EEPESO KAM 5:24 - Tepehuano Tepehuán del Sureste (Durango)

²⁴ Jum aaꞌ baꞌ na gu ubii tuꞌ kaꞌm nɨiꞌñdhaꞌ gu bɨngaꞌn sia pɨk nar jax kaꞌ gɨt, jaꞌp na jax aach nach jɨꞌk buiñor tɨ jɨɨgiꞌñ guch Xoiꞌkam nach guꞌ tuꞌ kaꞌm nɨiꞌñ.

EEPESO KAM 5:24 ပူးပေါင်းရင်းမြစ်များ

LUUKAS 10:17

Baꞌ gio pɨx jaꞌx jup ji ai mɨt gu baik ooꞌm daman mambhɨɨx gook guiꞌ nam kaichuꞌ gu Jesuus na mɨt jaꞌk ba suulh na mɨt tu ja aꞌgiꞌñpuk gu jaꞌtkam. Jix bhaiꞌm taattugɨt ba aagiꞌñ am na mɨt tuꞌ joidham tu duu mu jaꞌp, jup tɨtda am: ―¡Jich jaduuñ, giilhim xich jɨɨgiꞌñ am gu cham kɨkɨɨꞌ iꞌiiꞌmdaꞌ nach jum aꞌmkam maiꞌ ja jootos ja aꞌm dɨr gu jaꞌtkam! ¡Jotmodaꞌ pu buan am!

EEPESO KAM 5:23

Na guꞌ gu chioꞌñ pɨk bhaan jup tu tuꞌiiꞌ, cham tuꞌ gu ubii. Jaꞌp na jax guch Xoiꞌkam na guiꞌ pɨk bhaan jup tu tuꞌiiꞌ bɨɨx nach jɨꞌk buiñor tɨ jɨɨgiꞌñ. Gio guꞌ dhiꞌ pɨx jich Xoiꞌkam gammɨjɨch palhbuiꞌñchuꞌndaꞌ sia tuꞌ na pɨx bhaan, na guꞌ nañ jax ba kaiꞌch nach jir tukgaꞌn pɨx.

EEPESO KAM 5:25

Gio gu chichioꞌñ guiꞌ nam tɨ bɨpnaꞌ, puiꞌ tuꞌ kaꞌm jam jup ja nɨidhat jix ja joiꞌgɨꞌndaꞌ, jaꞌxbuiꞌ puiꞌp jix ja joiꞌgɨꞌndaꞌ am nat jɨꞌx xich joiꞌgɨlh guch Xoiꞌkam aach bɨɨx nach jɨꞌk buiñor ba tɨ jɨɨgiꞌñ xib. Gɇꞌkam kɨꞌn xich joiꞌmdak jich aꞌmkam muu guꞌ.

EEPESO KAM 5:33

Bɨɨx dho baꞌ na pim jɨꞌk jir chichioꞌñ na pim tɨ bɨpnaꞌ, jum aaꞌ na pim jix ja joiꞌgɨꞌndaꞌ gu jam bɨpnaꞌ. Gio bɨɨx na pim jɨꞌk jir uꞌuub na pim jup tɨ bɨpnaꞌ, jum aaꞌ ɨp na pim tuꞌ kaꞌm ja nɨiꞌñdhaꞌ gu jam bɨpnaꞌ chichioꞌñ.

KOLOOSAS KAM 3:20

Baꞌ aapiꞌm na pim tɨ gɨgɨꞌkoraꞌ, tuꞌ kaꞌm japim xi ja nɨidhat gu jam tataat gio gu jam nanaan, sia na pim jir aꞌaalh, piam ku pim jir biipibop, piam ku pim jir gɇꞌgɇr jaꞌtkam, na guꞌ puiꞌ jaꞌk jix aaꞌ guch Xoiꞌkam.

KOLOOSAS KAM 3:22

Gio aapiꞌm na pim puiꞌ pɨx jir tujuandam cham ji jam namkidhat, puiꞌ pim tuꞌ kaꞌm jup ja nɨidhat guiꞌ na pim tu ja juañxiꞌñ. Gammɨjɨ pim miꞌ puiꞌ ja duiñxidhidhaꞌ gu tuꞌ, cham tuꞌ dai nam paiꞌ dhuuk xi jam nɨiꞌñdhaꞌ noꞌ pim miꞌ puiꞌ tu duñiim.

TIITO 2:7

Na guꞌ aap jaꞌp ji buusandaꞌ nap jir ja booiꞌ kaꞌ, nam guꞌm nɨidhat nap jax jaꞌk tuiꞌñgɨdaꞌ miꞌ puiꞌp tu daaꞌñchuꞌndaꞌ. Baꞌ nap paiꞌ dhuuk tu ja aꞌgiꞌñdhaꞌ nam jax jaꞌk tuiꞌñgɨdaꞌ, jix gɨꞌm nap pu ja tɨtdadaꞌ, cham tuꞌ jaaxmadaꞌ bhaan.

TIITO 2:9

Baꞌ gu tujuandam nam puiꞌp tɨ jɨɨgiꞌñ buiñor guch Xoiꞌkam, xi ja aagiꞌñdhaꞌ ap nam cham jax ji kaiꞌchɨt miꞌ puiꞌp xi dhuñiidhat gu tuꞌ na ja chiandaꞌ gu jaroiꞌ nam tu juañxiꞌñdhaꞌ. Na guꞌ cham jir am noꞌm jix bhaakut pɨx tuꞌ kaiꞌch tuꞌ na ja chiandaꞌ, jir jix bhabhaiꞌkam kaꞌm pɨx buiñor.