Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.
EEPESO KAM 1:17 - Tepehuano Tepehuán del Sureste (Durango)17 Gio puiꞌ soiꞌp tɨtdatuꞌ iñ gu Dios, dhiꞌ nar Gɨꞌkorgaꞌn gu Gɇꞌkam jich Xoiꞌkam, na jam tajaañdhaꞌ gux Dhuuduꞌ kam jix Uañ Iiꞌmdaꞌ na baꞌ dhiꞌx bhaiꞌ jam aaꞌñdhaꞌ na jax pɨk jaꞌk jir tuꞌm kam dɨɨlh gu Dios, na guꞌr matdaꞌ gux Dhuuduꞌ kam jix Uañ Iiꞌmdaꞌ. အခန်းကိုကြည့်ပါ။ |
EEPESO KAM 1:17
56 ပူးပေါင်းရင်းမြစ်များ
Miꞌ dhɨr baꞌ moo jaꞌpni bhaiꞌp ji chu ja aꞌgi gu jaꞌtkam, jup ja tɨtda: ―Aañ bhañ joot guñ Gɨꞌkoraꞌ jix dhaam dɨr nañ baꞌ bhaankam ya jaꞌp ja aagiꞌñdhaꞌ gu jaꞌtkam na tuꞌr jix bhaiꞌm duukam. Baꞌ dɨɨlh pɨx jix maat guñ Gɨꞌkoraꞌ nañ jir tuꞌp tuꞌm daꞌ, nañ guꞌr Maraaꞌn, gio aañ yaꞌ dɨr mu jaꞌk dɨɨlh pɨx jup jix maat ɨp guñ Gɨꞌkoraꞌ nar tuꞌp tuꞌm daꞌ. Ku baꞌ guꞌ gu jaroiꞌ noꞌ moo jaꞌp tuꞌ sɨlhkam kɨꞌn jix maachim nach jir tuꞌp tuꞌm daꞌ gook dɨt guñ Gɨꞌkoraꞌ, aañiꞌ dho aagiꞌñdhaꞌ.
Gux Dhuuduꞌ kam jix Uañ Iiꞌmdaꞌñ dho aagɨt jup kaiꞌch na jam aꞌm bam tajaanaꞌ noꞌt bhaiꞌ ba jam joochxi guñ Gɨꞌkoraꞌ dai aapiꞌm na pim jɨꞌk bañ kaichuꞌ. Guiꞌ nam jɨꞌk cham tɨ jɨɨgiꞌñ aañ jiñ bui dho gi guꞌ cham jɨꞌxdhaꞌ ja aꞌm jum tajaanaꞌ ji, nam guꞌ cham mat kaꞌ nar tuꞌp tuꞌm daꞌ. Aapiꞌm na pim guꞌx bhaiꞌ bax maat nar tuꞌp tuꞌm daꞌ.
Baꞌ gu Jesuus jup tɨtda: ―Aañiꞌ dhor diꞌ na ñich giop dua. Xi dhaiꞌññiaꞌ ap jiñ jaduuñ nap ja aaꞌñdharaꞌ gu jaiꞌñ jaaduñ nam jiñ kaichuꞌ mu nam paiꞌ tɨbiap. Jaꞌp jap ja tɨɨdaꞌ na ñich aañ ba jiix dhaam buiñor guñ Gɨꞌkoraꞌ guiꞌ na aapiꞌm jup jir jam Gɨꞌkoraꞌ gio baꞌ nar jam Dios tuk, nañ jax pu ba jam tɨtda bɨɨpɨꞌ dɨr.
Baꞌ gu Teeban muiꞌ ji ñio, jup kaiꞌch: ―Ea na pim xiñ kaayaꞌñ jaaduñ bɨɨx na pim jɨꞌk yaꞌp tuꞌiiꞌ. Jaꞌpjaniñ kaiꞌñkam pɨx jup kaiꞌchdhaꞌ aañ nat gu gɇꞌkam jich Gɨꞌkoraꞌ Dios buiñor jum maaxdhak guch boxii kat Abraam janoꞌ na mu jaꞌk ka kiokaꞌ Mesopotaamia, bɨɨpɨꞌ dɨr na baꞌ moo ba kiichmɨraꞌ mu jaꞌk Araan.
Ku guꞌ dɨɨlh ji gu Dios nat xi ja doꞌñcho pɨx nam puiꞌ jaꞌk jum duñiaꞌ, gio nam pu tu duñiaꞌ nam jax jix aaꞌ dɨɨlh, na mɨt guꞌ cham aa nam miꞌ puiꞌ jimiaꞌ na jax jix aaꞌ, na mɨt guꞌ dai bhaan ba tɨtɨɨꞌñcho gu tuꞌ na cham jir kɨɨꞌ. Baꞌ cham jax bua siam chi baꞌ pum buimɨk jax ñam ɨlhiiꞌñ dɨɨlh, sia ku tɨi cham jir am.
Puiꞌ na jax aañ noꞌ ñich jax chuꞌm tanoolh mu jimɨɨk jam bui tu daanɨ buiñor gu Dios jumai ñiꞌook kɨꞌn na pim jax chuꞌm pu cham maatɨt kɇɇ, pu cham jaroiꞌ bhaan baapkiaꞌ, na guꞌ pu cham jaroiꞌ maatɨt kaayaꞌ. Jir tuꞌ kub kaꞌ pɨx baꞌ nañ muiꞌ ba jimiaꞌ gio sia ku pimɨt tɨi bañ kai. Guꞌ cham noꞌ ñich guꞌ tu jam aꞌgi na jax jaꞌk jix aaꞌ gu Dios kɨꞌn gu ñiꞌook nach jax chuꞌm jix maatɨt kɇɇ, bɨɨx jix maatɨt jiñ kaayaꞌ pim guꞌ.
Baꞌ puiꞌ nañ jax ba jam tɨtda, pur cham tuꞌ sia kuñ tɨi gɇꞌkam jiñ chaatɨt bɨɨx aixim tu aꞌga, guꞌ ji na guꞌ dhiꞌ nañ tuꞌ bhaan tu jam aꞌgidhaꞌ xib, jum aaꞌ nañ jam aagiꞌñdhaꞌ sia kuñ panaas dhiꞌ bhaan pɨx gɇꞌkam jiñ chaat. Jam aagiꞌñdhaꞌ iñ nat jax tɨñ chɨɨꞌñchuda gu Dios maaꞌnnim jiñ iiꞌmdaꞌ bhaan.
Dhiꞌ nat tuꞌ jax ba duu xib gu Dios, nat bɨjɨk puiꞌ jaꞌk pum aa na tu duñiaꞌ, dhiꞌ pu cham tuꞌ ja mattudak guch bopxi kat guiꞌ nam bɨjɨk yaꞌ tu duduakat. Baꞌ xib bhaankam gux Dhuuduꞌ kam jix Uañ Iiꞌmdaꞌ ba ja mattuda gu Dios guiꞌ nam jir noonbiꞌñ guch Xoiꞌkam nam bhaankam tu aꞌgat jix uꞌuañ kɨꞌn yaꞌ oipo.
nach baꞌ miꞌ dhɨr bɨɨx maaꞌn nach jax jix ioꞌm buiñor tɨ jɨɨgiꞌñdhaꞌ, gio nach bɨɨx maap miꞌ puiꞌ jiimdaꞌ na jax jix aaꞌ, bɨɨx jix bhaiꞌ bax mat kaꞌ ich guꞌ na jax jaꞌk jir tuꞌm kam gu Dios. Baꞌ jaꞌxbuiꞌ miꞌ puiꞌp ba jiimdaꞌ ich nat jɨꞌx miꞌ puiꞌ jii guch Xoiꞌkam, chakui jupaaban bhɨi chich guꞌ na jɨꞌx jum aaꞌ.
Na guꞌ gu Dios nax ioꞌm jir gɇꞌkam xich joiꞌndak tuch uañ guch uaꞌtulhdharaꞌ nach baꞌ miꞌ dhɨr jix bhaiꞌch chaatɨt ba tu daandaꞌ buiñor cham tuꞌ bhaan jax jich aagɨt, gio baꞌ nach joidham jix bhaiꞌ ba tu jimdaꞌ na jax jix aaꞌ, nach guꞌ bax maat nat gɇꞌkam kɨꞌn jix bhaiꞌm duukam jup tu duu aach jich bui nach baꞌ cham maiꞌ ka suulhgiaꞌ.
Aapiꞌm guꞌ dai ji na pim jix ioꞌm muiꞌ xi gaagidhaꞌ na pim jax jaꞌk jix bhaiꞌ machiaꞌ na jax jir tuꞌm kam gu Gɇꞌkam jich Xoiꞌkam guiꞌ nat jaroiꞌ xich joiꞌndak tuch ñamkix guch uaꞌtulhdharaꞌ bhammɨ kuruus taꞌm, gio baꞌ na pim jix bhaiꞌ machiaꞌ na pim jax jaꞌk joidham jix chu joiꞌgɨꞌndaꞌ. Gammɨjɨch baꞌ moo tu daandaꞌ buiñor sia nar paiꞌ dhuuk kaꞌ gɨt. Jaꞌpni pɨx tuiꞌkaꞌ.
Jup kaiꞌch am: Maaxik dhor puiꞌ nam jax kaiꞌch dhich jaaduñ, gammɨjɨch dho tuꞌ kaꞌm nɨidhat gɇꞌkamtuꞌndaꞌ dhi Dios jich Gɨꞌkoraꞌ na yaꞌ gɇꞌkam kɨꞌn daa, na guꞌ maaxik jix ioꞌm jir Gɇꞌkam, bɨxchuꞌx aichuꞌn na pu tu duñiaꞌ. Gammɨjɨch gɇꞌkamtuꞌndat taxchaabgiꞌñdhaꞌ sia nar paiꞌ dhuuk kaꞌ gɨt. Jaꞌpni tu tuiꞌkaꞌ.
ကြော်ငြာတွေ