Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




EEPESO KAM 3:2 - Tepehuano Tepehuán del Sureste (Durango)

2 Bax maat japim dho nat gu Dios pɨx pu chuꞌm kɨꞌn jiñ dhai nañ puꞌñi jam aagiꞌñdhaꞌ nat tuꞌ bhaan xich joiꞌmdak jix bhaiꞌch dhuu, puiꞌ nat jax pu tɨi bɨjɨk na tu duñiaꞌ.

အခန်းကိုကြည့်ပါ။ ကော်ပီ




EEPESO KAM 3:2
27 ပူးပေါင်းရင်းမြစ်များ  

Baꞌ maaꞌnnim nam jim saabut maap jumpaxich ka tu daan buiñor guch Gɨꞌkoraꞌ, puiꞌ jaꞌk ba ja jujurtuda gux Dhuuduꞌ kam jix Uañ Iiꞌmdaꞌ nam sap dɨɨlh pɨx bhaiꞌ ba ji ja aagaꞌ gu Bernabee gio gu Saulo nam puiꞌ jaꞌk tuꞌm kɨꞌn ja darsaꞌ nam miꞌ dhɨr jaꞌp jaꞌk naiꞌ bhaankam ba tu aꞌgadaꞌ gu Dios, nat guꞌ sap dhiꞌ ja aꞌm ba tɨ tɨɨ.


Guꞌ ji na guꞌ gu Paablo gio gu Bernabee cham ji chotdonɨt muiꞌp xi chu aꞌga am, jup ja tɨtda am: ―Guꞌ aach aapiꞌm ji baꞌ pɨk bha jam aaꞌñdham dhix bhaiꞌm kaiꞌchdham ñioꞌkiꞌñ gu Dios na pim jir Israel kam jaꞌtkam, guꞌ ji na pim bak guꞌ cham kaim, cham maachim japim na jax jaꞌk gammɨjɨ jam aꞌm ba tɨ ñɨiꞌñdhaꞌ gu Dios. Baꞌ gu xib tuꞌ na jax chuiꞌkaꞌ, yaꞌ dɨr jaꞌp jaꞌk gu jaiꞌ jaꞌtkam jach pɨx ba tu ja aꞌgiꞌñpuꞌ nam cham jir Israel kam jaꞌtkam,


Baꞌ maaꞌn na jax jiñ chɨtda gu Gɇꞌkam jich Gɨꞌkoraꞌ, jup kaiꞌch: “Jaꞌpji nap ba jimiaꞌ, nañ guꞌ aañ jix aaꞌ nap mɨk jaꞌk bhɨɨyaꞌ ja bui guiꞌ nam cham jir Israel kam jaꞌtkam.”


Baꞌ guch Xoiꞌkam gio muiꞌp ji ñio, jup kaiꞌch: ―Aap guꞌ moo xi jimdat ji mu jaꞌk nañ paiꞌm jootos, na ñich guꞌ aañ bhaan ba tɨ tɨɨ jia dhiꞌ dhi maaꞌnkam na baꞌ naiꞌ jaꞌp jiñ aꞌmkam tu ja aꞌgiꞌñmɨraꞌ gu jaꞌtkam bɨɨx kap na jɨꞌx jir oiꞌñgaꞌn, puiꞌ na jax ja bui gu Israel kam jaꞌtkam, gio guiꞌ nam cham jir Israel kam, gio baꞌ bɨɨx ɨp sia gu ja gɇꞌgɇrkam tuk.


Baꞌ dhiꞌr diꞌ guch Xoiꞌkam nat xiñ joiꞌmdak jiñ chɨɨgɨk jiñ dhai nañ jir nobiiꞌñ kaꞌ nañ baꞌ miꞌ pu tu duñiaꞌ na jax jix aaꞌ, nam baꞌ bɨɨx kap na jɨꞌx oiꞌñgaꞌn jaiꞌchdhɨlhiaꞌ guiꞌ nam buiñor tɨ jɨɨꞌñdhai miꞌ puiꞌ ba jiimdaꞌ na jax jix aaꞌ.


Baꞌ jaꞌp jañ xi jam tɨɨdam aapiꞌm na pim cham jir Israel kam jaꞌtkam: Gu Dios, ja buiñ joot nañ jimiaꞌ guiꞌ nam puꞌñi cham jir Israel kam jaꞌtkam nañ tu ja aꞌgidhaꞌ, baꞌ joidham jix bhaiꞌñ chaat iñ dhiꞌ nat jax chuꞌm kɨꞌn jiñ dhai gu Dios.


Aañ nañ jir nobiiꞌñ guch Xoiꞌkam nat pu chuꞌm kɨꞌn jiñ dhai gu Dios, pu jam tɨtda iñ jiñ jaaduñ na pim cham tuꞌx ioꞌm tuꞌ kaꞌm xim ɨlhiiꞌñdhaꞌ, daipuꞌ ji na pim jax pɨx jum ɨlhiiꞌñ xib, nat jɨꞌx pɨx bhaan jam aꞌm tɨ tɨɨ gu Dios na pimɨt soiꞌm ɨlhdhak buiñor tɨ jɨɨꞌñ.


Aach dai dhiꞌ kɨꞌn pɨx daraa nach ja aagiꞌñdhaꞌ gu jaꞌtkam nam pu cham maatɨt na jax jaꞌk ɨlhiiꞌñ na tu duñiaꞌ gu Dios ja bui. Baꞌ puiꞌ pim pɨx jaꞌk jich ɨlhiiꞌñdhaꞌ nach jaꞌppɨx jir tujuandam tugiꞌñ guch Xoiꞌkam.


Jix maat japim dho nañ aañ jax jir tuꞌm kat nañ chakui buiñor tɨ jɨɨꞌñdhat guch Xoiꞌkam, nañ miꞌ puiꞌ ka tu daaꞌñchuꞌndaꞌ nam jɨꞌk jax tu jim gu Israel kam jaꞌtkam guiꞌ nam cham tɨ jɨɨgiꞌñ buiñor guch Xoiꞌkam. Jix bhaamut jañ ja gaagidhaꞌ guiꞌ nam tɨ jɨɨgiꞌñ, jix ja koodaktuꞌndaꞌ iñ.


Baꞌ janoꞌ na paiꞌ dhuuk bɨɨx puiꞌ tum duñiaꞌ nat jax jaꞌk tu dai dɨɨlh gu Dios na tu duñiaꞌ, bɨɨx maap tu jumpadai na jɨꞌk tuꞌx chu jaiꞌch jix dhaam gio yaꞌ dhi oiꞌñgaꞌn pu ja tɨɨdaꞌ nar ja gɇꞌkam tuk guch Xoiꞌkam.


Jix bhaiꞌñ dhuu aañ gu Dios, tɨɨꞌ nat jiñ dhai nañ aañ baꞌr diꞌ kaꞌ nañ puiꞌ naiꞌ ja aagiꞌñdhaꞌ gux bhaiꞌm kaiꞌchdham ñioꞌkiꞌñ guch Xoiꞌkam, na guꞌ bɨxchuꞌx bhaaiꞌ na pu tu duñiaꞌ. Tɨi cham tuꞌr am kat na dhiꞌ kɨꞌn jiñ dhaꞌñsadaꞌ,


nañ guꞌ tɨir cham tuꞌ, gampaiꞌ tuꞌm iñ ja bui guiꞌ nam puiꞌ Dios jup jir jaꞌtkam tugiꞌñ. Guꞌ ji nat guꞌ guiꞌ xiñ joiꞌmdak jiñ dhai nañ aañ jir diꞌ kaꞌ nañ naiꞌ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam, nañ ja aaꞌñdhaꞌ na bhaankam guch Xoiꞌkam jix bhaiꞌ ba tuch jim. Bɨɨx aixim bhaan jix bhaiꞌ ba tuch jim na jaroiꞌ pu cham jɨꞌxdhaꞌ tɨɨmoꞌ sia ku tɨi ba tu jaꞌkɨlhiꞌñ.


Bɨɨx pu chuꞌm kɨꞌn jup jiñ dhai gu Dios nañ ja mattudaꞌ na jax jaꞌk puiꞌ tu duñiim nat jax jaꞌk ɨlhdhak tu daasak bɨjɨk. Dɨɨlh gu Dios nat puiꞌ jaꞌk ɨlhdhak tu dai bɨjɨk, dhiꞌ nat jaroiꞌp tu duu bɨɨx na jɨꞌk tuꞌx chu maax yaꞌ dhi oiꞌñgaꞌn giox dhaam jaꞌk. Muiꞌ oidhaꞌ bap duu nat puiꞌ jaꞌk ɨlhdhak pu tu dai na tu duñiaꞌ puꞌñi gatuuk.


Dai guch Xoiꞌkam bhaan tu jam aꞌgi mɨt, gio jam aagiꞌñ am ɨp na jax jaꞌk jix aaꞌ na pim miꞌ puiꞌ jiimdaꞌ. Dai puiꞌ jaꞌk jir jix kɨɨꞌ guꞌ gio nar sɨlhkam nat jax jaꞌk jich aaꞌñ guch Xoiꞌkam.


Ku guꞌ guch Xoiꞌkam bɨɨx jɨꞌmaꞌn jich dharai ji nach tuꞌ jax dhuñiaꞌ bhaankam, baꞌ dhiꞌ bhaan jix joojoidhaich miꞌ pu duñiaꞌ. Pu chuꞌm kɨꞌn jich dharai guch Xoiꞌkam nat jax chuꞌm ɨlh dɨɨlh,


nach guꞌ puiꞌ tɇ kɇɇ na pim sap tuꞌ sɨlhkam bɨɨx jam jujur kɨꞌn buiñor tɨ jɨɨgiꞌñ guch Xoiꞌkam, xim jajoiꞌgɨꞌn japim sap bɨɨx jɨꞌmaꞌn na pim Dios buiñor jup tuiꞌdhiꞌ.


Dhix bhaiꞌm kaiꞌchdham ñioꞌkiꞌñ guch Xoiꞌkam na mɨt tu jam aꞌgi, jum gɨꞌlhdhim bɨɨx kap na jɨꞌx oiꞌñgaꞌn, pɨx jaꞌx ji tɨ jɨɨꞌñdhim am muiꞌ gu jaꞌtkam, jaꞌp na jax aapiꞌm bhaiꞌ dhɨr na pimɨt ba muiꞌdha, sia ku mɨt guꞌ tɨi jɨꞌk pɨx kɇɇk tɨ jɨɨꞌñ na jax jix chu joiꞌgɨꞌn gu Dios, maat japimɨt na tuꞌ sɨlhkam jix chu joiꞌgɨꞌn, cham tuꞌ na puiꞌ pɨx jum kaiꞌch.


Dhix bhaiꞌm kaiꞌchdham ñiꞌook na sɨlhkam tu aꞌga, dhiꞌr diꞌ gu ñioꞌkiꞌñ guch Xoiꞌkam. Dɨɨlh guch Xoiꞌkam jich aagiꞌñ nach jax jaꞌk duñiaꞌ nach baꞌ cham jimiaꞌ mu jaꞌk nach paiꞌ gammɨjɨ pup jich chulhiiñdhaꞌ, dhiꞌ nañ jax chuꞌm bhaan tu aꞌga aañ, nat gu Dios jix dhaam kam jiñ chia nañ naiꞌ tu aꞌgaꞌ.


Jaꞌp jap ja tɨtdadaꞌ nam cham tuꞌp jum buixiꞌñdhaꞌ nam jax tu jimdat gu bɨjɨk dɨr kam jich bopxi, na guꞌ dhiꞌ bhaamdaraꞌ pɨx ba uaꞌ. Bhaan ji ñiokboi pɨx chaꞌtak jimiaꞌ am guꞌ noꞌ mɨt bhaan ba ji chu aꞌga, cham tuꞌ na iam ja palhbuidhaꞌ nam jax jaꞌk bhaan xim guguuxdhaix ioꞌm miꞌ puiꞌ ba jiimdaꞌ na jax jix aaꞌ gu Dios.


Dhiꞌ pu chuꞌm jañ baꞌ aañ bhaan tu aꞌga, nañ guꞌr nobiiꞌñ guch Xoiꞌkam. Guiꞌñ chia nañ puiꞌ jaꞌk naiꞌ tu ja aꞌgidhaꞌ gu jaꞌtkam guiꞌ nam cham jir Israel kam, puiꞌ ja tɨtdaim iñ nam dai guiꞌ buiñor pɨx jaꞌk bax biiñak kaꞌ. Jir sɨlhkam nañ jir nobiiꞌñ guch Xoiꞌkam, cham tuꞌ nañ puiꞌ pɨx kaiꞌch.


Aañ dhiꞌ pu chuꞌm kɨꞌn jir nobiiꞌñ gu Dios nañ ja aaꞌñdhim gu jaꞌtkam gux bhaiꞌm kaiꞌchdham ñioꞌkiꞌñ guch Xoiꞌkam, pu chuꞌm jiñ aaꞌñdhak naiꞌñ joot nañ naiꞌ jimdat ja mamtuxdhidhaꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ