EEPESO KAM 4:32 - Tepehuano Tepehuán del Sureste (Durango)

³² Bar jix bhabhaiꞌkam kaꞌ pim pɨx, jix ja joiꞌmdat japim jix bhaiꞌ xi ja buaꞌt gu jaiꞌ. Xi chum uꞌuañdhat japim noꞌ pimɨt tuꞌ cham am bua, puiꞌ nat jax xi jam joiꞌmdak tu jam uañ gu Dios bhaankam guch Xoiꞌkam.

EEPESO KAM 4:32 ပူးပေါင်းရင်းမြစ်များ

MATEO 6:12

Gio baꞌ nap iam tuch uañiꞌñkaꞌ ɨp nach jɨꞌx mach uaꞌtulhdhaꞌ aap jum bui, nach guꞌ aach puiꞌp tu ja uañiꞌñ guiꞌ nam puiꞌp jum uaꞌtulhiꞌñ aach jich bui.

MAARKOS 11:25

Baꞌ na pim paiꞌ dhuuk tu aꞌgadaꞌ jix dhaam jaꞌk buiñor guñ Gɨꞌkoraꞌ, noꞌ pim ampɨk tɨꞌñchu na pim jix bhaamut nɨiꞌñ gu jaroiꞌ, chaꞌpim bhaamut ka tɨꞌñchukaꞌ, tu uañiꞌñkaꞌ pim pɨx na baꞌ guñ Gɨꞌkoraꞌ puiꞌp tu jam uañiꞌñkaꞌ gu jam uaꞌtulhdharaꞌ.

LUUKAS 1:78

Nat guꞌ gu Dios jich Gɨꞌkoraꞌ gɇꞌkam kɨꞌn ba xich joiꞌgɨlh, yaꞌ bach aichulh jix dhaam dɨr maaꞌn guiꞌ na gɇꞌ mɨimtuꞌ. Dhiꞌ jaꞌp ji buus jich bui nat kiaꞌpɨx bhaiꞌ ba tu kobxi gu tanoolh xiaꞌlhbui dhɨr.

LUUKAS 11:4

Gio baꞌ nap iam tuch uañiꞌñkaꞌ nach jɨꞌx mach uaꞌtulhdhaꞌ jum bui, puiꞌ nach jax jup tu ja uañiꞌñ aach guiꞌ nam jup jum uaꞌtulhiꞌñ jich bui. Gammɨjɨp iam jich aꞌm tɨ nɨidhidhaꞌ na cham jich maiꞌchɨi gu jaꞌook jumai boi bhaan jich bhɨichdhaꞌ na paiꞌ maiꞌx chɨ gɨɨxiꞌ.

LUUKAS 17:4

Sia chi moo xijum gookim gu tanoolh jum uaꞌtulh jum bui, tu uañiꞌñ kaꞌ ap noꞌt jaꞌkbuiꞌ kim puiꞌp jum tɨɨꞌn na cham puiꞌ ka tuiꞌkaꞌ.

LUUKAS 6:35

Bɨɨx pɨx ji na pim jix ja joiꞌgɨꞌndaꞌ gu jaꞌtkam, jix bhaiꞌ pim ja buadaꞌ sia guiꞌ nam xi jam bhaamkiꞌñdhaꞌ. Ja taiñbuiꞌñdhaꞌ pim gu tuꞌ nam jum taiñbuiꞌñdhaꞌ, chaꞌpim nɨɨrat mu dɨr bha jaꞌk nam puiꞌp duñiaꞌ. Puꞌñi jaꞌk dho gi guꞌ puiꞌ bam kaiꞌchdhaꞌ ji na pim jir maamraꞌn gu Dios guiꞌ nax dhaam jup tuꞌiiꞌ, na siax ja joiꞌgɨꞌn guiꞌ nam cham buiñor tɨtɨɨꞌñcho gam guiꞌ nam cham tuꞌ kaꞌm tɨ nɨiꞌñ.

LUUKAS 6:37

’Chaꞌpim jaꞌk buppiꞌñdhaꞌ gu jaroiꞌ sia kut tuꞌx buam jam duiñ, tu uañiꞌñkaꞌ pim pɨx, na guꞌ cham jɨꞌxkat tu jam uañdhaꞌ gu Dios noꞌ pim aapiꞌm cham tu ja uañiꞌñ gu jaꞌtkam.

GU NOONBIꞌÑ GUCH XOIꞌKAM 28:2

Baꞌ gu miꞌ oiꞌñkam pɨx jix bhaiꞌch chɨtda am gio na mɨt mi jaꞌp ba tu nai gɇꞌ, na guꞌ giilhim jix jɨɨpiꞌñ na bha duuk, baꞌ bach baiꞌñ am nach muiꞌ xi juukgipuꞌ.

ROOMA KAM 12:10

Puiꞌ pim jaꞌk xim ja joiꞌgɨꞌndaꞌ na jax noꞌ pim miaꞌn jir jum jajaaꞌnnim kaꞌ gɨt. Tuꞌ kaꞌm japim xim nɨnɨidhat, cham tuꞌ na pim ampɨx jum jajaaxmagiꞌñdhaꞌ.

1 KORIINTO KAM 13:4

Gux chu joiꞌgɨꞌn, dhiꞌ puiꞌm tɨɨtɨꞌ noꞌñ jix maat nañ jax jaꞌk nakgaꞌ noꞌx buam tuñ jim, gio nañ jix bhaiꞌ ja buadaꞌ gu jaiꞌ. Gio nañ cham tuꞌ bhaan tɨ jɨɨgam kaꞌ, gio nañ cham tuꞌ naiꞌ pɨx am ja nɨnɨiꞌñchuꞌndaꞌ gu jaiꞌ gu tuꞌ nañ xi biaꞌkaꞌ. Gio nañ cham tuꞌ kaꞌm gɇꞌkam jiñ chaat kaꞌ,

2 KORIINTO KAM 2:10

Baꞌ aañ jup tu uañdhaꞌ yaꞌ dɨr dhiꞌ na pim jaroiꞌ tu uañdhaꞌ, guiꞌ dho ji noꞌm aaꞌ ɨp nañ bɨɨx jaiꞌp tu uañdhaꞌ aañ piam ku guꞌ cham. Aañ guꞌ puiꞌ pɨx duiñchuꞌ na pim baꞌ miꞌ puiꞌp tu daaꞌñchuꞌndaꞌ na pim jax jiñ ñɨidhat, na guꞌ puꞌñi jaꞌk jich aꞌm tɨ nɨidhidhaꞌ guch Xoiꞌkam.

2 KORIINTO KAM 2:7

Dai baꞌ na pim ba tu uañdhaꞌ pɨx nat bach aꞌga, chaꞌpim ka juandaꞌ. Jix bhaiꞌ pim pɨx ba tɨtdadaꞌ na cham jix buam jum aaꞌndaꞌ.

2 KORIINTO KAM 6:6

Sia bɨɨx aixim bhaan jup jix maatɨꞌ nach jax jich aaꞌch jujur am, puiꞌ na jax nach miꞌ puiꞌ tu aꞌga na jax jir sɨlhkam, gio nach tu nakooꞌndaꞌ sia kuch jich chulhiiñ, gio nach jix ja joiꞌmdat jix bhaiꞌ ja buidhaꞌ gu jaꞌtkam tuꞌ sɨlhkam kɨꞌn, gio gux Dhuuduꞌ kam jix Uañ Iiꞌmdaꞌ nach aꞌm jup tuiꞌdhiꞌ.

EEPESO KAM 5:1

Jir maamraꞌn japim aapiꞌm gu Dios, baꞌ joidham xi jam daꞌ. Xi gaagidhaꞌ pim na pim jax jaꞌk tɨi gɨt puiꞌp xi chu jimdaꞌ na jax guiꞌ, miꞌ puiꞌ pim xi jiimdaꞌ na jax jix aaꞌ.

SANTIAGO 5:11

Aapiꞌm baꞌ puꞌñi ɨp, na guꞌ aach nach jɨꞌk ba tɨ jɨɨgiꞌñ buiñor guch Xoiꞌkam, gammɨjɨ jich aꞌm tɨ nɨidhidhat jich palhbuiꞌñchuꞌ guch Gɨꞌkoraꞌ nach baꞌ gammɨjɨx bhaiꞌch chaatɨt jix jɨjɨkgɨm jup tuiꞌkaꞌ guch iꞌiiꞌmdaꞌ bhaan, sia kuch puꞌñi bɨɨx aixim bhaan jich chulhiiñ. ¿Jax japim gi bax maat nat tu jii bɨjɨk guiꞌ na Job tɨɨgich? Jaiñ nat giilhim jum tulhii bɨɨx aixim bhaan, ku guꞌ miꞌ nat xi ñakoo sia ku jax giilhim jix buam tu tatdaꞌ, joidham jix bhaiꞌ tu jii ji, gɇꞌp jum duukam jup tu duu gu Dios buiñor, jix joiꞌndat palhbui, na guꞌ bhaan tɨ nɨidhidhat jup tuiꞌkaꞌ. Aach baꞌ puꞌñi ɨp jiñ jaaduñ noꞌch xi ñakooꞌ siach puꞌñi giilhim jich chulhiiñ tuꞌ na pɨx bhaan, guiꞌ dhoch palhbuidhaꞌ, na guꞌ guiꞌ joidham jir jix bhaiꞌkam, dai pɨx ji noꞌch jix biiñak buiñor.

2 PEEGRO 1:7

Miꞌ dhɨr baꞌ bhaiꞌ ji machiaꞌ pim ɨp na pim jax jaꞌk tuꞌ kaꞌm ja nɨidhat jix ja joiꞌgɨꞌndaꞌ gu jaiꞌch Xoiꞌkam jɨɨgiꞌñdham, nat guꞌ jam aꞌm bam tajaa gux chu joiꞌgɨꞌn na pim baꞌ kɨꞌn gammɨjɨ bax chu joiꞌgɨꞌndaꞌ.

1 JUAN 1:9

Jɇɇꞌ ji noꞌch maaxik jax kaiꞌch nach gammɨjɨ pɨx jich uaꞌtulhiꞌñ na baꞌr puiꞌ kaꞌ na jax jir sɨlhkam. Tuch uañiꞌñkaꞌ ɨp gu Dios noꞌch soiꞌch ɨlhdhat jax chɨtda na tuch uañdhaꞌ noꞌ chich tuꞌ bhaan mach uaꞌtulh.

1 JUAN 2:12

Jaꞌpniñ baꞌ moo yaꞌp tu jam uaꞌñxiꞌñ jiñ jaaduñ jich Xoiꞌkam bhaan na pim jix bhaiꞌ pɨx jum taat kaꞌ, nat guꞌ ba tu jam uañ gu Dios bɨɨx gu jam uaꞌtulhdharaꞌ nat jix bhaiꞌ duu guch Xoiꞌkam nat tuch ñamkix.