2 TIMOTEO 1:10 - Tepehuano Tepehuán del Sureste (Durango)

¹⁰ Xib jix bhaiꞌ kach mattuda na tuꞌ sɨlhkam xich joiꞌgɨꞌn, bhaan maat jachich nat bhach joochxi guch Xoiꞌkam nat baꞌch boosolh nach mu jaꞌk ba jiimɨt nach paiꞌ gammɨjɨ gɨt miꞌ pup jich chulhiiñdhaꞌ. Maꞌiich guch Xoiꞌkam gu muukiꞌ na yaꞌ tu daam kɨɨkat dhi oiꞌñgaꞌn bhaan. Baꞌ jaꞌp ji buus nat jix chu maax jup tum duu nach baꞌx bhaiꞌ tɨ nɨidhat miꞌ puiꞌ jiimdaꞌ na jax jix aaꞌ gu Dios, gammɨjɨch baꞌ buiñor bap tuiꞌñgɨdaꞌ.

2 TIMOTEO 1:10 ပူးပေါင်းရင်းမြစ်များ

LUUKAS 11:36

Na guꞌ noꞌ joidham jix kɨkɨɨꞌ, jix bhaiꞌ nɨiꞌñdhaꞌ pim gu jam tutkuꞌ na jax chuiꞌkaꞌ. Puiꞌ na jax gu kañdhiir noꞌx bhaiꞌ mɨim, na guꞌx bhaiꞌ tu maaxiꞌñ kaꞌ, pu cham paiꞌ maaꞌn kap pɨx am jix chɨ ɨɨkaꞌ kaꞌ.

LUUKAS 13:7

Baꞌp tɨtda guiꞌ na miꞌx bhaiꞌ buadaꞌ gu uubas: “Iaraꞌ ap dhi iigɨx, na guꞌ cham iꞌbhaiꞌñchar. Sɨlh pɨx na bha jaꞌk cham bhaiꞌ. Bas maakɨꞌn dɨr tɨi bhaiꞌ ba nɨnɨiꞌñ iñ noꞌ cham iam bax iibhaidhaꞌ, pu nim maaꞌn ku bha daakaꞌ, na guꞌ chi bak cham tu iꞌbhaiꞌñchar.”

LUUKAS 2:11

Jaꞌpniñ tuꞌm jam uaꞌtulhiꞌñ: Maaꞌn bhaꞌñi dhɨr maaxir gu alhii xib dhi tukaaꞌ na paiꞌ kiokat bɨjɨk gu Dabii. Dhiꞌr diꞌ guiꞌ na pim nɨɨra na saak bha jootsaꞌ gu Dios yaꞌ dhi oiꞌñgaꞌn na jam palhbuidhaꞌ.

JUAN 1:9

Nat baꞌ bɨɨpɨꞌ xi chu mattuda gu Juan nat baꞌ moo miꞌ dhɨr dɨɨlh naiꞌp ji chu aꞌgaꞌ guiꞌ na joidham gɇꞌ tanoor, nam baꞌx chu maax kɨr ji biꞌyaꞌ gu jaꞌtkam.

JUAN 14:6

Baꞌ gu Jesuus jup tɨtda: ―Aañiꞌ dhor diꞌ gux kɨɨꞌ boi na bhaan jum bhɨbhɨɨ jix dhaam jaꞌk na paiꞌ cham ka tu muukiꞌ. Jum aaꞌ na aañ jiñ bui tɨ jɨɨꞌñdhaꞌ gu jaroiꞌ na baꞌ jimiaꞌ jix dhaam jaꞌk buiñor guñ Gɨꞌkoraꞌ.

JUAN 20:31

Daipuꞌ dhiꞌ na jɨꞌk pɨx yaꞌ tu daa na pim ba nɨiꞌñ, na pim baꞌ tu jiñkuidhai tɨ jɨɨꞌñdhaꞌ na gu Jesuus jir diꞌ guch Xoiꞌkam na maaxik yaꞌ xi oilhimɨk dhi oiꞌñgaꞌn bhaan, nar Maraaꞌn gu Dios nat bha joot. Na baꞌ gu jaroiꞌ na tɨ jɨɨꞌñdhaꞌ buiñor baidhikaꞌx dhaam jaꞌk na paiꞌ gammɨjɨ pu ba duakaꞌ.

JUAN 4:42

Baꞌp tɨtda am gu ubii: ―Xib jach dho gi ba tɨ jɨɨgiꞌñ ji nar dhiꞌ guch Xoiꞌkam na yaꞌ uañchudaꞌ guch uaꞌtulhdharaꞌ. Ku guꞌ cham tuꞌ ji na moo dai aap nap jup jich chɨtda na puiꞌx bhaiꞌx maat nap jax jum buadaꞌ, jaꞌpji na chich dɨɨlh ba kai na giilhim joidham xi bua na xi chu aꞌga.

JUAN 5:40

puiꞌ ku pim baꞌ cham aaꞌ na pim jɨɨꞌñdhaꞌ aañ jiñ bui. Guꞌ noꞌ pim tɨ jɨɨgiꞌñdhaꞌ gɨt, aañ dho jam aagiꞌñdhaꞌ gɨt na jax jaꞌk jix bhaaiꞌ na pim duñiaꞌ na baꞌ gammɨjɨ jam aꞌm ba tɨ nɨidhidhaꞌ guñ Gɨꞌkoraꞌ.

GU NOONBIꞌÑ GUCH XOIꞌKAM 13:23

Baꞌ maadɨt guiꞌ nam jir bopxiꞌñ kat gu Dabii jir diꞌ gu Jesuus, guiꞌ nat bha joot gu Dios yaꞌ dhi oiꞌñgaꞌn na baꞌ yaꞌ uañchudaꞌ gu ja uaꞌtulhdharaꞌ gu Israel kam jaꞌtkam nat jax pu ba tu dai bɨɨpɨꞌ dɨr.

GU NOONBIꞌÑ GUCH XOIꞌKAM 5:31

Miꞌ dhɨr baꞌ dai nat ba baidhak jix dhaam jaꞌk, sonpan kɨɨꞌn dɨr jaꞌk baꞌ chia na daakaꞌ. Gio baꞌ nat gɇꞌkam kɨꞌn dai na baꞌx bhaaiꞌn kaꞌ na tu uañchuꞌndaꞌ gu uaꞌtulhdharaꞌ, na baꞌ puꞌñi duuk ba ja uañchudaꞌ gu ja uaꞌtulhdharaꞌ gu Israel kam jaꞌtkam noꞌm miꞌ puiꞌ ba jiim na jax jix aaꞌ.

ROOMA KAM 16:26

Baꞌ nat jax jaꞌk jix aa gu Dios na ji chu buusniaꞌ gatuuk, tu dai mɨt uꞌuan taꞌm gu bɨjɨk dɨr kam nam bhaankam ya jaꞌp tu aꞌgimɨk. Miꞌ dhɨr jachich baꞌ maat ɨp aach, nat guꞌ dɨɨlh ja chia gu Dios nam puꞌñi tu uaꞌnaꞌ nam baꞌ miꞌ dhɨr puꞌñi machiaꞌ bɨɨx gu jaꞌtkam nam jɨꞌk jix jaiꞌch yaꞌ dhi oiꞌñgaꞌn nam baꞌ miꞌ puiꞌp tu dagiaꞌ.

ROOMA KAM 2:7

Guiꞌ nam jɨꞌk pu gaagaꞌ yaꞌ dhi oiꞌñgaꞌn nam jax dhui aayaꞌ buiñor gu Dios, gio na jax jaꞌk dui pɨx jix bhaiꞌ ja aaꞌndaꞌ, gio nam jax jaꞌk dui cham jimiaꞌ nam paiꞌ gammɨjɨ miꞌ pup jum tulhiiñdhaꞌ, nam miꞌ puiꞌ jimiaꞌ na jax jix kɨɨꞌ kaꞌm nɨiꞌñ gu Dios, dhiꞌ jɨꞌ am, gu Dios ja baidhaꞌ nam buiñor bap tuiꞌkaꞌ gammɨjɨ.

ROOMA KAM 3:31

¿Guꞌ baꞌ dhiꞌ jaꞌp jir jum duukam aa panaas na pu cham tuꞌ bhaaiꞌ puiꞌ na jɨꞌk jax tu aagix? Chaam tuꞌ ji nar puiꞌ. Jax dhui nach puiꞌ pɨx jup tu duiñchuꞌ na jɨꞌk jax tu aagix aach nach jɨꞌk buiñor ba tɨ jɨɨgiꞌñ guch Xoiꞌkam.

ROOMA KAM 6:6

Baꞌ bax maat ich nat guch uaꞌtulhdharaꞌ bɨɨx bhaiꞌ pup bii bɨɨmaꞌn guch Xoiꞌkam bhaan gu uꞌuux na gai bɨɨt na mɨt bhaan sissapa janoꞌ na mɨt mua, baꞌ xib cham tuꞌch dhaam kap tuꞌiiꞌ.

1 KORIINTO KAM 15:26

Jix ioꞌm gatuuk am jup xi chɨbaañdhaꞌ gu muukiꞌ na yaꞌ kar gɇꞌkam kaꞌ dhi oiꞌñgaꞌn bhaan, pu cham tuꞌ kɨꞌn ji biꞌyaꞌ ɨp, pu cham baꞌ paiꞌ ka jaiꞌch kaꞌ gu muukiꞌ.

1 KORIINTO KAM 4:5

Baꞌ cham jir am na pim puiꞌ tɨtdadaꞌ gu jaroiꞌ na miꞌ puiꞌ jim na jax jix aaꞌ gu Dios piam ku guꞌ cham, nat guꞌ chakui jaꞌk gɨi guch Xoiꞌkam na dɨɨlh ja aagiꞌñdhaꞌ gu jaꞌtkam na mɨt jax chu jii bɨɨx jɨꞌmaꞌn, na baꞌ miꞌ dhɨr gu Dios jup ba tu ja makiaꞌ na tuꞌr ja maiꞌchɨk kaꞌ.

2 KORIINTO KAM 5:4

Baꞌ ka xi tu nakooꞌ ich sia kux buam tu tatdaꞌ nach yaꞌ kap tuꞌiiꞌ bhaan dhich baꞌbhak na jax chuꞌm tanoolh kɨklhiꞌñchaꞌ, na guꞌ kam aajim nach paiꞌ dhuuk jaiꞌ xixiibkam baꞌbhak bhaan aayaꞌ. Gio cham aaꞌ ich nach puiꞌx dhaꞌnpak pup oipodaꞌ na paiꞌ dhuuk kɨklhiꞌñchai naiꞌ ji iiꞌñxiaꞌ dhich tɨiꞌdharaꞌ nach yaꞌ ka ja tɨꞌ xib, guꞌ jaꞌpji nach jix aaꞌ nach jaiꞌ tɨ tɨꞌyaꞌ na cham jɨꞌxkat ka kɨklhiꞌñchaꞌ, jumai iiꞌmdaꞌ bap jich dhuñiaꞌ ich guꞌ.

GALAASIA KAM 5:4

Aapiꞌm jañ jup jam tɨtdat jup kaiꞌch na pim jɨꞌk jix joojoiꞌñ na pim pui miꞌ puiꞌ jiim na jax tu aagix guiꞌ nat Moisees tu uaꞌnak, na pim guꞌ jaꞌp jum aaꞌ na pim puiꞌ jaꞌk cham ka uꞌuaꞌtulhdhix kaꞌ. Guꞌ ji na guꞌ cham tuꞌr puiꞌ, jaꞌp xi dhuuk japimɨt guꞌ guch Xoiꞌkam, pu cham jam aꞌm tɨ nɨidhim baꞌ gu Dios.

EEPESO KAM 1:18

Puiꞌ jaꞌk soiꞌp tɨtda iñ gu Dios na guiꞌ pɨx jam mattudaꞌ na pim baꞌ machiaꞌ nach tuꞌ nɨɨra na gatuuk jup tuch makiaꞌ dɨɨlh gu Dios, gio na pim baꞌ machiaꞌ na cham tuꞌ jaꞌp pɨx puiꞌm kaiꞌch na guch Xoiꞌkam miꞌ dhɨr baabuꞌ gu jaroiꞌ bhaan dɨr gu boi na mu jaꞌk bhɨix na paiꞌ gammɨjɨ miꞌ pup jum tulhiiñdhaꞌ, dhiꞌ miꞌ dhɨr ja boosgaim guꞌ gu Dios guiꞌ nam jɨꞌk jir jaꞌtkam tugiꞌñ kaꞌ.

EEPESO KAM 1:9

Jix maatɨt ba kai chich baꞌ xib nat jax jaꞌk jum aa bɨjɨk na tu duñiaꞌ puꞌñi gatuuk, bak na puꞌñi bha jimdaꞌ guch Xoiꞌkam na baꞌ dhiꞌ bhaankam yaꞌ pu tu duñiaꞌ na jax jix aaꞌ.

2 TESALOONIKA KAM 2:8

na baꞌ miꞌ dhɨr ba jaiꞌchdhɨlhiaꞌ gu maaꞌnkam na Dios jum ɨlhiiꞌñdhaꞌ. Baꞌ guch Xoiꞌkam na paiꞌ dhuuk gɇꞌ tonnichgɨt yaꞌ aayaꞌ, pu biimsaꞌ maaꞌn jimdam, bhaiꞌ pɨx xi buxchanaꞌ.

2 TIMOTEO 1:1

Aañ Paablo nañ jir nobiiꞌñ guch Xoiꞌkam nat Dios bhach joochxi yaꞌ dhi oiꞌñgaꞌn, nat guꞌ bɨjɨk dɨr puiꞌ jaꞌk pu tu dai na baꞌ miꞌ dhɨr puꞌñix bhaiꞌ ba tuch jimdaꞌ gammɨjɨ, na guꞌ guch Xoiꞌkam pɨx bhaan jup tu tuꞌiiꞌ nat jix bhaiꞌ dhuu.

2 TIMOTEO 1:8

Jum jur jap xi dhaasai naiꞌ xi ja mattudaꞌ gu jaꞌtkam nar tuꞌp tuꞌm daꞌ guch Xoiꞌkam, chaꞌp xiꞌɨrdat. Ni kup cham jiñ aꞌmkam xiꞌɨrdaꞌ nañ pu chuꞌm kɨꞌn yaꞌ kuup, guꞌ matgɨm jaꞌpji jɨꞌx nam guguuxiꞌñ gu Dios jap cham jax ji kaiꞌchɨt puiꞌp xim tulhiiñaꞌ kɨꞌn gux bhaiꞌm kaiꞌchdham ñioꞌkiꞌñ guch Xoiꞌkam.

2 TIMOTEO 4:1

Baꞌ gu Dios gio guch Xoiꞌkam na gio bhaiꞌp jim jix ioꞌm gɇꞌkam kɨꞌn, na baꞌ gu jaꞌtkam guiꞌ nam duduakaꞌ gio guiꞌ nam koꞌiix kaꞌ ja tutkuꞌ bhaan, yaꞌ ja aagiꞌñdhaꞌ noꞌ mɨt jix bhaiꞌm duukam jup tu duu piam ku guꞌ dai gu tuꞌ nar uaꞌtulhdharaꞌ, aañ dhiꞌ ja kaiꞌchdhat yaꞌ puiꞌm tɨɨdaꞌ

2 TIMOTEO 4:8

Xib baꞌ dai nañ biꞌchulhiꞌñ guch Xoiꞌkam maaꞌn gu kuruun jix abhaar nañ kɨɨxdhaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn. Na guꞌ guiꞌx uañ kat jir gɇꞌkam, cham jɨꞌxdhaꞌx buam jum duukam jup tu duñiaꞌ. Baꞌ cham tuꞌ dai aañ jiñ biꞌchulhiꞌñ gu kuruun, guꞌ jaꞌpji sia guiꞌ nam jɨꞌk soiꞌm ɨlhdhat nɨɨradaꞌ na gio bhaiꞌp jimdaꞌ.

TIITO 2:11

Nat guꞌ gu Dios maaxik xich joiꞌmdak jich chɨɨ, puiꞌ kuch baꞌ tɨ jɨɨgiꞌñ na gu Dios puiꞌx joiꞌmdaip tɨɨgɨi baabuꞌ gu jaroiꞌ bhaan dɨr gu boi na mu jaꞌk bhɨix na paiꞌ gammɨjɨ miꞌ pup jum tulhiiñdhaꞌ, dai pɨx noꞌt soiꞌ bam ɨlh buiñor.

TIITO 2:13

Puꞌñi jaꞌk jach tu duiñchugɨt jix bhaiꞌch chaatɨt nɨɨradaꞌ gu Dios jich Xoiꞌkam na gio bhaiꞌp jim jix ioꞌm gɇꞌkam kɨꞌn giox abhaar bhaan. Na guꞌ dhiꞌr diꞌ nat jich boosolh miꞌ dhɨr bhaan gu boi na mu jaꞌk bhɨix nach paiꞌ gammɨjɨ gɨt miꞌ pup jich chulhiiñdhaꞌ, na guꞌx ioꞌm jir gɇꞌkam.

TIITO 3:4

Baꞌ aach na chich jɨꞌk buiñor soiꞌch ɨlh, gu Dios xich joiꞌmdak jich chɨɨgɨk jich boosolh miꞌ dhɨr bhaan gu boi nach paiꞌ bhaan mu jaꞌk ka jiimɨt nach paiꞌ gammɨjɨ gɨt miꞌ pup jich chulhiiñdhaꞌ.

ISRAEL KAM 10:32

Baꞌ aapiꞌm jiñ jaaduñ, jam guguuxiꞌñ iñ na pim cham jax jum aaꞌndaꞌ noꞌt tuꞌ jax ba ji jam duu, jaꞌp na jax janoꞌ na pimɨt jax tɨ jɨɨꞌñ buiñor guch Xoiꞌkam, na pimɨt nakoo nat paiꞌ dhuuk bɨɨx aixim jix buam jum duukam bhaiꞌ jam daam ji jii, puiꞌ na pim jax bax biiñak buiñor.

2 PEEGRO 1:1

Aañ Simoon Peegro nañ jir tujuandam tugiꞌñ gu Jesuus jich Xoiꞌkam, mu jam ñioꞌkiꞌñ iñ jiñ jaaduñ bhaan dhiꞌñi uꞌuan noꞌ pim mɨjɨ jaꞌp paiꞌx bhaiꞌm ɨlhiiꞌñ, nañ guꞌx bhaiꞌñ chaat na pim aapiꞌm puiꞌp tɨ jɨɨꞌñdhat jix biiñak buiñor gu Dios jich Xoiꞌkam na jax aach, guiꞌ nat jaroiꞌ joidham xich joiꞌndak tuch uañ guch uaꞌtulhdharaꞌ nach baꞌ miꞌ dhɨr jaꞌp jaꞌk cham maiꞌ ka suulhgix kaꞌ.

2 PEEGRO 1:11

Puꞌñi jaꞌk noꞌ pimɨt duu nañ jax kaiꞌch, joidham cham tuꞌ bhaan jax ji chɨꞌji jam aichdhaꞌ gu Gɇꞌkam jich Xoiꞌkam bhammɨx dhaam na paiꞌ dhɨr naiꞌr gɇꞌkam, guiꞌ nat jaroiꞌ xich joiꞌndak tuch uañ guch uaꞌtulhdharaꞌ na baꞌ miꞌ dhɨr puꞌñi bax bhaaiꞌn kaꞌ nach baidhikaꞌ.

2 PEEGRO 1:3

Na guꞌ gu Dios nax ioꞌm jir gɇꞌkam xich joiꞌndak tuch uañ guch uaꞌtulhdharaꞌ nach baꞌ miꞌ dhɨr jix bhaiꞌch chaatɨt ba tu daandaꞌ buiñor cham tuꞌ bhaan jax jich aagɨt, gio baꞌ nach joidham jix bhaiꞌ ba tu jimdaꞌ na jax jix aaꞌ, nach guꞌ bax maat nat gɇꞌkam kɨꞌn jix bhaiꞌm duukam jup tu duu aach jich bui nach baꞌ cham maiꞌ ka suulhgiaꞌ.

2 PEEGRO 2:20

Baꞌ guiꞌ nam puꞌñi tɨi ba tɨ jɨɨgiꞌñdhaꞌ buiñor guch Xoiꞌkam, nam bax mat kaꞌ nat ja aꞌmkam muu kuruus taꞌm nam baꞌ cham kam tulhiiñaꞌ, guꞌ ji noꞌ mɨt guꞌ gio jaꞌk jup suulh mu jaꞌk na paiꞌr tu uaꞌtulhdharaꞌ nam giox buam jup ba tu buadaꞌ na jax cham kɨɨꞌ kaꞌm nɨiꞌñ gu Dios, jix ioꞌm jix buam tuꞌm pɨx ba biꞌyaꞌ am, cham tuꞌ puiꞌ kiaꞌ na jax bɨɨpɨꞌ dɨr nam chakui tɨ jɨɨꞌñdhat buiñor guch Xoiꞌkam. Jix ioꞌm jix buam pɨx ba tu buadaꞌ am na jax cham kɨɨꞌ kaꞌm nɨiꞌñ gu Dios.

2 PEEGRO 3:18

Aapiꞌm guꞌ dai ji na pim jix ioꞌm muiꞌ xi gaagidhaꞌ na pim jax jaꞌk jix bhaiꞌ machiaꞌ na jax jir tuꞌm kam gu Gɇꞌkam jich Xoiꞌkam guiꞌ nat jaroiꞌ xich joiꞌndak tuch ñamkix guch uaꞌtulhdharaꞌ bhammɨ kuruus taꞌm, gio baꞌ na pim jix bhaiꞌ machiaꞌ na pim jax jaꞌk joidham jix chu joiꞌgɨꞌndaꞌ. Gammɨjɨch baꞌ moo tu daandaꞌ buiñor sia nar paiꞌ dhuuk kaꞌ gɨt. Jaꞌpni pɨx tuiꞌkaꞌ.

2 PEEGRO 3:2

Tɨꞌñchokat japim miꞌ puiꞌ xi jiimdaꞌ na mɨt jax tu uaꞌnak guiꞌ nam bɨjɨk ya jaꞌp bhaankamuꞌn tu aꞌgimɨk gu Dios, gio nat jax jaꞌk jup xi chɨꞌɨɨk gu Gɇꞌkam jich Xoiꞌkam guiꞌ nat jaroiꞌch aꞌmkam muu na yaꞌ xi oilhimɨk, gam na mɨt jax tu jam aꞌgi gu noonbiꞌñ nam bɨɨmaꞌn oipimɨk.

1 JUAN 1:2

Baꞌ dhiꞌ jɨꞌ na jaroiꞌ tu maak gu iiꞌmdaꞌ, maaxik yaꞌ xi oilhimɨk maaꞌnkam jup jum duuk. Aach jix bhaiꞌ tɨɨgɨk jaiꞌ dhɨt, jix maatɨt jach baꞌ yaꞌ dɨr pu chuꞌm jup ba tu jam aꞌgiꞌñ jiñ jaaduñ na pim baꞌ moo muiꞌ xim guguuxdhaꞌ na pim jix ioꞌm muiꞌ xix biiñak kaꞌ buiñor na baꞌ jam makiaꞌ gu iiꞌmdaꞌ na pim kɨꞌn gammɨjɨ pu ba duduakaꞌ bhammɨ jaꞌk jix dhaam. Na guꞌ dhiꞌ nañ jaroiꞌ bhaan tu jam aꞌgiꞌñ jiñ jaaduñ, cham tuꞌr yaꞌ paiꞌ kam dhi oiꞌñgaꞌn, matgɨm guꞌ dhiꞌ bhammɨ dɨr ji nat bha jii jix dhaam na paiꞌp tuꞌiiꞌ gu Dios, nat paiꞌ jaꞌk giop bhɨi na jax yaꞌ xi oilhimɨk.

1 JUAN 4:14

Bax maat ich ɨp nat guch Gɨꞌkoraꞌ bha joot gu dai maaꞌn Maraaꞌn yaꞌ dhi oiꞌñgaꞌn na baꞌ yaꞌch palhbuidhaꞌ bɨɨx nach jɨꞌk jaꞌtkam nach baꞌ cham kach chulhiiñaꞌ gatuuk. Dhiꞌ bɨɨx puꞌñi jaꞌk jich mattuꞌn gux Dhuuduꞌ kam jix Uañ Iiꞌmdaꞌ.

NAT JAX TƗ TƗƗ GU JUAN 18:1

Baꞌ miꞌ dhɨr bɨɨx dhiꞌ puiꞌ, maaꞌn gu nobiiꞌñ gu Dios bhammɨ dɨr jix dhaam bhaiꞌ ba jurnim, na gɇꞌkam kɨꞌn daaxix, gɇꞌ tonnichuꞌ, bɨɨx kap tu maaxir na jɨꞌx oiꞌñgaꞌn,

NAT JAX TƗ TƗƗ GU JUAN 2:7

Baꞌ gu jɨꞌk nam kɇɇji miꞌ puiꞌ jimiaꞌ na jax tu aꞌgadaꞌ gux Dhuuduꞌ kam jix Uañ Iiꞌmdaꞌ mu jaꞌp chichiop nam paiꞌm jumpadat tu daan jiñ bui guiꞌ nam bañ kaichuꞌ, ja baidhikaꞌ iñ bhammɨ jaꞌk na paiꞌ joidham jix chu abhaar, na bɨxchuꞌ bha tɨ ɨꞌxchix. Ja chiñiaꞌ iñ baꞌ nam jugiaꞌ gu bhaidhaꞌ na bhaiꞌp kɨɨk nam kɨꞌn gammɨjɨ pu ba duduakaꞌx jɨjɨkgɨm, sia guiꞌ nam nakgair maaꞌn nam jax jix biiñak kaꞌ aañ jiñ bui sia kut jax bɨɨx aixim jix buam jum duukam bhaiꞌ jam daam ji chu jii, nam guꞌ bhammɨ jaꞌk gammɨjɨx jɨjɨkgɨm bap tuiꞌkaꞌ.”

NAT JAX TƗ TƗƗ GU JUAN 20:14

Baꞌ dhiꞌ jɨꞌ nam mu jaꞌk jup tuꞌt nam paiꞌ jaꞌk aajidhat guiꞌ nam koꞌiidhat cham ji chɨ jɨɨꞌñdhai buiñor guch Xoiꞌkam, mɨjɨmmɨ xi ja iabu mɨt na paiꞌ gɇꞌ mɨim gu tai nax ioꞌm jix choiñ, dai na mɨt xi ja aaꞌñdhak nam tuꞌ bhaan kuiñcha biaꞌ, miꞌ nam paiꞌ gammɨjɨ miꞌ pup jum tulhiiñdhaꞌ, jaꞌp ji buusniaꞌ nam giop ba koꞌyaꞌ.

NAT JAX TƗ TƗƗ GU JUAN 22:14

Baꞌ joidham jix bhaiꞌ tu jimiaꞌ gu jaroiꞌ noꞌ cham tuꞌ bɨɨx aixim ka tu bua na tuꞌr uaꞌtulhdharaꞌ, na jaꞌp ji buusandaꞌ nax kɨɨꞌ tɨm tɨꞌiiꞌñkaꞌ gu jajannulhiꞌñ, nam guꞌ dhiꞌ baꞌ pɨx jix bhaiꞌ tɨɨdai mu baasaꞌ bhaiꞌ dhɨr na paiꞌ mu tum bapkɨ mɨjɨ jaꞌk gɇꞌ kiicham, baꞌ dai nam ba chiñiaꞌ na tu jugiaꞌ gu bhaidhaꞌ na mu kɨɨk ɨrban gu gɇꞌ kiicham na kɨꞌn gammɨjɨx jɨkgɨm bap tuiꞌkaꞌ.

NAT JAX TƗ TƗƗ GU JUAN 22:17

Guꞌ baꞌ gux Dhuuduꞌ kam jix Uañ Iiꞌmdaꞌ gio guiꞌ na jaꞌp ji buusan nar bɨngaꞌn guch Xoiꞌkam, jup kaiꞌch am ɨp: ―Jum nɨɨra ich nap jootom bhaiꞌ xi jimdaꞌ Jesuus jich Xoiꞌkam. Puꞌñi ɨp baꞌ gu jaroiꞌ noꞌ ba tɨ jɨɨgiꞌñ buiñor guch Xoiꞌkam, noꞌx aaꞌ na jimiaꞌ bhammɨ jaꞌk buiñor, jum aaꞌ na tuꞌ kaꞌm nɨidhat nɨɨrkaꞌ, gio na xi baiꞌñdhaꞌ na jotmodaꞌ bha jimdaꞌ. Piam noꞌ jaroiꞌ maadɨt jix chanoom gu iiꞌmdagaram bhaan, guch Xoiꞌkam dho puiꞌ pɨx toiꞌdhaꞌ gux kɨɨꞌ suudaiꞌ na kɨꞌn cham paiꞌ dhuuk ka tanoom kaꞌ gio na kɨꞌn gammɨjɨx jɨkgɨm bap tuiꞌkaꞌ.