EEPESO KAM 5:16 - Tepehuano Tepehuán del Sureste (Durango)

¹⁶ Gammɨjɨ pim tuꞌ jax xi buadaꞌ na tuꞌr jix kɨɨꞌp jum duukam, chaꞌpim gam ɨrdat darkaꞌ, na guꞌ cham tuꞌ gammɨjɨr jix kɨɨꞌ tanoolh kaꞌ.

EEPESO KAM 5:16 ပူးပေါင်းရင်းမြစ်များ

MATEO 25:17

Gio baꞌ guiꞌ na mɨt gook jix chamaam mambhɨɨx jix chaꞌtmam ooꞌm jup maa, puiꞌ kɨꞌn bhaiꞌp ji chu jua ɨp, baꞌ jaꞌkbuiꞌ aixkam miꞌp buusaiꞌ na mɨt jɨꞌk miꞌ xi dhoꞌñchidhak.

JUAN 12:35

Baꞌ gu Jesuus jup ja tɨtda ɨp gio: ―Aañ pɨx ba jam aagiꞌñ iñ jiñ jaaduñ nañ jax jiñ dhuñiaꞌ jootom, cham jañ moo puiꞌ pɨx jam tɨtda. Baꞌ noꞌ pim jix aaꞌ na pim jix chu maax kɨr bap tuiꞌkaꞌ, miꞌ pim puiꞌ ba jimiaꞌ nañ jɨꞌk jax tu aꞌga, na guꞌ aañ jaꞌp ji buusan nañ joidham gɇꞌ tanoor nañ jɨꞌx yaꞌ kapup oirɨ. Cham maat japim guꞌ na pim pa jaꞌk bhɨichuꞌ na pim guꞌx chu tukgam kɨr jup tuꞌiiꞌ.

ROOMA KAM 13:11

Jix ja joiꞌmdat japim jix bhaiꞌ xi ja buadaꞌ gu jaꞌtkam, nat guꞌ xib jix ioꞌm ba miamrɨ na paiꞌ dhuuk bach baidhikaꞌ guch Xoiꞌkam nach buiñor bap tuiꞌkaꞌ, cham tuꞌ puiꞌ na jax janoꞌ na chich jax kiaꞌpɨx buiñor tɨ jɨɨꞌñ na mɨt paiꞌ dhuuk tuch aꞌgi gux bhaiꞌm kaiꞌchdham ñiꞌook. Jum aaꞌ baꞌ na pim jix bhaiꞌ xi ñiññiai xib miꞌ puiꞌ xi chu duñiaꞌ na jax jix aaꞌ gu Dios.

1 KORIINTO KAM 7:26

Nam gɨt puiꞌ dɨꞌdɨlhdhɨm ba oipodaꞌ, cham tuꞌm ka ja gaꞌngadaꞌ nam jaroiꞌ ja bɨɨm tu kiichaꞌ, na guꞌx chu xijai yaꞌ dhi oiꞌñgaꞌn bhaan noꞌñ ba tɨ bɨɨnaꞌ.

GALAASIA KAM 1:4

Guch Xoiꞌkam dɨɨlh jum doꞌñcho na mɨt mua na baꞌ puꞌñi jaꞌk tu namkix kaꞌ guch uaꞌtulhdharaꞌ, gam na baꞌ cham tuꞌch dhaam kap tuiꞌkaꞌ gux buam jum duukam na yaꞌ dhi oiꞌñgaꞌn jix jaiꞌch, nat guꞌ pu kaiꞌñkam bha jii na yaꞌ puiꞌ tu duñiaꞌ na jax jix aaꞌ gu Dios.

GALAASIA KAM 6:10

Jum aaꞌ nach bɨɨx jix bhaiꞌ ja buadaꞌ gu jaꞌtkam guiꞌ nam jum tulhiiñdhaꞌ, guiꞌ pɨk jach jix ioꞌm jix bhaiꞌ ja buadaꞌ nam puiꞌp tɨ jɨɨgiꞌñ buiñor guch Xoiꞌkam jaꞌp na jax aach, nam guꞌ dhiꞌ jaꞌp ji buan nam jix ioꞌm miaꞌn jir jich jaaduñ.

EEPESO KAM 6:13

Puiꞌ ku baꞌm aaꞌ na pim xi ja daꞌngiaꞌ bɨɨx dhiꞌ nat Dios ba tu jam maa na pim kɨꞌn jum palhbuidhaꞌ na paiꞌ dhuuk tɨi ji jam maiꞌchiaꞌ gux buam jum duukam. Maaꞌn baꞌ na pim jax miꞌ puiꞌ jiimdaꞌ na jax jix aaꞌ gu Dios, na guꞌ cham jɨꞌxdhaꞌ jax jam doodaꞌ sia pɨk jax kaꞌ gɨt noꞌ pim aapiꞌm xi guꞌkiꞌ.

EEPESO KAM 6:15

Gammɨjɨ pim jix kɨɨꞌm duukaꞌ na pim baꞌ cham xijaichdhaꞌ na pim naiꞌ tu aꞌgaꞌ gux bhaiꞌm kaiꞌchdham ñioꞌkiꞌñ guch Xoiꞌkam na bhaan tu aꞌga nach jax jaꞌk jix bhaiꞌch chaatɨt tu oiꞌñkaꞌ. Baꞌ dhiꞌ jaꞌp ji buusandaꞌ na pim aaꞌnkaꞌ gu sussak guiꞌ nam jax chuꞌm sandaaruiꞌx ja aꞌda.

KOLOOSAS KAM 4:5

Dɨɨlh japim xim gaꞌngadaꞌ ɨp na pim jax jaꞌk tu jimdaꞌ ja bui guiꞌ nam cham buiñor tɨ jɨɨgiꞌñ guch Xoiꞌkam. Gammɨjɨ pim tu ja aꞌgiꞌñdhaꞌ gux bhaiꞌm kaiꞌchdham ñioꞌkiꞌñ guch Xoiꞌkam, cham tuꞌ na pim jax chuꞌm tanoolh gam ɨrdat darkaꞌ.