Baꞌ bɨɨx guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, puiꞌ na jax guiꞌ nam mu jaꞌp oiꞌñkaꞌ na paiꞌ jax bhaan bipioꞌ gu Judea dɨbɨɨr, gio baꞌ guiꞌ nam mu jaꞌk jup oiꞌñkaꞌ na paiꞌ jax bhaan jup bipioꞌ gu Galilea dɨbɨɨr, gio baꞌ guiꞌ nam mu jaꞌk jup oiꞌñkaꞌ na paiꞌ jax bhaan jup bipioꞌ gu Samaaria dɨbɨɨr, joidham jix bhaiꞌ tu ja jimdaꞌ, gio nam jix ioꞌm bha biiñkaidhaꞌ buiñor guch Xoiꞌkam, gio baꞌ nam miꞌ puiꞌ jiimdaꞌ na jax jix aaꞌ. Gio baꞌ nam pɨx ji muiꞌdhidhaꞌ, na guꞌ nabap tanoolh nam pɨx ji chɨ jɨɨꞌñdhidhaꞌ gu jaꞌtkam buiñor guch Xoiꞌkam, na guꞌ puiꞌ jaꞌk ja jurtuꞌnkaꞌ gux Dhuuduꞌ kam jix Uañ Iiꞌmdaꞌ.
EEPESO KAM 4:1 - Tepehuano Tepehuán del Sureste (Durango)1 Baꞌ aañiꞌ nañ yaꞌ kuup, pu kaiꞌñkam pɨx nañ jir tujuandam tugiꞌñ guch Xoiꞌkam. Aañ soiꞌñ jam tɨtda na pim miꞌ puiꞌ tuiꞌñgɨdaꞌ na jax jaꞌk bhaan jix maatɨꞌ kaꞌ nat jam aꞌm ba tɨ tɨɨ gu Dios, jam aꞌm ba tɨ nɨidhim guꞌ aapiꞌm. အခန်းကိုကြည့်ပါ။ |
EEPESO KAM 4:1
36 ပူးပေါင်းရင်းမြစ်များ
Baꞌ aapiꞌm jiñ jaaduñ jich Xoiꞌkam bhaan, aañ soiꞌ jam tɨtda na pim gammɨjɨ miꞌ puiꞌ xi jiimdaꞌ na jax jix aaꞌ gu Dios, kapbhaiꞌ nat xi jam joiꞌmdak jam aꞌm ba tɨ tɨɨ. Gammɨjɨ pim jix uꞌuañ jup tuiꞌñgɨdaꞌ guiꞌ buiñor, chaꞌpim tuꞌ bhaan kam uaꞌtulhiꞌñdhaꞌ. Na guꞌ noꞌ pim puꞌñi duiñchuꞌ, dhiꞌ bhaan gɇꞌkamtuꞌndaꞌ pim gu Dios, gio nax bhaiꞌ tu jam jimdaꞌ aapiꞌm dɨɨlh. Gio na guꞌ puꞌñi jaꞌk jaꞌp ji buusandaꞌ na pim makgɨrxiꞌñdhaꞌ gu Dios gu jam iꞌiiꞌmdaꞌ.
Baꞌ jaꞌp jañ jup xi jam tɨɨdam jiñ jaaduñ, xim gaꞌngadaꞌ pim noꞌ pim miꞌ puiꞌ jiim na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam. Na guꞌ noꞌ ñich moo muiꞌ ma jii piam ku guꞌ cham, puiꞌx chu maachim kaꞌ iñ sia nar jax kaꞌ gɨt noꞌ pim miꞌ puiꞌ jiim, gio noꞌ pim dɨɨlh xim guꞌnguxdhat na pim jax jaꞌk jix ioꞌm jum biiñkadim buiñor guch Xoiꞌkam, puiꞌ na jax jum kaiꞌch gux bhaiꞌm kaiꞌchdham ñiꞌook nach aagiꞌñ nach jax dhuñiaꞌ nach baꞌ cham jich chulhiiñaꞌ gatuuk.
Na guꞌ miꞌ dhɨr baꞌ noꞌ pim puꞌñix bhaiꞌ bax maat, miꞌ puiꞌ ba duiñchuꞌndaꞌ pim na jax jaꞌk jum aaꞌ noꞌñ puꞌñi buiñor bap tuiꞌdhiꞌ guch Xoiꞌkam, dai gux kɨɨꞌp jum duukam japim bap tu duñiidhaꞌ guꞌ na jax pɨx jix aaꞌ guiꞌ. Saalh japim puꞌñix kɨɨꞌp jum duukam bhaiꞌ jip tu duñiaꞌ, mɨkkat jix ioꞌm, na pim guꞌx bhaiꞌ ba machiaꞌ na jax jaꞌk jix aaꞌ gu Dios na pim miꞌ puiꞌ jiimdaꞌ.
Sia gu Epaapras mu jam ñioꞌkiꞌñ, dhiꞌ na puiꞌp jir tujuandam tugiꞌñ guch Xoiꞌkam. Dhiꞌ puiꞌp jix maat japim, na guꞌr mu kam jam bui. Gammɨjɨ soiꞌm ɨlhdhat tu daandaꞌ jam aꞌmkam aapiꞌm na baꞌ gu Dios jam aꞌm tɨ nɨidhidhaꞌ na pim miꞌ puiꞌ jiimdaꞌ na jax jix aaꞌ, na pim cham tuꞌ bhaan jum oꞌjolhdhat sia nar jax kaꞌ gɨt.
Nat guꞌ gu Dios miꞌ dhɨr bach boosolh nach paiꞌ mu jaꞌk ba jiimɨt nach paiꞌ gammɨjɨ miꞌ pup jich chulhiiñdhaꞌ gɨt, xib baꞌ dai nach aach dɨɨlh miꞌ puiꞌ ba jiimdaꞌ na jax jix aaꞌ. Xi dhoꞌñchidhaꞌ ich guch iiꞌmdaꞌ na baꞌ guiꞌ dɨɨlh puiꞌ jaꞌk duiñchuꞌndaꞌ na jax jix aaꞌ. Gio guꞌ aach cham tuꞌ tuꞌx bhaiꞌm duukam jup duu gu tuꞌ nat baꞌx bhaiꞌch dhuu gu Dios, guꞌ jaꞌpji dɨɨlh pɨx nat jix bhaiꞌch dhuu, na guꞌ pux maat na puiꞌ jaꞌk jix bhaiꞌ ji chu buusniaꞌ. Xich joiꞌgɨlh bhaankam guch Xoiꞌkam pu bɨɨpɨꞌ dɨr nat chakuip duuk dhi oiꞌñgaꞌn.
Gio nam cham tɨ ɨɨxiꞌñdhaꞌ, baꞌ dhiꞌ bhaan bhaiꞌ ji machiaꞌ am gu jaꞌtkam na gu Dios jix bhaaiꞌ na pataasaꞌ gu iiꞌmdagaꞌn gu jaroiꞌ noꞌt soiꞌm ɨlhdhak buiñor miꞌ puiꞌ ba jii na jax jum kaiꞌch gu ñioꞌkiꞌñ, jaꞌp na jax aach nat bach boosolh nach mu jaꞌk ba bhɨichgɨt nach paiꞌ gammɨjɨ gɨt miꞌ pup jich chulhiiñdhaꞌ.
Baꞌ aapiꞌm jiñ jaaduñ jich Xoiꞌkam bhaan na pim bar maamraꞌn gu Dios, nat gɇꞌkam kɨꞌn xi jam joiꞌndak jam aꞌm tɨ tɨɨ, jam aꞌm jum aaꞌ na pim bɨɨx jam jujur kɨꞌn tɨ jɨɨꞌñdhat jix biiñak kaꞌ buiñor guch Xoiꞌkam. Gu Dios pu kaiꞌñkam pɨx bha joot na yaꞌ puiꞌ ba ji buusandaꞌ na jax gu ja gɇꞌkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu jaꞌtkam nam tu daandaꞌ buiñor gu Dios.
Jaꞌpniñ baꞌ moo tɨip kaiꞌchɨt jiñ jaaduñ jich Xoiꞌkam bhaan, na pim gammɨjɨx bhaiꞌ pɨx jum taat kaꞌ, na pim guꞌ cham xiim ba jimiaꞌ maakam jaꞌk na paiꞌ joidham jix chu abhaar. Na guꞌ xib jaꞌp ji buusan na pim yaꞌ pɨx jaꞌp bhɨichuꞌ dhi oiꞌñgaꞌn bhaan, jaꞌp na jax paiꞌ noꞌñ cham jir miꞌ kam. Puiꞌ ji buusan na pim cham tuꞌr yaꞌ kam dhi oiꞌñgaꞌn, baꞌm aaꞌ na pim siamrix bhaiꞌ xi chu jimdat na jax jix kɨɨꞌ kaꞌm nɨiꞌñ guch Gɨꞌkoraꞌ na pim baꞌ jimiaꞌ jix dhaam. Chaꞌpim puiꞌ jaꞌk jup tu jimdaꞌ nam jax tu jim gu yaꞌ kam dhi oiꞌñgaꞌn nam cham tuꞌ kaꞌm nɨiꞌñ gu Dios. Xi ñakooꞌndaꞌ pim sia ku pim tɨi puiꞌp jix chu duñiik.
Tu uañiꞌñkaꞌ pim gu jaroiꞌ noꞌt tuꞌ jax ma jam duiñ, cham tuꞌ na pim yaꞌ dɨr mu jaꞌk puiꞌp doodaꞌ. Sia noꞌt jaroiꞌ giilhim jam tɨɨꞌn na jax cham jir am, tu uañiꞌñkaꞌ pim sia, cham tuꞌ na pim moo puiꞌ giilhim muiꞌp tɨɨdaꞌ yaꞌ dɨr mu jaꞌk na jax cham jir am. Xi chu daañxiꞌñdhaꞌ pim pɨx buiñor gu Dios nax bhaiꞌ tu jimdaꞌ sia ku buam pɨx jam bua, na baꞌ jam aꞌm tɨ nɨidhidhaꞌ ɨp aapiꞌm gu Dios, na pim guꞌr jix bhabhaiꞌkam kaꞌ.
Ku baꞌ guꞌ aapiꞌm cham jax jum aaꞌndaꞌ ji jiñ jaaduñ, na guꞌ nañ jax ba jam tɨtda na sia ku pim palhɨɨp jum tulhiiñ yaꞌ dhi oiꞌñgaꞌn, gatuuk joidham jix bhaiꞌ tu jam jimiaꞌ. Na guꞌ gu Dios guiꞌ na joidham jir jix bhaiꞌkam jam baidhikaꞌ jix dhaam jaꞌk na pim paiꞌ gammɨjɨ joidham jix jɨkgɨm bap tuiꞌkaꞌ. Gio na guꞌ noꞌ pim moo muiꞌ xix biiñak pɨx buiñor gu Dios, gammɨjɨ jam aꞌm tɨ nɨidhidhat jam palhbuiꞌñchuꞌndaꞌ, gam na jam guguuxiꞌñdhaꞌ na pim jɨꞌx yaꞌ kapup oipo na baꞌ cham pɨk moo xiꞌx buam xi chu tatdaꞌ kaꞌ noꞌ pim jum tulhiiñ, na pim guꞌ aapiꞌm ba tɨ jɨɨgiꞌñ buiñor guch Xoiꞌkam.
Na guꞌ gu Dios nax ioꞌm jir gɇꞌkam xich joiꞌndak tuch uañ guch uaꞌtulhdharaꞌ nach baꞌ miꞌ dhɨr jix bhaiꞌch chaatɨt ba tu daandaꞌ buiñor cham tuꞌ bhaan jax jich aagɨt, gio baꞌ nach joidham jix bhaiꞌ ba tu jimdaꞌ na jax jix aaꞌ, nach guꞌ bax maat nat gɇꞌkam kɨꞌn jix bhaiꞌm duukam jup tu duu aach jich bui nach baꞌ cham maiꞌ ka suulhgiaꞌ.
Baꞌ aañ puiꞌ tɨi jam guguuxiꞌñ jiñ jaaduñ na pim siamri cham jum kokdat, joidham japim xim jajoiꞌgɨꞌndaꞌ pɨx bɨɨx jɨꞌmaꞌn, na guꞌ puiꞌ jaꞌk aagix jia gu ñioꞌkiꞌñ gu Dios na pim jax ba tɇ kɇɇ janoꞌ dɨr na pimɨt paiꞌ dhuuk tɨ jɨɨꞌñ buiñor guch Xoiꞌkam. Cham tuꞌ na dhiꞌr xibkam nañ aañ muiꞌ ba tu jam uaꞌñxiꞌñ, pu dhiꞌ pɨx ji na jax bhaan ba tum aꞌga bɨjɨk dɨr.
ကြော်ငြာတွေ