EEPESO KAM 3:21 - Tepehuano Tepehuán del Sureste (Durango)

²¹ Baꞌ bɨɨx nach jɨꞌk buiñor tɨ jɨɨgiꞌñ guch Xoiꞌkam, jum aaꞌ nach gammɨjɨ buiñor tu daandaꞌ gu Dios sia pɨk nar jax kaꞌ gɨt. Puꞌñi gɨt moo tu tuiꞌkaꞌ.

EEPESO KAM 3:21 ပူးပေါင်းရင်းမြစ်များ

MATEO 6:13

Gio baꞌ nap gammɨjɨ jich aꞌm tɨ nɨidhidhaꞌ na baꞌ cham jich maiꞌchiaꞌ gux buam jum duukam. Jaꞌpni daipuꞌ.

LUUKAS 2:14

¡Aach jix bhaiꞌch chaatɨt gɇꞌkamtuꞌn gu Dios nach jɨꞌk miaꞌn jup tuꞌiiꞌ buiñor! Nat guꞌx joiꞌmdak jix bhaiꞌ ba ja duu gu jaꞌtkam yaꞌ kam dhi oiꞌñgaꞌn, dai baꞌ na ja aꞌm ba tɨ nɨidhidhaꞌ guiꞌ nam jɨꞌk miꞌ puiꞌ jiimdaꞌ na jax jix aaꞌ.

ROOMA KAM 11:36

Jax dhui na guꞌ bɨɨx bhammɨ dɨr bha tu jim buiñor gu Dios na jɨꞌk tuꞌx chu jaiꞌch, guiꞌp tu duu na baꞌx chu jaiꞌch. Jir tɨ dɨɨlhgaꞌn bɨɨx gu Dios, cham tuꞌ na jaiꞌp jir tu aachgaꞌn. Puiꞌ ku baꞌm aaꞌ nach gammɨjɨ buiñor tu daandaꞌ. Mooch gɨt puiꞌ duiñchuꞌndaꞌ gammɨjɨ.

ROOMA KAM 16:27

Baꞌ dai gu Dios jach gammɨjɨ gɇꞌkamtuꞌndaꞌ na cham tu mumkɨ, na guꞌ daipuꞌ maaꞌn jix jaiꞌch, gio daipuꞌ guiꞌx chu matdaꞌ na jax jaꞌk tu duñiaꞌ gux kɨɨꞌp jum duukam. Puiꞌ kuch baꞌ dai guiꞌ gammɨjɨ daandaꞌ bhaankam guch Xoiꞌkam. Iam gɨt moo puiꞌ tu tuiꞌkaꞌ.

GALAASIA KAM 1:5

Baꞌ dai guiꞌch pɨx gɇꞌkamtuꞌndaꞌ gammɨjɨ sia nar paiꞌ dhuuk kaꞌ gɨt. ¡Iam gɨt jach moo bɨɨx puiꞌ duiñchuꞌndaꞌ!

EEPESO KAM 1:6

Pu kaiꞌñkam puiꞌ jaꞌk duu gu Dios nach baꞌ aach puꞌñi dhiꞌ bhaan taxchaabgidhat ba gɇꞌkamtuꞌndaꞌ gammɨjɨ nat gɇꞌkam kɨꞌn xich joiꞌmdak jich aꞌm ba tɨ tɨɨ, gam nat jix bhaiꞌ ba duu nat bhaiꞌ bach joochxi gu Maraaꞌn na baꞌ yaꞌch palhbuidhaꞌ.

EEPESO KAM 2:7

Baꞌ pu kaiꞌñkam puiꞌ jaꞌk duu na baꞌ dhiꞌ bhaan jup jix maatɨꞌ kaꞌ nax ioꞌm xich joiꞌmdaix bhaiꞌch dhuñiaꞌ ɨp gatuuk, na gammɨjɨx ioꞌm pu ba xich joiꞌgɨꞌndaꞌ, cham tuꞌ dai xib. Jaꞌxbuiꞌp xich joiꞌgɨꞌndaꞌ nat jɨꞌx pu ba xich joiꞌgɨlh xib bhaankam guch Xoiꞌkam.

EEPESO KAM 4:1

Baꞌ aañiꞌ nañ yaꞌ kuup, pu kaiꞌñkam pɨx nañ jir tujuandam tugiꞌñ guch Xoiꞌkam. Aañ soiꞌñ jam tɨtda na pim miꞌ puiꞌ tuiꞌñgɨdaꞌ na jax jaꞌk bhaan jix maatɨꞌ kaꞌ nat jam aꞌm ba tɨ tɨɨ gu Dios, jam aꞌm ba tɨ nɨidhim guꞌ aapiꞌm.

PILIIPOS KAM 1:11

Na guꞌ dhiꞌ xib jaꞌp ji buusan na pim oraim bɨɨx aixim tuꞌm gux bhaiꞌm duukam na pim jup tu bua, janoꞌ pim baꞌ ba tɨɨꞌñchudaꞌ guch Xoiꞌkam na gio bhaiꞌp jim. Guiꞌ pɨx jam palhbuidhaꞌ na baꞌ puiꞌ ji chu buusniaꞌ, baꞌ bhaan gɇꞌkamtudaꞌ pim gu Dios nax ioꞌm jir gɇꞌkam.

PILIIPOS KAM 2:11

Bɨɨx bhaiꞌ ji machiaꞌ am na dai gu Jesuus jich Xoiꞌkam jix ioꞌm jir gɇꞌkam, puꞌñi dhuuk baꞌ gɇꞌkamtudaꞌ am gu Dios jich Gɨꞌkoraꞌ.

PILIIPOS KAM 4:20

baꞌ dai guiꞌ pɨx jix bhaiꞌ nach gɇꞌkamtuꞌndaꞌ gammɨjɨ. Puꞌñi baꞌ moo tu tuiꞌkaꞌ.

2 TIMOTEO 4:18

Baꞌ puñ palhbuiꞌñchuꞌndaꞌ gammɨjɨ na cham jiñ dhaam jimiaꞌ gux buam jum duukam, na guꞌñ biꞌchulhiꞌñ nañ buiñor aayaꞌ na paiꞌ dhɨr bɨɨx kap jir gɇꞌkam. Puiꞌ ku baꞌm aaꞌ nach dai guiꞌ gɇꞌkamtuꞌndaꞌ gammɨjɨ cham aagix kam. Moo gɨt puiꞌ tu tuiꞌkaꞌ.

ISRAEL KAM 13:21

gam nax kɨkɨɨꞌ jaꞌtkam jup jam duñiaꞌ bɨɨx jɨꞌmaꞌn, na pim baꞌ gammɨjɨx biiñak kat miꞌ puiꞌ jiimdaꞌ na jax jix aaꞌ. Gu Dios baꞌ dɨɨlh jix maat miꞌ dhɨr jaꞌp jaꞌk na tuꞌ jax dhuñiaꞌ jam bui na pim ba tɨ jɨɨgiꞌñ buiñor guch Xoiꞌkam. Gammɨjɨch baꞌ moo gɇꞌkamtuꞌndaꞌ. Jaꞌpni pɨx tuiꞌkaꞌ.

1 PEEGRO 2:5

Baꞌ aapiꞌm noꞌ pim moo bɨɨx jam jujur kɨꞌn tɨ jɨɨgiꞌñ buiñor guch Xoiꞌkam, gu Dios pu chuꞌm jup jam duñiaꞌ na jax gu joodai gux kɨkɨɨꞌ joidham, miꞌ dhɨr baꞌ kɨꞌn kɨɨsaꞌ gux abhaar gu chiopgaꞌn. Piam na pu chuꞌm jup jam duñiaꞌ na jax guiꞌ nam miꞌr gɇꞌgɇrkam kaꞌ jax chuꞌm chiop, nam miꞌ oipot tu makgɨrxiꞌñdhaꞌ gu Dios gam nam tu kubhioñxiꞌñdhaꞌ na gammɨjɨ guiꞌ na joidham jix kɨɨgalhdhidhaꞌ. Aapiꞌm puꞌñip ji bubuakiaꞌñ jaaduñ noꞌ pim moo pɨx bhaan ji baapmigim na pim miꞌ puiꞌ jiimɨt jix biiñak buiñor guch Xoiꞌkam nar gɇꞌp jum duukam buiñor gu Dios,

1 PEEGRO 5:11

Dai guiꞌch baꞌ pɨx moo gɇꞌkamtuꞌndaꞌ gammɨjɨ sia nar paiꞌ dhuuk, na guꞌr gɇꞌkam. Jaꞌpni baꞌ pɨx tuiꞌkaꞌ.

2 PEEGRO 3:18

Aapiꞌm guꞌ dai ji na pim jix ioꞌm muiꞌ xi gaagidhaꞌ na pim jax jaꞌk jix bhaiꞌ machiaꞌ na jax jir tuꞌm kam gu Gɇꞌkam jich Xoiꞌkam guiꞌ nat jaroiꞌ xich joiꞌndak tuch ñamkix guch uaꞌtulhdharaꞌ bhammɨ kuruus taꞌm, gio baꞌ na pim jix bhaiꞌ machiaꞌ na pim jax jaꞌk joidham jix chu joiꞌgɨꞌndaꞌ. Gammɨjɨch baꞌ moo tu daandaꞌ buiñor sia nar paiꞌ dhuuk kaꞌ gɨt. Jaꞌpni pɨx tuiꞌkaꞌ.

JUUDAS 1:25

Dai gu Dios jach baꞌ pɨx buiñor tu daandaꞌ gammɨjɨ nat jaroiꞌ xich joiꞌndak jich boosolh mu dɨr na paiꞌr tu tulhiiñaraꞌ, na guꞌ guiꞌx ioꞌm jir gɇꞌkam, bɨxchuꞌx aichuꞌn na pu tu duñiaꞌ. Joidham jix chu joiꞌgɨꞌn ɨp, tɨɨꞌ nat bhach joochxi gu Gɇꞌkam jich Xoiꞌkam na yaꞌch palhbuidhaꞌ nach jax dhui cham maiꞌ ka suulhgiaꞌ. Gammɨjɨch baꞌ moo tu daandaꞌ buiñor sia nar paiꞌ dhuuk kaꞌ gɨt. Jaꞌpni baꞌ pɨx tuiꞌkaꞌ.