EEPESO KAM 1:9 - Tepehuano Tepehuán del Sureste (Durango)

⁹ Jix maatɨt ba kai chich baꞌ xib nat jax jaꞌk jum aa bɨjɨk na tu duñiaꞌ puꞌñi gatuuk, bak na puꞌñi bha jimdaꞌ guch Xoiꞌkam na baꞌ dhiꞌ bhaankam yaꞌ pu tu duñiaꞌ na jax jix aaꞌ.

EEPESO KAM 1:9 ပူးပေါင်းရင်းမြစ်များ

MATEO 13:11

Baꞌp ja tɨtda gu Jesuus: ―Matgɨm aapiꞌm saalh ka jam mattudaꞌ ji gu Dios na pim jax jaꞌk duñiaꞌ na baꞌ gammɨjɨ jam aꞌm ba tɨ nɨidhidhaꞌ, na pim guꞌ bañ kaichuꞌ.

LUUKAS 12:32

’Chaꞌpim tuꞌ bhaan totdon kaꞌ aapiꞌm na pim jaꞌp ji buan na pim jir jiñ kakasniraꞌ, na guꞌ sia ku pim jir gook alh, guñ Gɨꞌkoraꞌ xi jam joiꞌmdat jam aꞌm tɨ nɨidhim.

LUUKAS 2:14

¡Aach jix bhaiꞌch chaatɨt gɇꞌkamtuꞌn gu Dios nach jɨꞌk miaꞌn jup tuꞌiiꞌ buiñor! Nat guꞌx joiꞌmdak jix bhaiꞌ ba ja duu gu jaꞌtkam yaꞌ kam dhi oiꞌñgaꞌn, dai baꞌ na ja aꞌm ba tɨ nɨidhidhaꞌ guiꞌ nam jɨꞌk miꞌ puiꞌ jiimdaꞌ na jax jix aaꞌ.

GU NOONBIꞌÑ GUCH XOIꞌKAM 13:48

Baꞌ na mɨt puꞌñi kai guiꞌ nam cham jir Israel kam jaꞌtkam, joidham jix bhaiꞌm ɨlh jamɨt, baꞌ puiꞌ ji chɨi mɨt na sap jir jix kɨɨꞌ gux bhaiꞌm kaiꞌchdham ñioꞌkiꞌñ guch Gɨꞌkoraꞌ. Miꞌ dhɨr baꞌ dai na mɨt ba tɨ jɨɨꞌñ buiñor guch Xoiꞌkam bɨɨx nam jɨꞌk pu ba aagix bɨɨpɨꞌ dɨr nam puꞌñi ba tɨ jɨɨꞌñdhaꞌ nam jax jaꞌk gammɨjɨ buiñor bap tuiꞌkaꞌ gu Dios.

GU NOONBIꞌÑ GUCH XOIꞌKAM 2:23

Guꞌ ji na pimɨt guꞌ pu dooda nat jax jaꞌk tɨꞌɨɨk gu Dios bɨjɨk na pim saak puꞌñi ba tu chiñiaꞌ nam muꞌaaꞌ guch Xoiꞌkam. Puiꞌ ku pimɨt baꞌ daagɨk ja chia nam kuruus taꞌm sissapaꞌ guiꞌ nam cham tuꞌ kaꞌm tɨ nɨiꞌñ gu jaꞌtkam.

GU NOONBIꞌÑ GUCH XOIꞌKAM 4:28

Baꞌ dhiꞌ puꞌñi jaꞌk dooda mɨt nap jax puiꞌ pu ba kaiꞌchdhaꞌ bɨjɨk paiꞌ dhuuk dɨr na saak gatuuk puꞌñi jaꞌk ba tum kuugalhdhaꞌ.

ROOMA KAM 11:25

Jiñ jaaduñ jich Xoiꞌkam bhaan, aañ jam aagiꞌñdhaꞌ na jax jaꞌk tuꞌt puiꞌ jaꞌk tu duiñchuꞌ gu Dios na pim baꞌ cham tuꞌ bhaan jix mamatdagɨm jum ɨlhiiꞌñdhaꞌ. Dho jaiꞌ dhɨt gu Israel kam jaꞌtkam ja kaapakai gu Dios gu ja jujur nam baꞌ cham jɨꞌx maatɨt tɇ kɇɇkɇꞌ, kut ji guꞌ alhio pɨx puiꞌ ja duu ji nam jɨꞌx pɨx bɨɨx ka xi chɨ jɨɨꞌñdhaꞌ buiñor guch Xoiꞌkam guiꞌ nam cham jir Israel kam jaꞌtkam.

ROOMA KAM 8:28

Jix maat ich na gu Dios pɨx jup tu duiñchuꞌndaꞌ na baꞌ joidham jix bhaiꞌ tu ja jimdaꞌ guiꞌ nam buiñor tu daandaꞌ, guiꞌ nat jɨꞌk ja aꞌm tɨ tɨɨ nam miꞌ puiꞌ jimiaꞌ na jax jix aaꞌ.

1 KORIINTO KAM 1:21

Nat guꞌ gu Dios tɨi puiꞌ tu duu nam jax jaꞌk machiaꞌ gɨt gu jaꞌtkam na gu Dios bɨxchuꞌx bhaaiꞌ na pu tu duñiaꞌ, guꞌ ji nam guꞌ pu cham maatɨt tɨ nɨiꞌñ. Puiꞌ kut baꞌ gu Dios jix ja joiꞌmdak puiꞌ tu duu na dai pɨx noꞌm tuꞌ sɨlhkam bɨɨx ja jujur kɨꞌn ba tɨ jɨɨgiꞌñ na jax jum kaiꞌch gux bhaiꞌm kaiꞌchdham ñioꞌkiꞌñ, cham tuꞌ mu jaꞌk ka bhɨɨyaꞌ am nam paiꞌ gammɨ miꞌ pup jum tulhiiñdhaꞌ, sia kum guꞌ jaiꞌ tuꞌ pɨx ɨlhiiꞌñ.

GALAASIA KAM 1:12

Chaꞌpim jax jum aaꞌndaꞌ nat jaroiꞌ jax chuꞌm maaꞌnkam pu chuꞌm jiñ aaꞌñdhak naiꞌñ joot nañ naiꞌ pu chuꞌm tu aꞌgaꞌ, guꞌ jaꞌpji dɨɨlh guch Xoiꞌkam nat puiꞌ jaꞌk jiñ aaꞌñdhak naiꞌñ joot.

GALAASIA KAM 1:15

Guꞌ ji nat guꞌ gu Dios pu bɨjɨk dɨr xiñ joiꞌmdak jiñ aꞌm pu tɨ tɨɨ nañ puꞌñir tujuandam tugiꞌñ kaꞌ, pu bɨɨpɨꞌ dɨr jiñ aꞌm ba tɨ tɨɨ na ñich chakui maaxir. Baꞌ yammɨ nat paiꞌ dhuuk jup ɨlh dɨɨlh gu Dios,

GALAASIA KAM 1:16

bañ mattuda gu Maraaꞌn nañ baꞌ bhaankam naiꞌ ji chu aꞌgaꞌ gux bhaiꞌm kaiꞌchdham ñioꞌkiꞌñ na bhaan tu aꞌga nam jax jaꞌk dui cham mu jaꞌk ka bhɨɨyaꞌ gu jaꞌtkam nam paiꞌ gammɨjɨ miꞌ pup jum tulhiiñdhaꞌ, guiꞌ nam cham jir Israel kam jaꞌtkam jañ tu ja aꞌgidhaꞌ. Guꞌ baꞌ aañ janoꞌ cham paiꞌ mu paiꞌ gaagam gu jaroiꞌ nañ tɨkkaꞌ nañ jax jaꞌk ba ji chu duñiaꞌ ja bui gu jaꞌtkam, piam nañ jax jaꞌk ba ji chu ja aꞌgidhaꞌ.

EEPESO KAM 1:11

Baꞌ gu Dios bhaankam guch Xoiꞌkam xich joiꞌmdak jich aꞌm pu tɨ tɨɨx ioꞌm bɨjɨk nach puꞌñi gatuuk jir jaꞌtkam tugiꞌñ kaꞌ. Guꞌ baꞌ nach paiꞌ bar jaꞌtkam tugiꞌñ kaꞌ, dai na ba tuch makiaꞌ nat tuꞌ pu tu dai bɨjɨk na tuch makiaꞌ. Pu tu duñiaꞌ guꞌ gu Dios jax ña ɨlhdhai pu tɨꞌyaꞌ.

EEPESO KAM 1:8

Dhiꞌ bhaan jix maat ich ɨp nat gu Dios xich joiꞌmdak jich aꞌm tɨ tɨɨ nat jich chajaañ gu matdaꞌ nach baꞌ kɨꞌn jix maatɨt kaayaꞌ gu ñioꞌkiꞌñ na jax jir jum duukam.

EEPESO KAM 3:11

Puꞌñi jaꞌk pum aa gu Dios na tu duñiaꞌ janoꞌ bɨjɨk nat jax puiꞌm aagɨk puiꞌ jaꞌk tu dai, baꞌ xib maaxik yaꞌ puiꞌ ba tu duu bhaankam gu Gɇꞌkam jich Xoiꞌkam.

1 TIMOTEO 3:16

Aach dɨɨlh jix bhaiꞌx maat nar gɇꞌp jum duukam dhiꞌ nach tuꞌ bhaan jix biiñak kat puiꞌ jaꞌk tu jim, na guꞌ jaꞌpni tu tuꞌiiꞌ: Guch Xoiꞌkam ya ai dhi oiꞌñgaꞌn bhaan maaꞌnkam jup jim duuk. Bɨɨx aixim jix bhaiꞌm duukam jup tu buimɨk, na guꞌ gux Dhuuduꞌ kam jix Uañ Iiꞌmdaꞌ na bhaan tajaañixchuꞌ. Gu noonbiꞌñ gu Dios joidham jix kɨɨꞌ maaꞌnkam tɨɨ mɨt, sia naiꞌ pu chuꞌm ba tum aꞌga ja bui guiꞌ nam cham jir Israel kam, jaiꞌ dhɨt ba tɨ jɨɨgiꞌñ am buiñor. Baꞌ yaꞌ dɨr giop jii jix dhaam jaꞌk na paiꞌ dhɨr jir gɇꞌkam xib bɨɨx kap.

2 TIMOTEO 1:9

Nat guꞌ gu Dios miꞌ dhɨr bach boosolh nach paiꞌ mu jaꞌk ba jiimɨt nach paiꞌ gammɨjɨ miꞌ pup jich chulhiiñdhaꞌ gɨt, xib baꞌ dai nach aach dɨɨlh miꞌ puiꞌ ba jiimdaꞌ na jax jix aaꞌ. Xi dhoꞌñchidhaꞌ ich guch iiꞌmdaꞌ na baꞌ guiꞌ dɨɨlh puiꞌ jaꞌk duiñchuꞌndaꞌ na jax jix aaꞌ. Gio guꞌ aach cham tuꞌ tuꞌx bhaiꞌm duukam jup duu gu tuꞌ nat baꞌx bhaiꞌch dhuu gu Dios, guꞌ jaꞌpji dɨɨlh pɨx nat jix bhaiꞌch dhuu, na guꞌ pux maat na puiꞌ jaꞌk jix bhaiꞌ ji chu buusniaꞌ. Xich joiꞌgɨlh bhaankam guch Xoiꞌkam pu bɨɨpɨꞌ dɨr nat chakuip duuk dhi oiꞌñgaꞌn.