2 PEEGRO 2:12 - Tepehuano Tepehuán del Sureste (Durango)

¹² Guꞌ matgam dhiꞌ dhi jaꞌtkam ni jɨꞌx ji kum iam ja jur biaꞌ, ni jɨꞌx nam xim gaꞌnga na jax jaꞌk jix aaꞌ gu Dios nam tuiꞌñgɨdaꞌ. Jaꞌp pɨx nam dudua jaꞌp na jax gu sasoiꞌ nam pu cham ja jur biaꞌ, jaꞌp pɨx nam mɨkkat ja koodai ba ja biomaꞌ. Dhiꞌ puꞌñi jaꞌk pɨx ji buan am, gammɨjɨ pup kaiꞌchidhaꞌ am nam jax aajidhaꞌ nam sia dɨɨlh pu cham maatɨt kɇɇkɇꞌ. Ku baꞌ guꞌ dhiꞌ pu chuꞌm gu jaꞌtkam am tɨꞌñchokaꞌ am ji na jaꞌp tu ja jimiaꞌ na jax gu sasoiꞌ nam ja koodat ja kuaꞌdaꞌ gu jaꞌtkam.

2 PEEGRO 2:12 ပူးပေါင်းရင်းမြစ်များ

MAARKOS 7:22

Gio guiꞌ nam tɨ ɨɨxiꞌñdhaꞌ. Gio guiꞌ nam jix bhaamut nɨiꞌñdhaꞌ gu jaroiꞌ noꞌ tuꞌ biaꞌ, nam jaiꞌ puiꞌp jix aagɨt. Gio guiꞌ nam jax ñam pɨx tu buadaꞌ na jax cham jir am. Gio guiꞌ nam iatdaꞌ. Gio guiꞌ nam jotmodaꞌ pɨx jix bhaiꞌ tɨɨdaꞌ gu ubii, miꞌ dhɨr jumai ɨp. Gio guiꞌ nam jix chɨ jɨɨgak kaꞌ. Gio guiꞌ nam giilhim tu ñiok. Gio guiꞌ nam jix buam ja aꞌgadaꞌ gu jaꞌtkam. Gio guiꞌ nam gɇꞌgɇrkam jum taat kaꞌ. Gio guiꞌ nam bɨɨx aixim tu buadaꞌ, panaas kum cham ja jujur biaꞌkaꞌ.

JUAN 8:21

Baꞌp ja tɨtda ɨp gio gu Jesuus: ―Aañ matgam yaꞌ puiꞌ xi kaiꞌchimɨi ba jimiaꞌ ji. Sia ku pim aapiꞌm tɨi bañ gaꞌnga gatuuk, cham paiꞌ kañ chɨgiaꞌ pim. Yaꞌ pim pɨx pu koꞌyaꞌ jix uꞌuaꞌtulhdhix kam, na guꞌ giilhim jix xijai na pim jax dhui aayaꞌ bhammɨ nañ paiꞌ bap tuiꞌkaꞌ.

GALAASIA KAM 6:8

Na guꞌ gu jaroiꞌ nax joojoidhat daix buam jum duukam jup tu buadaꞌ, jaꞌp ji buusan na pu chuꞌm tɨ ɨsdaꞌ. Baꞌ na mu ba aayaꞌ na paiꞌ bam tulhiiñaꞌ, jaꞌp ji buusniaꞌ na pu chuꞌm ba tu oraaꞌ. Baꞌ gu jaroiꞌ nax joojoidhat miꞌ puiꞌp tu duñiidhaꞌ na jax pɨx jurtudidhaꞌ gux Dhuuduꞌ kam jix Uañ Iiꞌmdaꞌ, dhiꞌ puiꞌp ji buusan na pu chuꞌm jup tɨ ɨsdaꞌ. Baꞌ na paiꞌ dhuuk ba aayaꞌ buiñor gu Dios na gammɨjɨ buiñor bap tuiꞌkaꞌ, jaꞌp jup ji buusniaꞌ na pu chuꞌm jup tu oraaꞌ.

KOLOOSAS KAM 2:22

Dhiꞌ yaꞌ pɨx guꞌ nam dɨɨlh jax ɨlhiiꞌñdhaꞌ guiꞌ nam puiꞌ kaiꞌchdhaꞌ, na guꞌ dhiꞌ saalh puiꞌ jaꞌk tɨi pup xi chu jimdat am gu jaꞌtkam mɨkkat maakam jup ba tu duiñchuꞌndaꞌ, cham tuꞌ nam gammɨjɨ puiꞌ pu tu jimdaꞌ.

2 PEEGRO 1:4

Miꞌ dhɨr baꞌ xich aagiꞌñ ɨp na jax jaꞌk jich palhbuiꞌñchuꞌndaꞌ bɨɨx jɨꞌmaꞌn nach jɨꞌk tuꞌ kaꞌm ba nɨiꞌñ, nach baꞌ miꞌ dhɨr puꞌñi duuji puiꞌ jaꞌk jup xi chu jimdaꞌ na jax gu Dios, baꞌ cham tuꞌ bhaan kach chutkagiꞌñkaꞌ ich gu tuꞌ nar yaꞌ kam dhi oiꞌñgaꞌn, ni nach jix buam kax chu duñiik kaꞌ na jax cham kɨɨꞌ kaꞌm nɨiꞌñ.

2 PEEGRO 2:19

Puiꞌ xi ja tɨtdat am nam dai puꞌñi jaꞌk jix jɨjɨkgɨm jup tuiꞌkaꞌ noꞌm puiꞌ xi chu bua nam jax jaꞌk tu jimdaꞌ dɨɨlh, gio sap nam cham tuꞌm tulhiiñaꞌ sia kum puꞌñi jaꞌk tu jim. Guꞌ ji nam guꞌ pu dɨɨlh maiꞌ suulhgix kat jup tuiꞌkaꞌ nam giilhim bɨɨx aixim tu buadaꞌ na jax cham kɨɨꞌ kaꞌm nɨiꞌñ gu Dios. Bax bhaiꞌ ba ja dagiaꞌ gux buam jum duukam, nam guꞌ miꞌ puiꞌ xi chu buidhaꞌ na jax ja chiandaꞌ. Iam guꞌ nam tuꞌ kaꞌm nɨiꞌñdhaꞌ gɨt gu Dios.

JUUDAS 1:10

Guꞌ dhiꞌ dhi jaꞌtkam jaꞌpji nam moo pu cham ja jur biaꞌ, jaꞌp pɨx ji nam moo gɇꞌgɇrkam jim taatɨt bɨɨx aixim kaiꞌchdhaꞌ nam sia dɨɨlh pu cham maatɨt kɇɇ nam jax kaiꞌñkam jup kaiꞌchdhaꞌ. Sɨlh pɨx nam gammɨjɨ pup kaiꞌchidhaꞌ nam jax ɨlhiiꞌñdhaꞌ, jaꞌp pɨx ji buan am na jax gu sasoiꞌ na ni jɨꞌx kum ja jur biaꞌ. Dhiꞌ baꞌ puiꞌ pɨx ba ji buusan nam dɨɨlh gaaꞌñchuꞌ nam jax dhui mu jaꞌk suulhgiaꞌ nam paiꞌ gammɨjɨ miꞌ pup jum tulhiiñdhaꞌ.