EEPESO KAM 6:13 - Tepehuano Tepehuán del Sureste (Durango)

¹³ Puiꞌ ku baꞌm aaꞌ na pim xi ja daꞌngiaꞌ bɨɨx dhiꞌ nat Dios ba tu jam maa na pim kɨꞌn jum palhbuidhaꞌ na paiꞌ dhuuk tɨi ji jam maiꞌchiaꞌ gux buam jum duukam. Maaꞌn baꞌ na pim jax miꞌ puiꞌ jiimdaꞌ na jax jix aaꞌ gu Dios, na guꞌ cham jɨꞌxdhaꞌ jax jam doodaꞌ sia pɨk jax kaꞌ gɨt noꞌ pim aapiꞌm xi guꞌkiꞌ.

EEPESO KAM 6:13 ပူးပေါင်းရင်းမြစ်များ

LUUKAS 21:36

Guꞌ aapiꞌm gammɨjɨ tu daandaꞌ ji buiñor gu Dios jix dhaam jaꞌk na pim baꞌ cham jum tulhiiñaꞌ na jax gu jaꞌtkam guiꞌ nam cham tuꞌ kaꞌm tɨgiaꞌ gu Dios, gam na pim baꞌx bhaiꞌm taatɨt baasɨꞌn bañ ñamkiaꞌ nañ bhaiꞌ ba jimdaꞌ.

LUUKAS 8:13

Baꞌ guiꞌ nat joodai chɨr suulh, guiꞌñ ja aagɨt jup kaiꞌch ɨp nam tɨi joidham kaayaꞌ gu ñioꞌkiꞌñ gu Dios, guꞌ pɨx ji nam guꞌ cham tuꞌ bɨɨx ja jujur kɨꞌn tɨ jɨɨgiꞌñdhaꞌ puiꞌ na jax jum kaiꞌchdhaꞌ, baꞌ dhiꞌ puiꞌm kaiꞌch na mɨt cham tuukab takcha. Jɨꞌxpɨx jam tɨi xi chɨ jɨɨgiꞌñdhaꞌ, guꞌ pɨx ji na guꞌ na paiꞌ dhuuk ja maiꞌchiaꞌ gu jaꞌook, maaꞌn nam jax gio mummɨ puiꞌp suulhgiaꞌ.

ROOMA KAM 13:12

Jaꞌp ji buusan guꞌ nach tukaaꞌ buujim xib, guꞌ pɨx ji nach guꞌ ba xiaꞌñdhim, cham xiim bhaiꞌ ba tu maaxilhiaꞌ. Puiꞌ ku baꞌch aꞌm jum aaꞌ nach cham tuꞌ bhaan kap jich buixiꞌñdhaꞌ gu tuꞌ nar jix chukgam gaꞌn, guꞌ jaꞌpji dai guiꞌ na tuꞌr jix chu maax gaꞌn nach bap tu duñiidhaꞌ. Jaꞌp ji buusniaꞌ nach gux chu maax kɨꞌn ba tɨch chɨiꞌdhaꞌ, jaꞌp na jax gu sandaaruiꞌx nam bapaiñum kuktun ba tɨm tɨiꞌdhaꞌ noꞌm bax chu kokdak.

2 KORIINTO KAM 10:4

Guiꞌ nam jax chuꞌm kɨꞌn tu kokda guiꞌ nam cham tɨ jɨɨgiꞌñ, aach cham tuꞌ pu chuꞌm kɨꞌn tu kokda, guꞌ jaꞌpji guiꞌ kɨꞌn nat Dios jich chajaañ, na cham maax, dhiꞌ kɨꞌn jix bhaaiꞌ nach cham paiꞌ matgilhdhaꞌ gux buam jum duukam sia kur gɇꞌp jum duukam panaas. Puꞌñich jup ja doodaꞌ guiꞌ nam puiꞌ bhaiꞌ paiꞌ oipot buam jich aꞌga na jax cham jir puiꞌ, iiꞌmdaꞌ bhaan jach cham paiꞌ ja matgilhdhaꞌ.

EEPESO KAM 5:16

Gammɨjɨ pim tuꞌ jax xi buadaꞌ na tuꞌr jix kɨɨꞌp jum duukam, chaꞌpim gam ɨrdat darkaꞌ, na guꞌ cham tuꞌ gammɨjɨr jix kɨɨꞌ tanoolh kaꞌ.

EEPESO KAM 5:6

Xim gaagidhaꞌ pim nam jax jaꞌk cham jam iatgidhaꞌ guiꞌ nam naiꞌ oipot maakam tu iatgiꞌñ, na pu cham tuꞌ mim nɨnɨiꞌñ buiñor gu Dios. Jix ioꞌm ja tulhiiñchudaꞌ guꞌ gu Dios guiꞌ nam naiꞌ puiꞌ tu iatgidhidhaꞌ, nam guꞌ dhiꞌ cham tuꞌ miꞌ puiꞌ jiimdaꞌ na jax jix aaꞌndaꞌ.

KOLOOSAS KAM 4:12

Sia gu Epaapras mu jam ñioꞌkiꞌñ, dhiꞌ na puiꞌp jir tujuandam tugiꞌñ guch Xoiꞌkam. Dhiꞌ puiꞌp jix maat japim, na guꞌr mu kam jam bui. Gammɨjɨ soiꞌm ɨlhdhat tu daandaꞌ jam aꞌmkam aapiꞌm na baꞌ gu Dios jam aꞌm tɨ nɨidhidhaꞌ na pim miꞌ puiꞌ jiimdaꞌ na jax jix aaꞌ, na pim cham tuꞌ bhaan jum oꞌjolhdhat sia nar jax kaꞌ gɨt.

SANTIAGO 4:7

Baꞌ aañ jam guguuxiꞌñ jiñ jaaduñ na pim muiꞌ xix biiñak kaꞌ buiñor gu Dios bɨɨx jam jujur kɨꞌn. Chaꞌpim mu jaꞌk kɇɇkɇꞌ gu jaꞌook. Xi ñiokdhai pim bhaankamuꞌn guch Xoiꞌkam, ka na guꞌ pu jimiññolhiaꞌ, baꞌ cham tuꞌ maakam ka jam jurtuꞌnkaꞌ.

1 PEEGRO 4:1

Ba puiꞌ na pim jax bax maat jiñ jaaduñ, nat guch Xoiꞌkam jix ioꞌm jum tulhii bo janoꞌ na yaꞌ xi oilhimɨk tuukuꞌ bhaan, jaiñ na cham paiꞌ jax jum aaꞌ. Aapiꞌm puꞌñi ɨp jiñ jaaduñ, chaꞌpim jax jum aaꞌndaꞌ sia pimɨt bhaiꞌ jim tulhii tuꞌ na pɨx bhaan, jix bhaiꞌ pim pɨx jum taat kaꞌ. Na guꞌ noꞌ pim puꞌñim tulhiiñ, gammɨjɨ soiꞌ pɨx jum ɨlhiiꞌñdhaꞌ pim, cham paiꞌ tuꞌ bhaan ka xim uaꞌtulhdhaꞌkaꞌ pim,

NAT JAX TƗ TƗƗ GU JUAN 3:10

Aapiꞌm ji na pim baꞌ bɨɨx jam jujur kɨꞌn tuꞌ kaꞌm jiñ ñɨidhat jix biiñak jiñ bui, tɨɨꞌ na pim gammɨjɨ miꞌ puiꞌ jiim nañ jax jix aaꞌ. Baꞌ aañ xi jam joiꞌndat jam aꞌm tɨ nɨidhidhat jam palhbuiꞌñchuꞌndaꞌ na paiꞌ dhuuk bhaiꞌ ja daam ji jimiaꞌ gu tulhiiñaraꞌ bɨɨx gu jaꞌtkam na jɨꞌx oiꞌñgaꞌn, na bhaan pɨx matgilhiaꞌ nam jɨꞌk moo tuꞌ sɨlhkam jix biiñak kaꞌ aañ jiñ bui, gio na jɨꞌk cham. Aapiꞌm jañ baꞌ dai jam palhbuidhaꞌ, na pim guꞌ gammɨjɨx biiñak jiñ bui.

NAT JAX TƗ TƗƗ GU JUAN 6:17

Bam ai guꞌ na paiꞌ dhuuk jich chulhiiñchudaꞌ aach na chich cham miꞌ puiꞌ jii na jax jix aaꞌ, gam gu jaiꞌ. ¿Jaroo gip jix ñakooꞌ nax ioꞌm jum tulhiiñaꞌ?