2 JUAN 1:5 - Tepehuano Tepehuán del Sureste (Durango)

⁵ Baꞌ aañ puiꞌ tɨi jam guguuxiꞌñ jiñ jaaduñ na pim siamri cham jum kokdat, joidham japim xim jajoiꞌgɨꞌndaꞌ pɨx bɨɨx jɨꞌmaꞌn, na guꞌ puiꞌ jaꞌk aagix jia gu ñioꞌkiꞌñ gu Dios na pim jax ba tɇ kɇɇ janoꞌ dɨr na pimɨt paiꞌ dhuuk tɨ jɨɨꞌñ buiñor guch Xoiꞌkam. Cham tuꞌ na dhiꞌr xibkam nañ aañ muiꞌ ba tu jam uaꞌñxiꞌñ, pu dhiꞌ pɨx ji na jax bhaan ba tum aꞌga bɨjɨk dɨr.

2 JUAN 1:5 ပူးပေါင်းရင်းမြစ်များ

JUAN 15:12

Gio jaꞌpniñ baꞌ moo tɨip kaiꞌchɨt jiñ jaaduñ na pim siamrix bhaiꞌ kaiꞌchɨt tu oiꞌñkaꞌ, gam na pim xim jajoiꞌgɨꞌndaꞌ bɨɨx jɨꞌmaꞌn, cham tuꞌ na pim tuꞌ bhaan xim bhabhaakuiꞌñdhaꞌ. Puiꞌ jaꞌk japim jup xi chu jimdaꞌ na jax aañ nañ xi jam joiꞌndat xi jam daꞌ bɨɨx jɨꞌmaꞌn.

JUAN 15:17

Tɨꞌñchokat japim na pim joidham jix bhaiꞌ kaiꞌchɨt tu oiꞌñkaꞌ, chaꞌpim tuꞌ bhaan jum kokdat, guꞌ jaꞌpji na pim joidham xim jajoiꞌgɨꞌndaꞌ ji bɨɨx jɨꞌmaꞌn.

GALAASIA KAM 5:22

Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.

EEPESO KAM 5:2

Jix ja joiꞌgɨꞌndaꞌ pim gu jaiꞌ sia tuꞌ na pɨx kɨꞌn, jaꞌp na jax guch Xoiꞌkam nat xich joiꞌmdak jich aꞌmkam muu. Na guꞌ guch Xoiꞌkam nat muu, jaꞌp ji buus buiñor gu Dios nat jaroiꞌ kubhioñxi guiꞌ na kɨꞌn joidham uub. Dhiꞌ bhaan baꞌ xich joiꞌmdak jich chɨɨ.

1 TESALOONIKA KAM 4:9

Baꞌ na pim jax jaꞌk xim jajoiꞌmdat jix bhaiꞌm buadaꞌ dɨɨlh daich Xoiꞌkam jɨɨgiꞌñdham, cham jum aaꞌ nañ puiꞌ jaꞌk tu jam uaꞌñiꞌñdhaꞌ bhaan dhi uꞌuan, nat guꞌ dɨɨlh gu Dios ba jam aaꞌñ na pim jax jaꞌk xim jajoiꞌgɨꞌndaꞌ bɨɨx jɨꞌmaꞌn.

ISRAEL KAM 13:1

Jam guguuxiꞌñ iñ ɨp jiñ jaaduñ na pim joidham jix bhaiꞌ kaiꞌchɨt xim jajoiꞌgɨꞌndaꞌ na jax jaꞌk jum aaꞌ noꞌch tɨ jɨɨgiꞌñ buiñor guch Xoiꞌkam. Chaꞌpim tuꞌ bhaan jum bhabhaakuidhaꞌ ni na pim jum kokdadaꞌ, guꞌ jaꞌpji na pim joidham jir jix bhabhaiꞌkam kaꞌ ji pɨx.

1 PEEGRO 4:8

Gampaiꞌ pim pɨx jum ɨlhiiꞌñdhaꞌ bɨɨx jɨꞌmaꞌn, joidham japim xim jajoiꞌgɨꞌndat bɨɨx jɨꞌmaꞌn jix bhaiꞌ kaiꞌchɨt. Xi chum uañdhat japim noꞌ pimɨt tuꞌ bhaan mam uaꞌtulh dai aapiꞌm jam bui, na guꞌ puꞌñi jaꞌk jum bua noꞌñ tuꞌ sɨlhkam jix chu joiꞌgɨꞌn, nañ tu uañiꞌñkaꞌ gu jaroiꞌ siat jax jiñ dhooda.

2 PEEGRO 1:7

Miꞌ dhɨr baꞌ bhaiꞌ ji machiaꞌ pim ɨp na pim jax jaꞌk tuꞌ kaꞌm ja nɨidhat jix ja joiꞌgɨꞌndaꞌ gu jaiꞌch Xoiꞌkam jɨɨgiꞌñdham, nat guꞌ jam aꞌm bam tajaa gux chu joiꞌgɨꞌn na pim baꞌ kɨꞌn gammɨjɨ bax chu joiꞌgɨꞌndaꞌ.

1 JUAN 3:11

Jaꞌpni jaꞌk jup xi chɨꞌɨɨk guch Xoiꞌkam janoꞌ na yaꞌ xi oilhimɨk, sap nach xich jajoiꞌgɨꞌndaꞌ bɨɨx jɨꞌmaꞌn na pim jax ba tɇ kɇɇñ jaaduñ janoꞌ dɨr na pimɨt jax tɨ jɨɨꞌñ buiñor.

1 JUAN 3:23

Gux bhaiꞌm kaiꞌchdham ñioꞌkiꞌñ na tu daaxix, jir diꞌ pɨx guiꞌ na bhaan tu aꞌga gu Maraaꞌn jich Xoiꞌkam na puiꞌm kaiꞌch nach sap tɨ jɨɨꞌñdhaꞌ buiñor na baꞌ puꞌñi duuji uañchudhix kaꞌ guch uaꞌtulhdharaꞌ. Miꞌ dhɨr sap baꞌ dai nach ba xich jajoiꞌgɨꞌndaꞌ bɨɨx jɨꞌmaꞌn jaꞌp na jax guch Xoiꞌkam nat xich joiꞌgɨlh, dɨɨlh sia puiꞌp xich chɨɨdak na yaꞌ xi oilhimɨk.

1 JUAN 4:20

Baꞌ noꞌ guꞌ jaroiꞌ maadɨt jax kaiꞌch: “Aañ dho gi tuꞌ kaꞌm nɨidhat miꞌ puiꞌ jim ji na jax jix aaꞌ gu Dios”, guꞌ ji noꞌ guꞌx bhaamkiꞌñ gu jumai na puiꞌp tɨ jɨɨgiꞌñ buiñor guch Xoiꞌkam, pɨx jap kaiꞌchdhaꞌ, cham tuꞌ sɨlhkam tuꞌ kaꞌm nɨiꞌñdhaꞌ gu Dios. Na guꞌ noꞌ puꞌñi cham tuꞌ kaꞌm nɨidhat jix joiꞌgɨꞌn gu jumaich Xoiꞌkam jɨɨgiꞌñdham na yaꞌ nɨiꞌñ maaxik, ¿jax dhui tuꞌ kaꞌm jup tɨgiaꞌ gu Dios na cham maax?

2 JUAN 1:1

Mɨjɨ jaꞌp tu jam uaꞌñxiꞌñ iñ jiñ jaaduñ na pim jɨꞌk joidham maap jum jumpadat tu daan buiñor gu Dios jich Gɨꞌkoraꞌ miꞌ puiꞌ jiimɨt na jax jix aaꞌ tuꞌ kaꞌm nɨidhat, nañ guꞌ aañ joidham jix bhaiꞌñ chaatɨt aapiꞌm jam bui xi jam joiꞌgɨꞌn bɨɨx jɨꞌmaꞌn. Bɨɨx siañ bɨɨm jix bhaiꞌm taatɨt xi jam joiꞌgɨꞌn am gu yaꞌ kam jiñ jaaduñ nam puiꞌp kaichgɨt guch Xoiꞌkam miꞌ puiꞌ ba jiim na jax jix aaꞌ guch Gɨꞌkoraꞌ.