GU NOONBIꞌÑ GUCH XOIꞌKAM 1:3 - Tepehuano Tepehuán del Sureste (Durango)

³ Gio baꞌ nat ja buim maax bɨɨx jɨꞌmaꞌn janoꞌ nat paiꞌ dhuuk muukɨk giop ba bam miꞌ dhɨr koiꞌñgaꞌn tɨr, gio baꞌ na xi ja aꞌgiꞌñ ɨp na sap giop bax kɨɨꞌ, cham tuꞌ ka muukix. Baꞌ maaꞌn masaaꞌn daman mambhɨɨx tanoolh ja bui xi oilhimɨk gio na xi chu ja aꞌgidhimɨk na jax jaꞌk ja aꞌm tɨ nɨidhidhaꞌ gu Dios.

GU NOONBIꞌÑ GUCH XOIꞌKAM 1:3 ပူးပေါင်းရင်းမြစ်များ

MATEO 21:43

Baꞌ aapiꞌm puꞌñip ji buusan na jax gu bhibhiꞌñbakchadam na mɨt maiꞌ xi buak gu jodai gux kɨɨꞌ, baꞌ cham jɨꞌxkat aayaꞌ pim jix dhaam jaꞌk buiñor gu Dios. Dai guiꞌ nam jɨꞌk miꞌ puiꞌ jiim na jax jix aaꞌ nam baꞌ jimiaꞌ buiñor.

MATEO 28:9

Baꞌ gamaiꞌ gu bɨɨx boi nam muiꞌ ka boopoꞌ, mi jaꞌp bɨɨpɨꞌ dɨr jim maaxdhak gu Jesuus muiꞌ xi ja ñioꞌki. Baꞌ guiꞌ amuub xi ɇɇk mi jaꞌp ja oꞌlhia kɨꞌn xi guꞌkɨk miꞌ xi komkɨk jamɨt gu tootnaꞌn bhaiꞌ ji chu daanɨ buiñor.

MATEO 3:2

jup ja tɨtdadaꞌ: ―Yaꞌ mam ai na paiꞌ dhuuk maaxik jum maaxdhaꞌ gu Dios aapiꞌm jam bui. Miꞌ pim sap puiꞌ ba jimiaꞌ na jax jix aaꞌ.

MATEO 4:2

Baꞌ mam saabu gook ooꞌm tanoolh gio gook ooꞌm tukaaꞌ nat pu cham tuꞌ juu, baꞌ gatuuk jix ioꞌm tɨi bax bhioꞌ.

MAARKOS 16:19

Baꞌ daipuꞌ na jax puiꞌ jɨꞌ xi chu ja aꞌgidhimɨk gu Jesuus, pu jiix dhaam jaꞌk, baꞌ bhammɨ ji dhaibu kɨɨꞌn dɨr sonpan gu Dios.

JUAN 20:26

Baꞌ gatuuk xijum baik tanoolh jurniꞌñ kɨꞌn gio mɨt maap jup mam jumaap bɨɨx guiꞌ nam jɨꞌk kaichuꞌ gu Jesuus maaꞌn kap baꞌk chɨr jix bhaiꞌ xim kuupak. Janoꞌ dho gi baꞌ bɨɨx miꞌp tuꞌiiꞌ ji gu Tomaas. Baꞌ jaꞌxpɨx nam miꞌ ka tu aꞌgichuꞌ, miꞌ dhɨr jaꞌp pɨx bhaiꞌ ji ñio ja saagiꞌñ gu Jesuus, jup ja tɨtda: ―Aañ gio bha jaꞌk ɨp jiñ jaaduñ.

JUAN 21:1

Baꞌ gatuuk jɨꞌkchi tanoolh jurniꞌñ kɨꞌn gio mummɨp bam maax gu Jesuus ja bui xijum gook guiꞌ nam kaichuꞌ, mummu juꞌñdharan gu gɇꞌ suudaiꞌ na Tibeeriyas tɨ tɨɨꞌ. Jaꞌpnim duu.

JUAN 21:14

Dhiꞌ kɨꞌn baꞌ bar baikim nat ja buim maax gu Jesuus guiꞌ nam kaichuꞌ janoꞌ dɨr nat muukɨk duadɨk giop bam.

GU NOONBIꞌÑ GUCH XOIꞌKAM 13:31

Baꞌ muiꞌ tanoolh gio ja buip xi oilhimɨk guiꞌ nam jɨꞌk pu maap oipodaꞌ, puiꞌ na jax nam mu jimmɨdaꞌ bhaiꞌ dhɨr Galilea bhammɨ jaꞌk Jerusaleen. Baꞌ xib jir diꞌ am guiꞌ nam naiꞌ tu ja aꞌgiꞌñ gu jaꞌtkam bhaankam guch Xoiꞌkam.

GU NOONBIꞌÑ GUCH XOIꞌKAM 19:8

Miꞌ baꞌ pu oirɨdaꞌ gu Paablo, baik masaaꞌn dho moo miꞌ juruuñ. Baꞌ gammɨjɨ ba ji jimiaꞌ mu jaꞌp nam paiꞌ tu daandaꞌ gu Israel kam jaꞌtkam na paiꞌ dhuuk jum aꞌjɨdaꞌ na cham tum juandaꞌ, baꞌ gammɨjɨ ba ji chu ja aꞌgidhaꞌ gu jaꞌtkam cham ji chooꞌnnɨt na puiꞌ ja tɨtdadaꞌ nam sap ba tɨ jɨɨꞌñdhaꞌ buiñor guch Xoiꞌkam na sap baꞌ puꞌñi jaꞌk gammɨjɨ ja aꞌm ba tɨ nɨidhidhaꞌ gu Dios.

GU NOONBIꞌÑ GUCH XOIꞌKAM 28:23

Baꞌ ba tu dai mɨt nam paiꞌ dhuuk bhaiꞌp tuiꞌkaꞌ. Baꞌ nat paiꞌ dhuuk jum ai, muiꞌ bhaiꞌ bam jumaap jamɨt, baꞌ bhaiꞌ ji chu ja aꞌgi gu Paablo kabuimuk dɨr pu naiꞌ ji jur. Baꞌ miꞌ bhaan tu ja aꞌgidhimɨk miꞌ nat paiꞌ tu uaꞌnak gu Moisees gio baꞌ miꞌ na mɨt paiꞌp tu uaꞌnak guiꞌ nam puiꞌ bɨjɨk bhaankamuꞌn jup tu aꞌgimɨk gu Dios nam sap baꞌx maatɨt kɇɇji ba tɨ jɨɨꞌñdhaꞌ buiñor gu Jesuus.

GU NOONBIꞌÑ GUCH XOIꞌKAM 28:31

Baꞌ cham jaroiꞌ sooꞌmchulhiꞌñkaꞌ na tu ja aꞌgiꞌñdhaꞌ gu ñioꞌkiꞌñ gu Dios na bhaan tu aꞌgadaꞌ guch Xoiꞌkam guiꞌ nar Gɇꞌkam.

GU NOONBIꞌÑ GUCH XOIꞌKAM 8:12

Guꞌ ji na mɨt guꞌp ma tɨ jɨɨꞌñ gu puiꞌ na jax jaꞌk tu ja aꞌgiꞌñdhaꞌ gu Piliip na ja aagiꞌñdhaꞌ na jax jir tuꞌm kam gu Dios gio guch Xoiꞌkam, miꞌ dhɨr baꞌ dai na mɨt bam bopko muiꞌ gu chichioꞌñ gio gu uꞌuub.

ROOMA KAM 14:17

Na guꞌ na baꞌ ja aꞌm tɨ nɨidhidhaꞌ gu Dios gu jaꞌtkam, nam miꞌ puiꞌ jiimdaꞌ na jax jix aaꞌ, nam jix bhaiꞌm taatɨt tu oiꞌñkaꞌ bɨɨx jɨꞌmaꞌn na jax pɨx ja jurtudhidhaꞌ gux Dhuuduꞌ kam jix Uañ Iiꞌmdaꞌ, dhiꞌ jɨꞌ bhaan na ja aꞌm tɨ nɨidhidhaꞌ gu Dios, cham tuꞌ gu tuꞌ koiꞌ noꞌñ bɨɨx tu kuaꞌ piam ku guꞌ cham.

KOLOOSAS KAM 1:13

Gu Dios miꞌ dhɨr jich boosolh na paiꞌch dhaam kap tuꞌt gux chukgam, miꞌ jaꞌk baꞌch chuttu na paiꞌr gɇꞌkam gu dɨɨlh Maraaꞌn, guiꞌ nax ioꞌm jix dhaꞌ.

1 TESALOONIKA KAM 2:12

Jup xi jam tɨɨdak jachich na pim puiꞌ jaꞌk duñiaꞌ na jax jaꞌk bhaan jix maatɨꞌ kaꞌ na pim Dios bar jaꞌtkam tugiꞌñ, na guꞌ aapiꞌm bar dhiꞌ na pim ba iimchudhix na pim buiñor aayaꞌ na paiꞌ dhɨr jix ioꞌm jir gɇꞌkam na joidham jix chu abhaar.

1 JUAN 1:1

Mɨjɨ jaꞌp tu jam uaꞌñxiꞌñ iñ jiñ jaaduñ na pim paiꞌ jax tu daraa nañ bhaan tu jam aꞌgiꞌñ na jax jir tuꞌm kam guch Xoiꞌkam guiꞌ na bɨjɨk dɨr pux jaiꞌch. Aach jaiꞌ dhɨt jix bhaiꞌ maatɨk na jax jir tuꞌm kam, na chich guꞌ maaxik tɨɨgɨk jich buupui kɨꞌn, ñioꞌkdhak jachich, kɇɇjimɨk ich ɨp na jax tu aꞌgimɨk. Dhiꞌ pɨx jir diꞌ guiꞌ na bɨjɨk dɨr bhaan ba tum aꞌga, jir diꞌ pɨx ɨp guiꞌ na tu maak gu iiꞌmdaꞌ.