2 TIMOTEO 2:3 - Tepehuano Tepehuán del Sureste (Durango)

³ Chaꞌp tuꞌ bhaan jax jim aagɨt xim doꞌñchoꞌ nap jum tulhiiñaꞌ, na guꞌ dhiꞌ bhaan jix maatɨꞌ kaꞌ noꞌp jir jix kɨɨꞌ sandaaruiꞌx chugiꞌñ guch Xoiꞌkam.

2 TIMOTEO 2:3 ပူးပေါင်းရင်းမြစ်များ

GU NOONBIꞌÑ GUCH XOIꞌKAM 23:31

Baꞌ gu sandaaruiꞌx puiꞌp tu buim am na jax ja tɨtda gu ja gɇꞌkam tuk, ma baidhak jamɨt gu Paablo nat paiꞌ dhuuk gamaiꞌ ji chuk mu jaꞌk na paiꞌ Antiipatris tɨ tɨɨꞌ.

1 KORIINTO KAM 13:7

Cham tuꞌ bhaan jañ jax jir jiñ aaꞌndam kaꞌ noꞌñ tuꞌ sɨlhkam jix chu joiꞌgɨꞌn, siañ jax jiñ chulhiiñ. Jir jix chu nakooꞌndaꞌ iñ, gam nañ tɨ jɨɨgiꞌñdhaꞌ tuꞌ na jax jum kaiꞌchdhaꞌ.

1 KORIINTO KAM 9:7

Jix maat japim guꞌ na cham jɨꞌxkat jax chuꞌm sandaaruiꞌx dɨɨlh tu namkiꞌñ gu tuꞌ na kɨꞌn duakaꞌ. Gio gu jaroiꞌ na tɨ ɨsdaꞌ gu uubas, miꞌ dhɨr gaꞌrat kɨꞌn tu kuaꞌdaꞌ. Gio gu jaroiꞌ noꞌ ja biaꞌ gu kakaasnir, miꞌ dhɨr ja suussat ioꞌdaꞌ gu biiꞌm, piam na gaꞌrat kɨꞌn tu kuaꞌdaꞌ.

2 KORIINTO KAM 1:6

Guꞌ baꞌ aach nach jich chulhiiñ, pu kaiꞌñkam jich chulhiiñ ich na baꞌx bhaiꞌ tu jam jimiaꞌ aapiꞌm, na pim guꞌ cham mu jaꞌk ka bhɨɨyaꞌ na pim paiꞌ gammɨjɨ miꞌ pup jum tulhiiñdhaꞌ. Jam guꞌnguxdhatuꞌ gu Dios jaꞌp na jax jich guꞌnguxdhatuꞌ aach na pim baꞌ cham jum oꞌjolhdhat miꞌ puiꞌ xi jiimdaꞌ na jax jix aaꞌ sia ku pim jup jum tulhiiñ.

1 TIMOTEO 1:18

Baꞌ aap Timoteo nañ jaꞌp jum ɨlhiiꞌñ nap jir jiñ mar, xim guguuxdhaꞌ ap nap jix ioꞌm xim biiñkadaꞌ buiñor guch Xoiꞌkam. Xi kɨɨkgɨdaꞌ ap nap miꞌ puiꞌ xi jimdaꞌ na jax jix aaꞌ, na guꞌ dhiꞌ jaꞌp ji buusan nap bhaan tu kokdatuꞌ. Puiꞌp jaꞌk duiñchuꞌndaꞌ na pich jax jaꞌk ja kai na mɨt tum daañxi buiñor gu Dios guch Xoiꞌkam jɨɨgiꞌñdham.

2 TIMOTEO 1:1

Aañ Paablo nañ jir nobiiꞌñ guch Xoiꞌkam nat Dios bhach joochxi yaꞌ dhi oiꞌñgaꞌn, nat guꞌ bɨjɨk dɨr puiꞌ jaꞌk pu tu dai na baꞌ miꞌ dhɨr puꞌñix bhaiꞌ ba tuch jimdaꞌ gammɨjɨ, na guꞌ guch Xoiꞌkam pɨx bhaan jup tu tuꞌiiꞌ nat jix bhaiꞌ dhuu.

2 TIMOTEO 1:8

Jum jur jap xi dhaasai naiꞌ xi ja mattudaꞌ gu jaꞌtkam nar tuꞌp tuꞌm daꞌ guch Xoiꞌkam, chaꞌp xiꞌɨrdat. Ni kup cham jiñ aꞌmkam xiꞌɨrdaꞌ nañ pu chuꞌm kɨꞌn yaꞌ kuup, guꞌ matgɨm jaꞌpji jɨꞌx nam guguuxiꞌñ gu Dios jap cham jax ji kaiꞌchɨt puiꞌp xim tulhiiñaꞌ kɨꞌn gux bhaiꞌm kaiꞌchdham ñioꞌkiꞌñ guch Xoiꞌkam.

2 TIMOTEO 2:10

Puiꞌ kuñ baꞌ cham jax jiñ aagɨt xi kɨɨk nañ tu nakooꞌ nam baꞌ bhaan jum guguuxdhai puiꞌp tɨ jɨɨꞌñdhaꞌ buiñor guch Xoiꞌkam guiꞌ nat jɨꞌk Dios ja aꞌm tɨ tɨɨ. Baꞌ cham jɨꞌxkat mu jaꞌk ka bhɨɨyaꞌ am nam paiꞌ gammɨjɨ gɨt miꞌ pup jum tulhiiñdhaꞌ, dai nam jimiaꞌ na paiꞌ joidham jix chu abhaar, dai pɨx noꞌ mɨt ba tɨ jɨɨꞌñ buiñor guch Xoiꞌkam.

2 TIMOTEO 2:9

Dhiꞌ baꞌ pu chuꞌm kɨꞌn yaꞌñ chulhiiñat tu nakooꞌ iñ. Jiñ buupur am bapaiñum kɨɨkɨiꞌñxim kɨꞌn, jaꞌp tuꞌiiꞌ iñ na jax guiꞌ nam giilhim jix buam tomaat. Ku baꞌ guꞌ na guꞌ gux bhaiꞌm kaiꞌchdham ñioꞌkiꞌñ gu Dios cham tuꞌ buupulh.

2 TIMOTEO 3:11

nam cham jiñ kɨɨgalhiꞌñ gu jaꞌtkam. Jix maat ap dho nat jax tuñ dhooda mu Antiokiiya, gio gama jaꞌk Ikoonio, gio miꞌ amuub jaꞌp jaꞌk na paiꞌ Listra tɨ tɨɨꞌ. Giilhim na mɨt jiñ bhaamkidhak jiñ dhaagɨk jiñ chulhiiñchuda, ji nat guꞌ guch Xoiꞌkam jiñ palhbui.

2 TIMOTEO 4:5

Aap gammɨjɨ miꞌ puiꞌ xi jimdat na jax jix kɨɨꞌ kaꞌm nɨiꞌñ gu Dios, chaꞌp tuꞌ bhaan jum uaꞌtulhdhat. Xim guguuxdhaip xi chu aꞌgaꞌ gux bhaiꞌm kaiꞌchdham ñioꞌkiꞌñ guch Xoiꞌkam na bhaan tu aꞌga na jax jaꞌk dui cham ja tulhiiñchudaꞌ gu Dios gu jaꞌtkam. Jix bhaiꞌp xi chu juanaꞌ dhiꞌ bhaan, sia kup jim tulhiiñat, xi ñakgat ap.

PILIMOON 1:2

Bɨɨx jañ tu ja uaꞌñiꞌñ guiꞌ nam miꞌm kiꞌaam maap jum jumpadat daan guch Xoiꞌkam, puiꞌ na jax gu Aapia gio gu Arkiipo nach maap jich dhakooꞌñdhatuꞌ nach jax jaꞌk miꞌ puiꞌ jiim na jax jix aaꞌ guch Xoiꞌkam.

ISRAEL KAM 10:32

Baꞌ aapiꞌm jiñ jaaduñ, jam guguuxiꞌñ iñ na pim cham jax jum aaꞌndaꞌ noꞌt tuꞌ jax ba ji jam duu, jaꞌp na jax janoꞌ na pimɨt jax tɨ jɨɨꞌñ buiñor guch Xoiꞌkam, na pimɨt nakoo nat paiꞌ dhuuk bɨɨx aixim jix buam jum duukam bhaiꞌ jam daam ji jii, puiꞌ na pim jax bax biiñak buiñor.

ISRAEL KAM 11:27

Pu maiꞌ mɨɨ baꞌ miꞌ dhɨr Ejipto cham tuꞌ bhaan ji chooꞌnnɨk sia ku jax giilhim jix bhaam gu gɇꞌkam miꞌ kam, na guꞌx maat na gɇꞌkam kɨꞌn bhaan tɨ nɨidhim gu Dios sia ku cham paiꞌ nɨiꞌñ maaxik.

ISRAEL KAM 6:15

Baꞌ gu Abraam cham paiꞌ jax kaiꞌch na puiꞌ jɨꞌ tɨtda gu Dios, dai na soiꞌm ɨlhdhat pɨx tɨ nɨɨr na puiꞌ ji chu buusniaꞌ na jax tɨtda. Puiꞌ dho ji chu buus mɨkkat na jax tɨtda.

SANTIAGO 1:12

Jaꞌp moo joidham jix bhaiꞌ ba tu jimiaꞌ gu jaroiꞌ noꞌ xi ñakgat gammɨjɨ pux biiñak buiñor gu Dios, sia kut giilhim bɨɨx aixim jix buam jum duukam bhaiꞌ aꞌmiram ji chu jii, na guꞌ gatuuk na puꞌñi xim tulhiiñaimɨi, miꞌ dhɨr dai na ba baidhikaꞌ guch Xoiꞌkam jix dhaam jaꞌk na paiꞌ gammɨjɨ jix jɨkgɨm bap tuiꞌkaꞌ, na joidham jix chu abhaar. Baꞌ puiꞌ ji buusniaꞌ na ba maiꞌchiaꞌ gu kuruun na joidham jix abhaar nax dhaꞌram namɨɨk, guiꞌ nat jax chuꞌm ja iimchuda guch Xoiꞌkam na saak ja makiaꞌ guiꞌ nam jɨꞌk puꞌñi miꞌ puiꞌ jimiaꞌ na jax jix aaꞌ.