Baꞌ xib aañ pum tɨtda, aap nap Peegro kɨꞌn jup tɨɨꞌ, na jaꞌp kaiꞌñkam jup jum kaiꞌch nap jir jodai, aap yaꞌ ka ja sɨlhkaꞌndaꞌ guiꞌ nam jɨꞌk jiñ bui tɨ jɨɨgiꞌñ gu jaꞌtkam nam baꞌ gammɨjɨ miꞌ puiꞌ jiimdaꞌ nañ jax tu jam aꞌgiꞌñ. Baꞌ dhiꞌ jaꞌp ji buusniaꞌ nañ jodai chaꞌm ba kɨɨsaꞌ guñ chiop. Baꞌ cham jɨꞌxkat jax dhoodaꞌ gux buam jum duukam, sia ku jax tɨi ɨlhiiꞌñdhaꞌ gɨt.
EEPESO KAM 2:20 - Tepehuano Tepehuán del Sureste (Durango)20 Aapiꞌm na pim jɨꞌk buiñor ba tɨ jɨɨgiꞌñ guch Xoiꞌkam, jaꞌp ji buan japim na jax gu joodai na daam dɨr muiꞌ ba bhiꞌñbakchix kaꞌ bhaan gu jaiꞌ joodai na bɨtaaꞌn jup darkaꞌ. Gu joodai na bɨtaaꞌn darkaꞌ, dhiꞌ puiꞌ ji buan am na jax guiꞌ nam jɨꞌk jir noonbiꞌñ guch Xoiꞌkam, piam guiꞌ nam bhaankam tu aꞌga gu Dios. Baꞌ dɨɨlh guch Xoiꞌkam jaꞌp ji buusan na dhiꞌr diꞌ gu jodai na bɨɨx bhaan jum siisap dhiꞌ dhi bhiꞌñbak. အခန်းကိုကြည့်ပါ။ |
EEPESO KAM 2:20
20 ပူးပေါင်းရင်းမြစ်များ
Baꞌp ja tɨtda ɨp gio gu Jesuus: ―¿Cham aa pim jɨꞌxkat tu jiñkuiꞌñ gu ñioꞌkiꞌñ gu Dios miꞌ na paiꞌ tu uaꞌñix na jaꞌpnim kaiꞌch: Gu jodai na mɨt maiꞌ xi buak gu bhibhiꞌñbakchadam, guꞌ ji nat guꞌ gio miꞌp dai guch Gɨꞌkoraꞌ na baꞌ bhaan darkaꞌ gu jaiꞌ joodai, na guꞌ puiꞌ jaꞌk jix aaꞌ, baꞌ aañ joidham jix bhaiꞌñ chaat buiñor gu dhiꞌ puiꞌ nat jax tu duu?
Jix aaꞌ guꞌ gu Dios na ja bui guch Xoiꞌkam jɨɨgiꞌñdham jix jaiꞌch kaꞌ am guiꞌ nam naiꞌ jiimɨt tu aꞌgidhaꞌ gu ñioꞌkiꞌñ, jaiꞌ baꞌ guiꞌ nam miꞌ dhɨr bhaankam jup ja aagiꞌñdhaꞌ gu jaiꞌch Xoiꞌkam jɨɨgiꞌñdham na jax jaꞌk jix aaꞌndaꞌ, jaiꞌ baꞌ guiꞌ nam jix bhaiꞌ ja aꞌgiꞌñdhaꞌ gu ñioꞌkiꞌñ guiꞌ na tu uaꞌñix na jax kaiꞌñkam jup jum kaiꞌch, jaiꞌ baꞌ nam jix bhaiꞌm duukam jup tu buadaꞌ na ni jaroiꞌ ku cham paiꞌ dhuuk pu chuꞌm tɨ nɨiꞌñdhaꞌ, jaiꞌ baꞌ nam tu duduadhiꞌñdhaꞌ gux kakoꞌkkam, jaiꞌ baꞌ nam ja palhbuiꞌñdhaꞌ gu jaiꞌ jaꞌtkam sia tuꞌ na pɨx kɨꞌn, jaiꞌ baꞌ guiꞌ nam jix gɨꞌm kɨꞌn ja sɨlhkaꞌndaꞌ guiꞌ nam puiꞌp tɨ jɨɨgiꞌñdhaꞌ buiñor guch Xoiꞌkam, gio jaiꞌ guiꞌ nam jaiꞌ ñiiñioꞌk kɨꞌn jix maatɨt tu daandaꞌ.
Baꞌ gu Santiago gio gu Peegro gio baꞌ gu Juan, dhiꞌ nax ioꞌm jix bhaaiꞌ nam jax jaꞌk tɨꞌyaꞌ ja bui bɨɨx guch Xoiꞌkam jɨɨgiꞌñdham, dhiꞌ bɨɨx puiꞌp tɨi mɨt nat aañ jiñ aꞌm tɨ tɨɨ gu Dios nañ naiꞌ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam. Guꞌ baꞌ na bhaan jix maatɨꞌ kaꞌ nach maap pu chuꞌm kaꞌm tu juanaꞌ, bhaiꞌ xiñ dhaaꞌñ jamɨt gu ja noonob, panaas ku chich jich ñiñioꞌki, sia bɨɨx gu Bernabee bhaiꞌp xi dhaaꞌñ jamɨt, nat guꞌ dhiꞌ baꞌ bhaan bii nañ bɨɨm naiꞌ tu aꞌgaꞌ. Baꞌ guiꞌ dɨɨlh sap ja bui tu aꞌga am dai gu Israel kam jaꞌtkam.
Dhiꞌ nat tuꞌ jax ba duu xib gu Dios, nat bɨjɨk puiꞌ jaꞌk pum aa na tu duñiaꞌ, dhiꞌ pu cham tuꞌ ja mattudak guch bopxi kat guiꞌ nam bɨjɨk yaꞌ tu duduakat. Baꞌ xib bhaankam gux Dhuuduꞌ kam jix Uañ Iiꞌmdaꞌ ba ja mattuda gu Dios guiꞌ nam jir noonbiꞌñ guch Xoiꞌkam nam bhaankam tu aꞌgat jix uꞌuañ kɨꞌn yaꞌ oipo.
puiꞌ na jax bam kaiꞌch miꞌ paiꞌ uꞌuan taꞌm na paiꞌ tu uaꞌñix gu ñioꞌkiꞌñ gu Dios nap jum kaiꞌch: Maaꞌn jañ mu jootsaꞌ guiꞌ nañ aꞌmkam ja palhbuidhaꞌ gu Sion oiꞌñkam nar gɇꞌp jum duukam aañ jiñ bui. Guiꞌ jaꞌp ji buusan na jax maaꞌn gu gɇꞌ jodai nax ioꞌm jum aaꞌ nam miꞌ daasaꞌ gu bhibhiiꞌñbakchadam nam paiꞌ bhaan jum oꞌtoꞌnkaꞌ gu jaiꞌ joodai. Baꞌ gu jaroiꞌ noꞌt soiꞌm ɨlhdhak tɨ jɨɨꞌñ buiñor, gɇꞌkam kɨꞌn jix bhaiꞌ ba tu jimiaꞌ gio nañ ba palhbuiꞌñchuꞌndaꞌ gammɨjɨ.
ကြော်ငြာတွေ