2 PEEGRO 2:14 - Tepehuano Tepehuán del Sureste (Durango)14 Nam guꞌ kaiꞌñkam gammɨjɨ pɨx jum uaꞌtulhiꞌñ jia. Sia tuꞌ ubii noꞌ mi jaꞌp paiꞌ oirɨ dho guꞌx joidhat nɨiꞌñdhaꞌ am ji, maakam jum aagɨt nɨiꞌñdhaꞌ am. Dhiꞌm baꞌ ji ja nɨidhat puiꞌ jaꞌk jup tɨ bhɨɨjidhaꞌ gu jaiꞌ nam cham jir pu chuꞌm, gio guꞌ bɨxchuꞌx aaꞌndaꞌ am nam tu biaꞌkaꞌ jix dhaꞌram namkɨm. Dhiꞌ baꞌ kɨꞌn puiꞌ bam kaiꞌch nam cham tuꞌr jix kɨkɨɨꞌ jaꞌtkam. အခန်းကိုကြည့်ပါ။ |
2 PEEGRO 2:14
28 ပူးပေါင်းရင်းမြစ်များ
’Jam aagiꞌñ iñ moo na cham bhaiꞌ tu jam jimiaꞌ aapiꞌm na pim sap pɨk baꞌ tɨi xix maat gu ñioꞌkiꞌñ gu Dios gio aapiꞌm na pim pariseos jum tɨɨtɨꞌ, na pim guꞌ ja ɨɨxiꞌñdhaꞌ gu ja baꞌbhak gu dɨꞌdɨlhdhɨm uꞌuub, baꞌ giilhim mɨk tu daandaꞌ pim puiꞌ xi chu buaꞌt na baꞌ jax dhui cham maatɨꞌ kaꞌ gɨt na pim tuꞌ jax buadaꞌ. Ku baꞌ guꞌ kam aayaꞌ ji na pim paiꞌ dhuuk giilhim jum tulhiiñaꞌ.
’Guꞌ baꞌ guiꞌ nam oꞌnsop dɨr jaꞌk jup guꞌkuyaꞌ jup ja tɨɨdaꞌ iñ ɨp: “Baꞌ aapiꞌm na pim cham tuꞌ kaꞌm tɨ nɨiꞌñ, na pim cham tu joiꞌgɨꞌn, mu pim jimiaꞌ mu na paiꞌ gammɨjɨ cham tutkɨ gu tai, miꞌ na mɨt paiꞌp duiñ gu jaꞌook na baꞌ miꞌm tulhiiñaꞌ ja bɨɨm gu noonbiꞌñ jix ioꞌm, ja bɨɨm baꞌ aapiꞌm na pim cham tuꞌ kaꞌm tɨ nɨiꞌñ.
Nam guꞌ muiꞌ jaiꞌchdhɨlhiaꞌ guiꞌ nam puiꞌ xi kaiꞌchidhaꞌ: “Aañ jir diꞌ guch Xoiꞌkam”, gio jaiꞌ nam puiꞌ xi kaiꞌchidhaꞌ na maadɨt jir diꞌ kaꞌ guiꞌ nam bɨjɨk ya jaꞌp bhaankam tu aꞌgimɨk guñ Gɨꞌkoraꞌ. Puiꞌx bhaiꞌp xi chu buidhaꞌ am guiꞌ nax bhaiꞌr jum duukam kaꞌ, nam jax dhui pɨx ja iatgidhaꞌ gu jaꞌtkam, sia guiꞌ nam jɨꞌk tɨ jɨɨgiꞌñdhaꞌ aañ jiñ bui. Noꞌm guꞌ cham pɨk bɨɨx ja jujur kɨꞌn jix biiñak, jix bhaiꞌ ja bhɨɨyaꞌ dho guꞌ.
Dhiꞌ pu chuꞌm gu jaꞌtkam, cham tuꞌ bhaankam tu aꞌga am guꞌ guch Xoiꞌkam, guꞌ jaꞌpji dɨɨlh pɨx nam jax ɨlhiiꞌñ nam jax dhui dhiꞌ bhaan ja maiꞌchiaꞌ ɨp sap pɨk baꞌ gu jaꞌtkam nam baꞌ puiꞌp xi ja kaichgɨdaꞌ. Joidham jix bhaiꞌ xi buidhaꞌ am nam jax jaꞌk ja iatgidhidhaꞌ guiꞌ nam cham mat kaꞌ na jax jaꞌk jir sɨlhkam.
Aach sia puiꞌ jaꞌk jup tu jimdat nach puiꞌ chakui buiñor jup tɨ jɨɨꞌñdhat guch Xoiꞌkam, miꞌ puiꞌ tu duñiidhaꞌ ich jax noꞌ tu tatdaꞌch chutkuꞌ bhaan, piam jax nach jich aaꞌndaꞌ, xich jɨjɨɨgiꞌñdhaꞌ ich panaas aach dɨɨlh nach jix buam jum duukam jup jix chu duñiik kaꞌ na tuꞌr uaꞌtulhdharaꞌ. Guꞌ baꞌ dhiꞌ nach tuꞌ bhaan jich uaꞌtulhiꞌñdhaꞌ, cham tuꞌch joiꞌmdaich chulhiiñchudaꞌ gɨt gu Dios noꞌch pui miꞌ puiꞌ tu daaꞌñchuꞌndaꞌ gɨt, jaꞌxbuiꞌ puiꞌp jich chulhiiñchudaꞌ gɨt na jax ja tulhiiñchudaꞌ guiꞌ nam cham miꞌ puiꞌ jimiaꞌ na jax jix aaꞌ.
Baꞌ chaꞌch puiꞌ jaꞌk ka tu jimdaꞌ na jax gu aꞌaalh. Na guꞌ gu alhii jax ñam aaꞌndaꞌ na tu duñiaꞌ, jaꞌxpɨx maakam jup bam aaꞌndaꞌ, cham tuꞌ puiꞌ ka tu duñiaꞌ na jax tɨi xim aagaꞌ bɨɨpɨꞌ dɨr. Gio baꞌ na cham tuꞌx bhaiꞌ xim gaꞌngadaꞌ gu jaroiꞌ noꞌ ba iatgiꞌñ, jaꞌp pɨx tɨ jɨɨꞌñdhai miꞌ puiꞌ ba duñiaꞌ jax ña iatgidhaꞌ. Jix jaiꞌch am guꞌ gu jaꞌtkam nam bɨɨx aixim tuꞌm kɨꞌn tu iatgiꞌñ, guꞌ jaꞌpji nach puiꞌ jaꞌk ba tu jimdaꞌ na jax noꞌch jir gɇꞌgɇr jaꞌtkam.
Baꞌ chaꞌpim jaroiꞌ jɨɨgiꞌñdhaꞌ sia ku jaroiꞌ jax kaiꞌch na pim jum uaꞌtulhiꞌñ, sia chi moo soiꞌm ɨlhdhat tɨi tu daan panaas ja bui gu noonbiꞌñ gu Dios. Puiꞌ xi kaiꞌchdhaꞌ am moo nam jix dhuduuꞌnkam ja nɨiꞌñ jix dhaam kam, guꞌ ji nam guꞌ iatdaꞌ nam jax dhui pɨx bhaan gɇꞌgɇrkam jum taat kaꞌ, dai gux buam jum duukam nam bhaan tɨtɨɨꞌñchokaꞌ guꞌ na tuꞌ cham jir kɨɨꞌ.
na guꞌx mat kaꞌ na cham tuꞌx biiñak kat jup tɨtdadaꞌ, pɨx bap na tɨi xi chaandaꞌ. Ni ku cham tuꞌ gammɨjɨ nabap tanoolh pu chuꞌm bhaan tɨtɨɨꞌñchokaꞌ, na guꞌ buimgidhak maakam tuꞌm bhaan jup ba tɨtɨɨꞌñchokaꞌ, gio buimgidhak maakam ɨp. Mɨkkat miꞌ pu cham ka tɨꞌñchokaꞌ na pɨn tuꞌ ka taanɨt gu Dios, pu cham tuꞌ kap jum buixdhaꞌ.
Ku guꞌ dhiꞌ nam bhaan pɨx xi jam boosgidhak kaꞌ ji gu jam tumñiꞌ nam baꞌ puꞌñi mu jaꞌp jiimɨt maakam jam iatgidhidhaꞌ, cham tuꞌ nam sɨlhkam ñioꞌkiꞌñ gu Dios tu aꞌgidhaꞌ joidham jix joojoidhat. Ku baꞌ guꞌ dhiꞌ kam aayaꞌ ji gu tanoolh nam paiꞌ dhuuk jum tulhiiñaꞌ jaꞌp ioꞌm paꞌ, nat guꞌ gu Dios pu bɨjɨk dɨr tu dai na puꞌñi ja tulhiiñchudaꞌ gu puꞌñi chuꞌm gu jaꞌtkam.
Bɨɨx moo nat jɨꞌkim ba tu jam uaꞌñxi, dhiꞌ pɨx pu chuꞌm bhaan tu aꞌga nañ jax chu jam aꞌgiꞌñ aañ, na puiꞌ bhaan jup jam guguuxiꞌñ na pim jax jaꞌk tuiꞌñgɨdaꞌ, sia ku jɨꞌmaꞌn kap jix ioꞌm jix xijaim tu aꞌga na cham pɨk moo jaroiꞌ maatɨt xi kaayaꞌ na jax jir jum duukam. Ku guꞌx maatɨt kaayaꞌ am ji guiꞌ nam bɨɨx ja jujur kɨꞌn jix biiñak buiñor gu Dios. Guꞌ baꞌ jaiꞌ dhɨt nam cham pɨk buiñor jix biiñak kat gu Dios tu jiñkuiꞌñdhaꞌ dhi uaꞌnaꞌn gu Paablo, maakam pɨx ɨlhdhat kɇɇkɇꞌ am, cham tuꞌ puiꞌ na jax kaiꞌñkam jup jum kaiꞌch. Baꞌ noꞌ mɨt guꞌ cham bɨɨx ja jujur kɨꞌn xim gaa na jax pɨk kaiꞌñkam jup jum kaiꞌch, pu cham jɨꞌxdhaꞌ maatɨt kaayaꞌ am, maakam pɨx ɨlhdhat kɇɇkɇꞌ am. Sia gu jaiꞌ ñioꞌkiꞌñ gu Dios na cham jir uaꞌnaꞌn gu Paablo bhaiꞌ maakam ji dhuñiaꞌ am nam jax pɨx jaꞌk ɨlhdhat kɇɇkɇꞌ dɨɨlh, cham tuꞌ na jax pɨk kaiꞌñkam jup jum kaiꞌch, nam guꞌ cham bɨɨx ja jujur kɨꞌn jix biiñak kat buiñor gu Dios tu jiñkuidhaꞌ. Ku baꞌ guꞌ dhiꞌx ioꞌm ja tulhiiñchudaꞌ ji gu Dios noꞌ mɨt jax dhuuk maakam duu.
Na guꞌ cham tuꞌ gu Dios na puiꞌ jaꞌk jurtuꞌnkaꞌ noꞌx buam bax chu duñiim na jax cham kɨɨꞌ kaꞌm nɨiꞌñ, yaꞌ dɨr pɨx ji bhaan dhi oiꞌñgaꞌn na pu chuꞌm busaak. Bɨɨx nam jɨꞌk tuꞌ jax bua gu jaꞌtkam nar jix buam jum duukam, jir yaꞌ kam pɨx dhi oiꞌñgaꞌn bhaan, puiꞌ na jax nam gɇꞌgɇrkam bam taat kaꞌ noꞌm bar jix chutumñigam, piam nam bɨxchuꞌ bhax chu joiꞌñdhaꞌ jix dhaꞌram namkɨm, gam nam jaiꞌ bhax ja joiꞌñdhaꞌ gu uꞌuub.
Tɨix buam jiñ aaꞌ iñ ja aꞌmkam, na guꞌ dhiꞌ cham bhaiꞌ tu ja jimiaꞌ, nam guꞌ buam pɨx tu bua na jax cham kɨɨꞌ kaꞌm nɨiꞌñ guch Gɨꞌkoraꞌ. Puiꞌ jaꞌk jup xi chu jim am guꞌ nat jax tu jii bɨjɨk gu Kayiin nat mua gu sɨpdhiꞌñ. Gam nam bɨɨx aixim jix buam jum duukam bhaan muiꞌx maiꞌchik gu tuumiñ, jaꞌp nat jax tu jii ɨp bɨjɨk guiꞌ na Balaam jup tɨɨgich, na puꞌñi dai tuumiñ muiꞌx maiꞌchim kat. Baꞌ dhiꞌ saalhiom dai na jaꞌpni pɨx ba tu ja doodaꞌ nat jax jum duu bɨjɨk guiꞌ na Koree tɨɨgich, nat bhaa gu dɨbɨɨr nat gɇꞌkam kɨꞌn bam uaꞌtulh buiñor gu Dios.
ကြော်ငြာတွေ