EEPESO KAM 2:10 - Tepehuano Tepehuán del Sureste (Durango)

¹⁰ Gio guꞌ aach jup jir duniiꞌñ pɨx gu Dios, guiꞌ pɨx puiꞌch dhuu bhaankam guch Xoiꞌkam nach aach dai gux kɨɨꞌp jum duukam bap tu duñiidhaꞌ yaꞌ dɨr jaꞌp jaꞌk, cham tuꞌ kiaꞌ gux buam jum duukam nar uaꞌtulhdharaꞌ. Pu bɨjɨk puiꞌ jaꞌk pu tɨi guꞌ gu Dios na tu duñiaꞌ.

EEPESO KAM 2:10 ပူးပေါင်းရင်းမြစ်များ

MATEO 5:16

Baꞌ aapiꞌm puꞌñi jaꞌk jup ji buan, jam aꞌm jum aaꞌ na pim jir jix bhabhaiꞌkam kaꞌ ja bui gu jaꞌtkam nam baꞌ ji jam tɨɨgɨi jaiꞌ bhaiꞌp ji chu dañiaꞌ buiñor guñ Gɨꞌkoraꞌ guiꞌ nax dhaam jup tuꞌiiꞌ.

JUAN 3:21

Dai guiꞌ nam jɨꞌk tuꞌ kaꞌm nɨiꞌñ nam baꞌ buiñor xip tuiꞌdhiꞌ guiꞌ na joidham gɇꞌ tanoor. Dhiꞌ baꞌ bhaan jix maatɨꞌ nam miꞌ puiꞌ jiimchuꞌ na jax jix aaꞌ gu Dios.

GU NOONBIꞌÑ GUCH XOIꞌKAM 9:31

Baꞌ bɨɨx guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, puiꞌ na jax guiꞌ nam mu jaꞌp oiꞌñkaꞌ na paiꞌ jax bhaan bipioꞌ gu Judea dɨbɨɨr, gio baꞌ guiꞌ nam mu jaꞌk jup oiꞌñkaꞌ na paiꞌ jax bhaan jup bipioꞌ gu Galilea dɨbɨɨr, gio baꞌ guiꞌ nam mu jaꞌk jup oiꞌñkaꞌ na paiꞌ jax bhaan jup bipioꞌ gu Samaaria dɨbɨɨr, joidham jix bhaiꞌ tu ja jimdaꞌ, gio nam jix ioꞌm bha biiñkaidhaꞌ buiñor guch Xoiꞌkam, gio baꞌ nam miꞌ puiꞌ jiimdaꞌ na jax jix aaꞌ. Gio baꞌ nam pɨx ji muiꞌdhidhaꞌ, na guꞌ nabap tanoolh nam pɨx ji chɨ jɨɨꞌñdhidhaꞌ gu jaꞌtkam buiñor guch Xoiꞌkam, na guꞌ puiꞌ jaꞌk ja jurtuꞌnkaꞌ gux Dhuuduꞌ kam jix Uañ Iiꞌmdaꞌ.

GU NOONBIꞌÑ GUCH XOIꞌKAM 9:36

Baꞌ janoꞌ maaꞌn mu jaꞌk jup kiokaꞌ gu ubii na paiꞌ puiꞌ tɨ tɨɨꞌ Joopi, na puiꞌp tɨ jɨɨgiꞌñdhaꞌ buiñor guch Xoiꞌkam, na Tabiita tɨɨꞌ, na gu griago ñiꞌook kɨꞌn jaꞌp kaiꞌñkam jup jum kaiꞌch Dorgas. Baꞌ dhiꞌ dhi ubii gammɨjɨ joidham jir jix bhaiꞌkam kaꞌ, tuꞌ na pɨx ja onbagiꞌñdhaꞌ guiꞌ nam cham tuꞌ biaꞌkaꞌ.

ROOMA KAM 8:1

Na guꞌ guiꞌ nam jɨꞌk buiñor bap tuiꞌñgɨdaꞌ guch Xoiꞌkam, cham tuꞌ mu jaꞌk ka jiimdaꞌ am nam paiꞌ gammɨjɨ gɨt miꞌ pup jum tulhiiñdhaꞌ, nam guꞌ cham tuꞌ miꞌ puiꞌ ka jiimdaꞌ na jax jix aaꞌndaꞌ gu ja tutkuꞌ, guꞌ jaꞌpji daipuꞌ na jax pɨx ja jurtudidhaꞌ gux Dhuuduꞌ kam jix Uañ Iiꞌmdaꞌ.

ROOMA KAM 8:29

Pu bɨjɨk dɨr bax maat gu Dios nam jɨꞌk buiñor tɨ jɨɨꞌñdhaꞌ gu jaꞌtkam, baꞌ pu janoꞌ dɨr puiꞌ pu tɨi ɨp nam puiꞌp jir tuꞌm kaꞌ na jax gu Maraaꞌn. Jaꞌp ji buusniaꞌ nam jir jajaaꞌnniꞌñ kaꞌ, dai na gu Maraaꞌn jir bɨɨpɨꞌ kam kaꞌ.

1 KORIINTO KAM 3:9

Jir tujuandam tugiꞌñ ich pɨx baꞌ gu Dios gook dɨt gu Apoolos nañ jax ba kaiꞌch, aapiꞌm baꞌ jaꞌp jup ji buan na jax gu gaa, baꞌ gu Dios dɨɨlh jix bhaiꞌ jam bua. Gio jaꞌp jup ji buan japim na jax gu bhiꞌñbak noꞌ kiaꞌpɨx jum kɨɨsaim, guꞌ ji na guꞌ gu Dios bhaan tɨ nɨiꞌñ dhiꞌ dhi bhiꞌñbak.

2 KORIINTO KAM 5:17

Puiꞌ ku baꞌ gu jaroiꞌ noꞌt ba tɨ jɨɨꞌñ buiñor guch Xoiꞌkam, bar maakam tuꞌm kaꞌ iiꞌmdagaram bhaan, cham tuꞌ puiꞌ kiaꞌ na jax bɨɨpɨꞌ dɨr. Jaꞌp ji buusniaꞌ na jumai maaꞌnkam xibkam jup jum duñiaꞌ.

2 KORIINTO KAM 5:5

Gu Dios pɨx dɨɨlh guꞌ nat puiꞌ jaꞌk tu duu nach puꞌñi jaiꞌp jich dhuñiaꞌ, maaxik baꞌ puiꞌ ji chu buusniaꞌ, nat guꞌ pu kaiꞌñkam jich tajaañ gux Dhuuduꞌ kam jix Uañ Iiꞌmdaꞌ na baꞌ dhiꞌ bhaan jix maatɨꞌ kaꞌ.

2 KORIINTO KAM 9:8

Gio guꞌ gu Dios pɨx bɨɨx tu jam maak tuꞌ nam aaꞌ, jaiꞌ pup xi jam bipioꞌ na pim baꞌ puꞌñi miꞌ dhɨr ja makiaꞌ gu jaiꞌ nam cham tuꞌ biaꞌ, piam gu tuꞌ na kɨꞌn jax jum duñiaꞌ na jax jix kɨɨꞌ kaꞌm nɨiꞌñ gu Dios.

GALAASIA KAM 6:15

Aañ jix maat na pu cham tuꞌ bhaaiꞌ sia ku jaroiꞌ tɨi matgilhdhix piam ku guꞌ cham, guꞌ jaꞌpji nañ cham tuꞌx buam ka tu buadaꞌ, dhiꞌ pɨk ji nam aaꞌ, na jumai iiꞌmdaꞌñ aꞌm bap tuiꞌñgɨdaꞌ.

EEPESO KAM 1:1

Aañ jir Paablo, jir nobiiꞌñ iñ guch Xoiꞌkam, nat guꞌ gu Dios puiꞌ jaꞌk jix aagak pu chuꞌm kɨꞌn jiñ dhai. Aañ mu tu jam uaꞌñxiꞌñ bhaan dhiꞌñi uꞌuan aapiꞌm na pim miꞌ oiꞌdhaꞌ Eepeso na pim buiñor tɨ jɨɨgiꞌñ guch Xoiꞌkam, na pim guꞌ aapiꞌm Dios bar jaꞌtkam tugiꞌñ.

EEPESO KAM 1:4

Gu Dios pu bɨjɨk dɨr jich aꞌm tɨ tɨɨ nach jir jaꞌtkam tugiꞌñ kaꞌ bhaankam guch Xoiꞌkam, pux ioꞌm bɨjɨk dɨr nat baꞌ moo bap duu dhi oiꞌñgaꞌn. Jich aꞌm pu tɨ tɨɨ nach puꞌñi gatuuk cham tuꞌ buiñor kax uꞌuaꞌtulhdhix kaꞌ. Joidham xich joiꞌgɨlh guꞌ gu Dios gɇꞌkam kɨꞌn,

EEPESO KAM 2:13

Baꞌ sia ku pim mɨk jup tuiꞌkat buiñor gu Dios, xib na pim maap bap tuiꞌdhiꞌ guch Xoiꞌkam na pim buiñor ba tɨ jɨɨgiꞌñ, miaꞌn ba ai pimɨt, pu kaiꞌñkam jich aꞌmkam muu guꞌ guch Xoiꞌkam bhaan gu uꞌuux na gai bɨɨt.

EEPESO KAM 2:15

Guch Xoiꞌkam pɨx nat muu bhaan gu uꞌuux na gai bɨɨt nach baꞌ cham tuꞌ puiꞌ jaꞌk ka tu jim na jax tu daaxix na tu aagix, nach puꞌñi tuꞌ pɨx ja ɨlhiiꞌñdhaꞌ guiꞌ nam cham jir Israel kam jaꞌtkam, jaꞌp ji buus nat daam dɨr mim jaax gu ɨꞌraꞌn na baꞌ cham ka maax kaꞌ puiꞌ na jax jaꞌk tu aagix kat. Baꞌ xib jaꞌp ji buusan na pu cham paiꞌ ka maatɨꞌ gu puiꞌ jaꞌk aach jich bui, maap pɨx bar jich oiꞌdhagɨm ich xib, nach guꞌ maap buiñor bap tuiꞌdhiꞌ guch Xoiꞌkam. Dɨɨlh guch Xoiꞌkam pɨx puiꞌch dhuu nach cham kach bhabhaakuiꞌñdhaꞌ.

EEPESO KAM 2:2

Miꞌ puiꞌ tu daaꞌñchugɨt japim nam jax jix buam tu jimdaꞌ gu jaꞌtkam nam yaꞌ dhi oiꞌñgaꞌn dai bhaan tɨtɨɨꞌñcho, jix jɨɨgiꞌñdhat japim na jax jam jurtuꞌnkaꞌ guiꞌ na iiꞌmdaꞌ bhaan jix jaiꞌch na bɨxchuꞌx bhaaiꞌ na pu tu duñiaꞌ, dhiꞌ na jaiꞌ iꞌiiꞌmdaꞌ puiꞌ ja daam jup tuꞌiiꞌ nam puiꞌ cham jup jir kɨkɨɨꞌ. Dhiꞌ baꞌ mɨk jaꞌk ja bhɨichdhatgɨdaꞌ gu jaꞌtkam na dɨɨlh jax ɨlhiiꞌñ guiꞌ nam jɨꞌk cham miꞌ puiꞌ jiimdaꞌ na jax jix aaꞌ gu Dios.

EEPESO KAM 2:6

Janoꞌ nat paiꞌ dhuuk gu Dios duaꞌñdhak giop bamiiꞌ guch Xoiꞌkam mu dɨr koiꞌñgaꞌn tɨr, jaꞌp ji buus nat aach janoꞌ maap jich dhuduaꞌñdhak bɨɨmaꞌn jich baapmiꞌ nach ka koꞌiix kat. Miꞌ dhɨr baꞌ maaꞌn kap jich biꞌ dɨɨlh gu Dios jix dhaam nach paiꞌ aayaꞌ gatuuk, nach miaꞌn bap tuiꞌkaꞌ buiñor.

EEPESO KAM 4:1

Baꞌ aañiꞌ nañ yaꞌ kuup, pu kaiꞌñkam pɨx nañ jir tujuandam tugiꞌñ guch Xoiꞌkam. Aañ soiꞌñ jam tɨtda na pim miꞌ puiꞌ tuiꞌñgɨdaꞌ na jax jaꞌk bhaan jix maatɨꞌ kaꞌ nat jam aꞌm ba tɨ tɨɨ gu Dios, jam aꞌm ba tɨ nɨidhim guꞌ aapiꞌm.

EEPESO KAM 4:24

Bar jaiꞌ jaꞌtkam kaꞌ pim, cham tuꞌ pu chuꞌm kiaꞌ na jax gu bɨɨpɨꞌ dɨr kam. Jix uꞌuañ kɨꞌn japim xi guꞌkgɨdaꞌ puiꞌ na jax jir tuꞌm gu Dios, na baꞌ dhiꞌ bhaan jix maatɨꞌ kaꞌ nat guiꞌ jam pataasak jaiꞌp jam duu. Miꞌ puiꞌ pim ba jiimdaꞌ na jax jaꞌk sɨlhkam jir miꞌ puiꞌ.

PILIIPOS KAM 1:6

Tuꞌ sɨlhkam kɨꞌn tɨ jɨɨgiꞌñ iñ aañ na gu Dios pɨx dɨɨlh gammɨjɨ jam palhbuiꞌñchuꞌndaꞌ na pim baꞌx bhaiꞌm duukam jup tu duiñxidhidhaꞌ dai guiꞌ, nat guꞌ pu chuꞌm kɨꞌn jam aꞌm ba tɨ tɨɨ, puiꞌ pu jam palhbuiꞌñchuꞌndaꞌ janoꞌ juugɨt na paiꞌ dhuuk gio bhaiꞌp jimdaꞌ guch Xoiꞌkam Jesuus yaꞌ dhi oiꞌñgaꞌn bhaan.

PILIIPOS KAM 2:13

Na guꞌ gu Dios dɨɨlh puiꞌ jam jurtudidhaꞌ na pim baꞌ dai gux kɨɨꞌp jum duukam bhaan tɨtɨɨꞌñchot puiꞌ tu duiñchuꞌndaꞌ, na guꞌ guiꞌx aaꞌ na pim jix bhaiꞌ ji bubuakiaꞌ buiñor.

KOLOOSAS KAM 1:10

Na guꞌ miꞌ dhɨr baꞌ noꞌ pim puꞌñix bhaiꞌ bax maat, miꞌ puiꞌ ba duiñchuꞌndaꞌ pim na jax jaꞌk jum aaꞌ noꞌñ puꞌñi buiñor bap tuiꞌdhiꞌ guch Xoiꞌkam, dai gux kɨɨꞌp jum duukam japim bap tu duñiidhaꞌ guꞌ na jax pɨx jix aaꞌ guiꞌ. Saalh japim puꞌñix kɨɨꞌp jum duukam bhaiꞌ jip tu duñiaꞌ, mɨkkat jix ioꞌm, na pim guꞌx bhaiꞌ ba machiaꞌ na jax jaꞌk jix aaꞌ gu Dios na pim miꞌ puiꞌ jiimdaꞌ.

KOLOOSAS KAM 3:10

xib maakam japim ba tu jim, miꞌ puiꞌ ba jiim japim na jax jix kɨɨꞌ kaꞌm nɨiꞌñ gu Dios. Saalh japim pɨx miꞌ puiꞌ ji jimiim na jax jaꞌk tu jim gu Dios nat jaroiꞌp tu duu bɨɨx na jɨꞌk tuꞌx chu jaiꞌch, na pim guꞌ saalh pɨx jix bhaiꞌ maachim na jax jaꞌk tu jim gu Dios.

2 TESALOONIKA KAM 2:17

guiꞌ pɨx puiꞌ jam jujurtudidhaꞌ am na pim jum guguuxdhidhat miꞌ puiꞌ jiimdaꞌ na jax jir sɨlhkam, na pim dai gux bhaiꞌm duukam jup tu buadaꞌ gio na pim jax kaiꞌchdhaꞌ.

1 TIMOTEO 2:10

Guꞌ jaꞌpji nam bɨɨx aixim jix bhaiꞌm duukam xip tu duñiidhaꞌ na jax jix kɨɨꞌ kaꞌm nɨiꞌñ gu Dios, baꞌ dhiꞌ puiꞌ bam kaiꞌch nam jix bhaiꞌm duuk. Puiꞌm jaꞌk xi chu duñiaꞌ gu uꞌuub na jax jaꞌk bhaan jix maatɨꞌ kaꞌ nam dai gu Dios pɨx buiñor soiꞌm ɨlhiiꞌñ ja iꞌiiꞌmdaꞌ bhaan.

1 TIMOTEO 5:10

Gio baꞌ nam bɨɨx pɨx jix mat kaꞌ noꞌt jix bhaiꞌ ja mamtuxdhimɨk ja gɨꞌgɨlh gu maamraꞌn. Gam noꞌr jix bhaiꞌkam kat ja tɨbiapputuꞌn kiaꞌmiꞌñ guiꞌ nam paxiaraidhaꞌ. Gio noꞌ soiꞌm duukat ja palhbuiꞌñ guch Xoiꞌkam jɨɨgiꞌñdham bɨɨx aixim tuꞌ na ja aꞌm jum aaꞌndaꞌ. Gio guiꞌ nam bɨɨx aixim tuꞌm bhaan jum tulhiiñ noꞌx bhaiꞌ ja bua, noꞌ dai gux kɨɨꞌp jum duukam bhaan ji bamgim nap tu bua.

1 TIMOTEO 5:25

Baꞌ guiꞌ nam jix bhaiꞌm duukam jup tu buadaꞌ, jɨꞌk pɨx ɨp nax bhaiꞌx maatɨꞌ pu yaꞌ, guꞌ baꞌ guiꞌ na jɨꞌk cham maatɨꞌ, gatuuk jix bhaiꞌ matgilhiaꞌ.

1 TIMOTEO 6:18

Xi ja aagiꞌñdhaꞌ ap nam jix joojoidhat jix chu onbaiꞌñdhar kaꞌ gu tuꞌ nam biaꞌ na baꞌ puꞌñi jaꞌk sɨlhkam puiꞌ bam kaiꞌchdhaꞌ nam jir jix chutumñigam, nam guꞌx bhaiꞌm duukam jup tu buadaꞌ.

2 TIMOTEO 2:21

Aach baꞌ puꞌñi ɨp buiñor guch Gɨꞌkoraꞌ noꞌch jix aaꞌ nax dhaꞌram jich ɨlhiiꞌñdhaꞌ, gio noꞌch jix aaꞌ nach tuꞌx bhaaiꞌn kaꞌ buiñor, jum aaꞌ nach jix uꞌuañ oipodaꞌ, nach cham tuꞌx buam tu buadaꞌ. Puꞌñi jaꞌk dho gi guꞌ tuꞌx bhaaiꞌn kaꞌch ji buiñor guch Gɨꞌkoraꞌ, jich dharsaꞌ baꞌ tuꞌ na pɨx bhaan nach jix bhaiꞌm duukam jup tu duñiaꞌ.

2 TIMOTEO 3:17

na baꞌ guꞌ gu jaroiꞌ na sɨlhkam buiñor jup tuiꞌkaꞌ gu Dios, jix bhaiꞌx mat kaꞌ na jax jaꞌk duñiaꞌ sia tuꞌ na pɨx nar jix kɨɨꞌp jum duukam.

TIITO 2:14

Guch Xoiꞌkam dɨɨlh jum doꞌñcho na mɨt mua nat baꞌ pu duuk bɨɨx jich uañchuda guch uaꞌtulhdharaꞌ nach aꞌm jup tuꞌt janoꞌ nach chakui tɨ jɨɨꞌñdhat buiñor, jaꞌp ji buus nat jich boosgak jaꞌp jaꞌk jich chuttu miꞌ dhɨr na paiꞌx chu uaꞌtulhdhix. Baꞌ aach dɨɨlh xich guguuxdhai miꞌ puiꞌ ba jimiaꞌ na jax jix aaꞌ, dai guiꞌ buiñor pɨx jaꞌk jach bap tuiꞌñgɨdaꞌ.

TIITO 2:7

Na guꞌ aap jaꞌp ji buusandaꞌ nap jir ja booiꞌ kaꞌ, nam guꞌm nɨidhat nap jax jaꞌk tuiꞌñgɨdaꞌ miꞌ puiꞌp tu daaꞌñchuꞌndaꞌ. Baꞌ nap paiꞌ dhuuk tu ja aꞌgiꞌñdhaꞌ nam jax jaꞌk tuiꞌñgɨdaꞌ, jix gɨꞌm nap pu ja tɨtdadaꞌ, cham tuꞌ jaaxmadaꞌ bhaan.

TIITO 3:1

Gammɨjɨp ja tɨꞌñchoxiꞌñkaꞌ guch Xoiꞌkam jɨɨgiꞌñdham nam tuꞌ kaꞌm ja nɨidhat gu gɇꞌgɇrkam jix kakaiꞌ ganaiꞌ bɨɨx aixim nam tuꞌ kɨꞌn tu daraa, xix ja kɇɇkɇt am jax ñam kaiꞌchdhaꞌ. Bɨɨpɨꞌm jup xim gaꞌngadaꞌ noꞌ moor jix kɨɨꞌp jum duukam gu tuꞌ nam ja chiandaꞌ gu gɇꞌgɇrkam.

TIITO 3:14

Xi ja aagiꞌñdhaꞌ ap guch Xoiꞌkam jɨɨgiꞌñdham na puiꞌp jum aaꞌ nam ja palhbuidhaꞌ tuꞌ na pɨx kɨꞌn nam baꞌ puiꞌ maachidhaꞌ. Na guꞌ puꞌñi jaroiꞌ na pɨx bam aaꞌndaꞌ nam palhbuidhaꞌ guch Xoiꞌkam jɨɨgiꞌñdham.

TIITO 3:8

Baꞌ aañ jix aaꞌ nap gammɨjɨ dai dhiꞌ bhaan tu aꞌgadaꞌ ja bui guch Xoiꞌkam jɨɨgiꞌñdham nam baꞌx kɨɨꞌp jum duukam bhaan jum tukgidhidhaꞌ nam jup tu duñiidhaꞌ. Na guꞌ dhiꞌr jix kɨɨꞌp jum duukam, jaroiꞌ na pɨx palhbuiꞌñchuꞌndaꞌ na jax jaꞌk miꞌ puiꞌ jimdaꞌ.

ISRAEL KAM 10:24

Jaꞌpji dai ji nach ba xich ja joiꞌgɨꞌndaꞌ bɨɨx jɨꞌmaꞌn, joidham nach jix bhaiꞌ kaiꞌchɨt jich papalhbuiꞌñdhaꞌ tuꞌ na pɨx kɨꞌn, gio nach jix bhaiꞌm duukam xip tu buadaꞌ bhaankamuꞌn.

ISRAEL KAM 13:21

gam nax kɨkɨɨꞌ jaꞌtkam jup jam duñiaꞌ bɨɨx jɨꞌmaꞌn, na pim baꞌ gammɨjɨx biiñak kat miꞌ puiꞌ jiimdaꞌ na jax jix aaꞌ. Gu Dios baꞌ dɨɨlh jix maat miꞌ dhɨr jaꞌp jaꞌk na tuꞌ jax dhuñiaꞌ jam bui na pim ba tɨ jɨɨgiꞌñ buiñor guch Xoiꞌkam. Gammɨjɨch baꞌ moo gɇꞌkamtuꞌndaꞌ. Jaꞌpni pɨx tuiꞌkaꞌ.

1 PEEGRO 2:12

Jix bhaiꞌ pim xi chu jimdaꞌ na jax jix aaꞌ gu Dios miꞌ ja bui guiꞌ nam cham tɨ jɨɨgiꞌñ buiñor guch Xoiꞌkam. Na baꞌ janoꞌ na paiꞌ dhuuk jum aayaꞌ na ja aagiꞌñdhaꞌ gu Dios bɨɨx gu jaꞌtkam nam tuꞌ jax buimɨi nam duduakat, ba machiaꞌ am na pimɨt aapiꞌm sɨlhkam tuꞌ kaꞌm tɨɨgɨk guch Xoiꞌkam, nam guꞌ xi jam nɨiꞌñdhaꞌ na pɨx jix bhaiꞌ jam tɨɨdai jam aichdhaꞌ na paiꞌp tuꞌiiꞌ. Baꞌ dai nam ba gɇꞌkamtudaꞌ gu Dios, sia kum guꞌ xib ka xi jam bhaamkiꞌñ nam jam nɨiꞌñ na pim maakam pɨx tu jim na jax cham ja koꞌraar.

1 JUAN 1:7

Guꞌ noꞌch sɨlhkam bɨɨx jich jujur kɨꞌn tɨ jɨɨꞌñdhat miꞌ puiꞌ ba jiim na jax jix aaꞌ, dho gi guꞌ puiꞌ bam kaiꞌch ji nach tuꞌ sɨlhkam jix chu maax kɨr jup tuꞌiiꞌ, na guꞌ tɨich bɨꞌñxiꞌñkaꞌ gu Dios noꞌch tuꞌ kaꞌm nɨiꞌñ. Gio guꞌ joidham jix bhaiꞌ kaiꞌchɨt maaꞌn ñiꞌook bap duukaꞌ ich nach jɨꞌk ba tɨ jɨɨgiꞌñ buiñor gu Dios, baꞌ gammɨjɨ ba tuch uañiꞌñkaꞌ noꞌch jich uaꞌtulhiꞌñ kɨꞌn gu ɨꞌraꞌn gu Maraaꞌn jich Xoiꞌkam nat jaax bhammɨ kuruus taꞌm.

1 JUAN 2:6

Baꞌ noꞌ jaroiꞌ jax kaiꞌch nam maap maaꞌn ñiꞌook bap duuk gu Dios, jum aaꞌ na puiꞌ jaꞌk jup xi chu jimdaꞌ nat jax tu jii guch Xoiꞌkam janoꞌ na yaꞌ xi oilhimɨk na baꞌ bhaan jix maatɨꞌ kaꞌ nar sɨlhkam.