EEPESO KAM 4:7 - Tepehuano Tepehuán del Sureste (Durango)

⁷ Ku guꞌ guch Xoiꞌkam bɨɨx jɨꞌmaꞌn jich dharai ji nach tuꞌ jax dhuñiaꞌ bhaankam, baꞌ dhiꞌ bhaan jix joojoidhaich miꞌ pu duñiaꞌ. Pu chuꞌm kɨꞌn jich dharai guch Xoiꞌkam nat jax chuꞌm ɨlh dɨɨlh,

EEPESO KAM 4:7 ပူးပေါင်းရင်းမြစ်များ

MATEO 25:15

’Maadɨt miꞌ xi maa jix chamaam mambhɨɨx jix chaꞌtmam ooꞌm gu bapaiñum tuumiñ, gu jumai baꞌ gook mambhɨɨx jix chaꞌtmam ooꞌm miꞌp xi maa ɨp, maaꞌn baꞌ maaꞌn mambhɨɨx jix chaꞌtmam ooꞌm pɨx maa, na guꞌ na jax ja nɨiꞌñ nam jax jix chu jujuanaraꞌ bɨɨx jɨꞌmaꞌn.

JUAN 3:34

Nat guꞌ pu kaiꞌñkam bha joot gu Dios maakak gux Dhuuduꞌ kam jix Uañ Iiꞌmdaꞌ gɇꞌ cham daaxix kam, na baꞌ yaꞌ bhaankamuꞌn tu aꞌgaꞌ.

ROOMA KAM 12:3

Aañ nañ jir nobiiꞌñ guch Xoiꞌkam nat pu chuꞌm kɨꞌn jiñ dhai gu Dios, pu jam tɨtda iñ jiñ jaaduñ na pim cham tuꞌx ioꞌm tuꞌ kaꞌm xim ɨlhiiꞌñdhaꞌ, daipuꞌ ji na pim jax pɨx jum ɨlhiiꞌñ xib, nat jɨꞌx pɨx bhaan jam aꞌm tɨ tɨɨ gu Dios na pimɨt soiꞌm ɨlhdhak buiñor tɨ jɨɨꞌñ.

2 KORIINTO KAM 6:1

Baꞌ aach nach jir tujuandam tugiꞌñ gu Dios, soiꞌch jam tɨtda na pim miꞌ puiꞌ xi jiimdaꞌ na jax jix aaꞌ nat kapbhaiꞌ xi jam joiꞌmdak jam aꞌm ba tɨ tɨɨ, bɨɨx aixim bhaan bax maat japim guꞌ na sɨlhkam xi jam joiꞌmdat jam aꞌm tɨ nɨiꞌñ.

EEPESO KAM 3:2

Bax maat japim dho nat gu Dios pɨx pu chuꞌm kɨꞌn jiñ dhai nañ puꞌñi jam aagiꞌñdhaꞌ nat tuꞌ bhaan xich joiꞌmdak jix bhaiꞌch dhuu, puiꞌ nat jax pu tɨi bɨjɨk na tu duñiaꞌ.

EEPESO KAM 3:8

nañ guꞌ tɨir cham tuꞌ, gampaiꞌ tuꞌm iñ ja bui guiꞌ nam puiꞌ Dios jup jir jaꞌtkam tugiꞌñ. Guꞌ ji nat guꞌ guiꞌ xiñ joiꞌmdak jiñ dhai nañ aañ jir diꞌ kaꞌ nañ naiꞌ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam, nañ ja aaꞌñdhaꞌ na bhaankam guch Xoiꞌkam jix bhaiꞌ ba tuch jim. Bɨɨx aixim bhaan jix bhaiꞌ ba tuch jim na jaroiꞌ pu cham jɨꞌxdhaꞌ tɨɨmoꞌ sia ku tɨi ba tu jaꞌkɨlhiꞌñ.

ISRAEL KAM 2:4

Gio guꞌx bhaiꞌx maatɨꞌ na sɨlhkam jir diꞌ gu Dios na yaꞌ oilhimɨk jich bui, na guꞌ bɨxchuꞌp tu buimɨk jix bhaiꞌm duukam nach tuꞌ cham jɨꞌxkat puiꞌ tɨ nɨidhat. Sia xib jix bhaaiꞌ nach bhaankamuꞌn guiꞌ jix bhaiꞌm duukam jup tu duñiaꞌ nach jɨꞌk ba tɨ jɨɨgiꞌñ buiñor, sia ku cham yaꞌ kap tuꞌiiꞌ jich bui, nat guꞌ xich chajaañdhak gux Dhuuduꞌ kam jix Uañ Iiꞌmdagaꞌn na baꞌ puiꞌ jaꞌk jich jurtudidhaꞌ nach jɨꞌk tuꞌ jax dhuñiaꞌ bhaankamuꞌn bɨɨx jɨꞌmaꞌn.

1 PEEGRO 4:10

Na guꞌ aapiꞌm xi jam joiꞌndat jam aꞌm ba tɨ nɨidhim gu Dios, puiꞌ ku pim baꞌ aapiꞌm puiꞌp jix ja joiꞌndat xi chu ja maakidhat gu jaiꞌ gu tuꞌ na jam maakidhaꞌ xi jam joiꞌndat guch Gɨꞌkoraꞌ. Puiꞌ pim xi chu duñiidhaꞌ jax ña pim jaꞌk jix joojoiꞌñdhaꞌ na pim bhaankamuꞌn tu juanaꞌ gu Dios, nat guꞌ bɨɨx jɨꞌmaꞌn ba jam maa na pim jax tu duñiaꞌ bhaankamuꞌn.