook gu jaꞌtkam, na guꞌ aap dai nap jix maat gu ja jujur am bhaan nam jax jaꞌk jum aaꞌ,

GU NOONBIꞌÑ GUCH XOIꞌKAM 13:2

Baꞌ maaꞌnnim nam jim saabut maap jumpaxich ka tu daan buiñor guch Gɨꞌkoraꞌ, puiꞌ jaꞌk ba ja jujurtuda gux Dhuuduꞌ kam jix Uañ Iiꞌmdaꞌ nam sap dɨɨlh pɨx bhaiꞌ ba ji ja aagaꞌ gu Bernabee gio gu Saulo nam puiꞌ jaꞌk tuꞌm kɨꞌn ja darsaꞌ nam miꞌ dhɨr jaꞌp jaꞌk naiꞌ bhaankam ba tu aꞌgadaꞌ gu Dios, nat guꞌ sap dhiꞌ ja aꞌm ba tɨ tɨɨ.

GU NOONBIꞌÑ GUCH XOIꞌKAM 13:4

Baꞌ puiꞌ nat jax ja chia gux Dhuuduꞌ kam jix Uañ Iiꞌmdaꞌ gu Bernabee gio gu Saulo, pu jii mɨt mu jaꞌk juꞌñdharan gu gɇꞌ suudaiꞌ na paiꞌ puiꞌ tɨ tɨɨꞌ Siluusia. Miꞌ dhɨr baꞌ bhammɨ dɨr jaꞌk jup bhɨi mɨt na paiꞌ alhiꞌch jir dɨbɨɨr na puiꞌ tɨ tɨɨꞌ Chipre, dai na mɨt jax bha tɨɨtɨs bhaan gu gɇꞌ kanuub na mi jaꞌp sɇꞌ suudaiꞌ jugiiꞌñ.

GU NOONBIꞌÑ GUCH XOIꞌKAM 14:23

Gio baꞌ nam jɨꞌmaꞌn xi ja darsaidhat guiꞌ nam tɨ jɨɨgiꞌñ buiñor guch Xoiꞌkam nam sap baꞌ ja guguuxiꞌñdhaꞌ gu jaiꞌ nam puiꞌp tɨ jɨɨgiꞌñ buiñor guch Xoiꞌkam. Baꞌ gatuuk nam paiꞌ dhuuk xi chɨɨmuidhat nam xi chu ja daañxidhat gio nam jum saabuimɨi, puiꞌ xi ja tɨtdaidhat am na gammɨjɨ ja aꞌm tɨ nɨidhidhaꞌ guch Gɨꞌkoraꞌ guiꞌ na mɨt jaroiꞌ buiñor ba tɨ jɨɨꞌñ.

GU NOONBIꞌÑ GUCH XOIꞌKAM 14:26

Baꞌ bhammɨ dɨr na mɨt jax bha tɨɨtɨs bhaan gu gɇꞌ kanuub, bhaiꞌ pu jii mɨt mi jaꞌk Antiokiiya miꞌ nat paiꞌ dhɨr mu ja joot gu Dios nam bhaankamuꞌn tu ja aꞌgiꞌñpuꞌ gu jaꞌtkam.

GU NOONBIꞌÑ GUCH XOIꞌKAM 15:40

Gu Paablo baꞌ dai gu Siilas xi baidhak jup ba jii. Baꞌ guiꞌ nam tɨ jɨɨgiꞌñdhaꞌ buiñor guch Xoiꞌkam ja aꞌmkam xi chu daanɨ mɨt na mɨt jax miꞌ dhɨr gamaiꞌ ji jii na sap baꞌ ja aꞌm tɨ nɨidhidhaꞌ guch Gɨꞌkoraꞌ mu jaꞌp nam paiꞌ jax bhɨɨyaꞌ.

GU NOONBIꞌÑ GUCH XOIꞌKAM 6:6

Miꞌ dhɨr baꞌ dai na mɨt ba ja baidhak mu jaꞌk ja bui gu noonbiꞌñ guch Xoiꞌkam, baꞌ guiꞌ dai na mɨt bhaiꞌ xi ja daꞌngɨk ja moom am ma tu daanɨ jix dhaam jaꞌk buiñor gu Dios.

GU NOONBIꞌÑ GUCH XOIꞌKAM 9:17

Baꞌ gu Ananiiyas muiꞌp ma jii mu na paiꞌ tɨbiap gu Saulo. Baꞌ na jax jim bhaiꞌ xi dhaagɨk jup tɨtda: ―Aapiꞌñ jaduuñ Saulo, aañ jup jiñ chɨɨdak bhañ joot gu Gɇꞌkam guiꞌ na Jesuus tɨɨꞌ, guiꞌ nat jum buim maax gaꞌm gu bɨɨx boi nap bhaiꞌ ka jim, nañ sap bhaiꞌ xim dagiaꞌ nap baꞌ giop bax ñia kaꞌ, gio sap baꞌ nam aꞌm bam tajaanaꞌ gux Dhuuduꞌ kam jix Uañ Iiꞌmdaꞌ.

ROOMA KAM 10:15

¿Gio jax dhuip jaiꞌchdhɨlhiaꞌ gu jaroiꞌ na pu chuꞌm tu ja aꞌgidhaꞌ noꞌ guꞌ gu Dios cham jaroiꞌ pu chuꞌm kɨꞌn naiꞌ jootos? Jup jum kaiꞌch guꞌ maaꞌn kap na mɨt paiꞌ tu uaꞌnak gu bɨjɨk dɨr kam: “¡Jaꞌp moo joidham jix bhaiꞌ tu tatdaꞌ noꞌm paiꞌ dhɨr jiim guiꞌ nam tu aꞌgidhaꞌ gux bhaiꞌm kaiꞌchdham ñioꞌkiꞌñ gu Dios!”

1 TIMOTEO 4:14

Puiꞌp xi chu duñiaꞌ nap jax jaꞌk jix chaat jum jur am bhaan, nat guꞌ gu Dios dhiꞌ bhaan jum aꞌm ba tɨ tɨɨ. Nap guꞌp kaiꞌch nap bhaankam jix chu juanam gu Dios, puiꞌ ku mɨt baꞌ puiꞌ jaꞌk tum daañxi bhaiꞌ xim daagɨk guiꞌ nam bɨjɨk dɨr ba tɨ jɨɨgiꞌñ buiñor guch Xoiꞌkam.

1 TIMOTEO 5:22

Gu jaroiꞌ nap bax dhaasam kaꞌ na bɨɨpɨꞌ dɨr kɨɨkat ja aagiꞌñdhaꞌ gu ñioꞌkiꞌñ gu Dios guch Xoiꞌkam jɨɨgiꞌñdham, bɨɨpɨꞌp xi nɨiꞌñdhaꞌ noꞌx joojoiꞌñ na miꞌ puiꞌ jim na jax jix aaꞌ gu Dios. Na guꞌ noꞌt jax dhuukat cham miꞌ puiꞌ ka jii, aap jum aꞌm ji chɨ gɨxiaꞌ. Dai gux kɨɨꞌp jum duukam jap bhaan jum tukgiꞌñkaꞌ nap xip tu duñiidhaꞌ.

2 TIMOTEO 1:6

Baꞌ aañ jum aagiꞌñ nap jix ioꞌm xim guguuxdhai puiꞌ xi dhuñiaꞌ nat tuꞌ bhaan jum aꞌm tɨ tɨɨ gu Dios janoꞌ na ñich bhaiꞌ xim daagɨk tum daañxi.

2 TIMOTEO 2:2

Jaiꞌp puiꞌ xi ja tɨɨdai gu chichioꞌñ nam puiꞌp tɨ jɨɨgiꞌñ buiñor guch Xoiꞌkam nam miꞌ dhɨr gammɨjɨ jaꞌk ja aagiꞌñdhaꞌ gu jaꞌtkam na pich jax jaꞌk jiñ kai nañ kaiꞌch janoꞌ nam muiꞌñ kɇɇ, ku guꞌ guiꞌ ji nap pu ja tɨɨdaꞌ nap jaroiꞌx ja mat kaꞌ nam sɨlhkam puiꞌ duñiaꞌ, gio nam jix joojoiꞌñdhaꞌ nam tu mamtuxdhaꞌ.

3 JUAN 1:6

Dhiꞌm baꞌ ya jaꞌp puiꞌ ba tu aꞌgim nap jax jir tuꞌm kam jiñ jaduuñ, nap sap puꞌñi joidham jix ja joiꞌndat jix bhaiꞌ ja buadaꞌ na mɨt jɨꞌkim bhaiꞌ ba ai jum kiꞌaam. Bɨɨx jam puiꞌ bax chu maat gu yaꞌ kam jich Xoiꞌkam jɨɨgiꞌñdham. Baꞌ aañ jum guguuxiꞌñ jiñ jaduuñ nap siamri puꞌñix bhaiꞌ xi ja buaꞌt guñ jaaduñ jich Xoiꞌkam bhaan noꞌm bhaiꞌ aajim jum kiꞌaam, xi ja palhbuidhat ap kɨꞌn gu tuꞌ na ja aꞌm jum aagaidhaꞌ, na guꞌ puꞌñi jaꞌk jix kɨɨꞌ kaꞌm nɨiꞌñ gu Dios.

3 JUAN 1:8

Aach baꞌch aꞌm jum aaꞌ nach jɨꞌk ba tɨ jɨɨgiꞌñ nach puꞌñi xi ja palhbuidhat guch jaaduñ noꞌm jich aajim kɨꞌn gu tuꞌ na ja aꞌm jum aagaidhaꞌ nam baꞌ kɨꞌn jum guguuxdhatgɨdaꞌ nam tu aꞌgidhaꞌ gux bhaiꞌm kaiꞌchdham ñioꞌkiꞌñ gu Dios. Baꞌ puiꞌ bam kaiꞌchdhaꞌ nach aach bɨɨx jup jir tujuandam tugiꞌñ guch Gɨꞌkoraꞌ noꞌch ja palhbuiꞌñ.