EEPESO KAM 2:11 - Tepehuano Tepehuán del Sureste (Durango)

¹¹ Aapiꞌm na pim jɨꞌk cham jir Israel kam jaꞌtkam, guiꞌ nam jir Israel kam jaꞌtkam jup jam tɨɨtɨꞌ am: Gu jaꞌtkam cham jum matgilhdhadam. Baꞌ dɨɨlh gu Israel kam jaꞌtkam jup jum tɨɨtɨꞌ am: Aach jaꞌtkam jich matgilhdhadam. Baꞌ dhiꞌ nam puiꞌ jam tɨɨtɨꞌ, jaꞌp kaiꞌñkam jup kaiꞌchdhaꞌ am na pim aapiꞌm cham tuꞌr kɨkɨɨꞌ jaꞌtkam, pu cham jam aꞌm tɨ nɨidhim gu Dios. Dɨɨlh sap baꞌ ja aꞌm tɨ nɨidhim panaas nam jum matgilhiꞌñ ja tutkuꞌ bhaan.

EEPESO KAM 2:11 ပူးပေါင်းရင်းမြစ်များ

MATEO 20:7

Baꞌ guiꞌp kaiꞌch am: “Dho na cham jaroiꞌch umuagiꞌñ dho.” Baꞌ guiꞌp ja tɨtda ɨp gio: “Dho guꞌ aañ bha jam umuaꞌñdham dho na pim jiñ palhbuidhaꞌ na pim tu uꞌyaꞌ gu bhaidhaꞌ mu nañ paiꞌ tɨ ɨꞌɨɨx.” Baꞌ guiꞌ cham jax ji chɨꞌɨɨk jup ma oi mɨt na mɨt tu juanam.

ROOMA KAM 11:17

Jaꞌpni ji buusan am ɨp gu Israel kam jaꞌtkam na jax gu oliibo. Dai ji nat guꞌ dhi oliibo jaiꞌm ɨꞌkɨ gu mamragaꞌn, jaiꞌ baꞌm uaꞌrak bham tuttuiꞌ guiꞌ nar gampɨx kam, na cham tuꞌr ɨꞌxchix kam. Dhiꞌ baꞌ jaꞌp ji buusan nar aapiꞌm na pim cham jir Israel kam jaꞌtkam, baꞌ maap bam daaꞌ pim gu oliibo guiꞌ na miꞌ pu kɨɨk, jaꞌp ji buusan na maaꞌn na jax pɨx jir diꞌ gu dɨɨlh mamragaꞌn.

ROOMA KAM 2:26

Na guꞌ guiꞌ nam miꞌ puiꞌ jiimdaꞌ na jɨꞌk jax tu aagix, dhiꞌ bhaan jix maatɨꞌ kaꞌ nam jir Israel kam jaꞌtkam kaꞌ, baꞌ puiꞌ ji buusandaꞌ nam matgilhdhix kaꞌ ja tutkuꞌ bhaan, sia kum guꞌ pu cham paiꞌ matgilhdhix.

ROOMA KAM 2:27

Baꞌ guiꞌ nam puꞌñi miꞌ puiꞌ jiimdaꞌ na jɨꞌk jax tu aagix, sia kum guꞌ cham tuꞌ matgilhdhix ja tutkuꞌ bhaan, dhiꞌx bhaaiꞌ nam pu ja tɨɨdaꞌ guiꞌ nam jir Israel kam jaꞌtkam na jax kum baꞌ cham miꞌ puiꞌp jiim, nam guꞌ jaꞌkbuiꞌ kat tɨim matgilhiꞌñ.

1 KORIINTO KAM 12:2

Janoꞌ na pim chakui tɨ jɨɨꞌñdhat buiñor guch Xoiꞌkam, bɨɨx aixim bhaan jum uaꞌtulhiꞌñdhaꞌ pim, ja daandaꞌ pim gu didios jup duiñxim nam pu cham tɇ kɇɇ ni jɨꞌx ni nam pu cham tu ñiok.

1 KORIINTO KAM 6:11

Jaiꞌ dhɨt puꞌñi jaꞌk tu jimdat japim na pim chakui tɨ jɨɨꞌñdhat buiñor guch Xoiꞌkam, guꞌ ji nat guꞌ dɨɨlh guch Xoiꞌkam jam uañdhak gu jam uaꞌtulhdharaꞌ puiꞌ jam duu na pim jir jaꞌtkam tugiꞌñ kaꞌ, gook dɨt jamɨt puiꞌ jam duu gux Dhuuduꞌ kam jix Uañ Iiꞌmdagaꞌn gu Dios.

GALAASIA KAM 2:15

Aach dho pui tɨich chɨɨtɨꞌ nach jir Israel kam jaꞌtkam, nach miꞌ puiꞌ jiim panaas na jɨꞌk jax tu aagix gu ñioꞌkiꞌñ gu Dios, baꞌ cham tuꞌ puiꞌr jich chɨɨtgɨdam ich nach jir jix uꞌuaꞌtulhdhix kam, jaꞌp na jax guiꞌ nam cham jir Israel kam jaꞌtkam.

GALAASIA KAM 6:12

Gu jaꞌtkam nam jam chian na pim jum matgilhdhaꞌ na pim baꞌ jaiꞌp bar Israel kam jaꞌtkam kaꞌ, dhiꞌ pu kaiꞌñkam pɨx puiꞌ jaꞌk bua am nam baꞌ jax dhuix bhaiꞌ biꞌiidhaꞌ ja bui guiꞌ nam cham tɨ jɨɨgiꞌñ buiñor guch Xoiꞌkam, nam guꞌ cham aaꞌ nam jaiꞌ bhaiꞌp ji ja oꞌbhaiꞌñdhaꞌ noꞌm bhaankam jup ba tu aꞌgim guch Xoiꞌkam na mɨt jax kaiꞌñkam mua bhaan gu uꞌuux na gai bɨɨt.

EEPESO KAM 2:2

Miꞌ puiꞌ tu daaꞌñchugɨt japim nam jax jix buam tu jimdaꞌ gu jaꞌtkam nam yaꞌ dhi oiꞌñgaꞌn dai bhaan tɨtɨɨꞌñcho, jix jɨɨgiꞌñdhat japim na jax jam jurtuꞌnkaꞌ guiꞌ na iiꞌmdaꞌ bhaan jix jaiꞌch na bɨxchuꞌx bhaaiꞌ na pu tu duñiaꞌ, dhiꞌ na jaiꞌ iꞌiiꞌmdaꞌ puiꞌ ja daam jup tuꞌiiꞌ nam puiꞌ cham jup jir kɨkɨɨꞌ. Dhiꞌ baꞌ mɨk jaꞌk ja bhɨichdhatgɨdaꞌ gu jaꞌtkam na dɨɨlh jax ɨlhiiꞌñ guiꞌ nam jɨꞌk cham miꞌ puiꞌ jiimdaꞌ na jax jix aaꞌ gu Dios.

EEPESO KAM 5:8

Gu jaroiꞌ noꞌ cham maat na jax jir tuꞌm kam gu Dios, jaꞌp ji buusandaꞌ nax chu tukgam kɨr oirɨdaꞌ, puiꞌ na jax aapiꞌm na pim jix chu tukgam kɨr oipot bɨɨpɨꞌ dɨr na pim chakui maatɨt na jax jir tuꞌm kam gu Dios. Baꞌ xib na pim bax maat, jix chu maax kɨr jaꞌk ba oipo pim, jum aaꞌ baꞌ na pim miꞌ puiꞌ jiimdaꞌ na jax jix aaꞌ gu Dios na baꞌ dhiꞌ bhaan jix maatɨꞌ kaꞌ na pim bax maat na jax jir tuꞌm kam.

PILIIPOS KAM 3:3

Jax dhui na guꞌ guiꞌ nam sɨlhkam matgilhdhix kaꞌ nam jir Israel kam jaꞌtkam, jum aaꞌ nam puiꞌ jaꞌk tu jimdaꞌ na jax aach nach tu daan buiñor gu Dios, puiꞌ na jax pɨx jich jurtuꞌn gux Dhuuduꞌ kam jix Uañ Iiꞌmdaꞌ, jix bhaiꞌch chaat ich baꞌ nach buiñor tɨ jɨɨgiꞌñ guch Xoiꞌkam. Dhiꞌ bhaan tu daaꞌñchuꞌ ich aach, cham tuꞌ gu tuꞌ na daam dɨr jich chutkuꞌ bhaan jix maax kaꞌ.

KOLOOSAS KAM 1:21

Aapiꞌm cham tuꞌ jam kɨɨgalhdhat bɨɨpɨꞌ dɨr gu Dios, na pim guꞌ cham tuꞌr Israel kam jaꞌtkam kaꞌ jam jujur am bhaan, daix buam jum duukam japim jup tu buadaꞌ na tuꞌ cham jir kɨɨꞌ.

KOLOOSAS KAM 2:11

Gu Israel kam jaꞌtkam jum matgilhiꞌñ am na baꞌ dhiꞌ bhaan bax maatɨꞌ kaꞌ nam dhiꞌr diꞌ gu jaꞌtkam tugiꞌñ gu Dios. Baꞌ aapiꞌm sia ku pimɨt cham puiꞌ jaꞌk duu, na pimɨt buiñor tɨ jɨɨꞌñ guch Xoiꞌkam, gu Dios puiꞌ jaꞌk ba jam duu na pim puiꞌp bar jaꞌtkam tugiꞌñ kaꞌ jaꞌp na jax gu Israel kam jaꞌtkam. Mɨk baꞌ jam buiꞌñchulh na pim baꞌ cham uaꞌtulhdharaꞌ bhaan ka tɨtɨɨꞌñchokaꞌ, baꞌ dhiꞌ puꞌñi jaꞌk jaꞌp ji buus na pimɨt jum matgilh jaꞌp na jax gu Israel kam jaꞌtkam na pim baꞌ bar jaꞌtkam tugiꞌñ gu Dios.

KOLOOSAS KAM 2:13

Na guꞌ bɨɨpɨꞌ dɨr jaꞌp ji buusandat na pim koꞌiix kat, na pim dai uaꞌtulhdharaꞌ bhaan jum tukgiꞌñkaꞌ, cham tuꞌr jaꞌtkam tugiꞌñ kaꞌ pim gu Dios. Baꞌ xib ba bubua pimɨt bɨɨmaꞌn guch Xoiꞌkam, gu Dios pɨx dɨɨlh bɨɨmaꞌn jam duduaꞌñ, ba uañchudhix xib gu jam uaꞌtulhdharaꞌ.

KOLOOSAS KAM 3:11

Cham tuꞌ baꞌm aaꞌ kiaꞌ sia ku jaroiꞌr Israel kam maaꞌnkam piam ku guꞌ cham. Piam sia ku matgilhdhix nar Israel kam maaꞌnkam piam ku guꞌ cham. Piam sia kur miꞌ paiꞌ kam gu jaroiꞌ nam paiꞌ oiꞌdhaꞌ gux chutumñigam, piam ku guꞌ maakam jaꞌk kam nam paiꞌ oiꞌdhaꞌ guiꞌ nam cham tu tumñiꞌ. Piam ku guꞌr tujuandam puiꞌ cham namkidhat, piam ku guꞌ namkidhix kam jir tujuandam. Jax dhui na guꞌ bɨɨx pɨx ja aꞌm ba tɨ nɨidhidhaꞌ guch Xoiꞌkam, dai noꞌm soiꞌm ɨlhdhat buiñor ba tɨ jɨɨgiꞌñ. Baꞌ dai guch Xoiꞌkam jix bhaaiꞌ na ja palhbuidhaꞌ bɨɨx gu jaꞌtkam sia nar jaroiꞌ kaꞌ gɨt.