2 TIMOTEO 3:16 - Tepehuano Tepehuán del Sureste (Durango)

¹⁶ Na guꞌ bɨɨx na jɨꞌk jax tu uaꞌñix gu ñioꞌkiꞌñ gu Dios na mɨt tu uaꞌnak gu bɨjɨk dɨr kam, gu Dios dɨɨlh nat puiꞌ jaꞌk ja jurtuda nam tu uaꞌnaꞌ nach baꞌ bhaan tuch mamtuxdhai miꞌ dhɨr puiꞌp ja mamtuxdhaꞌ gu jaiꞌ. Gio guꞌx gɨꞌm na miꞌ puiꞌm kaiꞌch nach baꞌ aach miꞌ dhɨr jix gɨꞌm jup ja aagiꞌñdhaꞌ gu jaiꞌ. Gio nach aagiꞌñ na tuꞌ cham bhaaiꞌ nach pu buadaꞌ, nach baꞌ aach yaꞌ dɨr jaꞌp jaꞌk jup ja aagiꞌñdhaꞌ gu jaiꞌ na tuꞌ cham jir kɨɨꞌ nam pu buadaꞌ. Gio baꞌ nach ja aagiꞌñdhaꞌ nam jax chuꞌt miꞌ puiꞌ jiimdaꞌ na jax jix kɨɨꞌ kaꞌm nɨiꞌñ gu Dios,

2 TIMOTEO 3:16 ပူးပေါင်းရင်းမြစ်များ

MATEO 13:52

Baꞌ gio muiꞌp ji ñio gu Jesuus, jup ja tɨtda: ―Noꞌ maadɨt guiꞌ nam sap jix mat kaꞌ gu ñioꞌkiꞌñ gu Dios miꞌ puiꞌ ba jii na jax pɨk jaꞌk bhaan ba tɨ nɨidhidhaꞌ, jaꞌp ji buusandaꞌ na jax gu jaroiꞌ noꞌ miꞌ paiꞌ tu biaꞌ gu bɨxchugaꞌn, na guꞌ bɨɨx pɨx joidham tɨ nɨiꞌñdhaꞌ, sia ku jaiꞌ tɨir kɨklhiꞌñgaꞌn.

MATEO 21:42

Baꞌp ja tɨtda ɨp gio gu Jesuus: ―¿Cham aa pim jɨꞌxkat tu jiñkuiꞌñ gu ñioꞌkiꞌñ gu Dios miꞌ na paiꞌ tu uaꞌñix na jaꞌpnim kaiꞌch: Gu jodai na mɨt maiꞌ xi buak gu bhibhiꞌñbakchadam, guꞌ ji nat guꞌ gio miꞌp dai guch Gɨꞌkoraꞌ na baꞌ bhaan darkaꞌ gu jaiꞌ joodai, na guꞌ puiꞌ jaꞌk jix aaꞌ, baꞌ aañ joidham jix bhaiꞌñ chaat buiñor gu dhiꞌ puiꞌ nat jax tu duu?

MATEO 22:43

Baꞌp ja tɨtda ɨp gio gu Jesuus: ―¿Guꞌ jax ji na baꞌ guꞌ dɨɨlh gu Dabii nat puiꞌ jaꞌk jurtuda gux Dhuuduꞌ kam jix Uañ Iiꞌmdaꞌ puiꞌ jaꞌk iim guch Xoiꞌkam nar gɇꞌkam tugiꞌñ? Miꞌ paiꞌ na tu uaꞌñix bhaan gu uꞌuan na jaꞌpni kaiꞌch gu Dabii:

MATEO 26:54

Guꞌ ji na guꞌ dhiꞌ miꞌ pɨx puiꞌ ba jim na jax dhui pɨx jum kuugalhdhaꞌ na mɨt jax jaꞌk tu uaꞌnak guiꞌ nam bɨjɨk bhaankam ya jaꞌp tu aꞌgimɨk gu Dios nam aañ jiñ aagɨt jup kaiꞌchdhaꞌ nam saak puꞌñi bañ dhoodaꞌ. Puiꞌ kuñ baꞌp jum tɨtda nap cham ja juandaꞌ dhiꞌ na mɨt yaꞌ bañ dhaa.

MATEO 26:56

Ku baꞌ guꞌ na guꞌ dhiꞌ miꞌ pɨx puiꞌ ba jim na jax dhuim kuugalhdhaꞌ gu puiꞌ na mɨt jax jaꞌk tu uaꞌnak guiꞌ nam bɨjɨk ya jaꞌp bhaankam tu aꞌgimɨk gu Dios nam aañ jix aagɨt jup kaiꞌchdhaꞌ na pim saak puꞌñiñ dhaagɨi tu chiñiaꞌ nam jiñ muꞌaaꞌ. Baꞌ gu noonbiꞌñ gu Jesuus dɨɨlh miꞌ xi buak pu jiboiꞌññor jamɨt.

MAARKOS 12:24

Baꞌp ja tɨtda gu Jesuus: ―¿Jix maat japim aa na pim paiꞌ jax chuꞌt jup kaiꞌch? ¿Kux guꞌ ɨlhiiꞌñ japim aa na puiꞌ kaiꞌñkam jup jum kaiꞌch gu ñioꞌkiꞌñ gu Dios miꞌ na paiꞌ tu uaꞌñix? Cham tuꞌr puiꞌ ɨp ji siamri. Guꞌ matgam gu Dios tuꞌ na pɨx jix aichuꞌn ji, guꞌ ji na pim guꞌ aapiꞌm cham maat.

MAARKOS 12:36

¿Guꞌ jax ku baꞌ gu Dabii puiꞌp kaiꞌch nax ioꞌm jir gɇꞌkam guch Xoiꞌkam? Jaꞌpni bo nat tu uaꞌna janoꞌ nat paiꞌ dhuuk puiꞌ jaꞌk jurtuda gux Dhuuduꞌ kam jix Uañ Iiꞌmdaꞌ, nap jum kaiꞌch: Jup tɨtda gu Dios guñ Gɇꞌkam tuk guiꞌ nar jich Xoiꞌkam: “Yaꞌniñ xanoop jap xi dhaibuꞌ nañ aañ ka xi ja tulhiiñchudaꞌ guiꞌ nam xim bhaamkiꞌñ nam baꞌ soiꞌm ɨlhdhaꞌ aap jum bui.”

JUAN 10:35

¿Cham aa guꞌ dhiꞌ cham tuꞌ pɨx jap tu uaꞌñix gu ñioꞌkiꞌñ? Guꞌ jaꞌpji maaxik ji puiꞌ ja tɨɨdak gu Dios gu bɨjɨk dɨr kam jam bopxi kat nam sap puꞌñi jaꞌp ji bubuakiaꞌ nam jir didios kaꞌ guiꞌ nam jɨꞌk sɨlhkam tuꞌ kaꞌm nɨiꞌñ.

JUAN 3:20

Baꞌ cham kɨɨgalhiꞌñ am guiꞌ na joidham gɇꞌ tanoor puiꞌ xi chu buaꞌt. Pu cham paiꞌ miꞌ paiꞌ guꞌnguk am baꞌ taaꞌban nam jix xiꞌɨrdat, na guꞌ pu ja tɨɨdaꞌ na cham jir am gu puiꞌ nam jɨꞌk jax tu bua.

GU NOONBIꞌÑ GUCH XOIꞌKAM 1:16

―Yaꞌ mam kuugalh jiñ jaaduñ gu puiꞌ nat jax jaꞌk jurtudak gux Dhuuduꞌ kam jix Uañ Iiꞌmdaꞌ gu Dabii nat baꞌ puiꞌ jaꞌk tu uaꞌnak na saak puꞌñi ba ji chu buusniaꞌ gatuuk, na bhaan tu aꞌga gu Juudas kat guiꞌ nat boi bhɨich gu Jesuus nat iattulhdham,

GU NOONBIꞌÑ GUCH XOIꞌKAM 18:25

Na mɨt guꞌx bhaiꞌ tu mamtuxdhak na jax jaꞌk miꞌ puiꞌ jiimdaꞌ na jax jix aaꞌ guch Gɨꞌkoraꞌ, puiꞌ ku baꞌ joidham jix bhaiꞌ xi buadaꞌ na paiꞌ dhuuk xi chu aꞌgadaꞌ na jax jir tuꞌm kam gu Jesuus, sia ku guꞌ daipuꞌ kax mat kaꞌ na jax jir jum duukam kaꞌ na tu bopkonaimɨk gu Juan.

GU NOONBIꞌÑ GUCH XOIꞌKAM 20:20

Ku guꞌ cham tuꞌ ji na ñich moo dhiꞌ kɨꞌn cham jup ka tu jam aꞌgidham, guꞌ jaꞌpji nañ muiꞌ xi chu jam aꞌgiꞌñchuꞌ ji mi jaꞌp maaxik ja kaixdhat gu jaꞌtkam, gio mu jaꞌp jam kiikiaꞌam ba puiꞌ ɨp, gu puiꞌ na pim jax jaꞌk jum guguuxdhai miꞌ puiꞌ jiimdaꞌ na baꞌx bhaiꞌ tu jam jimdaꞌ gammɨjɨ.

GU NOONBIꞌÑ GUCH XOIꞌKAM 20:27

na ñich guꞌ aañ bɨɨx puiꞌ ba tu jam aꞌgi na jax jaꞌk jix aaꞌ na pim tuiꞌñgɨt miꞌ puiꞌ jiimdaꞌ, ni jɨꞌx kuñ cham iam xix ɨxchu.

GU NOONBIꞌÑ GUCH XOIꞌKAM 28:25

dai na mɨt xi ñiokboidhat ba jii. Baꞌp ja tɨtda gu Paablo: ―Puiꞌ ba ji bubua pimɨt jiñ jaaduñ nat jax tu uaꞌnak maadɨt guiꞌ nam jir jich bopxi kat, guiꞌ nam bhaankam tu aꞌgat gu Dios nat puiꞌ jaꞌk jurtudak gux Dhuuduꞌ kam jix Uañ Iiꞌmdaꞌ, guiꞌ na puiꞌ tɨɨgich Isaiiyas, na jaꞌpnim kaiꞌch miꞌ nat paiꞌ tu uaꞌnak:

ROOMA KAM 15:4

Na guꞌ bɨɨx na mɨt jɨꞌk jax tu uaꞌnak gu bɨjɨk dɨr kam, pu kaiꞌñkam tu uaꞌnak jamɨt nach baꞌ puꞌñi aach bhaan machiaꞌ nach jax jaꞌk jix ioꞌm jich guguuxdhaꞌ nach buiñor tɨ jɨɨgiꞌñdhaꞌ guch Xoiꞌkam, gio nach jax jaꞌk tu nakgaꞌ puiꞌ na jax jix chu xijai yaꞌ dhi oiꞌñgaꞌn.

ROOMA KAM 2:20

Nañ jaꞌpni kaiꞌñkam jup kaiꞌch na pim panaas jix bhaiꞌx maat na pim puiꞌ xim aaꞌ na pim jax jaꞌk jix bhaiꞌ ja aagiꞌñ guiꞌ nam pu cham jɨꞌx maat nam jax jaꞌk miꞌ puiꞌ jiimdaꞌ na jax jix aaꞌ gu Dios, gio na pim panaas jix bhaiꞌx maat na pim jax jaꞌk ja palhbuiꞌñchuꞌ guiꞌ nam kiaꞌpɨx maachim nam jax jaꞌk miꞌ puiꞌ jiimdaꞌ, na pim guꞌ aapiꞌm jix bhaiꞌ bax maat na jax jir miꞌ puiꞌ, na pimɨt guꞌ bhaan dɨr maat gu uꞌuan guiꞌ na miꞌ tu daa na jax jaꞌk tu aagix guiꞌ nat Moisees tu uaꞌnak.

ROOMA KAM 3:2

Matgɨm muiꞌ ji nat ja aꞌm ba tu bii bɨɨx aixim tuꞌm. Gu gɇꞌp jum duukam ja aꞌm bii, dhiꞌr diꞌ gux bhaiꞌm kaiꞌchdham ñioꞌkiꞌñ gu Dios na bhaan tu aꞌga nam jax jaꞌk miꞌ puiꞌ jiimdaꞌ na jax jix aaꞌ.

ROOMA KAM 4:23

Baꞌ puiꞌ jaꞌk tum uaꞌna nat gu Dios jix kɨɨꞌ maaꞌnkam tɨɨ gu Abraam, na cham paiꞌ buiñor ka uaꞌtulhdhix, daipuꞌ pɨx nat soiꞌm ɨlhdhak buiñor tɨ jɨɨꞌñ. Ku guꞌ cham tuꞌ ji na dai buiñor gu Abraam puiꞌ tu uaꞌñix,

1 KORIINTO KAM 12:7

Bɨɨx jɨꞌmaꞌn jich makiaꞌ baꞌ gu Dios gu tuꞌ na bhaan jix maatɨꞌ kaꞌ nach aꞌm tajaañix gux Dhuuduꞌ kam jix Uañ Iiꞌmdaꞌ nach baꞌ dhiꞌ kɨꞌn maap jich guꞌnguxdhidhaꞌ.

GALAASIA KAM 3:8

Gio guꞌ puiꞌp tu uaꞌñix maaꞌn kap na mɨt paiꞌ tu uaꞌnak gu bɨjɨk dɨr kam gu ñioꞌkiꞌñ gu Dios na saak sia guiꞌ nam cham jir Israel kam jaꞌtkam jix kɨkɨɨꞌ jaꞌtkam ja tɨgiaꞌ gu Dios, dai pɨx noꞌm tuꞌ sɨlhkam soiꞌm ɨlhdhat buiñor ba tɨ jɨɨgiꞌñ. Puiꞌ ku baꞌp tɨtda gu Dios gu Abraam: “Jix bhaiꞌ tu ja jimiaꞌ bɨɨx gu jaꞌtkam aap jum aꞌmkam.”

2 TIMOTEO 2:25

Soiꞌñ ɨlhdhat jañ pɨx xi ja aagiꞌñdhaꞌ guiꞌ nam jix bhaamkiꞌñdhaꞌ gux bhaiꞌm kaiꞌchdham ñioꞌkiꞌñ gu Dios. Gu Dios baꞌ dɨɨlh jix maat noꞌ puiꞌ ja duñiaꞌ nam buiñor tɨ jɨɨꞌñdhai machiaꞌ na jax jir sɨlhkam, aach dai guiꞌ pɨx buiñor jix biiñak kaꞌ.

2 TIMOTEO 4:2

nap siamri xi chu aꞌgaꞌ gux bhaiꞌm kaiꞌchdham ñioꞌkiꞌñ guch Xoiꞌkam. Cham jax bua sia kum cham kaik piam kum guꞌx kaik, na cham jɨꞌx ɨɨkix kaꞌ nap tu aꞌgadaꞌ. Jix bhaiꞌp ja aagiꞌñdhaꞌ nam jax jaꞌk jix maatɨt jum kɇɇkɇꞌ nam baꞌm jɨɨgiꞌñdhaꞌ. Gu jaroiꞌ noꞌ buam pɨx tu bua, xi aagiꞌñdhaꞌ ap jix gɨꞌm na cham puiꞌ jaꞌk tu jimdaꞌ. Xi ja guguuxdhat ap nam baꞌ cham jum oꞌjolhiꞌñdhaꞌ. Chaꞌp bhaamdaꞌ kɨꞌn jup tu ja mamtuxiꞌñdhaꞌ.

ISRAEL KAM 11:1

Noꞌñ sɨlhkam bɨɨx jiñ jur kɨꞌn tɨ jɨɨꞌñdhat jix biiñak buiñor gu Dios, puiꞌp tɨ jɨɨgiꞌñdhaꞌ iñ na puiꞌ tu kuugalhdhaꞌ nat jax tu dai na saak tu duñiaꞌ gatuuk, sia kuch guꞌ cham maat na jax baꞌ jaꞌk ba ji chu duñiaꞌ na puiꞌ ba ji chu kuugalhdhaꞌ.

ISRAEL KAM 3:7

Gu jaroiꞌ noꞌ cham tuꞌ kaꞌm nɨiꞌñ gu Dios, dhiꞌ baꞌ puiꞌ ba ji buusniaꞌ na jax ba tu uaꞌñix gu ñioꞌkiꞌñ gu Dios na mi chu aꞌga gux Dhuuduꞌ kam jix Uañ Iiꞌmdaꞌ nap jum kaiꞌch: Aapiꞌm na pim xib kɇɇ gu ñioꞌkiꞌñ gu Dios,

ISRAEL KAM 4:12

Na guꞌ dhix bhaiꞌm kaiꞌchdham ñioꞌkiꞌñ gu Dios na tum aꞌga xib, tu maak iimdaꞌ nañ kɨꞌn gammɨjɨ pu ba duakaꞌx bhaiꞌñ chaatɨt, gio na bɨxchuꞌx aichuꞌn na pu tu duñiaꞌ. Jaꞌp ji buusan nax ioꞌm jix muꞌuuk, cham tuꞌ puiꞌ na jax gu tɇb kuxiir na bɨxxik dɨr jix muꞌmuk. Dhix bhaiꞌm kaiꞌchdham ñiꞌook jix bhaiꞌch mattuꞌnkaꞌ na jax jir tuꞌm kaꞌ guch iiꞌmdaꞌ, gio nach jax jich aaꞌndaꞌ, gio baꞌ nach tuꞌ jax jix dhuñiik kaꞌ, gio bɨɨx jix bhaiꞌch mattuꞌnkaꞌ na cham jir am nach tuꞌ jax buaꞌt oipodaꞌ.