2 TIMOTEO 2:8 - Tepehuano Tepehuán del Sureste (Durango)

⁸ Tɨꞌñchokat ap nat guch Xoiꞌkam muukɨk gio duadɨk jup buus miꞌ dhɨr koiꞌñgaꞌn tɨr. Jir boxiiꞌñ kat gu Dabii guiꞌ nax ioꞌm jir gɇꞌkam kat bɨjɨk. Dhiꞌñ baꞌ ja aagiꞌñ gu jaꞌtkam na jax jir jum duukam. Baꞌ guiꞌ nam jɨꞌk tɨ jɨɨꞌñdhim, cham ja tulhiiñchudaꞌ gu Dios gatuuk.

2 TIMOTEO 2:8 ပူးပေါင်းရင်းမြစ်များ

MATEO 1:1

Gu Dabii gio gu Abraam jir diꞌ pɨx am gu bopxiꞌñ guch Xoiꞌkam. Jaꞌpni jaꞌk moo tu tuꞌiiꞌ:

LUUKAS 24:46

Baꞌp ja tɨtda ɨp gio: ―Bɨɨx nam jɨꞌk aañ jiñ aagɨt jup kaiꞌch na mɨt tu uaꞌnak gu bɨjɨk dɨr kam, pu puiꞌ jaꞌk tu dai mɨt na aañ nañ bhaankam ya oirɨdaꞌ gu Dios dhi oiꞌñgaꞌn bhaan, jum aaꞌ nañ puꞌñi muukɨi giop dodhiaꞌ baik tanoolh kɨꞌn na ñich jax bañ dhuu baꞌ.

GU NOONBIꞌÑ GUCH XOIꞌKAM 13:23

Baꞌ maadɨt guiꞌ nam jir bopxiꞌñ kat gu Dabii jir diꞌ gu Jesuus, guiꞌ nat bha joot gu Dios yaꞌ dhi oiꞌñgaꞌn na baꞌ yaꞌ uañchudaꞌ gu ja uaꞌtulhdharaꞌ gu Israel kam jaꞌtkam nat jax pu ba tu dai bɨɨpɨꞌ dɨr.

GU NOONBIꞌÑ GUCH XOIꞌKAM 2:24

Ku baꞌ guꞌ gu Dios giop duaꞌñ ji, nat guꞌ dɨɨlh puiꞌ jaꞌk tu duu na cham miꞌm tulhiiñdhaꞌ, baꞌ miꞌ dhɨr cham jɨꞌxkat jax ka doodaꞌ gu muukiꞌ.

GU NOONBIꞌÑ GUCH XOIꞌKAM 2:30

Guꞌ na pu bax maat pɨx ji na jaroiꞌ puiꞌ jaꞌk jum duñiaꞌ, puiꞌ kut baꞌ puꞌñi jaꞌk tu uaꞌnak, na guꞌ gu Dabii maadɨt jir diꞌ kat jia guiꞌ nam jix bhaiꞌ kɇɇkɇt gu Dios gio nam bhaankamuꞌn tu aꞌgimɨk, baꞌ pu ba aagiꞌñ na gatuuk maaꞌn jir gɇꞌkam kaꞌ gu boxiiꞌñ.

ROOMA KAM 16:25

Dai gu Dios jix bhaaiꞌ nach gɇꞌkamtuꞌndaꞌ, na guꞌ dai guiꞌx bhaaiꞌ na gammɨjɨ sɨlh jam bhɨichdhatgɨdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam, dhiꞌ nax bhaaiꞌ na miꞌ dhɨr baabuꞌ gu jaroiꞌ na mu jaꞌk ka jimdaꞌ na paiꞌ gammɨjɨ miꞌ pup jum tulhiiñdhaꞌ. Dhiꞌr diꞌ nañ jax chuꞌm bhaan tu aꞌga aañ, gio dhix bhaiꞌm kaiꞌchdham ñiꞌook bhaan tu aꞌga guch Xoiꞌkam. Baꞌ dhiꞌ miꞌ puiꞌ tum duñiim na chich jax jaꞌk maat na ɨlhiiꞌñ gu Dios, pu bɨjɨk dɨr puiꞌ jaꞌk pum aa na tu duñiaꞌ gatuuk, pu bɨɨpɨꞌ dɨr nat chakuip dunaak dhi oiꞌñgaꞌn.

ROOMA KAM 2:16

janoꞌ na paiꞌ dhuuk jum aayaꞌ gu tanoolh na gu Dios bɨɨx ja aagiꞌñdhaꞌ gu jaꞌtkam nam tuꞌ jax xi buimɨi yaꞌ dhi oiꞌñgaꞌn, puiꞌ na jax jum kaiꞌch dhix bhaiꞌm kaiꞌchdham ñioꞌkiꞌñ guch Xoiꞌkam nañ jax chuꞌm bhaan tu aꞌga aañ, sia kum guꞌ cham jum matdaꞌɨr pɨx pu buim xib nam jax ɨlhiiꞌñ.

1 KORIINTO KAM 15:1

Jiñ jaaduñ jich Xoiꞌkam bhaan, xib jañ baꞌ giop xi jam tɨꞌñchoixdhaꞌ na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam dhiꞌ na ñich jax chuꞌm tu jam aꞌgi, dhiꞌ na pim bhaan tɨ jɨɨꞌñdhat miꞌ puiꞌ jiim sia gu xib.

1 KORIINTO KAM 15:4

nat baik tanoolh miꞌ juruuñ na mɨt paiꞌ tɨɨ gu tukgaꞌn, miꞌ dhɨr baꞌ gio duaꞌñdhak jup buusaiꞌ gu Dios. Gio jaꞌp iam jaꞌpnip tu uaꞌñix

2 TESALOONIKA KAM 2:14

Jam bai gu Dios kɨꞌn gux bhaiꞌm kaiꞌchdham ñioꞌkiꞌñ na bhaan tu aꞌga na pim jax jaꞌk dui cham gammɨjɨ kam tulhiiñdhaꞌ, dhiꞌ nach aach tuꞌ bhaan tu aꞌga. Jix dhaam jaꞌk ba tɨ nɨiꞌñchudhix japim na pim buiñor aayaꞌ, na paiꞌ dhɨr jix ioꞌm jir gɇꞌkam guch Xoiꞌkam.

1 TIMOTEO 1:11

Dhix bhaiꞌm kaiꞌchdham ñiꞌook na sɨlhkam tu aꞌga, dhiꞌr diꞌ gu ñioꞌkiꞌñ guch Xoiꞌkam. Dɨɨlh guch Xoiꞌkam jich aagiꞌñ nach jax jaꞌk duñiaꞌ nach baꞌ cham jimiaꞌ mu jaꞌk nach paiꞌ gammɨjɨ pup jich chulhiiñdhaꞌ, dhiꞌ nañ jax chuꞌm bhaan tu aꞌga aañ, nat gu Dios jix dhaam kam jiñ chia nañ naiꞌ tu aꞌgaꞌ.

1 TIMOTEO 2:7

Dhiꞌ pu chuꞌm jañ baꞌ aañ bhaan tu aꞌga, nañ guꞌr nobiiꞌñ guch Xoiꞌkam. Guiꞌñ chia nañ puiꞌ jaꞌk naiꞌ tu ja aꞌgidhaꞌ gu jaꞌtkam guiꞌ nam cham jir Israel kam, puiꞌ ja tɨtdaim iñ nam dai guiꞌ buiñor pɨx jaꞌk bax biiñak kaꞌ. Jir sɨlhkam nañ jir nobiiꞌñ guch Xoiꞌkam, cham tuꞌ nañ puiꞌ pɨx kaiꞌch.

2 TIMOTEO 1:8

Jum jur jap xi dhaasai naiꞌ xi ja mattudaꞌ gu jaꞌtkam nar tuꞌp tuꞌm daꞌ guch Xoiꞌkam, chaꞌp xiꞌɨrdat. Ni kup cham jiñ aꞌmkam xiꞌɨrdaꞌ nañ pu chuꞌm kɨꞌn yaꞌ kuup, guꞌ matgɨm jaꞌpji jɨꞌx nam guguuxiꞌñ gu Dios jap cham jax ji kaiꞌchɨt puiꞌp xim tulhiiñaꞌ kɨꞌn gux bhaiꞌm kaiꞌchdham ñioꞌkiꞌñ guch Xoiꞌkam.

2 TIMOTEO 2:7

Jix bhaiꞌp bhaan xim gaꞌngadaꞌ dhiꞌ nañ jɨꞌk jax jum tɨtda, guch Xoiꞌkam baꞌ dɨɨlh puiꞌm jurtudaꞌ na jax pɨk jir jum duukam bɨɨx.

NAT JAX TƗ TƗƗ GU JUAN 5:5

Guꞌ ji na guꞌ maadɨt gu maaꞌn ooꞌm daman maakob nam miꞌ daraa bɨɨx xikoolh dhɨr na paiꞌ daa gux ioꞌm Gɇꞌkam, jup jiñ chɨtda: ―Aap moo cham jax jum aaꞌndaꞌñ jaduuñ, ba jɨkgɨ ap. Matgam yaꞌ paiꞌ jaiꞌch ji maadɨt nax bhaiꞌ na bhiꞌspioꞌkai sɨlhñai tɨgiaꞌ na jax jum kaiꞌch dhi uꞌuan bhiibgixim, nat guꞌ guiꞌ ba maꞌiich gux buam jum duukam. Guiꞌñ dho aagɨt jup kaiꞌch nar boxiiꞌñ gu Judaa, na xib jix ioꞌm gɇꞌkam kɨꞌn ba daa, sia bɨɨx jaiꞌ bhaankamuꞌn gu Dabii, na guꞌ puiꞌp jir boxiiꞌñ.