2 TIMOTEO 1:13 - Tepehuano Tepehuán del Sureste (Durango)

¹³ Aap baꞌ miꞌ puiꞌp xi dhuiñchugɨt na ñich jax jaꞌk tum aaꞌñ. Gammɨjɨp jix biiñak kaꞌ buiñor guch Xoiꞌkam gam nap jix ja joiꞌmdat gu jaiꞌ, gook dɨt maaꞌn ñiꞌook jup duuk ich guꞌ buiñor guch Xoiꞌkam.

2 TIMOTEO 1:13 ပူးပေါင်းရင်းမြစ်များ

ROOMA KAM 2:20

Nañ jaꞌpni kaiꞌñkam jup kaiꞌch na pim panaas jix bhaiꞌx maat na pim puiꞌ xim aaꞌ na pim jax jaꞌk jix bhaiꞌ ja aagiꞌñ guiꞌ nam pu cham jɨꞌx maat nam jax jaꞌk miꞌ puiꞌ jiimdaꞌ na jax jix aaꞌ gu Dios, gio na pim panaas jix bhaiꞌx maat na pim jax jaꞌk ja palhbuiꞌñchuꞌ guiꞌ nam kiaꞌpɨx maachim nam jax jaꞌk miꞌ puiꞌ jiimdaꞌ, na pim guꞌ aapiꞌm jix bhaiꞌ bax maat na jax jir miꞌ puiꞌ, na pimɨt guꞌ bhaan dɨr maat gu uꞌuan guiꞌ na miꞌ tu daa na jax jaꞌk tu aagix guiꞌ nat Moisees tu uaꞌnak.

ROOMA KAM 6:17

Baꞌ aañ taxchaabgiꞌñ gu Dios na pim aapiꞌm dai gu Dios pɨx bar tujuandam tugiꞌñ, joidham bɨɨx jam jujur kɨꞌn japim miꞌ puiꞌ jiim na jax jix aaꞌ, na pimɨt guꞌ puiꞌ jaꞌk maat na mɨt jax jam aaꞌñ, sia ku pim guꞌ bɨɨpɨꞌ dɨr giilhim kam tulhiiñdhaꞌ na pim jir tujuandam tugiꞌñ kaꞌ gu uaꞌtulhdharaꞌ.

PILIIPOS KAM 1:27

Baꞌ jaꞌp jañ jup xi jam tɨɨdam jiñ jaaduñ, xim gaꞌngadaꞌ pim noꞌ pim miꞌ puiꞌ jiim na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam. Na guꞌ noꞌ ñich moo muiꞌ ma jii piam ku guꞌ cham, puiꞌx chu maachim kaꞌ iñ sia nar jax kaꞌ gɨt noꞌ pim miꞌ puiꞌ jiim, gio noꞌ pim dɨɨlh xim guꞌnguxdhat na pim jax jaꞌk jix ioꞌm jum biiñkadim buiñor guch Xoiꞌkam, puiꞌ na jax jum kaiꞌch gux bhaiꞌm kaiꞌchdham ñiꞌook nach aagiꞌñ nach jax dhuñiaꞌ nach baꞌ cham jich chulhiiñaꞌ gatuuk.

PILIIPOS KAM 4:9

Puiꞌ pim jaꞌk miꞌ puiꞌ xi jimiaꞌ na ñich jax jam aaꞌñ gio na pimɨt jax jaꞌk jiñ chɨɨ na ñich miꞌ puiꞌ jii janoꞌ nañ bhammɨ dɨr jup tuꞌt jam bui, puiꞌ nañ jax jaꞌk tu aꞌgadaꞌ na pim jiñ kɇɇkɇꞌ, gio na ñich jɨꞌk tuꞌ jax dhuu. Na guꞌ noꞌ pim bɨɨx puiꞌ tu duiñchuꞌ, jam aꞌm jam tajaañdhidhaꞌ gu Dios guiꞌ na pim kɨꞌn gammɨjɨx bhaiꞌm taatɨt tu oiꞌñkaꞌ.

KOLOOSAS KAM 1:4

nach guꞌ puiꞌ tɇ kɇɇ na pim sap tuꞌ sɨlhkam bɨɨx jam jujur kɨꞌn buiñor tɨ jɨɨgiꞌñ guch Xoiꞌkam, xim jajoiꞌgɨꞌn japim sap bɨɨx jɨꞌmaꞌn na pim Dios buiñor jup tuiꞌdhiꞌ.

1 TESALOONIKA KAM 5:21

Bɨɨx aixim jax ña tum aꞌgadaꞌ piam gu tuꞌ na jax jum buadaꞌ, xim gaꞌngadaꞌ pim dhiꞌ bhaan noꞌ moor jix kɨɨꞌp jum duukam piam ku guꞌ cham. Dai gu tuꞌ nar jix kɨɨꞌp jum duukam japim biꞌaidhaꞌ jam jujur am,

1 TIMOTEO 1:10

Gio guiꞌ nam muiꞌ ja bɨɨm boppo gu uꞌuub, piam gu uꞌuub guiꞌ nam muiꞌ ja bɨɨm boppo gu chichioꞌñ. Gio guiꞌ nam dai chichioꞌñ maap boppo nam puiꞌ ji dhui na maadɨt jir ubii kaꞌ, piam guiꞌ nam dai uꞌuub maap boppodaꞌ nam puiꞌ ji dhui ɨp na maadɨt jir chioꞌñ kaꞌ. Gio guiꞌ nam tɨ ɨɨxdhat gu jaiꞌ jaꞌtkam maakam jaꞌk ja gaꞌraꞌ nam tu ja juantuꞌndaꞌ puiꞌ cham ji ja namkidhat. Gio guiꞌ nam jix iaꞌtbiꞌ nam puiꞌ xi kaiꞌchdhaꞌ nar sɨlhkam, sia kum guꞌx maat na cham jir sɨlhkam. Sia guiꞌñ ja aagɨt jup kaiꞌch nam miꞌ dhɨr maakam duñiidhaꞌ na jax cham jir sɨlhkam gux bhaiꞌm kaiꞌchdham ñiꞌook na sɨlhkam tu aꞌga.

1 TIMOTEO 1:14

Guꞌ ji nat guꞌ gu Dios gɇꞌkam kɨꞌn xiñ joiꞌmdak jiñ aꞌm tɨ tɨɨ, jiñ chajaañ guiꞌ nañ kɨꞌn buiñor bax biiñak kaꞌ, gio guiꞌ nañ kɨꞌn bax jajoiꞌgɨꞌndaꞌ gu jaiꞌ. Sia aap pu chuꞌm jum aꞌm tajaa, nach guꞌ buiñor ba tɨ jɨɨgiꞌñ guch Xoiꞌkam, maap maaꞌn ñiꞌook jup duuk ich baꞌ.

1 TIMOTEO 6:3

Noꞌ jaroiꞌ maadɨt jix ioꞌm maakam xi bua na tu ja aꞌgiꞌñ guch Xoiꞌkam jɨɨgiꞌñdham na jax jaꞌk cham puiꞌm kaiꞌch gu sɨlhkam ñioꞌkiꞌñ guch Xoiꞌkam dhiꞌ nach tuꞌ bhaan tɨ jɨɨgiꞌñ aach,

2 TIMOTEO 1:1

Aañ Paablo nañ jir nobiiꞌñ guch Xoiꞌkam nat Dios bhach joochxi yaꞌ dhi oiꞌñgaꞌn, nat guꞌ bɨjɨk dɨr puiꞌ jaꞌk pu tu dai na baꞌ miꞌ dhɨr puꞌñix bhaiꞌ ba tuch jimdaꞌ gammɨjɨ, na guꞌ guch Xoiꞌkam pɨx bhaan jup tu tuꞌiiꞌ nat jix bhaiꞌ dhuu.

2 TIMOTEO 1:14

Dai dhiꞌp bhaan tu daaꞌñchuꞌndat miꞌ puiꞌ jimdaꞌ nap tuꞌx chaat nar jix kɨɨꞌp jum duukam, na guꞌ gu Dios pɨx na dhiꞌx aaꞌndaꞌ nap bhaan tu daaꞌñchuꞌndaꞌ, na guꞌ gux Dhuuduꞌ kam jix Uañ Iiꞌmdagaꞌn nam palhbuiꞌñchuꞌndaꞌ nach aꞌm tajaañix.

2 TIMOTEO 2:2

Jaiꞌp puiꞌ xi ja tɨɨdai gu chichioꞌñ nam puiꞌp tɨ jɨɨgiꞌñ buiñor guch Xoiꞌkam nam miꞌ dhɨr gammɨjɨ jaꞌk ja aagiꞌñdhaꞌ gu jaꞌtkam na pich jax jaꞌk jiñ kai nañ kaiꞌch janoꞌ nam muiꞌñ kɇɇ, ku guꞌ guiꞌ ji nap pu ja tɨɨdaꞌ nap jaroiꞌx ja mat kaꞌ nam sɨlhkam puiꞌ duñiaꞌ, gio nam jix joojoiꞌñdhaꞌ nam tu mamtuxdhaꞌ.

2 TIMOTEO 3:14

Xi kɨɨkgɨdaꞌ ap aap na pich jax jaꞌk ba tu maat. Dhiꞌp pɨx jaꞌk bhaan bam oꞌtoꞌnkaꞌ, na guꞌ puiꞌ jaꞌk bam guguux japich dɨɨlh nam jax jaꞌk sɨlhkam jum aagiꞌñ guiꞌ na mɨt jaroiꞌ tum mamtux.

2 TIMOTEO 4:3

Kam aajim nam paiꞌ dhuuk jaiꞌchdhɨlhiaꞌ gu jaꞌtkam nam cham jɨꞌx ka kaim kaꞌ dhix bhaiꞌm kaiꞌchdham ñioꞌkiꞌñ guch Xoiꞌkam na sɨlhkam tu aꞌga. Dɨɨlh pɨx ba ja gaꞌngadaꞌ am guiꞌ nam tu ja mamtuxiꞌñdhaꞌ dai puiꞌ jaꞌk nam jax jix aaꞌndaꞌ dɨɨlh. Dai dhiꞌ kɇɇkɇꞌ am jaroiꞌ na ja koꞌraardaꞌ na jax chuꞌm tu aꞌgadaꞌ.

TIITO 1:9

Gam na gammɨjɨ maaꞌn na jax miꞌ puiꞌ tu daaꞌñchuꞌndaꞌ nat jax jaꞌk ba maat gux bhaiꞌm kaiꞌchdham ñioꞌkiꞌñ guch Xoiꞌkam na sɨlhkam tu aꞌga, na baꞌ guꞌ miꞌ dhɨr gammɨjɨ jaꞌk pu chuꞌm ja aaꞌñdhat bhaan ja guguuxiꞌñdhaꞌ gu jaiꞌ, gam na baꞌx bhaiꞌ ja aagiꞌñdhaꞌ guiꞌ nam maakam ɨlhdhat kɇɇ gux bhaiꞌm kaiꞌchdham ñioꞌkiꞌñ guch Xoiꞌkam nam baꞌ miꞌ puiꞌ jimiaꞌ.

TIITO 2:1

Baꞌ aap nap paiꞌ dhuuk tu ja aꞌgiꞌñdhaꞌ nap ja guguuxdhaꞌ guch Xoiꞌkam jɨɨgiꞌñdham, dai gu tuꞌ nar sɨlhkam jap bhaan tɨtɨɨꞌñchokat tu ja aꞌgiꞌñdhaꞌ.

TIITO 2:8

Noꞌch bɨɨx puiꞌ tu duiñchuꞌ dhiꞌ nañ jɨꞌk jax kaiꞌch, cham jaroiꞌ buam jich aꞌgadaꞌ, nam guꞌch nɨiꞌñdhaꞌ nach jix bhaiꞌ tu jimdaꞌ, jix xiꞌɨraam jum aagat jich ñɨiꞌñdhaꞌ am pɨx.

ISRAEL KAM 10:23

Xib guꞌ dai ji nach jix biiñak kat buiñor guch Xoiꞌkam pɨx ba tɨ nɨɨrdaꞌ nach bhammɨ aayaꞌ na paiꞌp tuꞌiiꞌ gu Dios. Cham jach tuꞌ bhaan jax kach aaꞌndaꞌ, na guꞌ gu Dios cham xiim puiꞌ tu kuugalhdhaꞌ nat jɨꞌk jax ba tu dai jich bui.

ISRAEL KAM 3:6

Baꞌ gu Jesuus jich Xoiꞌkam nar Maraaꞌn gu Dios, jix ioꞌm gɇꞌkam kɨꞌn dai yaꞌ aach jich bui janoꞌ dɨr nat puiꞌ xi chu kuugalhdhak nat jax tɨɨdak bha joot. Jaꞌp ji buus nat guiꞌ bhaan ji bii gu baꞌaak nat kɨi bhaankamuꞌn gu Dios na nuukaꞌndat gu Moisees, na guꞌch palhbuiꞌñchuꞌ bɨɨx aixim bhaan aach nach jɨꞌk buiñor bap tuiꞌdhiꞌ gu Dios. Baꞌ gammɨjɨ pu bach palhbuiꞌñchuꞌndaꞌ noꞌch aach cham oodat buiñor tɨ jɨɨꞌñdhat miꞌ puiꞌ xi dhuiñchuꞌ na jax jix aaꞌ jix bhaiꞌch chaatɨt.

ISRAEL KAM 4:14

Gu Jesuus jich Xoiꞌkam nar Maraaꞌn gu Dios, puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu jaꞌtkam nam tu daandaꞌ buiñor gu Dios, na bhammɨ ba daax dhaam sonpan gu Dios, nach aꞌmkam ñiok. Jum aaꞌ baꞌ nach dai guiꞌ pɨx buiñor jix biiñak kaꞌ gammɨjɨ.

JUUDAS 1:3

Bɨjɨk dɨr jañ mɨjɨ tɨi xi chu jam uaꞌñxidham kaꞌñ jaaduñ, nañ tɨi bhaan xi chu jam aꞌgidham kaꞌ nat jɨꞌk tuꞌ jax dhuu guch Xoiꞌkam janoꞌ nat tuch ñamkix guch uaꞌtulhdharaꞌ nach baꞌ cham kach chulhiiñaꞌ gatuuk. Ku baꞌ guꞌ xib jumai bhaan xi chu jam aꞌgidham iñ ji, cham tuꞌ dhiꞌ. Xib guꞌ dai ji nañ puiꞌ tɨi xi jam tɨɨdam dhi uꞌuan taꞌm jiñ jaaduñ na pim muiꞌ xim guguuxdhatgɨdaꞌ na pim jix biiñak kat bɨɨx jam jujur kɨꞌn miꞌ puiꞌ xi jiimdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ guch Gɨꞌkoraꞌ, nat jich chianɨk nach saak miꞌ puiꞌ tu kuugalhdhidhaꞌ na jɨꞌk xich joiꞌndat jich aꞌm ba tɨ nɨidhim.

NAT JAX TƗ TƗƗ GU JUAN 2:25

Dai nañ jam guguuxiꞌñ na pim cham mɨk buppat gammɨjɨ tɨ jɨɨgiꞌñdhaꞌ aañ jiñ bui janoꞌ juugɨt nañ paiꞌ dhuuk gio bhaiꞌp jimdaꞌ.

NAT JAX TƗ TƗƗ GU JUAN 3:11

Baꞌm aaꞌ na pim puꞌñi gammɨjɨ tɨ jɨɨꞌñdhat jix biiñak kaꞌ aañ jiñ bui na baꞌ jam aꞌm tu biꞌyaꞌ gu gɇꞌgɇr jup tum duuꞌnkam janoꞌ nañ paiꞌ dhuuk jam baidhikaꞌ bhammɨ jaꞌk jix dhaam. Na guꞌ noꞌ pim am ɨr, jumai bhaan biꞌyaꞌ. Bar miaꞌn guꞌ nañ paiꞌ dhuuk mu jim nañ mu ja baiꞌñmɨraꞌ jɨꞌk nam jiñ ñɨɨra.

NAT JAX TƗ TƗƗ GU JUAN 3:3

Siamri pim moo miꞌ puiꞌ xi jimɨi na jɨꞌk jax jix aaꞌ gu Dios, jaꞌp na pim jax jaꞌk tuiꞌñgɨt moo janoꞌ na pimɨt jax tɨ jɨɨꞌñ aañ jiñ bui na pim joidham bɨɨx jam jujur kɨꞌn tuꞌ kaꞌm jiñ ñɨidhat. Soiꞌ pim bam ɨlhdhaꞌ ɨp gio, chaꞌpim kooksɨt darkaꞌ. Na guꞌ noꞌ pim aapiꞌm cham tuꞌp jum buixdhat am ɨrdat oipo, cham tuꞌ jam baidhikaꞌ iñ bhammɨ jaꞌk nat paiꞌ tu jam iimchuda gu Dios na saak jam aichdhaꞌ, nañ guꞌ aañ jotmodaꞌ pɨx miꞌ pɨx ba kɨɨkaꞌ cham jum ɨlhdham nañ paiꞌ dhuuk mu jimdaꞌ. Pu cham jaroiꞌ mat kaꞌ na paiꞌ dhuuk, jaꞌp na jax baꞌ gu jax chuꞌm jix ɨxkum paiꞌ noꞌt ba tu oꞌbhaiꞌ jax chuꞌm baꞌk chɨr na tɨ ɨɨxdhaꞌ, na guꞌ cham tuꞌ na mu paiꞌp ja aagiꞌñdhaꞌ gu mi oiꞌñkam, miꞌ pɨx ba bakiaꞌ. Puꞌñi ɨp baꞌ aañ nañ paiꞌ dhuuk mu jim.