EEPESO KAM 5:29 - Tepehuano Tepehuán del Sureste (Durango)

²⁹ Na guꞌ cham jaroiꞌ jaiꞌch gu maaꞌnkam na gampaiꞌ pɨx ɨlhiiꞌñdhaꞌ gu tukgaꞌn, guꞌ jaꞌpji gammɨjɨ nam jix ja joiꞌmdat jix bhaiꞌ ja buadaꞌ gu ja tutkuꞌ, tu ja maakdaꞌ am gio bɨɨx aixim nam jix bhaiꞌ ja buadaꞌ. Baꞌ puꞌñi xich joiꞌmdat gammɨjɨx bhaiꞌch bua guch Xoiꞌkam aach nach jɨꞌk buiñor tɨ jɨɨgiꞌñ.

EEPESO KAM 5:29 ပူးပေါင်းရင်းမြစ်များ

MATEO 23:37

Baꞌ bhaiꞌ joiꞌmdaraꞌ ji ai gu Jesuus ja aꞌmkam gu Jerusaleen oiꞌñkam, jup kaiꞌch: ―Aapiꞌm Jerusaleen oiꞌñkam na pim ja kooꞌn guiꞌ na bhaiꞌ tɨi jam joochxiꞌñdhaꞌ gu Dios nam baꞌ ya jaꞌp tu jam aꞌgidhaꞌ bhaankamuꞌn, guꞌ ji na pim guꞌ aapiꞌm joodai kɨꞌn maꞌyasimɨi muꞌaaꞌ gu jaroiꞌ noꞌt puꞌñi chuꞌm bhaiꞌ tɨi ba ji buus aapiꞌm jam bui. Baꞌ aañ tɨi pup xi jam aaꞌñdhimɨk na jax jaꞌk jam aꞌm ba tɨ nɨidhidhaꞌ gɨt gu Dios, jaꞌp na jax gu pippilh noꞌ ja baiꞌñ gu ja naan nam mu jaꞌk xi boopoyaꞌ, guꞌ ji na pimɨt guꞌ dɨɨlh cham aa.

MATEO 6:26

Guꞌ matgɨm gu tuꞌ na pim jugiaꞌ, dɨɨlh jam makiaꞌ ji guñ Gɨꞌkoraꞌ. ¿Jax japim gi ja nɨiꞌñ guꞌñi uꞌjiꞌ nam bha jaꞌp nɨnɨꞌ jix dhaam? Jaiñ nam cham paiꞌ tɨ ɨsdat tu kuaꞌ, ni nam cham paiꞌ tu baꞌpkichat mɨjɨ nammɨ ji chɨ kɨɨs gu tuꞌ nam kuaꞌ, na guꞌ tu ja maak guñ Gɨꞌkoraꞌ guiꞌ nat yaꞌ ja doꞌñcho dhi oiꞌñgaꞌn bhaan. Guꞌ gi baꞌ aapiꞌm nax ioꞌm xi jam daꞌ na pim jir jaꞌtkam, matgɨm jam makiaꞌ ji gu tuꞌ na jam aꞌm jum aaꞌndaꞌ.

ROOMA KAM 1:31

Gio pu cham maatɨt tɇ kɇɇ am sia jaroiꞌ tɨi tu ja aꞌgiꞌñ. Gio cham jɨꞌxkat pu duñiaꞌ am jax noꞌ mɨt tɨi xi chɨi. Gio nam cham tuꞌx joiꞌmdat nɨiꞌñdhaꞌ gu jaroiꞌ. Gio nam cham jɨꞌxkat tu uañdhaꞌ gu jaroiꞌ noꞌt tuꞌ bhaan mam uaꞌtulh ja bui, nam guꞌ pu cham maatɨt taat na jax tu tatdaꞌ noꞌñ jix chu joiꞌgɨꞌn.

EEPESO KAM 5:28

Gu chioꞌñ jaꞌpni jaꞌk jup jix joiꞌgɨꞌndaꞌ gu bɨngaꞌn na jax gu dɨɨlh tukgaꞌn. Na guꞌ gu jax chuꞌm chioꞌñ noꞌx joiꞌgɨꞌn gu bɨngaꞌn, jaꞌp ji buusandaꞌ na dɨɨlh xim joiꞌgɨꞌndaꞌ.

EEPESO KAM 5:30

Na guꞌ puiꞌ nañ jax ba kaiꞌch, bɨɨx jɨꞌmaꞌn nach jɨꞌk buiñor tɨ jɨɨgiꞌñ, jaꞌp ji buusan nach jir tukgaꞌn.

EEPESO KAM 5:31

Puiꞌ ku baꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: “Gu chioꞌñ noꞌt maaꞌn ba bhɨi gu ubii, miꞌ dhɨr ba jimiaꞌ ja bui gu gɨꞌkorgaꞌn, na guꞌ dɨlhkob jaꞌk ba tu kiichaꞌ bɨɨmaꞌn gu bɨngaꞌn. Jaꞌp ji buusniaꞌ baꞌ nam maaꞌn maaꞌnkam pɨx jup jum duñiaꞌ gook dɨt.”