EEPESO KAM 3:10 - Tepehuano Tepehuán del Sureste (Durango)

¹⁰ Baꞌ xib guiꞌ nam iꞌiiꞌmdaꞌ bhaan jix chu jaiꞌch, puiꞌ na jax gu noonbiꞌñ gu Dios gio gu jaiꞌ bɨɨx aixim nam jix chu jaiꞌch, na bɨxchuꞌx bhaaiꞌ nam pu tu duñiaꞌ, nam xi ja nɨiꞌñdhaꞌ guiꞌ nam jɨꞌk buiñor ba tɨ jɨɨgiꞌñ guch Xoiꞌkam, dhiꞌ bhaan ba machiaꞌ am na gu Dios bɨxchuꞌ bhaan joidham jix chu matdaꞌ.

EEPESO KAM 3:10 ပူးပေါင်းရင်းမြစ်များ

ROOMA KAM 11:33

¡Jaꞌp moo joidham bɨxchuꞌx aichuꞌn gu Dios na jax jaꞌk tu duñiaꞌ gu tuꞌ! Jix ioꞌm jix chu matdaꞌ. Cham jaroiꞌ mat kaꞌ na jax jaꞌk ji chu buusniaꞌ puiꞌ na jax ɨlhiiꞌñdhaꞌ, ni ku cham jaroiꞌ mat kaꞌ na jax kaiꞌñkam puiꞌ tu duñiidhaꞌ, sia kum tɨix mat kaꞌ gu jaꞌtkam gu tuꞌ na jax buadaꞌ.

ROOMA KAM 8:38

Baꞌ cham jɨꞌxkat tuꞌ miꞌ dhɨr kach boosgaꞌ na paiꞌ xich joiꞌmdat jich aꞌm ba tɨ nɨidhim gu Dios, sia chi moo tuꞌ muukiꞌ kaꞌ gɨt, piam gu tuꞌ na duakaꞌ, nix chuꞌ gu noonbiꞌñ gu Dios, nix chuꞌ gu tuꞌ nam tu dudua iꞌiiꞌmdaꞌ bhaan nam tɨi bɨɨx aixim jix bhaaiꞌ nam pu tu duñiaꞌ nam dɨɨlh jax ɨlhiiꞌñdhaꞌ, nix chuꞌ gu tuꞌ na xib jix maax, nix chuꞌ gu tuꞌ na gatuuk tu maaxilhiaꞌ,

1 KORIINTO KAM 1:24

Baꞌ guiꞌ nat jɨꞌk Dios ja aꞌm tɨ tɨɨgɨk puiꞌ ja duu nam tuꞌ sɨlhkam buiñor ba tɨ jɨɨgiꞌñdhaꞌ, bax maat am na bhaankam guch Xoiꞌkam tuch aꞌgiꞌñ gu Dios. Bɨɨx sia bhaankam guch Xoiꞌkam tu ja aꞌgiꞌñ guiꞌ nam jir Israel kam jaꞌtkam gio guiꞌ nam cham jir Israel kam.

1 KORIINTO KAM 2:7

Jax dhui nach aach maakam tuꞌt jir jix aꞌaixkam bhaankam gu Dios, dɨɨlh pɨx gu Dios puiꞌ jaꞌk duu pu bɨjɨk nat chakuip dunaak dhi oiꞌñgaꞌn na puꞌñi dhiꞌ bhaan jich aꞌm tɨ tɨgiaꞌ.

EEPESO KAM 1:21

Gio dhiꞌ kɨꞌn pɨx na jax chuꞌm kɨꞌn bɨxchuꞌx bhaaiꞌ na pu tu duñiaꞌ dɨɨlh gu Dios, dhiꞌ pɨx tajaañ guch Xoiꞌkam na baꞌ ja daam bap tuiꞌkaꞌ guiꞌ nam iꞌiiꞌmdaꞌ bhaan jix chu jaiꞌch, nam puiꞌ tɨi bɨxchuꞌx bhaaiꞌ ɨp nam pu tu duñiaꞌ nam jax ɨlhiiꞌñdhaꞌ, sia bɨɨx na jɨꞌk tuꞌ yaꞌx chu jaiꞌch dhi oiꞌñgaꞌn bhaan giox dhaam.

EEPESO KAM 1:23

Aach baꞌ yaꞌ dɨr mu jaꞌk jaꞌp jup ji buusan nach jir tukgaꞌn, nach guꞌ buiñor tɨ jɨɨgiꞌñ. Bɨɨx nach jɨꞌk buiñor tɨ jɨɨgiꞌñ, guiꞌ bhaan jix oꞌjoꞌ ich. Sia bɨɨx na jɨꞌk tuꞌx chu jaiꞌch, bhaan jup tu tuꞌiiꞌ guch Xoiꞌkam sia pɨk nar jax kaꞌ gɨt.

EEPESO KAM 1:3

Taxchaabgiꞌñdhaꞌ ich gu Dios guiꞌ nar Gɨꞌkorgaꞌn gu Gɇꞌkam jich Xoiꞌkam, nat guꞌ guch Xoiꞌkam bach uaꞌp jix dhaam dɨr guiꞌ na tuꞌ kɨꞌn jix bhaiꞌ ba tuch jimdaꞌch iꞌiiꞌmdaꞌ ɨr bhaan, nach guꞌ buiñor ba tɨ jɨɨgiꞌñ.

EEPESO KAM 1:8

Dhiꞌ bhaan jix maat ich ɨp nat gu Dios xich joiꞌmdak jich aꞌm tɨ tɨɨ nat jich chajaañ gu matdaꞌ nach baꞌ kɨꞌn jix maatɨt kaayaꞌ gu ñioꞌkiꞌñ na jax jir jum duukam.

EEPESO KAM 6:12

Nach guꞌ aach cham tuꞌ tu kokdaꞌ ja bui gu jaꞌtkam gu yaꞌ kam nam jix maax, guꞌ guiꞌ ji nam iꞌiiꞌmdaꞌ bhaan jix chu jaiꞌch nam cham maax, nam jix dhaam jaꞌp oipo, nam jir jix buam jum duuꞌnkam. Puiꞌ bɨxchuꞌx bhaaiꞌ ɨp nam pu tu duñiaꞌ nam jax ɨlhiiꞌñdhaꞌ, guꞌ pɨx ji na guꞌ dai yaꞌ dhi oiꞌñgaꞌn bhaan, na guꞌ dai yaꞌ pɨx nam gɇꞌgɇrkam jum ɨlhiiꞌñ.

KOLOOSAS KAM 1:16

Gu Maraaꞌn pɨx bhaankam jup tu duu gu Dios bɨɨx na jɨꞌk tuꞌx chu jaiꞌch jix dhaam jaꞌk gio dhi oiꞌñgaꞌn bhaan, puiꞌ na jax guiꞌ na tuꞌ cham maax. Jup ja duu guiꞌ nam iꞌiiꞌmdaꞌ bhaan tu dudua na bɨɨx aixim jix bhaaiꞌ nam pu tu duñiaꞌ nam jax ɨlhiiꞌñdhaꞌ. Dhiꞌ bɨɨx jup tu duu gu Dios bhaankam guch Xoiꞌkam, pu kaiꞌñkam pɨx jup tu duu na baꞌ guch Xoiꞌkam pɨx bhaan tu biꞌyaꞌ.

KOLOOSAS KAM 2:10

Baꞌ guch Xoiꞌkam jir gɇꞌkam ja bui gux buam jum duuꞌnkam nam jix chu jaiꞌch iiꞌmdaꞌ bhaan, cham tuꞌr jupaabkamuꞌn am. Jix bhaiꞌ tu jam jim baꞌ aapiꞌm na pim jɨꞌk buiñor tɨ jɨɨgiꞌñ.

KOLOOSAS KAM 2:15

Baꞌ bhaankam guch Xoiꞌkam, gu Dios ja xiꞌɨrbo bɨɨx guiꞌ na bɨxchuꞌx bhaaiꞌ nam pu tu duñiaꞌ, nam iꞌiiꞌmdaꞌ bhaan jix chu jaiꞌch. Cham tuꞌ kɨꞌn ji bii mɨt nam xi ja nɨiꞌñ gu jaiꞌ nam jup jix chu jaiꞌch, nat guꞌ xi ja uꞌuuk ja saagiꞌñ ja tuttuk bɨɨx pu tɨi nam cham tuꞌ ka bhaaiꞌ, guch Xoiꞌkam pɨx nat muu bhaan gu uꞌuux na gai bɨɨt.

1 TIMOTEO 3:16

Aach dɨɨlh jix bhaiꞌx maat nar gɇꞌp jum duukam dhiꞌ nach tuꞌ bhaan jix biiñak kat puiꞌ jaꞌk tu jim, na guꞌ jaꞌpni tu tuꞌiiꞌ: Guch Xoiꞌkam ya ai dhi oiꞌñgaꞌn bhaan maaꞌnkam jup jim duuk. Bɨɨx aixim jix bhaiꞌm duukam jup tu buimɨk, na guꞌ gux Dhuuduꞌ kam jix Uañ Iiꞌmdaꞌ na bhaan tajaañixchuꞌ. Gu noonbiꞌñ gu Dios joidham jix kɨɨꞌ maaꞌnkam tɨɨ mɨt, sia naiꞌ pu chuꞌm ba tum aꞌga ja bui guiꞌ nam cham jir Israel kam, jaiꞌ dhɨt ba tɨ jɨɨgiꞌñ am buiñor. Baꞌ yaꞌ dɨr giop jii jix dhaam jaꞌk na paiꞌ dhɨr jir gɇꞌkam xib bɨɨx kap.

1 PEEGRO 1:12

Baꞌ dɨɨlh gu Dios ba ja mattuda guiꞌ jɨꞌ nam bhaankamuꞌn tu aꞌgadaꞌ na cham tuꞌ janoꞌ puiꞌ tu kuugalhdhaꞌ na puiꞌ tu ja uañdhaꞌ gu ja uaꞌtulhdharaꞌ gu jaꞌtkam nam paiꞌ dhuuk miꞌ kapup oipodaꞌ guiꞌ. Jaꞌpji sap jix ioꞌm gatuuk ji na baꞌ puiꞌ ba tu kuugalhdhaꞌ, xib bak baꞌ nach paiꞌ dhuuk puꞌñi yaꞌ ba oipodaꞌ aach. Jaiñ, puiꞌ dho ba tum kuugalh baꞌ xib na mɨt jɨꞌk jax tu uaꞌnak guiꞌ jɨꞌ nam bɨjɨk ya jaꞌp bhaankamuꞌn tu aꞌgimɨk guch Gɨꞌkoraꞌ. Yaꞌ dho ɇɇk guch Xoiꞌkam puiꞌ xi chu duuk nat tuꞌ kɨꞌn bha jii. Xib baꞌ dhix bhaiꞌm kaiꞌchdham ñiꞌook naiꞌp ba tum aꞌgichuꞌ na bhaan tu aꞌga guch Xoiꞌkam, nat jɨꞌk ja aꞌm tajaa gu Dios gux Dhuuduꞌ kam jix Uañ Iiꞌmdagaꞌn guiꞌ na ja aꞌm tajaañixchuꞌndat guiꞌ nam bɨjɨk ya jaꞌp bhaankamuꞌn tu aꞌgimɨk, na baꞌ ja mattudidhaꞌ nam jax jaꞌk tu aꞌgadaꞌ, piam nam kɨꞌn machiaꞌ gu tuꞌ noꞌm jix maachik sia moo jax jix xijai, nam sia gu noonbiꞌñ gu Dios cham jɨꞌxdhaꞌ machiaꞌ siam tɨix maachik.

1 PEEGRO 3:22

guiꞌ na jaroiꞌ yaꞌ xi oilhimɨk giop tɨs bhɨjɨmmɨni jaꞌk jix dhaam, na xib bhammɨ sonpan ba daa gu Dios kɨɨꞌn dɨr jaꞌk. Baꞌ bɨɨx pɨx tuꞌ kaꞌm nɨiꞌñ am guiꞌ nam bhammɨr noonbiꞌñ gu Dios, sia guiꞌ nam bhammɨ gɇꞌgɇrkam kɨꞌn dalhxix.