2 TIMOTEO 4:2 - Tepehuano Tepehuán del Sureste (Durango)

² nap siamri xi chu aꞌgaꞌ gux bhaiꞌm kaiꞌchdham ñioꞌkiꞌñ guch Xoiꞌkam. Cham jax bua sia kum cham kaik piam kum guꞌx kaik, na cham jɨꞌx ɨɨkix kaꞌ nap tu aꞌgadaꞌ. Jix bhaiꞌp ja aagiꞌñdhaꞌ nam jax jaꞌk jix maatɨt jum kɇɇkɇꞌ nam baꞌm jɨɨgiꞌñdhaꞌ. Gu jaroiꞌ noꞌ buam pɨx tu bua, xi aagiꞌñdhaꞌ ap jix gɨꞌm na cham puiꞌ jaꞌk tu jimdaꞌ. Xi ja guguuxdhat ap nam baꞌ cham jum oꞌjolhiꞌñdhaꞌ. Chaꞌp bhaamdaꞌ kɨꞌn jup tu ja mamtuxiꞌñdhaꞌ.

2 TIMOTEO 4:2 ပူးပေါင်းရင်းမြစ်များ

LUUKAS 7:23

Jaꞌp moox bhaiꞌ ba tu jimdaꞌ gu jaroiꞌ noꞌ pu gammɨjɨ tɨ jɨɨꞌñdhat bhaan ba tu daaꞌñchuꞌ na dai aañ jix bhaaiꞌ nañ palhbuidhaꞌ sia tuꞌ na pɨx bhaan.

LUUKAS 7:4

Mummɨ baꞌp ba ji bubua mɨt na paiꞌ oirɨ gu Jesuus, baꞌ soiꞌm duuk jup tɨtda am: ―Iam jap duaꞌñdharaꞌ gu tujuandam tugiꞌñ gu gɇꞌkam sandaaruiꞌx nax kaꞌook, soiꞌch jum tɨtda nap palhbuidhaꞌ.

LUUKAS 9:60

Baꞌ gu Jesuus jup tɨtda: ―Jaꞌpji nap naiꞌ xi ja aaꞌñdharaꞌ gu jaꞌtkam na jax jaꞌk jix bhaaiꞌ nam duñiaꞌ na baꞌx joiꞌmdat ja aꞌm tɨ tɨgiaꞌ gu Dios, chaꞌp tuꞌ bhaan jup jim buixdhat gu jaꞌtkam guiꞌ nam jaꞌp ji buan nam koꞌiix. Matgɨm dhiꞌ yaꞌ pum yaaspaidhaꞌm ji dai koiꞌñgaꞌn.

GU NOONBIꞌÑ GUCH XOIꞌKAM 13:5

Baꞌ na mɨt paiꞌ dhuuk bhammɨ dɨr ba ai momkoran, bhaiꞌ nam paiꞌ guꞌngukdaꞌ gu gɇꞌgɇr kaknub na puiꞌ tɨ tɨɨꞌ Salamiina, bhaiꞌ pu ji chu aꞌga mɨt gu ñioꞌkiꞌñ gu Dios bha jaꞌp nam paiꞌ jax chu daandaꞌ gu Israel kam jaꞌtkam, baꞌ bɨɨx jup ja oiꞌñchuꞌ gu Juan na jaiꞌ ja palhbuidhidhaꞌ tuꞌ na pɨx kɨꞌn.

GU NOONBIꞌÑ GUCH XOIꞌKAM 16:13

Baꞌ moo maaꞌnnim nat paiꞌ dhuuk bam ai na cham tum juandaꞌ, ma jii chich mu jaꞌp juꞌñdharan bhaiꞌ gu gɇꞌ kiicham, mu jaꞌp bɨɨx ak jach pɨx tu tuiꞌdhiꞌ nach paiꞌ ɨlhiiꞌñ nam jum jumpaꞌndaꞌ gu Israel kam jaꞌtkam nam tu daandaꞌ. Baꞌ mi jaꞌp ba ja tɨɨ chich maaꞌn kap nam tu daan gu uꞌuub, baꞌ aach mu jaꞌk ji ai. Mi jaꞌp jachich baꞌ ji dharaibuk bhaiꞌ ji chu ja aꞌgi gux bhaiꞌm kaiꞌchdham ñiꞌook.

GU NOONBIꞌÑ GUCH XOIꞌKAM 20:7

Baꞌ nat kiaꞌpɨx muiꞌ ba jim bhɨi gu simaan, maap bach jumaap jachich nach ba tu jugiaꞌ gu paan taꞌtak xich jaixdhai, baꞌ bhaiꞌ ji chu ja aꞌgi gu Paablo guiꞌ nam tɨ jɨɨgiꞌñdhaꞌ buiñor guch Xoiꞌkam. Baꞌ na guꞌ buimgidhak bar jimdam kaꞌ, muiꞌ pu xi chu ja aꞌgiꞌñchuꞌ ɨraab tukaaꞌ juugɨt.

GU NOONBIꞌÑ GUCH XOIꞌKAM 28:16

Baꞌ na chich paiꞌ dhuuk bhammɨ dɨr ba ai Rooma, muiꞌ xi ja aich gu ja gɇꞌkam tuk gu sandaaruiꞌx buiñor gu jumai ja gɇꞌkam tuk gu sandaaruiꞌx gu bhaiꞌ kam, guiꞌ na ja baiꞌñchuꞌ nat muiꞌ ba ja kuupam. Baꞌ guiꞌ xi chu chia nam ja kuupaꞌ miꞌ nam paiꞌ miꞌ pu ja kukpadaꞌ gu jaꞌtkam. Dai baꞌ gu Paablo dɨlhkob jaꞌk tu chia mɨt nam kuupaꞌ, gio sap na maaꞌn pɨx miꞌ nuukaꞌndaꞌ gu sandaaruiꞌx.

ROOMA KAM 10:15

¿Gio jax dhuip jaiꞌchdhɨlhiaꞌ gu jaroiꞌ na pu chuꞌm tu ja aꞌgidhaꞌ noꞌ guꞌ gu Dios cham jaroiꞌ pu chuꞌm kɨꞌn naiꞌ jootos? Jup jum kaiꞌch guꞌ maaꞌn kap na mɨt paiꞌ tu uaꞌnak gu bɨjɨk dɨr kam: “¡Jaꞌp moo joidham jix bhaiꞌ tu tatdaꞌ noꞌm paiꞌ dhɨr jiim guiꞌ nam tu aꞌgidhaꞌ gux bhaiꞌm kaiꞌchdham ñioꞌkiꞌñ gu Dios!”

ROOMA KAM 12:12

Gio baꞌ na pim jix bhaiꞌm taatɨt nɨɨradaꞌ guch Xoiꞌkam na gio bhaiꞌp jim. Gio na pim nakooꞌndaꞌ gu tulhiiñaraꞌ noꞌt tuꞌ bhaan jam daam ma jii. Gio baꞌ na pim gammɨjɨ tu daandaꞌ buiñor gu Dios.

GALAASIA KAM 6:6

Gio gu jaroiꞌ na tum mamtuxiꞌñdhaꞌ gu ñioꞌkiꞌñ guch Xoiꞌkam, jum aaꞌ na tuꞌ kɨꞌn palhbuiꞌñdhaꞌ gu jaroiꞌ na tu mamtuxiꞌñdhaꞌ, na guꞌm aaꞌndaꞌ na tuꞌ kɨꞌn duakaꞌ yaꞌ dhi oiꞌñgaꞌn bhaan.

KOLOOSAS KAM 1:25

Gu Dios pu chuꞌm kɨꞌn jiñ aꞌm tɨ tɨɨ nañ jix bhaiꞌ ja duñiaꞌ guiꞌ nam jɨꞌk puꞌñi buiñor tɨ jɨɨgiꞌñ guch Xoiꞌkam na baꞌx bhaiꞌ tu ja jimiaꞌ, nañ jix bhaiꞌ ja aaꞌñdhidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam na jax pɨk jir jum duukam.

KOLOOSAS KAM 4:3

Jich aꞌmkam japim sia tu daandaꞌ, puiꞌ pim xi chɨtdadaꞌ gu Dios na cham tuꞌ tuꞌx buam jum duukam tu sosbhiꞌñdhaꞌ nach naiꞌ tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam, nach jix bhaiꞌ ja aagiꞌñdhaꞌ gu jaꞌtkam nat jax pɨk kaiꞌñkam bha jii yaꞌ dhi oiꞌñgaꞌn. Dhiꞌ kɨꞌn yaꞌ kuup iñ aañ nañ tu aꞌga pɨx dhiꞌ pu chuꞌm.

1 TESALOONIKA KAM 1:6

Baꞌ na pimɨt jax jaꞌk jich chɨɨgɨk nach tuiꞌdhiꞌ, puiꞌ jaꞌk jup ji chu jii pimɨt, na guꞌ puiꞌ jaꞌk jix aaꞌ guch Xoiꞌkam. Cham jax ji chɨꞌɨɨk joidham jix bhaiꞌm taatɨt kai pimɨt gux bhaiꞌm kaiꞌchdham ñiꞌook na bhaan tu aꞌga guch Xoiꞌkam, na guꞌ gux Dhuuduꞌ kam jix Uañ Iiꞌmdaꞌ na puiꞌ jam jurtuꞌn, sia ku pimɨt guꞌ miꞌ dhɨr giilhim bam tulhii.

1 TESALOONIKA KAM 5:14

Jaꞌp jach jup xi jam tɨɨdam jiñ jaaduñ jich Xoiꞌkam bhaan, guiꞌ nam cham tu juanak kaꞌ, xi ja aagiꞌñdhaꞌ pim na ja aꞌm jum aaꞌ nam tu juandaꞌ. Xi ja guguuxdhat japim ɨp guiꞌ nam jix buam jum aaꞌndaꞌ tuꞌ na pɨx kɨꞌn. Gio guiꞌ nam cham maat nam jax pɨk jaꞌk miꞌ puiꞌ jiimdaꞌ na jax jix aaꞌ gu Dios, xi ja aagiꞌñdhaꞌ pim. Jir jix bhabhaiꞌkam kaꞌ pim sia jaroiꞌ na pɨx buiñor.

1 TESALOONIKA KAM 5:20

Noꞌ maadɨt tu aꞌga gu tuꞌ nar jix bhaiꞌm duukam, noꞌ aapiꞌm jix maat na Dios puiꞌ jaꞌk jurtuꞌn, tuꞌ kaꞌm japim xi chɨɨgɨi miꞌ puiꞌ xi jimɨi na jax kaiꞌchdhaꞌ.

1 TIMOTEO 4:13

Baꞌ ampɨk nañ aañ mu aayaꞌ, aap ka ja jiñkaixiꞌñdhaꞌ guch Xoiꞌkam jɨɨgiꞌñdham gu ñioꞌkiꞌñ gu Dios na tu uaꞌñix, xi ja guguuxiꞌñdhaꞌ ap nam miꞌ puiꞌ jimiaꞌ na jɨꞌk jax jum kaiꞌch.

1 TIMOTEO 5:20

Baꞌ noꞌm jaiꞌ dhɨt puꞌñi kɨɨsaim nam jum uaꞌtulhiꞌñ, ja ñiokdhaꞌ ap nam paiꞌ dhuuk bɨɨx maap jup tuiꞌkaꞌ guch Xoiꞌkam jɨɨgiꞌñdham nam baꞌ jaiꞌp tɇ kɇɇkɇt jix chotdonɨt cham puiꞌp jum uaꞌtulhiꞌñdhaꞌ.

2 TIMOTEO 2:21

Aach baꞌ puꞌñi ɨp buiñor guch Gɨꞌkoraꞌ noꞌch jix aaꞌ nax dhaꞌram jich ɨlhiiꞌñdhaꞌ, gio noꞌch jix aaꞌ nach tuꞌx bhaaiꞌn kaꞌ buiñor, jum aaꞌ nach jix uꞌuañ oipodaꞌ, nach cham tuꞌx buam tu buadaꞌ. Puꞌñi jaꞌk dho gi guꞌ tuꞌx bhaaiꞌn kaꞌch ji buiñor guch Gɨꞌkoraꞌ, jich dharsaꞌ baꞌ tuꞌ na pɨx bhaan nach jix bhaiꞌm duukam jup tu duñiaꞌ.

2 TIMOTEO 2:25

Soiꞌñ ɨlhdhat jañ pɨx xi ja aagiꞌñdhaꞌ guiꞌ nam jix bhaamkiꞌñdhaꞌ gux bhaiꞌm kaiꞌchdham ñioꞌkiꞌñ gu Dios. Gu Dios baꞌ dɨɨlh jix maat noꞌ puiꞌ ja duñiaꞌ nam buiñor tɨ jɨɨꞌñdhai machiaꞌ na jax jir sɨlhkam, aach dai guiꞌ pɨx buiñor jix biiñak kaꞌ.

2 TIMOTEO 3:10

Aap dho gi guꞌ miꞌ puiꞌ tu daaꞌñchuꞌ ji nañ jax jaꞌk tu mamtuxiꞌñ aañ, nañ jax jaꞌk tu jim, nañ tuꞌ jax bua, nañ jaroiꞌ bhaan jix biiñak, gio nañ jɨꞌx jix ñakooꞌ gu bhaamdaraꞌ, gio nañ jax jix chu joiꞌgɨꞌn, gio nañ jax jaꞌk jiñ guguuxdhat jix ñakooꞌ nañ naiꞌñ chulhiiñaim

TIITO 1:13

Maaxik jir puiꞌ dho nat jax tu uaꞌnak, sia xib pui puiꞌ jaꞌk tu jim am. Jix gɨꞌm jix ooꞌ kɨꞌn jap xi ja aagiꞌñdhaꞌ nam dai dhiꞌ bhaan tɨ jɨɨꞌñdhat miꞌ puiꞌ tu duñiidhaꞌ nach jax jaꞌk tu jim aach, na guꞌ dai dhiꞌr jix kɨɨꞌp jum duukam.

TIITO 2:15

Baꞌ aap miꞌ dhɨr puꞌñip ja aagiꞌñdhaꞌ guch Xoiꞌkam jɨɨgiꞌñdham, bɨɨx aixim jap bhaan xi ja guguuxiꞌñdhaꞌ nam jax jaꞌk miꞌ puiꞌ jiimdaꞌ. Ja ñiokiꞌñdhaꞌ ap noꞌm jaiꞌ cham miꞌ pu bua, nap guꞌ jaꞌp ji buusandaꞌ nap aap jir gɇꞌkam kaꞌ ja bui. Chaꞌp gan ja doꞌñchokaꞌ nam tuꞌ pɨx jum ɨlhiiꞌñdhaꞌ.

ISRAEL KAM 13:22

Baꞌ jam guguuxiꞌñ iñ jiñ jaaduñ jich Xoiꞌkam bhaan na pim cham oodat xi chu jiñkuidhai dhiꞌ na ñich muiꞌ ba tu jam uaꞌñxi, na guꞌ cham pɨk moo jaꞌp jup jir gɇꞌ, palhɨɨp ji, nañ jɨꞌx pɨx bhaan jam guguuxiꞌñ na pim jax jaꞌk gammɨjɨx biiñak kaꞌ buiñor guch Gɨꞌkoraꞌ.

NAT JAX TƗ TƗƗ GU JUAN 3:19

Jaꞌp jañ dho kaiꞌñkam jup jam tɨtda, na pim soiꞌm ɨlhdhai miꞌ puiꞌ ba jimiaꞌ nañ jax jix aaꞌ, chaꞌpim kam uaꞌtulhiꞌñdhaꞌ. Piam ku guꞌ cham, jam tulhiiñchudaꞌ iñ na pim jɨꞌx pɨx juugɨt soiꞌm ɨlhdhaꞌ aañ jiñ bui, nañ guꞌ tɨi xi jam joiꞌgɨꞌn. Puꞌñi jaꞌk jañ ja buaꞌt ja sɨlhkaꞌn jia guiꞌ nañ jɨꞌk jix ja daꞌ.