EEPESO KAM 5:8 - Tepehuano Tepehuán del Sureste (Durango)

⁸ Gu jaroiꞌ noꞌ cham maat na jax jir tuꞌm kam gu Dios, jaꞌp ji buusandaꞌ nax chu tukgam kɨr oirɨdaꞌ, puiꞌ na jax aapiꞌm na pim jix chu tukgam kɨr oipot bɨɨpɨꞌ dɨr na pim chakui maatɨt na jax jir tuꞌm kam gu Dios. Baꞌ xib na pim bax maat, jix chu maax kɨr jaꞌk ba oipo pim, jum aaꞌ baꞌ na pim miꞌ puiꞌ jiimdaꞌ na jax jix aaꞌ gu Dios na baꞌ dhiꞌ bhaan jix maatɨꞌ kaꞌ na pim bax maat na jax jir tuꞌm kam.

EEPESO KAM 5:8 ပူးပေါင်းရင်းမြစ်များ

MATEO 3:8

Guꞌ dhiꞌ jam aꞌm jum aaꞌ ji na pim yaꞌ dɨr jaꞌp jaꞌk jix kɨɨꞌp jum duukam bap tu buadaꞌ na baꞌ bhaan jix maatɨꞌ kaꞌ na pim sɨlhkam miꞌ puiꞌ ba jiim na jax jix aaꞌ gu Dios.

MATEO 4:16

Gu jaꞌtkam guiꞌ na jaꞌp ji buusan nam jix chu tukgam tɨr ka oipot na paiꞌx chu muukiꞌ, ampɨx ja aꞌm ton guiꞌ na jaꞌp ji buusan nax chu maax.

LUUKAS 1:79

Baꞌ bɨɨx jich aꞌm tonniaꞌ, sia guiꞌ nam jix ioꞌm jix chu tukgam tɨr jup tuꞌiiꞌ. Joidham bax chu maax kaꞌ nach tɨ nɨidhidhaꞌ nach jax jaꞌk joidham jix bhaiꞌch chaatɨt miꞌ puiꞌ jiimdaꞌ na jax jix aaꞌ gu Dios.

LUUKAS 16:8

Baꞌ gux chumñigam gatuuk ba maat nat jix aich nat jax jaꞌk duu gu tujuandam tugiꞌñ kat na baꞌ cham mu jaꞌp pɨx maiꞌ gɨɨxix kaꞌ. Maaxik puiꞌ jaꞌk tu jim am guꞌ guiꞌ nam cham miꞌ puiꞌ jiim na jax jix aaꞌ gu Dios, jix ioꞌm jix aichuꞌn am nam jax jaꞌk duñiaꞌ gu tuꞌ na dɨɨlh jir jup ja duiñ kaꞌ, cham tuꞌ puiꞌ na guiꞌ nam miꞌ puiꞌ jiimdaꞌ na jax jix aaꞌ gu Dios.

JUAN 1:9

Nat baꞌ bɨɨpɨꞌ xi chu mattuda gu Juan nat baꞌ moo miꞌ dhɨr dɨɨlh naiꞌp ji chu aꞌgaꞌ guiꞌ na joidham gɇꞌ tanoor, nam baꞌx chu maax kɨr ji biꞌyaꞌ gu jaꞌtkam.

JUAN 12:35

Baꞌ gu Jesuus jup ja tɨtda ɨp gio: ―Aañ pɨx ba jam aagiꞌñ iñ jiñ jaaduñ nañ jax jiñ dhuñiaꞌ jootom, cham jañ moo puiꞌ pɨx jam tɨtda. Baꞌ noꞌ pim jix aaꞌ na pim jix chu maax kɨr bap tuiꞌkaꞌ, miꞌ pim puiꞌ ba jimiaꞌ nañ jɨꞌk jax tu aꞌga, na guꞌ aañ jaꞌp ji buusan nañ joidham gɇꞌ tanoor nañ jɨꞌx yaꞌ kapup oirɨ. Cham maat japim guꞌ na pim pa jaꞌk bhɨichuꞌ na pim guꞌx chu tukgam kɨr jup tuꞌiiꞌ.

JUAN 12:36

Ba tɨ jɨɨꞌñdhaꞌ pim aañ jiñ bui nañ yaꞌ kap tuꞌiiꞌ jam bui nañ tu jam bɨꞌñxiꞌñ, na pim baꞌñ bɨɨm bap tuiꞌkaꞌ na paiꞌ joidham jix chu maax. Baꞌ miꞌ na puiꞌ xi chu ja aꞌgidhimɨk gu Jesuus, miꞌ pɨx jaꞌp ji bhɨi, pu jii oꞌñchixim. Cham paiꞌ ka tɨɨ mɨt.

JUAN 12:46

Na ñich guꞌ aañ bha jii jia yaꞌ dhi oiꞌñgaꞌn nañ yaꞌ tu ja bɨꞌñxidhaꞌ gu jaꞌtkam nam jix chu tukgam kɨr jup tuꞌiiꞌ, na guꞌ aañ jaꞌp ji buusan nañ joidham gɇꞌ tanoor, na baꞌ gu jaroiꞌ na ba tɨ jɨɨꞌñdhaꞌ aañ jiñ bui, jix chu maax kɨr ji biꞌyaꞌ.

JUAN 8:12

Baꞌ gio bhaiꞌp ji chu ja aꞌgi gu Jesuus gu jaꞌtkam, jup ja tɨtda: ―Aañ jir diꞌ guiꞌ na joidham gɇꞌ tanoor yaꞌ dhi oiꞌñgaꞌn. Gu jaroiꞌ na bañ kaichgɨdaꞌ, cham tuꞌx chukgam kɨr kap tuiꞌñgɨdaꞌ. Joidham jix chu maax kɨr ba oirɨdaꞌ, na guꞌ ba machiaꞌ na jax jaꞌk miꞌ puiꞌ jimdaꞌ na jax jix aaꞌ guñ Gɨꞌkoraꞌ.

GU NOONBIꞌÑ GUCH XOIꞌKAM 17:30

Dho guꞌ bɨjɨk gu Dios cham tuꞌp jum buixdhat dho ja bui gu jaꞌtkam, sia kum bɨɨx aixim pɨx tu jimdaꞌ nam jax ɨlhiiꞌñdhaꞌ dɨɨlh, guꞌ xib puiꞌ kaiꞌch ji nam sap bɨɨx kap miꞌ puiꞌ ba jimiaꞌ gu jaꞌtkam na jax jix aaꞌ.

GU NOONBIꞌÑ GUCH XOIꞌKAM 26:18

Baꞌ dhiꞌ jaꞌp kaiꞌñkam jañ mum jootsaꞌ nap ja aagiꞌñdhaꞌ nam baꞌ ba machiaꞌ nam jax jaꞌk miꞌ puiꞌ jimiaꞌ nam baꞌ cham jix chu tukgam kɨr ka oipodaꞌ, nam baꞌ cham ka kaichgɨdaꞌ gu jaꞌook. Guꞌ jaꞌpji nam miꞌ puiꞌ ba jimiaꞌ ji na jax jix aaꞌ gu Dios, gio nam baꞌ ba tɨ jɨɨꞌñdhaꞌ aañ jiñ bui. Dhiꞌ puꞌñi jaꞌk duuk baꞌ ba uañchudhix kaꞌ gu ja uaꞌtulhdharaꞌ, gio na baꞌ ja aꞌm biꞌyaꞌ guiꞌ nat tuꞌ ba ja iimchuda guiꞌ na jɨꞌk ja aꞌm ba tɨ nɨidhim gu Dios.”

ROOMA KAM 1:21

nam guꞌ tɨix maat gu Dios na jax jir gɇꞌkam, guꞌ pɨx ji nam guꞌ dɨɨlh cham xim guꞌnguxiꞌñ nam iam gɇꞌkamtudaꞌ na jax jaꞌk jum aaꞌ nach gɇꞌkamtuꞌndaꞌ nar Dios. Ni kum cham iam jup xi taxchaabgiꞌñ sia tuꞌ bhaan, dai nam bɨɨx aixim bhaan tɨtɨɨꞌñcho na tuꞌ pu cham tuꞌ mim nɨnɨiꞌñ. Jix chu tukgam tɨr jaꞌk tɨtɨɨꞌñcho am dai, cham tuꞌx chu maax kɨr jaꞌk.

ROOMA KAM 13:12

Jaꞌp ji buusan guꞌ nach tukaaꞌ buujim xib, guꞌ pɨx ji nach guꞌ ba xiaꞌñdhim, cham xiim bhaiꞌ ba tu maaxilhiaꞌ. Puiꞌ ku baꞌch aꞌm jum aaꞌ nach cham tuꞌ bhaan kap jich buixiꞌñdhaꞌ gu tuꞌ nar jix chukgam gaꞌn, guꞌ jaꞌpji dai guiꞌ na tuꞌr jix chu maax gaꞌn nach bap tu duñiidhaꞌ. Jaꞌp ji buusniaꞌ nach gux chu maax kɨꞌn ba tɨch chɨiꞌdhaꞌ, jaꞌp na jax gu sandaaruiꞌx nam bapaiñum kuktun ba tɨm tɨiꞌdhaꞌ noꞌm bax chu kokdak.

ROOMA KAM 2:19

Baꞌx bhaiꞌx maat japim panaas na pim sɨlh ja baiꞌñchuꞌ bhaan gu boi guiꞌ nam cham jɨꞌx ñiññia, gam nax bhaiꞌ mɨimtuꞌ panaas gu jam taaiꞌ na pim kɨꞌn ja bɨꞌñxiꞌñchuꞌ guiꞌ nam jix chu tukgam tɨr jiimchuꞌ.

1 KORIINTO KAM 1:30

Baꞌ aapiꞌm taxchaabgiꞌñdhaꞌ gu Dios nat xi jam joiꞌmdak jam aꞌm tɨ tɨɨgɨk ya jaꞌk ba jam aich na paiꞌ guch Xoiꞌkam, dhiꞌ na jaroiꞌ bhaankam tuch mattuꞌn bɨɨx aixim gu Dios, gam na dhiꞌ bhaankam jix bhaiꞌ tuch jimdaꞌ, gam nach bhaankam jix bhaiꞌch chaat kaꞌ. Nat guꞌ dhich Xoiꞌkam bhaankam jich boosolh gu Dios miꞌ dhɨr na paiꞌ cham bhaiꞌ tuch jimdat.

2 KORIINTO KAM 3:18

Puiꞌ na jax aach na guꞌ cham tuꞌ tuꞌ kach iiñ guch buibas, puiꞌ pɨx baꞌ maaxik gɇꞌ tanoor ich, na guꞌch aꞌm jum maaxiꞌñ gu Dios na jax jir tuꞌm kam. Gammɨjɨch jix ioꞌm puiꞌch dhuñiim na jax jir tuꞌm kam gu Dios, na guꞌch Xoiꞌkam pɨx nap tu duiñchuꞌ, na guꞌr dhiꞌ pɨx gux Dhuuduꞌ kam jix Uañ Iiꞌmdaꞌ.

2 KORIINTO KAM 4:6

Nat guꞌ gu Dios guiꞌ nat tu chia bɨjɨk na miꞌ dhɨr jaiꞌchdhɨlhiaꞌ gux chu maax na paiꞌx chu tukgam, mɨmɨich guch jujur nach baꞌ puꞌñi ja bɨꞌñxidhaꞌ gu jaꞌtkam, nañ jaꞌpni kaiꞌñkam jup kaiꞌch nach ja aagiꞌñdhaꞌ gu jaꞌtkam na jɨꞌx jir gɇꞌkam gu Dios, gio na dhiꞌ pɨx bhaan jum maaxiꞌñ guch Xoiꞌkam na jax jir tuꞌm kam gu Dios.

2 KORIINTO KAM 6:14

Chaꞌpim ja bɨɨm jum tɨtmodaꞌ guiꞌ nam cham tɨ jɨɨgiꞌñdhaꞌ buiñor guch Xoiꞌkam. Jix maat japim guꞌ nar jumai gux kɨɨꞌp jum duukam, gio gux buam jum duukam jir jumai ɨp. Gio puiꞌ na jax na paiꞌ dhuuk jix chu maax kaꞌ, na guꞌ cham tuꞌ pu chuꞌm jup tum maaxiꞌñdhaꞌ na paiꞌ dhuuk jix chukgam kaꞌ.

GALAASIA KAM 5:25

Baꞌ noꞌch guꞌ xib miꞌ puiꞌ tu daaꞌñchugɨt miꞌ puiꞌ tu duñiim na jax jich jurtudim gux Dhuuduꞌ kam jix Uañ Iiꞌmdaꞌ, dho gammɨjɨch miꞌ puiꞌ tu daaꞌñchugɨt miꞌ puiꞌ jiimdaꞌ na jax jich jurtudidhaꞌ.

EEPESO KAM 2:2

Miꞌ puiꞌ tu daaꞌñchugɨt japim nam jax jix buam tu jimdaꞌ gu jaꞌtkam nam yaꞌ dhi oiꞌñgaꞌn dai bhaan tɨtɨɨꞌñcho, jix jɨɨgiꞌñdhat japim na jax jam jurtuꞌnkaꞌ guiꞌ na iiꞌmdaꞌ bhaan jix jaiꞌch na bɨxchuꞌx bhaaiꞌ na pu tu duñiaꞌ, dhiꞌ na jaiꞌ iꞌiiꞌmdaꞌ puiꞌ ja daam jup tuꞌiiꞌ nam puiꞌ cham jup jir kɨkɨɨꞌ. Dhiꞌ baꞌ mɨk jaꞌk ja bhɨichdhatgɨdaꞌ gu jaꞌtkam na dɨɨlh jax ɨlhiiꞌñ guiꞌ nam jɨꞌk cham miꞌ puiꞌ jiimdaꞌ na jax jix aaꞌ gu Dios.

EEPESO KAM 4:18

Cham tu mamatdaꞌ am guꞌ dhiꞌ dhi jaꞌtkam, gio nam cham maatɨt tɇ kɇɇ sia ku jaroiꞌ tɨi tu ja aꞌgiꞌñ na jax jaꞌk jir joidham, pu cham maat am baꞌ na joidham jir jix kɨɨꞌ puiꞌ na jax jix aaꞌ gu Dios.

EEPESO KAM 5:2

Jix ja joiꞌgɨꞌndaꞌ pim gu jaiꞌ sia tuꞌ na pɨx kɨꞌn, jaꞌp na jax guch Xoiꞌkam nat xich joiꞌmdak jich aꞌmkam muu. Na guꞌ guch Xoiꞌkam nat muu, jaꞌp ji buus buiñor gu Dios nat jaroiꞌ kubhioñxi guiꞌ na kɨꞌn joidham uub. Dhiꞌ bhaan baꞌ xich joiꞌmdak jich chɨɨ.

EEPESO KAM 6:12

Nach guꞌ aach cham tuꞌ tu kokdaꞌ ja bui gu jaꞌtkam gu yaꞌ kam nam jix maax, guꞌ guiꞌ ji nam iꞌiiꞌmdaꞌ bhaan jix chu jaiꞌch nam cham maax, nam jix dhaam jaꞌp oipo, nam jir jix buam jum duuꞌnkam. Puiꞌ bɨxchuꞌx bhaaiꞌ ɨp nam pu tu duñiaꞌ nam jax ɨlhiiꞌñdhaꞌ, guꞌ pɨx ji na guꞌ dai yaꞌ dhi oiꞌñgaꞌn bhaan, na guꞌ dai yaꞌ pɨx nam gɇꞌgɇrkam jum ɨlhiiꞌñ.

KOLOOSAS KAM 1:12

Dai baꞌ na pim taxchaabgiꞌñdhaꞌ gu Dios jich Gɨꞌkoraꞌ joidham jix bhaiꞌm taatɨt nat ba tu jam biꞌ na pim paiꞌ buiñor aayaꞌ, na paiꞌ joidham jix chu maax, nat guꞌ gu Dios dɨɨlh puiꞌ pu ja tɨɨdak guch bopxi kat na puꞌñi maaꞌn kap ja aichdhaꞌ nam buiñor aayaꞌ guiꞌ nam jir jaꞌtkam tugiꞌñ kaꞌ.

KOLOOSAS KAM 1:13

Gu Dios miꞌ dhɨr jich boosolh na paiꞌch dhaam kap tuꞌt gux chukgam, miꞌ jaꞌk baꞌch chuttu na paiꞌr gɇꞌkam gu dɨɨlh Maraaꞌn, guiꞌ nax ioꞌm jix dhaꞌ.

TIITO 3:3

Puiꞌ dhor tuꞌm kat ich ji bɨɨpɨꞌ dɨr nach chakui tɨ jɨɨꞌñdhat buiñor guch Xoiꞌkam, bɨɨx aixim tu buadaꞌ ich na tuꞌ cham jir kɨɨꞌ, nach guꞌ pu cham tuꞌ kaꞌm nɨiꞌñdhaꞌ gu Dios, jaꞌp ji buusandaꞌ pɨx nach jir tujuandam tugiꞌñ kaꞌ gux buam jum duukam. Maiꞌ suulhgix kat ich tuꞌ sɨlhkam kɨꞌn, dai nach xich jɨjɨɨgak kaꞌ tuꞌ na pɨx bhaan nach jax dhuix bhaak kaꞌ.

1 JUAN 1:7

Guꞌ noꞌch sɨlhkam bɨɨx jich jujur kɨꞌn tɨ jɨɨꞌñdhat miꞌ puiꞌ ba jiim na jax jix aaꞌ, dho gi guꞌ puiꞌ bam kaiꞌch ji nach tuꞌ sɨlhkam jix chu maax kɨr jup tuꞌiiꞌ, na guꞌ tɨich bɨꞌñxiꞌñkaꞌ gu Dios noꞌch tuꞌ kaꞌm nɨiꞌñ. Gio guꞌ joidham jix bhaiꞌ kaiꞌchɨt maaꞌn ñiꞌook bap duukaꞌ ich nach jɨꞌk ba tɨ jɨɨgiꞌñ buiñor gu Dios, baꞌ gammɨjɨ ba tuch uañiꞌñkaꞌ noꞌch jich uaꞌtulhiꞌñ kɨꞌn gu ɨꞌraꞌn gu Maraaꞌn jich Xoiꞌkam nat jaax bhammɨ kuruus taꞌm.