Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




EEPESO KAM 3:3 - Tepehuano Tepehuán del Sureste (Durango)

3 Gu Dios dɨɨlh jiñ mattuda guꞌ nañ baꞌx maatɨt ba kɇɇ nat jax jaꞌk tu dai pu bɨjɨk na cham jaroiꞌ maatɨt kɇɇkɇt. Dhiꞌ baꞌr diꞌ na ñich jax jaꞌk mu tu jam uaꞌñ jɨꞌk daam bɨɨpɨꞌ dɨr.

အခန်းကိုကြည့်ပါ။ ကော်ပီ




EEPESO KAM 3:3
23 ပူးပေါင်းရင်းမြစ်များ  

’Baꞌ na ñich paiꞌ dhuuk gio yaꞌp ba ai dhi Jerusaleen, muiꞌ ma jii ñich mu gɇꞌ chiop na ñich ba tu daañim. Baꞌ nañ miꞌ ka tu daan,


Baꞌ maaꞌn na jax jiñ chɨtda gu Gɇꞌkam jich Gɨꞌkoraꞌ, jup kaiꞌch: “Jaꞌpji nap ba jimiaꞌ, nañ guꞌ aañ jix aaꞌ nap mɨk jaꞌk bhɨɨyaꞌ ja bui guiꞌ nam cham jir Israel kam jaꞌtkam.”


Gɇꞌ kɨꞌn dho guꞌ pɨx jiiñak bɨɨt am bɨɨx nam jɨꞌk miꞌp tuꞌiiꞌ nam puꞌñi kaiꞌch, jaiꞌ nam puiꞌ kaiꞌch na cham tuꞌr puiꞌ na jax kaiꞌch gu Paablo, jaiꞌ baꞌ nam puiꞌ kaiꞌch na sɨlhkam jir puiꞌ ji na jax kaiꞌch. Gio jaiꞌ miꞌ dhɨr jaꞌp na mɨt jax jup guguu guiꞌ nam sap jix mat kaꞌ gu ñioꞌkiꞌñ gu Dios nam puiꞌ jaꞌk jup tu jimdaꞌ na jax gu pariseos, jaiꞌ bhaiꞌ bhaankam jup ji ñio mɨt gu Paablo, jup kaiꞌch am: ―Dho guꞌ maaxik cham tuꞌ jax bua ji dhich jaduuñ gu tuꞌ nar jix buam jum duukam. ¿Jax jach gi biaꞌ nach jup tɨɨdaꞌ noꞌ guꞌ puiꞌ jaꞌk aagiꞌñ maadɨt gu nobiiꞌñ gu Dios na baꞌ puiꞌ jaꞌk tu jim, piam gu jax chuꞌm iiꞌmdaꞌ? Dho guꞌ cham jir am dho nach jax dhui moop ba ji sooꞌmchulhdhaꞌ.


Jiñ jaaduñ jich Xoiꞌkam bhaan, aañ jam aagiꞌñdhaꞌ na jax jaꞌk tuꞌt puiꞌ jaꞌk tu duiñchuꞌ gu Dios na pim baꞌ cham tuꞌ bhaan jix mamatdagɨm jum ɨlhiiꞌñdhaꞌ. Dho jaiꞌ dhɨt gu Israel kam jaꞌtkam ja kaapakai gu Dios gu ja jujur nam baꞌ cham jɨꞌx maatɨt tɇ kɇɇkɇꞌ, kut ji guꞌ alhio pɨx puiꞌ ja duu ji nam jɨꞌx pɨx bɨɨx ka xi chɨ jɨɨꞌñdhaꞌ buiñor guch Xoiꞌkam guiꞌ nam cham jir Israel kam jaꞌtkam.


Dai gu Dios jix bhaaiꞌ nach gɇꞌkamtuꞌndaꞌ, na guꞌ dai guiꞌx bhaaiꞌ na gammɨjɨ sɨlh jam bhɨichdhatgɨdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam, dhiꞌ nax bhaaiꞌ na miꞌ dhɨr baabuꞌ gu jaroiꞌ na mu jaꞌk ka jimdaꞌ na paiꞌ gammɨjɨ miꞌ pup jum tulhiiñdhaꞌ. Dhiꞌr diꞌ nañ jax chuꞌm bhaan tu aꞌga aañ, gio dhix bhaiꞌm kaiꞌchdham ñiꞌook bhaan tu aꞌga guch Xoiꞌkam. Baꞌ dhiꞌ miꞌ puiꞌ tum duñiim na chich jax jaꞌk maat na ɨlhiiꞌñ gu Dios, pu bɨjɨk dɨr puiꞌ jaꞌk pum aa na tu duñiaꞌ gatuuk, pu bɨɨpɨꞌ dɨr nat chakuip dunaak dhi oiꞌñgaꞌn.


Baꞌ puiꞌ nañ jax ba jam tɨtda, pur cham tuꞌ sia kuñ tɨi gɇꞌkam jiñ chaatɨt bɨɨx aixim tu aꞌga, guꞌ ji na guꞌ dhiꞌ nañ tuꞌ bhaan tu jam aꞌgidhaꞌ xib, jum aaꞌ nañ jam aagiꞌñdhaꞌ sia kuñ panaas dhiꞌ bhaan pɨx gɇꞌkam jiñ chaat. Jam aagiꞌñdhaꞌ iñ nat jax tɨñ chɨɨꞌñchuda gu Dios maaꞌnnim jiñ iiꞌmdaꞌ bhaan.


Chaꞌpim jax jum aaꞌndaꞌ nat jaroiꞌ jax chuꞌm maaꞌnkam pu chuꞌm jiñ aaꞌñdhak naiꞌñ joot nañ naiꞌ pu chuꞌm tu aꞌgaꞌ, guꞌ jaꞌpji dɨɨlh guch Xoiꞌkam nat puiꞌ jaꞌk jiñ aaꞌñdhak naiꞌñ joot.


Gio puiꞌ soiꞌp tɨtdatuꞌ iñ gu Dios, dhiꞌ nar Gɨꞌkorgaꞌn gu Gɇꞌkam jich Xoiꞌkam, na jam tajaañdhaꞌ gux Dhuuduꞌ kam jix Uañ Iiꞌmdaꞌ na baꞌ dhiꞌx bhaiꞌ jam aaꞌñdhaꞌ na jax pɨk jaꞌk jir tuꞌm kam dɨɨlh gu Dios, na guꞌr matdaꞌ gux Dhuuduꞌ kam jix Uañ Iiꞌmdaꞌ.


Baꞌ noꞌ pimɨt guꞌx bhaiꞌ jiñkaidhak jix maatɨt kai dhiꞌ na ñich jax mu tu jam uaꞌñ, bax maat japim nañ jax jaꞌk jix maatɨt kɇɇ puiꞌ nat jax jaꞌk tu daasak gu Dios nat jax pum aa bɨjɨk na cham jaroiꞌ maatɨt. Guch Xoiꞌkam guꞌ na bhaan tu aꞌgat jup kaiꞌch, puiꞌ ba tu duu xib nat jax jaꞌk tu dai bɨjɨk.


Nat jax jaꞌk jum aagak tu dai gu Dios bɨjɨk na tu duñiaꞌ puꞌñi gatuuk, jir dhiꞌñi: Na sap puꞌñi bhaankam guch Xoiꞌkam bax bhaaiꞌn kaꞌ bɨɨx guiꞌ nam jɨꞌk cham jir Israel kam jaꞌtkam kaꞌ nam puiꞌp ba bubuakiaꞌ miꞌ dhɨr bhaan gu boi nam bhaan mu jaꞌk jiim nam paiꞌ gammɨjɨ miꞌ pup jum tulhiiñdhaꞌ. Gio na bax bhaaiꞌn kaꞌ ɨp na jaiꞌp tu ja makiaꞌ gu Dios na tuꞌ ja biꞌiiꞌñ guiꞌ nam jir Israel kam jaꞌtkam, dai pɨx baꞌ nam aaꞌ nam tɨ jɨɨꞌñdhaꞌ na maaxik jir sɨlhkam puiꞌ na jax jum kaiꞌch gux bhaiꞌm kaiꞌchdham ñiꞌook na bhaan tu aꞌga guch Xoiꞌkam.


Bɨɨx pu chuꞌm kɨꞌn jup jiñ dhai gu Dios nañ ja mattudaꞌ na jax jaꞌk puiꞌ tu duñiim nat jax jaꞌk ɨlhdhak tu daasak bɨjɨk. Dɨɨlh gu Dios nat puiꞌ jaꞌk ɨlhdhak tu dai bɨjɨk, dhiꞌ nat jaroiꞌp tu duu bɨɨx na jɨꞌk tuꞌx chu maax yaꞌ dhi oiꞌñgaꞌn giox dhaam jaꞌk. Muiꞌ oidhaꞌ bap duu nat puiꞌ jaꞌk ɨlhdhak pu tu dai na tu duñiaꞌ puꞌñi gatuuk.


Sia aañ japim jiñ aꞌmkam xi chu daandaꞌ, puiꞌ pim xi chɨtdadaꞌ gu Dios na guiꞌ pɨx jiñ guguuxdhatgɨdaꞌ nañ naiꞌ tu aꞌga dhiꞌ bhaan nat jax ɨlhdhak bɨjɨk xib yaꞌ puiꞌ ba tu duu, na dɨɨlh pɨx puiꞌx chu maatɨt.


Jiñ dhɨkooꞌñdhatuꞌ iñ ja aꞌmkam nam baꞌm guguuxdhai ja jujur am bhaan gammɨjɨ xim jajoiꞌgɨꞌndaꞌ bɨɨx jɨꞌmaꞌn. Jiñ dhɨkooꞌñdhatuꞌ iñ ɨp nam baꞌx bhaiꞌ machiaꞌ nat jax jaꞌk tɨi gu Dios bɨjɨk na tuꞌ jax dhuñiaꞌ. Gu Dios jir dhiꞌ pɨx guch Xoiꞌkam.


Jich aꞌmkam japim sia tu daandaꞌ, puiꞌ pim xi chɨtdadaꞌ gu Dios na cham tuꞌ tuꞌx buam jum duukam tu sosbhiꞌñdhaꞌ nach naiꞌ tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam, nach jix bhaiꞌ ja aagiꞌñdhaꞌ gu jaꞌtkam nat jax pɨk kaiꞌñkam bha jii yaꞌ dhi oiꞌñgaꞌn. Dhiꞌ kɨꞌn yaꞌ kuup iñ aañ nañ tu aꞌga pɨx dhiꞌ pu chuꞌm.


Baꞌ jam guguuxiꞌñ iñ jiñ jaaduñ jich Xoiꞌkam bhaan na pim cham oodat xi chu jiñkuidhai dhiꞌ na ñich muiꞌ ba tu jam uaꞌñxi, na guꞌ cham pɨk moo jaꞌp jup jir gɇꞌ, palhɨɨp ji, nañ jɨꞌx pɨx bhaan jam guguuxiꞌñ na pim jax jaꞌk gammɨjɨx biiñak kaꞌ buiñor guch Gɨꞌkoraꞌ.


Mɨjɨ ñich baꞌ xi joot guñ jaduuñ Silbaano nañ jaroiꞌx maat na joidham bɨɨx juraaꞌn kɨꞌn tɨ jɨɨꞌñdhat miꞌ puiꞌ jim na jax jix aaꞌ guch Gɨꞌkoraꞌ, na mu jam doꞌñchiꞌñmɨraꞌ dhi uꞌuan na ñich bhaan miꞌ tu dai na pim jax jaꞌk miꞌ puiꞌ jiimdaꞌ na jax jix aaꞌ gu Dios, gio nañ bhaan jam guguuxiꞌñ na pim jix jɨjɨkgɨm jup tuiꞌkaꞌ, gam na pim baꞌ bhaan jix mat kaꞌ na gu Dios joidham xi jam joiꞌgɨꞌn bɨɨx jɨꞌmaꞌn. Bɨɨx jañich miꞌp xi chu dai na pim jax jaꞌk gammɨjɨx bhaiꞌ kaiꞌchɨt tu oiꞌñkaꞌ, gio na pim xim ja joiꞌgɨꞌndaꞌ.


Puꞌjani pɨx kaiꞌñkam baꞌ cham ob paiꞌ aajim guch Xoiꞌkam yaꞌ dhi oiꞌñgaꞌn bhaan, na guꞌx aaꞌ nach bɨɨpɨꞌx bhaiꞌ miꞌ puiꞌ ka xi jimiaꞌ na jax jix aaꞌ na baꞌ bhaiꞌ ba jimdaꞌ, baꞌ miꞌ dhɨr dai na bach baidhikaꞌx dhaam nach paiꞌ gammɨjɨx jɨjɨkgɨm bap tuiꞌkaꞌ. Gu Paablo guiꞌ na puiꞌp jir jich jaduuñ jich Xoiꞌkam bhaan, dhiꞌ pɨx bhaan jup tu aꞌga miꞌ uꞌuan taꞌm nat paiꞌ tu jam uaꞌñxi nañ tuꞌ bhaan tu jam aꞌgiꞌñ aañ xib, daipuꞌ na jɨꞌk jax jurtudim gu Dios na mu tu jam uaꞌñxiꞌñ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ