1 TIMOTEO 6:9 - Tepehuano Tepehuán del Sureste (Durango)

⁹ Na guꞌ guiꞌ nam jix aaꞌndaꞌ nam jir jix chutumñigam kaꞌ, dhiꞌ bhaan bɨɨx aixim tuꞌm kɨꞌn bhaiꞌ ji chu ja maiꞌchɨi mu jaꞌk bhaan pɨx bax chutkagix kaꞌ am, bɨɨx aixim pɨx bam aaꞌndaꞌm baꞌ. Dhiꞌ puiꞌ jaꞌk tu bua nam baꞌ cham jɨꞌxkat miꞌ puiꞌ jimiaꞌ gu jaꞌtkam na jax jix aaꞌ gu Dios, dhiꞌ baꞌ kɨꞌn jup ba ja tulhiiñchudaꞌ gatuuk.

1 TIMOTEO 6:9 ပူးပေါင်းရင်းမြစ်များ

MATEO 13:22

Baꞌ guiꞌ nat miꞌ jaꞌk jup suulh na paiꞌ tuutkaꞌ gu tuꞌx bii uꞌuux jix joꞌiiꞌ, dhiꞌ guiꞌ nam puiꞌ tɨi joidham jup kaayaꞌ, guꞌ ji na guꞌ bhaiꞌ ji ja tukgidhaꞌ gu tuꞌ na yaꞌx chu jaiꞌch dhi oiꞌñgaꞌn bhaan. Tuꞌ nam pɨx bax joiꞌñdhaꞌ nam biaꞌkaꞌ jix dhaꞌram namkɨm, piam ku tuꞌ nam pɨx jax bax dhuñiim kaꞌ na tuꞌ cham jum aagidhaꞌ.

MATEO 19:22

Baꞌ giilhim bhaiꞌx buam jim ɨlh gu biapmaꞌ nat puiꞌ jɨꞌ kai gu Jesuus, jix buam jum aagɨt pɨx ba jii, na guꞌ tɨi cham aaꞌ na tu gaꞌraꞌ gu bɨxchuꞌ na tu biaꞌ, na guꞌ giilhim jir jix chumñigam kaꞌ.

MATEO 26:15

jup ja tɨtda mu ji ɇɇk: ―¿Jɨꞌk japim jiñ ñamkidhaꞌ noꞌ ñich jam aaꞌñ na paiꞌr am kaꞌ na pim dagiaꞌ gu Jesuus? Baꞌ guiꞌ miꞌ xi aagiꞌñ am nam makiaꞌ maaꞌn ooꞌm daman mambhɨɨx gu bapaiñum tuumiñ jix chooto totbikdam.

MATEO 6:19

’Gio baꞌ moo jaꞌpni jaꞌk jañ jup xi chu jam aꞌgidham jiñ jaaduñ, na pim cham tu jumpadidhaꞌ gu tuꞌx dhaꞌram namkɨm yaꞌ dhi oiꞌñgaꞌn bhaan, nam guꞌ ya jaꞌp jix jaiꞌch guiꞌ nam xi chu xibua na baꞌ miꞌ dhɨr cham tuꞌ ka bhaaiꞌñ kaꞌ, gio nam jix jaiꞌch gu ɨꞌxkum.

MAARKOS 4:19

Na guꞌ noꞌ mɨt tɨi ba tɨ jɨɨꞌñ, bhaiꞌ ji ja tukgidhaꞌ gu tuꞌ na yaꞌ dhi oiꞌñgaꞌn jix chu jaiꞌch. Tuꞌ nam pɨx bax joiꞌñdhaꞌ nam biaꞌkaꞌ jix dhaꞌram namkɨm, piam ku tuꞌ nam pɨx jax bax dhuñiik kaꞌ na tuꞌ cham jum aagidhaꞌ, nam jax dhui pɨx miꞌ bhaan jim iatat cham miꞌ puiꞌ ka tuiꞌñgɨdaꞌ na jax jix aaꞌ guñ Gɨꞌkoraꞌ. Baꞌ cham tuꞌ puiꞌ kaꞌ kiaꞌ, na guꞌ naiꞌ pɨx ji jugiidhaꞌ gux Uañ Iiꞌmdaꞌ.

LUUKAS 12:21

Puꞌñi pɨx jaꞌk baꞌ tu jimiaꞌ gu jaroiꞌ sia kut tɨi joidham tɨ ɨlhdhak nammɨ ji chɨ kɨi gux dhaꞌram tu namkɨm yaꞌ kam dhi oiꞌñgaꞌn, pɨx ji noꞌ cham jir jix chumñigam ɨp buiñor gu Dios.

LUUKAS 21:35

pu ba jam tulhiiñchudaꞌ na pim jum jur bhɨɨyaꞌ, jaꞌp na jax gu tuꞌ na jotmodaꞌ pɨx tɨɨgiꞌñ chɨr ba gɨxiaꞌ na cham pum aaꞌndaꞌ. Na guꞌ puꞌñi jaꞌk jum duñiaꞌ am guiꞌ nam cham tuꞌ kaꞌm tɨgiaꞌ gu Dios, nam guꞌ dai gam ɨrdaꞌ kiaꞌ.

GU NOONBIꞌÑ GUCH XOIꞌKAM 8:20

Guꞌ ji na guꞌ gu Peegro jup tɨtda pɨx: ―Jum tulhiiñchudaꞌ dho gu Dios kɨꞌn gum tumñiꞌ nap puiꞌ kaiꞌch. Na guꞌ cham bhaaiꞌ nap sabaꞌndaꞌ guiꞌ na tuꞌ Dios puiꞌ pɨx tu maak noꞌx maakim gu jaroiꞌ.

EEPESO KAM 4:22

Baꞌ chaꞌpim gio jaꞌk jup ka sulhiiꞌndaꞌ mu jaꞌk na pim paiꞌx buam tu jimdat bɨɨpɨꞌ dɨr, na paiꞌ gux buam jum duukam puiꞌ jam duiñchuꞌndaꞌ na pim jix buam tu buadaꞌ na tuꞌ cham jir kɨɨꞌ.

1 TIMOTEO 1:9

Kani nach jix bhaiꞌ xich gaꞌngadaꞌ na cham tuꞌm aaꞌ na jaroiꞌ ja aagiꞌñdhaꞌ na jax jaꞌk tu aagix guiꞌ nam cham tuꞌx buam tu bua, guꞌ guiꞌ ji nam aaꞌ nam ja aagiꞌñdhaꞌ nam jix buam tu bua, guiꞌ nam cham miꞌ puiꞌ jimiik kaꞌ, nam cham tɨ jɨɨgiꞌñdhaꞌ, nam gammɨjɨ pɨx jum uaꞌtulhiꞌñ, gio nam pu cham tuꞌ kaꞌm nɨiꞌñ gu Dios, gio na ni jax chuꞌm jaiꞌx xidhuuꞌn kam na naiꞌx chu jaiꞌch kum cham tuꞌ kaꞌm tɨ nɨiꞌñ. Gio guiꞌ nam ja tataat ja kooꞌn piam gu ja nanaan, bɨɨx guiꞌ nam jɨꞌk jir tu kooꞌn kam.

1 TIMOTEO 3:7

Gam nam aaꞌ ɨp na tuꞌ kaꞌm ja nɨiꞌñdhaꞌ gu jaꞌppɨx jaꞌtkam nam cham tɨ jɨɨgiꞌñdhaꞌ buiñor guch Xoiꞌkam nam baꞌ mu dɨr bha jaꞌk jix kɨɨꞌ kaꞌm jup nɨiꞌñdhaꞌ, puꞌñi jaꞌk baꞌ cham tuꞌ bhaan maiꞌchiaꞌ gu jaꞌook.

1 TIMOTEO 6:10

Na guꞌ gu jaroiꞌ noꞌt bhaan ba ji jurtɨ gu tuumiñ, dhiꞌ miꞌ dhɨr bhaiꞌ jim gɨꞌlhdhaꞌ bɨɨx aixim gu tuꞌx buam jum duukam. Jaiꞌ dhɨt nam tɨi miꞌ puiꞌ ka tu daaꞌñchugɨt na jax jix aaꞌ gu Dios, cham tuꞌ miꞌ puiꞌ ka jiim am, nam guꞌ dai bhaan pɨx bax chutkagix nam jum gaꞌnga nam jax dhui bɨɨx aixim tuꞌm xi chu biaꞌkaꞌ gɨt, dai nam bam tulhiiñ pɨx baꞌ ja iꞌiiꞌmdaꞌ bhaan.

1 TIMOTEO 6:17

Guiꞌ nam jir jix chutumñigam yaꞌ dhi oiꞌñgaꞌn bhaan, jaꞌp jap ja tɨɨdaꞌ nam cham tuꞌ ja tumñiꞌ bhaan jujurtɨkaꞌ, ni kum cham dhiꞌ bhaan gɇꞌgɇrkam jum taat kaꞌ, na guꞌ pu cham tuꞌ bhaaiꞌ sia ku jaroiꞌ tɨi giilhim jir jix chumñigam yaꞌ dhi oiꞌñgaꞌn bhaan. Jaꞌp jap ja tɨɨdaꞌ na dai gu Dios jix bhaaiꞌ nam buiñor jix biiñak kat jix bhaiꞌm taat kaꞌ, na guꞌ guiꞌ pɨx na tuch maak bɨɨx aixim tuꞌ nach aꞌm jum aaꞌndaꞌ nach baꞌ aach yaꞌ dɨr kɨꞌn jup jich guguuxiꞌñdhaꞌ dhich chutkuꞌ bhaan.

2 TIMOTEO 2:26

Na guꞌ jaꞌp ji buusniaꞌ nam bhaiꞌ ji ñiññiaꞌ noꞌ mɨt jix bhaiꞌ ba maat na jax jir sɨlhkam, ba machiaꞌ am guꞌ na tɨɨꞌngikar tɨr ja biaꞌkaꞌ gu jaꞌook. Miꞌ dhɨr ji boopoyaꞌ am baꞌ, na guꞌ miꞌ baꞌ ja biaꞌkat ja iatgiꞌñdhaꞌ na baꞌ puiꞌ ja duiñchuꞌndaꞌ na dɨɨlh jax ɨlhiiꞌñdhaꞌ.

TIITO 2:12

Baꞌ puiꞌ nat jax xich joiꞌmdak jich chɨɨ, puꞌñip jum aaꞌ nach miꞌ puiꞌ jimiaꞌ na jax jix aaꞌ, nach cham tuꞌ kap tu buadaꞌ gux buam jum duukam na tuꞌ dhi oiꞌñgaꞌn jich aagiꞌñ, dai gux kɨɨꞌp jum duukam pɨx nach bhaan bach chukgiꞌñkaꞌ. Dɨɨlh jach xich gaꞌngidhat na jax jir joidham, gio baꞌ nach soiꞌch ɨlhdhat dai guiꞌ tɨꞌñchokaꞌ.

2 PEEGRO 2:3

Ku guꞌ dhiꞌ nam bhaan pɨx xi jam boosgidhak kaꞌ ji gu jam tumñiꞌ nam baꞌ puꞌñi mu jaꞌp jiimɨt maakam jam iatgidhidhaꞌ, cham tuꞌ nam sɨlhkam ñioꞌkiꞌñ gu Dios tu aꞌgidhaꞌ joidham jix joojoidhat. Ku baꞌ guꞌ dhiꞌ kam aayaꞌ ji gu tanoolh nam paiꞌ dhuuk jum tulhiiñaꞌ jaꞌp ioꞌm paꞌ, nat guꞌ gu Dios pu bɨjɨk dɨr tu dai na puꞌñi ja tulhiiñchudaꞌ gu puꞌñi chuꞌm gu jaꞌtkam.

JUUDAS 1:11

Tɨix buam jiñ aaꞌ iñ ja aꞌmkam, na guꞌ dhiꞌ cham bhaiꞌ tu ja jimiaꞌ, nam guꞌ buam pɨx tu bua na jax cham kɨɨꞌ kaꞌm nɨiꞌñ guch Gɨꞌkoraꞌ. Puiꞌ jaꞌk jup xi chu jim am guꞌ nat jax tu jii bɨjɨk gu Kayiin nat mua gu sɨpdhiꞌñ. Gam nam bɨɨx aixim jix buam jum duukam bhaan muiꞌx maiꞌchik gu tuumiñ, jaꞌp nat jax tu jii ɨp bɨjɨk guiꞌ na Balaam jup tɨɨgich, na puꞌñi dai tuumiñ muiꞌx maiꞌchim kat. Baꞌ dhiꞌ saalhiom dai na jaꞌpni pɨx ba tu ja doodaꞌ nat jax jum duu bɨjɨk guiꞌ na Koree tɨɨgich, nat bhaa gu dɨbɨɨr nat gɇꞌkam kɨꞌn bam uaꞌtulh buiñor gu Dios.