1 TIMOTEO 5:10 - Tepehuano Tepehuán del Sureste (Durango)

¹⁰ Gio baꞌ nam bɨɨx pɨx jix mat kaꞌ noꞌt jix bhaiꞌ ja mamtuxdhimɨk ja gɨꞌgɨlh gu maamraꞌn. Gam noꞌr jix bhaiꞌkam kat ja tɨbiapputuꞌn kiaꞌmiꞌñ guiꞌ nam paxiaraidhaꞌ. Gio noꞌ soiꞌm duukat ja palhbuiꞌñ guch Xoiꞌkam jɨɨgiꞌñdham bɨɨx aixim tuꞌ na ja aꞌm jum aaꞌndaꞌ. Gio guiꞌ nam bɨɨx aixim tuꞌm bhaan jum tulhiiñ noꞌx bhaiꞌ ja bua, noꞌ dai gux kɨɨꞌp jum duukam bhaan ji bamgim nap tu bua.

1 TIMOTEO 5:10 ပူးပေါင်းရင်းမြစ်များ

MATEO 25:17

Gio baꞌ guiꞌ na mɨt gook jix chamaam mambhɨɨx jix chaꞌtmam ooꞌm jup maa, puiꞌ kɨꞌn bhaiꞌp ji chu jua ɨp, baꞌ jaꞌkbuiꞌ aixkam miꞌp buusaiꞌ na mɨt jɨꞌk miꞌ xi dhoꞌñchidhak.

MATEO 5:16

Baꞌ aapiꞌm puꞌñi jaꞌk jup ji buan, jam aꞌm jum aaꞌ na pim jir jix bhabhaiꞌkam kaꞌ ja bui gu jaꞌtkam nam baꞌ ji jam tɨɨgɨi jaiꞌ bhaiꞌp ji chu dañiaꞌ buiñor guñ Gɨꞌkoraꞌ guiꞌ nax dhaam jup tuꞌiiꞌ.

LUUKAS 7:38

Baꞌ suakidhat miꞌ ji tobiiꞌñchɨ na paiꞌ tootnatɨk gu Jesuus, xi bopkoñdhak buupui bargaꞌn kɨꞌn giop xi uañdhak kuupaꞌn kɨꞌn nat baꞌ miꞌ dhɨr miꞌ xi chiñxidhak miꞌ xi choiꞌ guiꞌ na joidham uub.

LUUKAS 7:44

Baꞌ miꞌ xi chɨɨgɨk gu Jesuus gu ubii jup tɨtda ɨp gio gu pariseo: ―Dhi ubii nap jax ba nɨiꞌñ, buupui bargaꞌn kɨꞌn jiñ bopkoñ guñ chooton, kuupaꞌn kɨꞌn baꞌ xiñ gakiiꞌñxidhak. Na pich guꞌ aap cham jiñ choiꞌ gum suuꞌngiꞌ na ñich jax ya ai nañ kɨꞌn xi bopkonai gɨt guñ chooton nañ baꞌ yaꞌ ba bakiaꞌm kiꞌaam.

GU NOONBIꞌÑ GUCH XOIꞌKAM 10:22

Baꞌ guiꞌp kaiꞌch am: ―Aa dho guꞌ nat bhach joot dho maaꞌn gu ja gɇꞌkam tuk gu sandaaruiꞌx na Korneelio tɨɨꞌ. Baꞌ dhiꞌ dhi maaꞌnkam joidham jir jix bhaiꞌkam, gio na gammɨjɨ tu daandaꞌ buiñor gu Dios, gio baꞌ nam bɨɨx pɨx jix kɨɨgalhiꞌñ gu Israel kam jaꞌtkam. Baꞌ maaꞌnnim buiñor jum maax gu nobiiꞌñ gu Dios, baꞌ puiꞌ tɨtda na sap jaroiꞌ bha jootsaꞌ na bham baiꞌñmɨraꞌ nap mu jimiaꞌ mummɨ kiaꞌmiꞌñ na sap baꞌ miꞌm kaayaꞌ nap jax tu aꞌgidhaꞌ.

GU NOONBIꞌÑ GUCH XOIꞌKAM 22:12

’Baꞌ maaꞌn miꞌp kiokaꞌ guch jaduuñ Ananiiyas tɨɨgim nax ioꞌm tuꞌ kaꞌm nɨiꞌñdhaꞌ gu Dios na miꞌ puiꞌ jimdaꞌ nat jax jaꞌk tu uaꞌnak gu Moisees na tu aagix kaꞌ, gio nam bɨɨx pɨx joidham jix kɨɨgalhiꞌñdhaꞌ guiꞌ nam jɨꞌk yaꞌ dɨr jaꞌp Israel mummɨ jaꞌk oiꞌñkaꞌ Damaasko.

GU NOONBIꞌÑ GUCH XOIꞌKAM 6:3

Baꞌ aach pu jam tɨtda na pim jaiꞌ xi ja gaagai guiꞌ nam jaroiꞌx bhaiꞌ jam buadaꞌch jaaduñ, nam tu jam maakdaꞌ gu tuꞌ na jam aꞌm jum aagaidhaꞌ, yaꞌ aapiꞌm dɨɨlh jaiꞌ dhɨt na pim jɨꞌk tɨ jɨɨgiꞌñ buiñor guch Xoiꞌkam, nam aixkaꞌ jɨꞌk xi jum gook jaꞌtkam, gio nam jir jix bhabhaiꞌkam kaꞌ, gio baꞌ nam jir jix chu mamatdagɨm kaꞌ, gio baꞌ na gɇꞌ ja aꞌm tajaañix kaꞌ gux Dhuuduꞌ kam jix Uañ Iiꞌmdaꞌ, nach baꞌ puiꞌ jaꞌk ya ja darsaꞌ aapiꞌm jam bui nam jich aꞌmkam jix bhaiꞌ jam buadaꞌ,

GU NOONBIꞌÑ GUCH XOIꞌKAM 9:36

Baꞌ janoꞌ maaꞌn mu jaꞌk jup kiokaꞌ gu ubii na paiꞌ puiꞌ tɨ tɨɨꞌ Joopi, na puiꞌp tɨ jɨɨgiꞌñdhaꞌ buiñor guch Xoiꞌkam, na Tabiita tɨɨꞌ, na gu griago ñiꞌook kɨꞌn jaꞌp kaiꞌñkam jup jum kaiꞌch Dorgas. Baꞌ dhiꞌ dhi ubii gammɨjɨ joidham jir jix bhaiꞌkam kaꞌ, tuꞌ na pɨx ja onbagiꞌñdhaꞌ guiꞌ nam cham tuꞌ biaꞌkaꞌ.

GU NOONBIꞌÑ GUCH XOIꞌKAM 9:39

Baꞌ gu Peegro cham jax ji chɨꞌɨɨk jup ma ja oi nam paiꞌ dhuuk puiꞌ ba tɨtda. Baꞌ na mɨt paiꞌ dhuuk mummɨ ba ai, pu sɨlh baiꞌñchuꞌ am bhammɨ tɇꞌkob na paiꞌ kaat gu Dorgas. Baꞌ nat bhammɨ ba tɨs, bɨɨx gu dɨꞌdɨlhdhɨm uꞌuub suañidhat mi jaꞌp bɨɨx xikoolh ji guꞌkɨk ba aagiꞌñ am gu Peegro na sap giilhim jir jix bhaiꞌkam kat gu Dorgas. Miꞌ xi ñɨnɨiꞌñchuꞌn am ji guꞌ gu ja iꞌpur guiꞌ nat tu ja onbaiꞌñdhak na ka duakat, gam jaiꞌ gu jaꞌppɨx jajannulh.

ROOMA KAM 12:13

Gio na pim jix bhaiꞌ ja buadaꞌ guch Xoiꞌkam jɨɨgiꞌñdham guiꞌ nam cham tuꞌ biaꞌ ni jɨꞌx, puiꞌ pim jum ɨlhiiꞌñdhaꞌ na pim panaas aapiꞌm pɨx jir guiꞌ kaꞌ. Gio guiꞌ nam jam paxiaraidhaꞌ, jix bhaiꞌ pim ja tɨtdat, cham tuꞌ na pim jix ja bhaamkiꞌñdhaꞌ.

EEPESO KAM 2:10

Gio guꞌ aach jup jir duniiꞌñ pɨx gu Dios, guiꞌ pɨx puiꞌch dhuu bhaankam guch Xoiꞌkam nach aach dai gux kɨɨꞌp jum duukam bap tu duñiidhaꞌ yaꞌ dɨr jaꞌp jaꞌk, cham tuꞌ kiaꞌ gux buam jum duukam nar uaꞌtulhdharaꞌ. Pu bɨjɨk puiꞌ jaꞌk pu tɨi guꞌ gu Dios na tu duñiaꞌ.

KOLOOSAS KAM 1:10

Na guꞌ miꞌ dhɨr baꞌ noꞌ pim puꞌñix bhaiꞌ bax maat, miꞌ puiꞌ ba duiñchuꞌndaꞌ pim na jax jaꞌk jum aaꞌ noꞌñ puꞌñi buiñor bap tuiꞌdhiꞌ guch Xoiꞌkam, dai gux kɨɨꞌp jum duukam japim bap tu duñiidhaꞌ guꞌ na jax pɨx jix aaꞌ guiꞌ. Saalh japim puꞌñix kɨɨꞌp jum duukam bhaiꞌ jip tu duñiaꞌ, mɨkkat jix ioꞌm, na pim guꞌx bhaiꞌ ba machiaꞌ na jax jaꞌk jix aaꞌ gu Dios na pim miꞌ puiꞌ jiimdaꞌ.

1 TIMOTEO 2:10

Guꞌ jaꞌpji nam bɨɨx aixim jix bhaiꞌm duukam xip tu duñiidhaꞌ na jax jix kɨɨꞌ kaꞌm nɨiꞌñ gu Dios, baꞌ dhiꞌ puiꞌ bam kaiꞌch nam jix bhaiꞌm duuk. Puiꞌm jaꞌk xi chu duñiaꞌ gu uꞌuub na jax jaꞌk bhaan jix maatɨꞌ kaꞌ nam dai gu Dios pɨx buiñor soiꞌm ɨlhiiꞌñ ja iꞌiiꞌmdaꞌ bhaan.

1 TIMOTEO 3:2

Dai nam aaꞌ na joidham jir jix bhaiꞌkam kaꞌ, nam cham jix bhaamkiꞌñdhaꞌ gu jaꞌtkam. Gio baꞌ na maaꞌn pɨx tɨ bɨɨnaꞌ kaꞌ, daipuꞌ gu jax chuꞌm na bɨɨmaꞌn jum tɨɨmoꞌ gu ubii. Gio bɨxchuꞌ bhaan na tuꞌ kaꞌm tɨ nɨidhat miꞌ pu tu duñiidhaꞌ, gio nax gɨꞌm tu aꞌgadaꞌ. Gam nax bhaiꞌ ja tɨtdat ja tɨbiaptudidhaꞌ gu jaꞌtkam noꞌm paxiaraim kiaꞌmiꞌñ. Gam nax joojoiꞌñdhaꞌ na tu ja aꞌgiꞌñdhaꞌ gu jaꞌtkam gu ñioꞌkiꞌñ gu Dios.

1 TIMOTEO 3:7

Gam nam aaꞌ ɨp na tuꞌ kaꞌm ja nɨiꞌñdhaꞌ gu jaꞌppɨx jaꞌtkam nam cham tɨ jɨɨgiꞌñdhaꞌ buiñor guch Xoiꞌkam nam baꞌ mu dɨr bha jaꞌk jix kɨɨꞌ kaꞌm jup nɨiꞌñdhaꞌ, puꞌñi jaꞌk baꞌ cham tuꞌ bhaan maiꞌchiaꞌ gu jaꞌook.

1 TIMOTEO 5:16

Noꞌ maadɨt guch Xoiꞌkam jɨɨgiꞌñdham, cham jax bua noꞌr chioꞌñ piam kur ubii, noꞌ tu jaaduñ jɨꞌk gu uꞌuub dɨꞌdɨlhdhɨm na mɨt koi gu ja bɨpnaꞌ, jum aaꞌ na dɨɨlh jix bhaiꞌ ja duñiaꞌ na baꞌ cham xiꞌx xijai kaꞌ ja bui bɨɨx guch Xoiꞌkam jɨɨgiꞌñdham nam jup ja palhbuiꞌñdhaꞌ gu jaiꞌ na pu cham jaroiꞌ jaiꞌch kaꞌ nax bhaiꞌ ja duñiaꞌ.

1 TIMOTEO 5:25

Baꞌ guiꞌ nam jix bhaiꞌm duukam jup tu buadaꞌ, jɨꞌk pɨx ɨp nax bhaiꞌx maatɨꞌ pu yaꞌ, guꞌ baꞌ guiꞌ na jɨꞌk cham maatɨꞌ, gatuuk jix bhaiꞌ matgilhiaꞌ.

1 TIMOTEO 6:18

Xi ja aagiꞌñdhaꞌ ap nam jix joojoidhat jix chu onbaiꞌñdhar kaꞌ gu tuꞌ nam biaꞌ na baꞌ puꞌñi jaꞌk sɨlhkam puiꞌ bam kaiꞌchdhaꞌ nam jir jix chutumñigam, nam guꞌx bhaiꞌm duukam jup tu buadaꞌ.

2 TIMOTEO 1:5

Tɨꞌñcho iñ sia nap jix bhaiꞌ buiñor jix biiñak guch Xoiꞌkam. Bɨɨpɨꞌ buiñor jum biiñkai gum abuil Loida gio gum naan Euniise, puiꞌ kuñ baꞌ aañ jix maat nap jaꞌxbuiꞌp jix biiñak na jax guiꞌ am.

2 TIMOTEO 2:21

Aach baꞌ puꞌñi ɨp buiñor guch Gɨꞌkoraꞌ noꞌch jix aaꞌ nax dhaꞌram jich ɨlhiiꞌñdhaꞌ, gio noꞌch jix aaꞌ nach tuꞌx bhaaiꞌn kaꞌ buiñor, jum aaꞌ nach jix uꞌuañ oipodaꞌ, nach cham tuꞌx buam tu buadaꞌ. Puꞌñi jaꞌk dho gi guꞌ tuꞌx bhaaiꞌn kaꞌch ji buiñor guch Gɨꞌkoraꞌ, jich dharsaꞌ baꞌ tuꞌ na pɨx bhaan nach jix bhaiꞌm duukam jup tu duñiaꞌ.

2 TIMOTEO 3:15

Ɨlhiꞌch dhɨm dɨr bax maat ap na jax jum kaiꞌch gux uañ ñioꞌkiꞌñ gu Dios na tu uaꞌñix. Dhiꞌ maaꞌn na jax miꞌ puiꞌm bhɨichdhatuꞌndaꞌ nap baꞌ cham mu jaꞌk bhɨɨyaꞌ nap paiꞌ gammɨjɨ miꞌ pup jum tulhiiñdhaꞌ. Gio nap jix bhaiꞌ buiñor jix biiñak kaꞌ guch Xoiꞌkam.

2 TIMOTEO 3:17

na baꞌ guꞌ gu jaroiꞌ na sɨlhkam buiñor jup tuiꞌkaꞌ gu Dios, jix bhaiꞌx mat kaꞌ na jax jaꞌk duñiaꞌ sia tuꞌ na pɨx nar jix kɨɨꞌp jum duukam.

TIITO 2:14

Guch Xoiꞌkam dɨɨlh jum doꞌñcho na mɨt mua nat baꞌ pu duuk bɨɨx jich uañchuda guch uaꞌtulhdharaꞌ nach aꞌm jup tuꞌt janoꞌ nach chakui tɨ jɨɨꞌñdhat buiñor, jaꞌp ji buus nat jich boosgak jaꞌp jaꞌk jich chuttu miꞌ dhɨr na paiꞌx chu uaꞌtulhdhix. Baꞌ aach dɨɨlh xich guguuxdhai miꞌ puiꞌ ba jimiaꞌ na jax jix aaꞌ, dai guiꞌ buiñor pɨx jaꞌk jach bap tuiꞌñgɨdaꞌ.

TIITO 2:7

Na guꞌ aap jaꞌp ji buusandaꞌ nap jir ja booiꞌ kaꞌ, nam guꞌm nɨidhat nap jax jaꞌk tuiꞌñgɨdaꞌ miꞌ puiꞌp tu daaꞌñchuꞌndaꞌ. Baꞌ nap paiꞌ dhuuk tu ja aꞌgiꞌñdhaꞌ nam jax jaꞌk tuiꞌñgɨdaꞌ, jix gɨꞌm nap pu ja tɨtdadaꞌ, cham tuꞌ jaaxmadaꞌ bhaan.

TIITO 3:1

Gammɨjɨp ja tɨꞌñchoxiꞌñkaꞌ guch Xoiꞌkam jɨɨgiꞌñdham nam tuꞌ kaꞌm ja nɨidhat gu gɇꞌgɇrkam jix kakaiꞌ ganaiꞌ bɨɨx aixim nam tuꞌ kɨꞌn tu daraa, xix ja kɇɇkɇt am jax ñam kaiꞌchdhaꞌ. Bɨɨpɨꞌm jup xim gaꞌngadaꞌ noꞌ moor jix kɨɨꞌp jum duukam gu tuꞌ nam ja chiandaꞌ gu gɇꞌgɇrkam.

TIITO 3:14

Xi ja aagiꞌñdhaꞌ ap guch Xoiꞌkam jɨɨgiꞌñdham na puiꞌp jum aaꞌ nam ja palhbuidhaꞌ tuꞌ na pɨx kɨꞌn nam baꞌ puiꞌ maachidhaꞌ. Na guꞌ puꞌñi jaroiꞌ na pɨx bam aaꞌndaꞌ nam palhbuidhaꞌ guch Xoiꞌkam jɨɨgiꞌñdham.

TIITO 3:8

Baꞌ aañ jix aaꞌ nap gammɨjɨ dai dhiꞌ bhaan tu aꞌgadaꞌ ja bui guch Xoiꞌkam jɨɨgiꞌñdham nam baꞌx kɨɨꞌp jum duukam bhaan jum tukgidhidhaꞌ nam jup tu duñiidhaꞌ. Na guꞌ dhiꞌr jix kɨɨꞌp jum duukam, jaroiꞌ na pɨx palhbuiꞌñchuꞌndaꞌ na jax jaꞌk miꞌ puiꞌ jimdaꞌ.

ISRAEL KAM 10:24

Jaꞌpji dai ji nach ba xich ja joiꞌgɨꞌndaꞌ bɨɨx jɨꞌmaꞌn, joidham nach jix bhaiꞌ kaiꞌchɨt jich papalhbuiꞌñdhaꞌ tuꞌ na pɨx kɨꞌn, gio nach jix bhaiꞌm duukam xip tu buadaꞌ bhaankamuꞌn.

ISRAEL KAM 13:2

Gio noꞌm jam paxiaraim gu jaꞌtkam, joidham japim jix bhaiꞌ ja tɨɨdai ja aichdhai ja tɨbiaptudaꞌ jix bhaiꞌm taatɨt, cham tuꞌx oodam. Jaiꞌ dhɨt gu bɨjɨk dɨr kam nam puꞌñi joidham jir jix bhabhaiꞌkam kat, gu noonbiꞌñ gu Dios jamɨt ja tɨbiaptudak nam cham pum aaꞌ, na guꞌ puꞌñi jaroiꞌ nam pɨx tɨbiaptudidhaꞌ. Aapiꞌm puꞌñi ɨp jiñ jaaduñ, cham maatɨꞌ kaꞌ guꞌ nar tuꞌp tuꞌm daꞌ kaꞌ guiꞌ na miꞌ jam paxiaraidhaꞌ.

ISRAEL KAM 13:21

gam nax kɨkɨɨꞌ jaꞌtkam jup jam duñiaꞌ bɨɨx jɨꞌmaꞌn, na pim baꞌ gammɨjɨx biiñak kat miꞌ puiꞌ jiimdaꞌ na jax jix aaꞌ. Gu Dios baꞌ dɨɨlh jix maat miꞌ dhɨr jaꞌp jaꞌk na tuꞌ jax dhuñiaꞌ jam bui na pim ba tɨ jɨɨgiꞌñ buiñor guch Xoiꞌkam. Gammɨjɨch baꞌ moo gɇꞌkamtuꞌndaꞌ. Jaꞌpni pɨx tuiꞌkaꞌ.

1 PEEGRO 2:12

Jix bhaiꞌ pim xi chu jimdaꞌ na jax jix aaꞌ gu Dios miꞌ ja bui guiꞌ nam cham tɨ jɨɨgiꞌñ buiñor guch Xoiꞌkam. Na baꞌ janoꞌ na paiꞌ dhuuk jum aayaꞌ na ja aagiꞌñdhaꞌ gu Dios bɨɨx gu jaꞌtkam nam tuꞌ jax buimɨi nam duduakat, ba machiaꞌ am na pimɨt aapiꞌm sɨlhkam tuꞌ kaꞌm tɨɨgɨk guch Xoiꞌkam, nam guꞌ xi jam nɨiꞌñdhaꞌ na pɨx jix bhaiꞌ jam tɨɨdai jam aichdhaꞌ na paiꞌp tuꞌiiꞌ. Baꞌ dai nam ba gɇꞌkamtudaꞌ gu Dios, sia kum guꞌ xib ka xi jam bhaamkiꞌñ nam jam nɨiꞌñ na pim maakam pɨx tu jim na jax cham ja koꞌraar.

1 PEEGRO 4:9

Gio na pim joidham pɨx jix bhaiꞌ tɨɨdai aichdhaꞌ gu jaroiꞌ cham jax ji chɨꞌji noꞌ jam paxiaraim mu jaꞌp na pim jax oiꞌdhaꞌ. Xi ja tɨbiaptudidhat japim jix ja joiꞌndat, gio na pim xi chu ja onbaiꞌñdhat noꞌ pim pup biaꞌ gu koiꞌ.

3 JUAN 1:12

Gio guñ jaduuñ Demetrio puiꞌ joidham jup kaidhaꞌ, bɨɨx pɨx jix bhaiꞌ aaꞌ am, jup kaiꞌch am na sap joidham jir jix bhaiꞌkam. Tɨ jɨɨgiꞌñ iñ dho nar sɨlhkam na jax kaidhaꞌ, nañ guꞌx maat na guiꞌ tuꞌ kaꞌm nɨidhat miꞌ puiꞌ jim na jax jix aaꞌ guch Gɨꞌkoraꞌ, nap jax bax maat jiñ jaduuñ.