EEPESO KAM 3:18 - Tepehuano Tepehuán del Sureste (Durango)

¹⁸ na pim baꞌ dhiꞌ bhaan bhaiꞌ ji machiaꞌ nat jɨꞌx gɇꞌkam kɨꞌn xich joiꞌmdak jix bhaiꞌch dhuu guch Xoiꞌkam bɨɨx nach jɨꞌk buiñor ba tɨ jɨɨgiꞌñ.

EEPESO KAM 3:18 ပူးပေါင်းရင်းမြစ်များ

JUAN 15:13

Na guꞌ dhiꞌ jaꞌpni jia noꞌñ moo tuꞌ sɨlhkam baabuiꞌx chu joiꞌgɨꞌn, noꞌ mɨt ba ji gɨɨꞌ piam kum bax muꞌaak guiꞌ nach maap jix bhaiꞌ kaiꞌchdhaꞌ, aañ dho mɨjɨ dɨr jup ji dhaiꞌññiaꞌ nañ palhbuidhaꞌ, cham jax bua sia ku mɨt mañ mua bhaankamuꞌn. Dhiꞌ baꞌ bhaan bax maatɨꞌ kaꞌ nañ tuꞌ sɨlhkam jix chu joiꞌgɨꞌn.

ROOMA KAM 10:3

Cham tɨ jɨɨgiꞌñ am guꞌ na gu Dios pɨx dɨɨlh nax kɨɨꞌ maaꞌnkam tɨgiaꞌ gu jaroiꞌ, cham tuꞌ na dɨɨlh jix kɨɨꞌ maaꞌnkam jum ɨlhiiꞌñdhaꞌ nam jax tu jim dɨɨlh. Dhiꞌ bhaan baꞌ cham tuꞌ miꞌ puiꞌ jiim am buiñor gu Dios na jax pɨk jaꞌk jum aaꞌ nam miꞌ puiꞌ jiimdaꞌ.

2 KORIINTO KAM 13:13

Yaꞌ dɨr mu jam ñioꞌkiꞌñ am bɨɨx guch Xoiꞌkam jɨɨgiꞌñdham.

GALAASIA KAM 2:20

Bɨɨmaꞌn muu ñich guꞌ guch Xoiꞌkam janoꞌ na mɨt paiꞌ dhuuk mua. Baꞌ na ñich paiꞌ dhuuk bɨɨmaꞌn duadɨk giop bam, cham jañ kar pu chuꞌm nañ jax jir tuꞌm kat bɨɨpɨꞌ dɨr, bar jumai iñ. Guch Xoiꞌkam pɨx jiñ aꞌm pup kio baꞌ miꞌ dhɨr, dai baꞌ nañ soiꞌñ ɨlhdhat pɨx buiñor ba tɨ jɨɨgiꞌñ, nat guꞌ xiñ joiꞌmdak jiñ aꞌmkam muu. Dhiꞌr diꞌ guꞌ gu Maraaꞌn gu Dios.

GALAASIA KAM 3:13

Guꞌ baꞌ guch Xoiꞌkam miꞌ dhɨr jich boosolh nach paiꞌ cham jɨꞌxdhaꞌ miꞌ puiꞌ jimiaꞌ, miꞌ dhɨr jich boosolh nat paiꞌ gu Dios puiꞌ ba tɨꞌɨɨk nach jich chulhiiñaꞌ gɨt, nach guꞌ cham tuꞌ bɨɨx miꞌ puiꞌ tu duñiidhaꞌ na jɨꞌk jax tu aagix kaꞌ. Guch Xoiꞌkam baꞌ jaꞌp ji buus nat dɨɨlh miꞌ jaꞌk ji bii, jich aꞌmkam baꞌ cham bhaiꞌ tu jii. Na guꞌ jaꞌpnip tu uaꞌñix jaꞌp iam miꞌ na paiꞌ tu daa na jax jaꞌk tu aagix: “Gu jaroiꞌ na bhaan mukiaꞌ gu uꞌuux na gai bɨɨt, dhiꞌ bhaan jix maatɨꞌ kaꞌ nat gɇꞌkam kɨꞌn jix buam tu duu.”

EEPESO KAM 1:10

Baꞌ janoꞌ na paiꞌ dhuuk bɨɨx puiꞌ tum duñiaꞌ nat jax jaꞌk tu dai dɨɨlh gu Dios na tu duñiaꞌ, bɨɨx maap tu jumpadai na jɨꞌk tuꞌx chu jaiꞌch jix dhaam gio yaꞌ dhi oiꞌñgaꞌn pu ja tɨɨdaꞌ nar ja gɇꞌkam tuk guch Xoiꞌkam.

EEPESO KAM 1:15

Puiꞌ tɨ kai ñich na pim sap aapiꞌm tuꞌ sɨlhkam buiñor tɨ jɨɨgiꞌñ gu Gɇꞌkam jich Xoiꞌkam, jix ja joiꞌgɨꞌn japim sap baꞌ bɨɨx guiꞌ nam jir jaꞌtkam tugiꞌñ gu Dios.

EEPESO KAM 3:19

Puiꞌ jaꞌk soiꞌp tɨtdatuꞌ iñ baꞌ gu Dios na guiꞌ pɨx jam mattudaꞌ na jax kaiꞌñkam jup jum kaiꞌch noꞌñ maaꞌn jix kɨɨgalhiꞌñ gio noꞌñ maaꞌn jix joiꞌgɨꞌn. Jix ioꞌm jir gɇꞌp jum duukam guꞌ dhiꞌ na puiꞌm kaiꞌch, cham tuꞌ nach jɨꞌx ɨlhiiꞌñ aach dhɨɨlh. Baꞌ noꞌ guꞌ dhiꞌ jam aꞌm bap tuiꞌdhiꞌ, miꞌ dhɨr dai na pim jix bhaiꞌ ba machiaꞌ na jax jir tuꞌm kam gu Dios.

KOLOOSAS KAM 1:4

nach guꞌ puiꞌ tɇ kɇɇ na pim sap tuꞌ sɨlhkam bɨɨx jam jujur kɨꞌn buiñor tɨ jɨɨgiꞌñ guch Xoiꞌkam, xim jajoiꞌgɨꞌn japim sap bɨɨx jɨꞌmaꞌn na pim Dios buiñor jup tuiꞌdhiꞌ.

1 TIMOTEO 3:16

Aach dɨɨlh jix bhaiꞌx maat nar gɇꞌp jum duukam dhiꞌ nach tuꞌ bhaan jix biiñak kat puiꞌ jaꞌk tu jim, na guꞌ jaꞌpni tu tuꞌiiꞌ: Guch Xoiꞌkam ya ai dhi oiꞌñgaꞌn bhaan maaꞌnkam jup jim duuk. Bɨɨx aixim jix bhaiꞌm duukam jup tu buimɨk, na guꞌ gux Dhuuduꞌ kam jix Uañ Iiꞌmdaꞌ na bhaan tajaañixchuꞌ. Gu noonbiꞌñ gu Dios joidham jix kɨɨꞌ maaꞌnkam tɨɨ mɨt, sia naiꞌ pu chuꞌm ba tum aꞌga ja bui guiꞌ nam cham jir Israel kam, jaiꞌ dhɨt ba tɨ jɨɨgiꞌñ am buiñor. Baꞌ yaꞌ dɨr giop jii jix dhaam jaꞌk na paiꞌ dhɨr jir gɇꞌkam xib bɨɨx kap.

NAT JAX TƗ TƗƗ GU JUAN 3:21

Guꞌ baꞌ gu jɨꞌk nam jiñ buix biiñak kat miꞌ puiꞌ tu kuugalhdhim nañ jɨꞌk jax jix aaꞌ cham tuꞌ bhaan jax jim aagɨt sia tuꞌ ba ji ja duu, aañ gɇꞌgɇrkam kɨꞌn ja darsaꞌ yaꞌ nañ paiꞌ Gɇꞌkam kɨꞌn ba daa sonpan gu Dios, nam jaiꞌñ aꞌmkam ja sɨlhkaꞌndaꞌ gu jaꞌtkam.