2 TIMOTEO 1:5 - Tepehuano Tepehuán del Sureste (Durango)

⁵ Tɨꞌñcho iñ sia nap jix bhaiꞌ buiñor jix biiñak guch Xoiꞌkam. Bɨɨpɨꞌ buiñor jum biiñkai gum abuil Loida gio gum naan Euniise, puiꞌ kuñ baꞌ aañ jix maat nap jaꞌxbuiꞌp jix biiñak na jax guiꞌ am.

2 TIMOTEO 1:5 ပူးပေါင်းရင်းမြစ်များ

JUAN 1:47

Baꞌ nam kiaꞌpɨx mummu ji aajim, jup ja tɨtda gu Jesuus guiꞌ na miꞌ ja bɨɨm jup tuꞌiiꞌ kaixdhat gu Natanail: ―Dhiꞌjani nat yaꞌni ba ai na tuꞌ sɨlhkam jir Israel kam, na jax chuꞌm jix kɨɨgalhiꞌñ guñ Gɨꞌkoraꞌ, na cham paiꞌ dhuuk iatdaꞌ tu aꞌga.

GU NOONBIꞌÑ GUCH XOIꞌKAM 16:1

Baꞌ bhammɨ dɨr jaꞌp ji bhɨi gu Paablo na paiꞌr Derbe gio baꞌ bhammɨ jaꞌk Listra, baꞌ bhaiꞌ ba tɨɨ maadɨt guiꞌ nam tɨ jɨɨgiꞌñdhaꞌ buiñor guch Xoiꞌkam na puiꞌ tɨɨꞌ Timoteo, nar maraaꞌn maaꞌn gu ubii Israel kam na puiꞌp tɨ jɨɨgiꞌñdhaꞌ buiñor guch Xoiꞌkam, gu taataꞌn baꞌ dair griago.

GU NOONBIꞌÑ GUCH XOIꞌKAM 26:26

Miꞌñi dho daa dhiñ jaduuñ Agriipa na puiꞌp jix chu maat gu dhiꞌ puiꞌ nañ jax ba kaiꞌch. Puiꞌ kuñ baꞌ aañ kaixdhat yaꞌ puiꞌ xi kaiꞌch, nam guꞌ bɨɨx pɨx puiꞌx chu maat gu jaꞌtkam, nat guꞌ cham tuꞌx ɨxchuixim puiꞌ tum duu.

ROOMA KAM 14:14

Puiꞌ na jax aañ nañ guꞌ dɨɨlh jup jix chaat jiñ jur am bhaan na cham tuꞌ tuꞌx xidhuu yaꞌ dhi oiꞌñgaꞌn guiꞌ nar koiꞌ, nañ guꞌ puiꞌ jaꞌk tɨ jɨɨgiꞌñ. Guꞌ ji noꞌ guꞌ jaroiꞌ puꞌñi tuꞌx xidhuutuꞌn, dho cham tuꞌ kuadaꞌ ɨp gu tuꞌ nax xidhuutuꞌn kaꞌ, na guꞌ puiꞌ jaꞌk tɨ jɨɨgiꞌñdhaꞌ.

ROOMA KAM 14:5

Gio jaiꞌ jaꞌpnip ɨlhiiꞌñ am guch Xoiꞌkam jɨɨgiꞌñdham na sap jɨꞌmaꞌn pɨx jir jix kɨkɨɨꞌ tanoolh kaꞌ, cham tuꞌ bɨɨx, baꞌ jaiꞌ puiꞌ ɨlhiiꞌñ am na sap gammɨjɨ pɨx jir jix kɨkɨɨꞌ tanoolh kaꞌ. Baꞌ buiñor gu Dios, cham jax bua sia jax ɨlhiiꞌñ maaꞌn gio gu jumai.

ROOMA KAM 15:14

Jiñ jaaduñ jich Xoiꞌkam bhaan, aañ jix bhaiꞌx maat na pim aapiꞌm jir jix bhabhaiꞌkam ja bui gu jaiꞌ, bɨɨx aixim jix chu mamatdaꞌ pim na pim jax jaꞌk tu duñiaꞌ gu tuꞌ, giox maatɨt jup tum aꞌaꞌgiꞌñ japim na pim jax jaꞌk tuiꞌñgɨdaꞌ bɨɨx jɨꞌmaꞌn.

ROOMA KAM 4:21

dai na puiꞌ kaiꞌchdhaꞌ na dai dɨɨlh gu Dios jix bhaaiꞌ na puiꞌ tu duñiaꞌ na jax kaiꞌch.

ROOMA KAM 8:38

Baꞌ cham jɨꞌxkat tuꞌ miꞌ dhɨr kach boosgaꞌ na paiꞌ xich joiꞌmdat jich aꞌm ba tɨ nɨidhim gu Dios, sia chi moo tuꞌ muukiꞌ kaꞌ gɨt, piam gu tuꞌ na duakaꞌ, nix chuꞌ gu noonbiꞌñ gu Dios, nix chuꞌ gu tuꞌ nam tu dudua iꞌiiꞌmdaꞌ bhaan nam tɨi bɨɨx aixim jix bhaaiꞌ nam pu tu duñiaꞌ nam dɨɨlh jax ɨlhiiꞌñdhaꞌ, nix chuꞌ gu tuꞌ na xib jix maax, nix chuꞌ gu tuꞌ na gatuuk tu maaxilhiaꞌ,

2 KORIINTO KAM 6:6

Sia bɨɨx aixim bhaan jup jix maatɨꞌ nach jax jich aaꞌch jujur am, puiꞌ na jax nach miꞌ puiꞌ tu aꞌga na jax jir sɨlhkam, gio nach tu nakooꞌndaꞌ sia kuch jich chulhiiñ, gio nach jix ja joiꞌmdat jix bhaiꞌ ja buidhaꞌ gu jaꞌtkam tuꞌ sɨlhkam kɨꞌn, gio gux Dhuuduꞌ kam jix Uañ Iiꞌmdaꞌ nach aꞌm jup tuiꞌdhiꞌ.

1 TIMOTEO 1:5

Jax dhui na cham tuꞌ kam aaꞌ nach bhaan tɨtɨɨꞌñchokaꞌ gu tuꞌ bɨjɨk dɨr kam, jaꞌpji dai nach xich jajoiꞌgɨꞌndaꞌ bɨɨx jɨꞌmaꞌn. Dhiꞌ pu chuꞌm tu uaꞌpu noꞌñ jix kɨɨꞌp jum duukam bhaan jurtɨkat puiꞌ ba duñiim, nañ cham tuꞌ gux buam jum duukam bhaan ka jurtɨkaꞌ, gio nañ sɨlhkam tɨ jɨɨgiꞌñdhat buiñor jix biiñak kaꞌ guch Xoiꞌkam.

1 TIMOTEO 4:6

Baꞌ noꞌp guꞌ aap puꞌñi dai gux kɨɨꞌp jum duukam ja aagiꞌñ guch Xoiꞌkam jɨɨgiꞌñdham, gio noꞌp miꞌ puiꞌ tu daaꞌñchugɨt jum biiñkadat bhaan jum guguuxiꞌñ na jax jum kaiꞌch gux bhaiꞌm kaiꞌchdham ñioꞌkiꞌñ gu Xoiꞌkam na sɨlhkam tu aꞌga, gio baꞌ noꞌp maaꞌn nap jax miꞌ puiꞌ jim gammɨjɨ, jir jix kɨɨꞌ tujuandam tugiꞌñ kaꞌ ap guch Xoiꞌkam.

2 TIMOTEO 1:12

Dhiꞌ pu chuꞌm kɨꞌn baꞌ yaꞌ bañ chulhiiñ iñ. Ku guꞌ cham tuꞌ ji nañ moo dhiꞌ kɨꞌn jup bax xiꞌɨr, nañ guꞌ aañ jix maat nañ jaroiꞌ buiñor jix biiñak. Cham jax jiñ aaꞌ iñ baꞌ, nañ guꞌx maat na guiꞌñ palhbuiꞌñchuꞌ nañ baꞌ bɨɨx tu kuugalhdhim na jɨꞌk tanoolh tu daaxix nañ yaꞌ puiꞌ tu duñiaꞌ nat jɨꞌk tuñ chia, na guꞌr gɇꞌkam.

2 TIMOTEO 3:15

Ɨlhiꞌch dhɨm dɨr bax maat ap na jax jum kaiꞌch gux uañ ñioꞌkiꞌñ gu Dios na tu uaꞌñix. Dhiꞌ maaꞌn na jax miꞌ puiꞌm bhɨichdhatuꞌndaꞌ nap baꞌ cham mu jaꞌk bhɨɨyaꞌ nap paiꞌ gammɨjɨ miꞌ pup jum tulhiiñdhaꞌ. Gio nap jix bhaiꞌ buiñor jix biiñak kaꞌ guch Xoiꞌkam.

ISRAEL KAM 11:13

Bɨɨx jɨꞌmaꞌn dhiꞌ nañ jaroiꞌ ja aaꞌ nam tuꞌ sɨlhkam jix biiñak kat buiñor gu Dios, chakui ja aꞌm tu biꞌɨɨk gu gɇꞌp jum duukam nat Dios ja iimchudak na mɨt koi. Ku guꞌ nam guꞌx biiñak kat buiñor, jaꞌp ji buus ji na mɨt sia gu mɨk dɨr mu tɨ tɨɨgɨk bhammɨ jix dhaam na paiꞌ ja makiaꞌ gu Dios gu gɇꞌp jum duukam. Baꞌ joidham jix bhaiꞌm taat am, pux maat am nam cham tuꞌ gammɨjɨ yaꞌ pu oiꞌñkaꞌ dhi oiꞌñgaꞌn bhaan, nam guꞌx maat nam cham jir yaꞌ kam. Puiꞌ kum baꞌx biiñak kat buiñor gu Dios tɨ nɨɨrdaꞌ na jix dhaam jaꞌk puiꞌ tu kuugalhdhaꞌ nat jax tu ja daax.

ISRAEL KAM 6:9

Ku baꞌ guꞌ aañ ɨlhiiꞌñ ji na pim aapiꞌm cham tuꞌ mu jaꞌk jup tuiꞌdhiꞌñ jaaduñ jich Xoiꞌkam bhaan na paiꞌ jaꞌk maiꞌx chɨ gɨɨxiꞌ. Sɨlh bhɨichuꞌ pim ji na pim paiꞌ gammɨjɨx jɨjɨkgɨm bap tuiꞌkaꞌ, cham jum aagat nañ puꞌñi chuꞌm tu jam aꞌgiꞌñdhaꞌ.

1 PEEGRO 1:22

Na pim guꞌ aapiꞌm jix chu uañ kɨr baꞌp tuꞌiiꞌ baꞌ xib, na pim guꞌ kɇɇkɇt gux bhaiꞌm kaiꞌchdham ñioꞌkiꞌñ gu Dios miꞌ puiꞌ ba bhɨichuꞌ na jax jix aaꞌ tɨ jɨɨꞌñdhat buiñor guch Xoiꞌkam, nat guꞌ ba tu jam uañ gu jam uaꞌtulhdharaꞌ, gio na pimɨt ba maat na pim jax jaꞌk dui jix bhaiꞌ kaiꞌchɨt xim jajoiꞌgɨꞌndat tu oiꞌñkaꞌ bɨɨx jɨꞌmaꞌn gammɨjɨ. Baꞌ dhiꞌ puꞌñi jaꞌk japim duiñchuꞌndaꞌ gammɨjɨ nabap tanoolh, chaꞌpim tuꞌ bhaan jum kokdadaꞌ, guꞌ jaꞌpji na pim joidham jix bhaiꞌ kaiꞌchɨt jix bhaiꞌ xim tɨ tɨtdat xim ja joiꞌgɨꞌndaꞌ ji bɨɨx jɨꞌmaꞌn bɨɨx jam jujur kɨꞌn gio na pim jɨꞌx jup jum taat.