Gio guiꞌ nam tɨ ɨɨxiꞌñdhaꞌ. Gio guiꞌ nam jix bhaamut nɨiꞌñdhaꞌ gu jaroiꞌ noꞌ tuꞌ biaꞌ, nam jaiꞌ puiꞌp jix aagɨt. Gio guiꞌ nam jax ñam pɨx tu buadaꞌ na jax cham jir am. Gio guiꞌ nam iatdaꞌ. Gio guiꞌ nam jotmodaꞌ pɨx jix bhaiꞌ tɨɨdaꞌ gu ubii, miꞌ dhɨr jumai ɨp. Gio guiꞌ nam jix chɨ jɨɨgak kaꞌ. Gio guiꞌ nam giilhim tu ñiok. Gio guiꞌ nam jix buam ja aꞌgadaꞌ gu jaꞌtkam. Gio guiꞌ nam gɇꞌgɇrkam jum taat kaꞌ. Gio guiꞌ nam bɨɨx aixim tu buadaꞌ, panaas kum cham ja jujur biaꞌkaꞌ.
2 PEEGRO 2:11 - Tepehuano Tepehuán del Sureste (Durango)11 Gu noonbiꞌñ gu Dios cham tuꞌ moo puiꞌ pɨk gɇꞌgɇrkam jup jum taat am, sia kum guꞌr gɇꞌgɇrkam paꞌ, cham paiꞌ dhuuk tuꞌ pɨx ja ɨlhdhat bɨɨx aixim ja aiꞌchuxiꞌñ am gu noonbiꞌñ gu jaꞌook, ni nam paiꞌ xi ja iattulhiꞌñ buiñor guch Gɨꞌkoraꞌ. အခန်းကိုကြည့်ပါ။ |
2 PEEGRO 2:11
6 ပူးပေါင်းရင်းမြစ်များ
Aapiꞌm baꞌ dai na jam jɨjɨkgɨtdai ba jam jɨɨpdhatdaꞌ na pim jum tulhiiñ, sia puiꞌ na jax aach. Dhiꞌ janoꞌ puiꞌ jaꞌk tum duñiaꞌ na gu Gɇꞌkam jich Xoiꞌkam gio bhaiꞌp jimdaꞌ ja bɨɨm gu noonbiꞌñ gu Dios nam bɨxchuꞌx bhaaiꞌ nam pu tu duñiaꞌ, gɇꞌ tonnichgɨdaꞌ jaꞌp na gu tai noꞌ paiꞌ gɇꞌ mɨim na bhaiꞌ ba jimdaꞌ jix dhaam dɨr.
Cham puiꞌ na gu Migial guiꞌ nar nobiiꞌñ gu Dios, na cham paiꞌ moo jaꞌp puꞌñi pɨk gɇꞌkam jum taat sia kur ja gɇꞌkam tuk bɨɨx na jɨꞌk noonbiꞌñ gu Dios. Jaiñ na cham paiꞌ jax xi chɨtda gu jaꞌook dɨɨlh gɇꞌkam jum taatɨt na jax ɨlhiiꞌñ janoꞌ nat joot gu Dios na baabuidhai yaaspaꞌ gu tukgaꞌn gu Moisees nat ba muu. Jup tɨtda pɨx soiꞌm ɨlhdhat: “Dho guꞌ gu Dios jich Gɨꞌkoraꞌ ji nam aagiꞌñdhaꞌ na jax jup ɨlhiiꞌñ. Aañ nañ guꞌr tujuandam tugiꞌñ pɨx, cham biaꞌ iñ nañ jax jum tɨɨdaꞌ.”
ကြော်ငြာတွေ