EEPESO KAM 5:11 - Tepehuano Tepehuán del Sureste (Durango)

¹¹ Chaꞌpim jaiꞌ ja palhbuiꞌñdhaꞌ gu tuꞌ nam jax buadaꞌ guiꞌ nam cham maat ni jɨꞌx na jax jir tuꞌm kam gu Dios, na guꞌ nam jɨꞌk tuꞌ jax buadaꞌ, pu cham tuꞌ mi nɨnɨiꞌñ am. Jaꞌkbuiꞌ kat ji na pim ja aagiꞌñdhaꞌ na cham jir am puiꞌ nam jax jaꞌk tu bua.

EEPESO KAM 5:11 ပူးပေါင်းရင်းမြစ်များ

MATEO 18:15

’Guꞌ baꞌ noꞌ jax dhuukat aapiꞌm maadɨt tuꞌ jax ma jam duiñ gu jax chuꞌm jam jaduuñ, jix bhaiꞌ nap mu jaꞌp dɨlhkob xi baabui xi chu aꞌgidhaꞌ na cham bhaiꞌ na puiꞌ tu buadaꞌ. Baꞌ noꞌ jax kaiꞌch na cham puiꞌ ka tu buadaꞌ, dho guꞌ puiꞌ dho na pim jax jix bhaiꞌ ba kaiꞌchdhaꞌ na jax bɨɨpɨꞌ dɨr.

LUUKAS 3:19

Baꞌ gu Juan jɨꞌkchi kim jup ñiok gux kaiꞌ Eroodis na sap cham jir am nat gan bhɨi gu Erodiiyas, sia ku tɨir bɨngaꞌn gu sɨpdhiꞌñ Piliip. Bɨɨx puiꞌp xi chɨtdadaꞌ na jɨꞌk tuꞌx buam tu buadaꞌ.

GU NOONBIꞌÑ GUCH XOIꞌKAM 26:18

Baꞌ dhiꞌ jaꞌp kaiꞌñkam jañ mum jootsaꞌ nap ja aagiꞌñdhaꞌ nam baꞌ ba machiaꞌ nam jax jaꞌk miꞌ puiꞌ jimiaꞌ nam baꞌ cham jix chu tukgam kɨr ka oipodaꞌ, nam baꞌ cham ka kaichgɨdaꞌ gu jaꞌook. Guꞌ jaꞌpji nam miꞌ puiꞌ ba jimiaꞌ ji na jax jix aaꞌ gu Dios, gio nam baꞌ ba tɨ jɨɨꞌñdhaꞌ aañ jiñ bui. Dhiꞌ puꞌñi jaꞌk duuk baꞌ ba uañchudhix kaꞌ gu ja uaꞌtulhdharaꞌ, gio na baꞌ ja aꞌm biꞌyaꞌ guiꞌ nat tuꞌ ba ja iimchuda guiꞌ na jɨꞌk ja aꞌm ba tɨ nɨidhim gu Dios.”

ROOMA KAM 13:12

Jaꞌp ji buusan guꞌ nach tukaaꞌ buujim xib, guꞌ pɨx ji nach guꞌ ba xiaꞌñdhim, cham xiim bhaiꞌ ba tu maaxilhiaꞌ. Puiꞌ ku baꞌch aꞌm jum aaꞌ nach cham tuꞌ bhaan kap jich buixiꞌñdhaꞌ gu tuꞌ nar jix chukgam gaꞌn, guꞌ jaꞌpji dai guiꞌ na tuꞌr jix chu maax gaꞌn nach bap tu duñiidhaꞌ. Jaꞌp ji buusniaꞌ nach gux chu maax kɨꞌn ba tɨch chɨiꞌdhaꞌ, jaꞌp na jax gu sandaaruiꞌx nam bapaiñum kuktun ba tɨm tɨiꞌdhaꞌ noꞌm bax chu kokdak.

ROOMA KAM 16:17

Baꞌ aapiꞌm jiñ jaaduñ jich Xoiꞌkam bhaan, chaꞌpim mi ja kɇkɇɇdaꞌ guiꞌ nam maakam tu aagiꞌñ gux bhaiꞌm kaiꞌchdham ñioꞌkiꞌñ guch Xoiꞌkam. Na guꞌ noꞌ pimɨt miꞌ ba ji ja kai, naiꞌ pɨx jim jɨꞌdɨlhkadaꞌ pim, cham tuꞌ pim maaꞌn ñiꞌook kap duukaꞌ, pu chuꞌm pɨx tu uaꞌpu noꞌ pim mi ja kɇkɇɇ. Piam jaiꞌ dhɨt cham ka tɨ jɨɨgiꞌñdhaꞌ am buiñor guch Xoiꞌkam jax ña pɨx. Guꞌ jaꞌpji na pim dhiꞌ bhaan tu daaꞌñchuꞌndaꞌ na mɨt jax chuꞌm ñiꞌook tu jam aꞌgi.

ROOMA KAM 6:21

Pu cham tuꞌ pimɨt mi chɨɨ na pim jax jaꞌk tu jimdat bɨɨpɨꞌ dɨr na pim jum uaꞌtulhiꞌñdhaꞌ, dai na pim bhaan pɨx tɨi bax xiꞌɨr baꞌ xib, na pim guꞌ mu jaꞌk sɨlh ba jiimɨt na pim paiꞌ gammɨjɨ gɨt miꞌ pup jum tulhiiñdhaꞌ.

GALAASIA KAM 6:8

Na guꞌ gu jaroiꞌ nax joojoidhat daix buam jum duukam jup tu buadaꞌ, jaꞌp ji buusan na pu chuꞌm tɨ ɨsdaꞌ. Baꞌ na mu ba aayaꞌ na paiꞌ bam tulhiiñaꞌ, jaꞌp ji buusniaꞌ na pu chuꞌm ba tu oraaꞌ. Baꞌ gu jaroiꞌ nax joojoidhat miꞌ puiꞌp tu duñiidhaꞌ na jax pɨx jurtudidhaꞌ gux Dhuuduꞌ kam jix Uañ Iiꞌmdaꞌ, dhiꞌ puiꞌp ji buusan na pu chuꞌm jup tɨ ɨsdaꞌ. Baꞌ na paiꞌ dhuuk ba aayaꞌ buiñor gu Dios na gammɨjɨ buiñor bap tuiꞌkaꞌ, jaꞌp jup ji buusniaꞌ na pu chuꞌm jup tu oraaꞌ.

EEPESO KAM 4:22

Baꞌ chaꞌpim gio jaꞌk jup ka sulhiiꞌndaꞌ mu jaꞌk na pim paiꞌx buam tu jimdat bɨɨpɨꞌ dɨr, na paiꞌ gux buam jum duukam puiꞌ jam duiñchuꞌndaꞌ na pim jix buam tu buadaꞌ na tuꞌ cham jir kɨɨꞌ.

EEPESO KAM 5:12

Jix xiꞌɨraam guꞌ sia noꞌch am jaiꞌ pu chuꞌm jup tu aꞌga aach nach jɨꞌk jix chu maax kɨr bap tuꞌiiꞌ, nam guꞌx chu tukgam kɨr jup tuꞌt puiꞌ tu bua guiꞌ.

EEPESO KAM 5:7

Jam aagiꞌñ iñ baꞌ na pim cham tuꞌ mi ja jɨɨgiꞌñdhaꞌ dhiꞌ pu chuꞌm gu jaꞌtkam, ni ku pim am ja bɨpnatdaꞌ.

KOLOOSAS KAM 1:12

Dai baꞌ na pim taxchaabgiꞌñdhaꞌ gu Dios jich Gɨꞌkoraꞌ joidham jix bhaiꞌm taatɨt nat ba tu jam biꞌ na pim paiꞌ buiñor aayaꞌ, na paiꞌ joidham jix chu maax, nat guꞌ gu Dios dɨɨlh puiꞌ pu ja tɨɨdak guch bopxi kat na puꞌñi maaꞌn kap ja aichdhaꞌ nam buiñor aayaꞌ guiꞌ nam jir jaꞌtkam tugiꞌñ kaꞌ.

1 TESALOONIKA KAM 5:7

Na guꞌ guiꞌ nam kookos kaꞌ, tukaaꞌ buujidhaꞌ am kum baꞌ kookos kaꞌ, gio guiꞌ nam jix maik kaꞌ, puiꞌ tukaaꞌ buujidhaꞌ am ɨp kum baꞌx maik kaꞌ.

2 TESALOONIKA KAM 3:14

Noꞌ jaroiꞌ maadɨt cham pu bua nach jɨꞌk jax kaiꞌch dhi uꞌuan taꞌm bhaan, jix xiꞌɨraam japim xi ñɨidhat cham mi bɨpnatdaꞌ na baꞌ bhaan maachidhat jix xiꞌɨraidhaꞌ ɨp dɨɨlh.

2 TESALOONIKA KAM 3:6

Aapiꞌm jiñ jaaduñ jich Xoiꞌkam bhaan, jix gɨꞌm jañ jaꞌpnip xi jam tɨɨdam bhaankam gu Gɇꞌkam jich Xoiꞌkam. Chaꞌpim mi bɨpnatdaꞌ gu jax chuꞌm jich Xoiꞌkam jɨɨgiꞌñdham noꞌ cham tu juanam, piam noꞌ cham miꞌ puiꞌ tu daaꞌñchuꞌ nach jax jam aagiꞌñ na pim tuiꞌñgɨdaꞌ.

1 TIMOTEO 5:20

Baꞌ noꞌm jaiꞌ dhɨt puꞌñi kɨɨsaim nam jum uaꞌtulhiꞌñ, ja ñiokdhaꞌ ap nam paiꞌ dhuuk bɨɨx maap jup tuiꞌkaꞌ guch Xoiꞌkam jɨɨgiꞌñdham nam baꞌ jaiꞌp tɇ kɇɇkɇt jix chotdonɨt cham puiꞌp jum uaꞌtulhiꞌñdhaꞌ.

1 TIMOTEO 5:22

Gu jaroiꞌ nap bax dhaasam kaꞌ na bɨɨpɨꞌ dɨr kɨɨkat ja aagiꞌñdhaꞌ gu ñioꞌkiꞌñ gu Dios guch Xoiꞌkam jɨɨgiꞌñdham, bɨɨpɨꞌp xi nɨiꞌñdhaꞌ noꞌx joojoiꞌñ na miꞌ puiꞌ jim na jax jix aaꞌ gu Dios. Na guꞌ noꞌt jax dhuukat cham miꞌ puiꞌ ka jii, aap jum aꞌm ji chɨ gɨxiaꞌ. Dai gux kɨɨꞌp jum duukam jap bhaan jum tukgiꞌñkaꞌ nap xip tu duñiidhaꞌ.

1 TIMOTEO 6:5

Bar koꞌkdhicham kaꞌ pɨx baꞌ, gammɨjɨ bɨɨx aixim pɨx bam buidhaꞌ am dai jaꞌp tuutuꞌm nam cham ji maatɨt na jax pɨk jaꞌk jir sɨlhkam. Nam guꞌ bax iaꞌñdhix kaꞌ gu tuꞌ na cham jir kɨɨꞌ kaꞌ, bhaan pɨx jum tutumñigamtaidhaꞌ am nam jax jaꞌk tu jimdaꞌ. Chaꞌp mi ja kɇkɇɇdaꞌ pu chuꞌm gu jaꞌtkam.

2 TIMOTEO 3:5

Puiꞌ xi kaiꞌchdhaꞌ am nam Dios buiñor tɨ jɨɨgiꞌñdhaꞌ, guꞌ pɨx ji na guꞌ nam jax jaꞌk tu jimdaꞌ, dhiꞌ bhaan jix maatɨꞌ kaꞌ nam cham tuꞌ miꞌ puiꞌ jiimdaꞌ na jax jaꞌk jix aaꞌ gu Dios nam tuiꞌñgɨdaꞌ. Chaꞌp mi ja bɨpnatdat dhiꞌ pu chuꞌm gu jaꞌtkam.

2 TIMOTEO 4:2

nap siamri xi chu aꞌgaꞌ gux bhaiꞌm kaiꞌchdham ñioꞌkiꞌñ guch Xoiꞌkam. Cham jax bua sia kum cham kaik piam kum guꞌx kaik, na cham jɨꞌx ɨɨkix kaꞌ nap tu aꞌgadaꞌ. Jix bhaiꞌp ja aagiꞌñdhaꞌ nam jax jaꞌk jix maatɨt jum kɇɇkɇꞌ nam baꞌm jɨɨgiꞌñdhaꞌ. Gu jaroiꞌ noꞌ buam pɨx tu bua, xi aagiꞌñdhaꞌ ap jix gɨꞌm na cham puiꞌ jaꞌk tu jimdaꞌ. Xi ja guguuxdhat ap nam baꞌ cham jum oꞌjolhiꞌñdhaꞌ. Chaꞌp bhaamdaꞌ kɨꞌn jup tu ja mamtuxiꞌñdhaꞌ.

TIITO 2:15

Baꞌ aap miꞌ dhɨr puꞌñip ja aagiꞌñdhaꞌ guch Xoiꞌkam jɨɨgiꞌñdham, bɨɨx aixim jap bhaan xi ja guguuxiꞌñdhaꞌ nam jax jaꞌk miꞌ puiꞌ jiimdaꞌ. Ja ñiokiꞌñdhaꞌ ap noꞌm jaiꞌ cham miꞌ pu bua, nap guꞌ jaꞌp ji buusandaꞌ nap aap jir gɇꞌkam kaꞌ ja bui. Chaꞌp gan ja doꞌñchokaꞌ nam tuꞌ pɨx jum ɨlhiiꞌñdhaꞌ.

NAT JAX TƗ TƗƗ GU JUAN 18:4

Baꞌ bhammɨ dɨr jix dhaam jup tum kaiꞌch ɨp: ―Aapiꞌm na pim jɨꞌk ba kaichuꞌ gu Dios, jaꞌk japim jimiaꞌ miꞌ dhɨr dhi gɇꞌ kiicham na cham jam iaꞌñdhaꞌ gu ja uaꞌtulhdharaꞌ gu miꞌ oiꞌñkam, gio na baꞌ cham jaiꞌ jam daam jimiaꞌ gu tulhiiñaraꞌ na paiꞌ dhuuk ja aꞌm gɨxiaꞌ.