EEPESO KAM 3:11 - Tepehuano Tepehuán del Sureste (Durango)

¹¹ Puꞌñi jaꞌk pum aa gu Dios na tu duñiaꞌ janoꞌ bɨjɨk nat jax puiꞌm aagɨk puiꞌ jaꞌk tu dai, baꞌ xib maaxik yaꞌ puiꞌ ba tu duu bhaankam gu Gɇꞌkam jich Xoiꞌkam.

EEPESO KAM 3:11 ပူးပေါင်းရင်းမြစ်များ

ROOMA KAM 9:11

Baꞌ pu bɨɨpɨꞌ dɨr ba aagiꞌñ gu Dios gu Rebeeka nam jax jir tuꞌm kaꞌ gu maamraꞌn gatuuk, nat guꞌ pu puiꞌ jaꞌk ba tu duu dɨɨlh gu Dios, sia ku mɨt chakui maaxir gu maamraꞌn, ni ku mɨt chakui tuꞌx buam jum duukam jup tu dunaak, piam ku guꞌ gu tuꞌx bhaiꞌm duukam. Jup tɨtda gu Rebeeka: “Gum mar guiꞌ na bɨɨpɨꞌ maaxilhiaꞌ, bɨtaaꞌn ji biꞌyaꞌ, baꞌ guiꞌ na gatuuk maaxilhiaꞌ, tɇꞌkob ji biꞌyaꞌ.” Baꞌ jaꞌp jaꞌk iam na iam pɨx puiꞌp tu uaꞌñix jup jum kaiꞌch ɨp: “Aañ dai gu Jakob jix joiꞌmdak tɨɨ, gu Esauu baꞌ cham.” Baꞌ dhiꞌ bhaan pup jix maatɨꞌ na gu Dios puiꞌ duñiaꞌ gu jaroiꞌ na dɨɨlh jax ɨlhiiꞌñdhaꞌ, siatti tuꞌx buam jum duukam jup tu duu piam ku guꞌ cham.

GALAASIA KAM 5:24

Na guꞌ aach nach jɨꞌk buiñor ba tɨ jɨɨgiꞌñ guch Xoiꞌkam, bɨɨx bɨnkam sissapa mɨt guch Xoiꞌkam bhaan gu uꞌuux na gai bɨɨt na jɨꞌx jich aꞌm jup tuꞌt guch uꞌuaꞌtulhdharaꞌ, gam sia bɨɨx nach jɨꞌk tuꞌx buam jum duukam kap tu duñiaꞌ gɨt.

EEPESO KAM 1:11

Baꞌ gu Dios bhaankam guch Xoiꞌkam xich joiꞌmdak jich aꞌm pu tɨ tɨɨx ioꞌm bɨjɨk nach puꞌñi gatuuk jir jaꞌtkam tugiꞌñ kaꞌ. Guꞌ baꞌ nach paiꞌ bar jaꞌtkam tugiꞌñ kaꞌ, dai na ba tuch makiaꞌ nat tuꞌ pu tu dai bɨjɨk na tuch makiaꞌ. Pu tu duñiaꞌ guꞌ gu Dios jax ña ɨlhdhai pu tɨꞌyaꞌ.

EEPESO KAM 1:4

Gu Dios pu bɨjɨk dɨr jich aꞌm tɨ tɨɨ nach jir jaꞌtkam tugiꞌñ kaꞌ bhaankam guch Xoiꞌkam, pux ioꞌm bɨjɨk dɨr nat baꞌ moo bap duu dhi oiꞌñgaꞌn. Jich aꞌm pu tɨ tɨɨ nach puꞌñi gatuuk cham tuꞌ buiñor kax uꞌuaꞌtulhdhix kaꞌ. Joidham xich joiꞌgɨlh guꞌ gu Dios gɇꞌkam kɨꞌn,

EEPESO KAM 1:9

Jix maatɨt ba kai chich baꞌ xib nat jax jaꞌk jum aa bɨjɨk na tu duñiaꞌ puꞌñi gatuuk, bak na puꞌñi bha jimdaꞌ guch Xoiꞌkam na baꞌ dhiꞌ bhaankam yaꞌ pu tu duñiaꞌ na jax jix aaꞌ.

EEPESO KAM 3:1

Aañ Paablo, pu kaiꞌñkam yaꞌ kuup iñ nañ jir tujuandam tugiꞌñ pɨx guch Xoiꞌkam, ku guꞌ miꞌ puiꞌ tu duñiim iñ ji na jax jaꞌk jix bhaiꞌ tu jam jimiaꞌ aapiꞌm na pim cham jir Israel kam jaꞌtkam.

2 TIMOTEO 1:9

Nat guꞌ gu Dios miꞌ dhɨr bach boosolh nach paiꞌ mu jaꞌk ba jiimɨt nach paiꞌ gammɨjɨ miꞌ pup jich chulhiiñdhaꞌ gɨt, xib baꞌ dai nach aach dɨɨlh miꞌ puiꞌ ba jiimdaꞌ na jax jix aaꞌ. Xi dhoꞌñchidhaꞌ ich guch iiꞌmdaꞌ na baꞌ guiꞌ dɨɨlh puiꞌ jaꞌk duiñchuꞌndaꞌ na jax jix aaꞌ. Gio guꞌ aach cham tuꞌ tuꞌx bhaiꞌm duukam jup duu gu tuꞌ nat baꞌx bhaiꞌch dhuu gu Dios, guꞌ jaꞌpji dɨɨlh pɨx nat jix bhaiꞌch dhuu, na guꞌ pux maat na puiꞌ jaꞌk jix bhaiꞌ ji chu buusniaꞌ. Xich joiꞌgɨlh bhaankam guch Xoiꞌkam pu bɨɨpɨꞌ dɨr nat chakuip duuk dhi oiꞌñgaꞌn.