Jiñ jaaduñ jich Xoiꞌkam bhaan, aañ pu jam tɨtda na pim cham tuꞌ puiꞌp buadaꞌ gu jaroiꞌ noꞌt tuꞌx buam jam duiñ. Gu Dios dɨɨlh jix maat na jax jaꞌk ja duñiaꞌ guiꞌ nam jix buam tu buadaꞌ, na guꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam, na jaꞌpni kaiꞌch gu Dios: “Dai aañ jix bhaaiꞌ nañ jaꞌk buidhaꞌ gu jaroiꞌ na buam jam doodaꞌ. Pu chuꞌm kɨꞌn jañ jaꞌk jup buidhaꞌ na jax chuꞌm kɨꞌn jix buam jam doodaꞌ.”
2 TIMOTEO 4:14 - Tepehuano Tepehuán del Sureste (Durango)14 Gu Alijaanru na bapaiñum taꞌm tu juan, cham jup kañ kɨɨgalhiꞌñ. Guch Gɨꞌkoraꞌ dɨɨlh makiaꞌ gu tuꞌ nar maiꞌchɨkgaꞌn kaꞌ. အခန်းကိုကြည့်ပါ။ |
2 TIMOTEO 4:14
18 ပူးပေါင်းရင်းမြစ်များ
Gioñ baꞌ moo jaꞌpnip xi jam tɨɨdam jiñ jaaduñ, noꞌ pim maadɨt nɨiꞌñ gu jax chuꞌm jich jaduuñ jich Xoiꞌkam bhaan na cham pɨk miꞌ puiꞌ jim na jax jix aaꞌ guch Gɨꞌkoraꞌ, noꞌ guꞌ pui tɨ jɨɨgiꞌñ buiñor guch Xoiꞌkam, tu daañxiꞌñdhaꞌ pim buiñor gu Dios na tu uañdhaꞌ gu uaꞌtulhdhargaꞌn na baꞌ cham ka tulhiiñchudaꞌ gatuuk. Noꞌ guꞌ pu cham ka tɨ jɨɨgiꞌñ buiñor guch Xoiꞌkam, dho gi guꞌ cham jɨꞌxdhaꞌ tu uañdhaꞌ ji gu Dios, sia ku pim aapiꞌm tɨi tu daañxiꞌñ buiñor na tu uañdhaꞌ gu uaꞌtulhdhargaꞌn, na guꞌ pu cham paiꞌ soiꞌm ɨlhiiꞌñdhaꞌ, baꞌ dai na ba tulhiiñchudaꞌ gatuuk.
Baꞌ bɨɨx aapiꞌm na pim jɨꞌk bhammɨ jaꞌp jup tuꞌiiꞌx dhaam, jix bhaiꞌ pim jum taat kaꞌ, nat guꞌ ba ja tulhiiñchuda gu Dios guiꞌ nam miꞌ oiꞌñkat Babiloonia, nam giilhim jix buam tomaatɨt. Bɨɨx sia aapiꞌm jix bhaiꞌ pɨx jum taat kaꞌ na pim tɨ jɨɨgiꞌñ buiñor gu Dios na pim bhammɨ bap tuꞌiiꞌx dhaam, gio aapiꞌm na pim jɨꞌk bhaankamuꞌn tu aꞌgimɨk guch Gɨꞌkoraꞌ mu jaꞌp na jɨꞌx oiꞌñgaꞌn, na guꞌ xib ba ja tulhiiñchuꞌn guiꞌ na mɨt jam tulhiiñchudak jam koi janoꞌ na pim duduakat gu jam tutkuꞌ bhaan. Xib baꞌ ja aꞌm ba gɨi guiꞌ na tuꞌ ja aꞌm bipioꞌ.
Xib na tuꞌ jax tuiꞌkaꞌ, aapiꞌm na pim jir tujuandam tugiꞌñ, xi ja tulhiiñchudaꞌ pim gu miꞌ oiꞌñkam dhi gɇꞌ kiicham na jɨꞌx ja aꞌm bipioꞌ gu tulhiiñaraꞌ na mɨt gan ja iatgidhak buam ja mamtux gu jaꞌtkam, jaꞌp ji buusniaꞌ na pim gookim bha ja iꞌchdhaꞌ gu biiñ guiꞌ na giilhim jix xibuꞌ nax maimdaꞌ na mɨt jax ja dooda dɨɨlh gu jaiꞌ jaꞌtkam.
Baꞌp kaiꞌch am miꞌ ji guꞌkat gɇꞌ kɨꞌn: ―Aapiꞌ Gɇꞌkam Dios jich Gɨꞌkoraꞌ, nap joidham bɨxchuꞌx aichuꞌn gio nap joidham jix uañ kɨꞌn kɨɨk, gam nap puiꞌ tu kuugalhdhaꞌ jax noꞌ pich ba tɨi, ¿paa duuk jum aayaꞌ nap saak ja aagiꞌñdhaꞌ bɨɨx gu jaꞌtkam nam tuꞌ jax buimɨk gu ja tutkuꞌ bhaan kup ba ja tulhiiñchudaꞌ guiꞌ na mɨt jich bhaamkidhak jich koi nach mu jaꞌp jum aꞌmkam ka tu aꞌgat gux bhaiꞌm kaiꞌchdham jum ñiꞌook?
ကြော်ငြာတွေ