1 TIMOTEO 4:8 - Tepehuano Tepehuán del Sureste (Durango)

⁸ Na guꞌ dhiꞌ jaꞌpni ji buusan na jax yaꞌ maaxik jich chutkuꞌ bhaan nam aaꞌndaꞌ nach jaꞌp xi oipodaꞌ nach jich xɨɨsɨsdaꞌ na baꞌx bhaiꞌ tu tatdaꞌ kaꞌ, sia ku guꞌ cham pɨk jum aaꞌ dhich chutkuꞌ nach jix bhaiꞌ ja buadaꞌ. Guꞌ matgɨm guch iꞌiiꞌmdaꞌx ioꞌm ji nam aaꞌ nach jix bhaiꞌ ja duñiaꞌ na baꞌx bhaiꞌ tuch jimdaꞌ yaꞌ nach ka dudua dhich chuukuꞌ bhaan gio gatuuk jich iꞌiiꞌmdaꞌ bhaan.

1 TIMOTEO 4:8 ပူးပေါင်းရင်းမြစ်များ

MATEO 12:32

Baꞌ noꞌm guꞌ gampaiꞌ pɨx jiñ biaꞌ aañ nat bhañ joot guñ Gɨꞌkoraꞌ, siax bhaaiꞌ na tu ja uañdhaꞌ gu Dios gu ja uaꞌtulhdharaꞌ noꞌm soiꞌm ɨlhiiꞌñ buiñor. Guꞌ baꞌ noꞌm guꞌ gux Dhuuduꞌ kam jix Uañ Iiꞌmdagaꞌn gu Dios gampaiꞌ pɨx biaꞌ, dho gi guꞌ pu cham jɨꞌxkat tu ja uañdhaꞌ ji gu Dios gu ja uaꞌtulhdharaꞌ sia pɨk nar jax kaꞌ gɨt, nam guꞌ cham soiꞌm ɨlhiiꞌñdhaꞌ buiñor.

MATEO 19:29

Guꞌ baꞌ gu jaroiꞌ noꞌt cham tuꞌp jim buixdhak gammɨjɨ bañ kaichuꞌ, na cham bhaan ka tɨtɨɨꞌñchokaꞌ gu baꞌkiꞌñ, piam gu sɨspidhiꞌñ, piam gu taataꞌn, piam gu dɨꞌɨɨꞌn, piam gu maamraꞌn, piam gu dɨrbagaꞌn, cham jax bua dho, na guꞌx ioꞌm muiꞌ bhaan ba tu biꞌyaꞌ gatuuk, gio na pu jimiaꞌ jix dhaam jaꞌk buiñor guñ Gɨꞌkoraꞌ.

MATEO 6:33

Dai pɨx ji na pim gammɨjɨ miꞌ puiꞌ jiimdaꞌ na jax jix aaꞌ guñ Gɨꞌkoraꞌ na baꞌ jam makiidhaꞌ gu tuꞌ na jam aꞌm jum aagidhaꞌ.

MAARKOS 10:30

jix ioꞌm muiꞌ tu makiaꞌ guñ Gɨꞌkoraꞌ, jix chamaam ooꞌm pup. Cham tuꞌ jaꞌkbuiꞌ na jɨꞌk jaꞌp xi dhuu ji, guꞌ jaꞌpji muiꞌ ji na jaꞌk iabuidhaꞌ gu baꞌbhak, gio gu xiixioꞌgiꞌñ, gio gu sɨspidhiꞌñ, gio gu dɨɨdɨꞌn, gio gu maamraꞌn, gio gu dɨppɨr, sia ku guꞌx buam tu tatdakaꞌ paiꞌjɨ. Ku baꞌ guꞌ na paiꞌ dhuuk jaꞌbsuñiaꞌ gu tukgaꞌn, pu jimiaꞌ ji jix dhaam jaꞌk.

LUUKAS 5:38

Puiꞌ kum baꞌ xixiibkam jajooꞌ bhaan tu aidhaꞌ gu biiñ gux oꞌjoꞌ guiꞌ nam biiñ chaꞌm tu juan na baꞌ cham xixiipñiaꞌ.

ROOMA KAM 8:28

Jix maat ich na gu Dios pɨx jup tu duiñchuꞌndaꞌ na baꞌ joidham jix bhaiꞌ tu ja jimdaꞌ guiꞌ nam buiñor tu daandaꞌ, guiꞌ nat jɨꞌk ja aꞌm tɨ tɨɨ nam miꞌ puiꞌ jimiaꞌ na jax jix aaꞌ.

1 KORIINTO KAM 3:22

Puiꞌ na jax aañ jam buip tuꞌiiꞌ, sia gu Apoolos, sia gu Peegro. Sia dhi oiꞌñgaꞌn jir jam aapiꞌm gaꞌn, gio gu iiꞌmdaꞌ, gio na paiꞌ dhuuk jum aajim na pim koꞌyaꞌ, gio xib dhi tanoolh nach ya ka dudua, gio gatuuk paiꞌ nach jaꞌk ba oipodaꞌ.

1 KORIINTO KAM 8:8

Jax dhui na guꞌ cham tuꞌ dhiꞌ kɨꞌn jich aꞌm tɨ nɨidhidhaꞌ gu Dios gu jax chuꞌm koiꞌ nach kuaꞌdaꞌ. Nach guꞌ cham tuꞌ dhiꞌ kɨꞌn jir jix uꞌuañ kaꞌ noꞌch tu kuaꞌ gu tɨkiix kam koiꞌ, ni kuch cham dhiꞌ kɨꞌn jich uaꞌtulhdhidhaꞌ noꞌch cham tu kuaꞌ.

1 TIMOTEO 4:7

Chaꞌp mi ja kɇkɇɇdat guiꞌ nam bɨxchuꞌ iatdaꞌ ganaiꞌ sapookiꞌñ tu aꞌgadaꞌ. Cham tuꞌ mim nɨnɨiꞌñ gu pu chuꞌm, gio guꞌ dai guiꞌ nam cham ja jur biaꞌ nam baꞌ pu chuꞌm tu aꞌgadaꞌ. Aap cham tuꞌp jim buixdhat xim guguuxdhatgɨdaꞌ nap jix ioꞌm xi gaaꞌñchuꞌndaꞌ nap jax jaꞌk miꞌ puiꞌ jimdaꞌ na jax jix aaꞌ gu Dios.

1 TIMOTEO 6:3

Noꞌ jaroiꞌ maadɨt jix ioꞌm maakam xi bua na tu ja aꞌgiꞌñ guch Xoiꞌkam jɨɨgiꞌñdham na jax jaꞌk cham puiꞌm kaiꞌch gu sɨlhkam ñioꞌkiꞌñ guch Xoiꞌkam dhiꞌ nach tuꞌ bhaan tɨ jɨɨgiꞌñ aach,

1 TIMOTEO 6:5

Bar koꞌkdhicham kaꞌ pɨx baꞌ, gammɨjɨ bɨɨx aixim pɨx bam buidhaꞌ am dai jaꞌp tuutuꞌm nam cham ji maatɨt na jax pɨk jaꞌk jir sɨlhkam. Nam guꞌ bax iaꞌñdhix kaꞌ gu tuꞌ na cham jir kɨɨꞌ kaꞌ, bhaan pɨx jum tutumñigamtaidhaꞌ am nam jax jaꞌk tu jimdaꞌ. Chaꞌp mi ja kɇkɇɇdaꞌ pu chuꞌm gu jaꞌtkam.

1 TIMOTEO 6:6

Jir puiꞌ dho ɨp nax ioꞌm jum tumñigamtaꞌ gu jaroiꞌ iiꞌmdaꞌ bhaan noꞌ dhiꞌ kɨꞌn jix bhaiꞌm taat na jɨꞌx pɨx maakidhaꞌ gu tuꞌ gu Dios nam aaꞌndaꞌ, na guꞌ buiñor tɨ jɨɨgiꞌñdhaꞌ.

2 TIMOTEO 3:5

Puiꞌ xi kaiꞌchdhaꞌ am nam Dios buiñor tɨ jɨɨgiꞌñdhaꞌ, guꞌ pɨx ji na guꞌ nam jax jaꞌk tu jimdaꞌ, dhiꞌ bhaan jix maatɨꞌ kaꞌ nam cham tuꞌ miꞌ puiꞌ jiimdaꞌ na jax jaꞌk jix aaꞌ gu Dios nam tuiꞌñgɨdaꞌ. Chaꞌp mi ja bɨpnatdat dhiꞌ pu chuꞌm gu jaꞌtkam.

TIITO 3:8

Baꞌ aañ jix aaꞌ nap gammɨjɨ dai dhiꞌ bhaan tu aꞌgadaꞌ ja bui guch Xoiꞌkam jɨɨgiꞌñdham nam baꞌx kɨɨꞌp jum duukam bhaan jum tukgidhidhaꞌ nam jup tu duñiidhaꞌ. Na guꞌ dhiꞌr jix kɨɨꞌp jum duukam, jaroiꞌ na pɨx palhbuiꞌñchuꞌndaꞌ na jax jaꞌk miꞌ puiꞌ jimdaꞌ.

ISRAEL KAM 13:9

Puiꞌ ku pim baꞌ dai guiꞌ pɨx buiñor tɨ jɨɨꞌñdhat jix biiñak kaꞌ gammɨjɨ. Chaꞌpim tuꞌp jum buixdhat na jɨꞌk jax tu daaxix gu yaꞌ maaxik, puiꞌ na jax gu koiꞌ na jax chuꞌm jir jum kuaꞌdam gio na jax chuꞌm cham. Na guꞌ dhiꞌ cham jɨꞌxkat tuꞌ kɨꞌn jich palhbuidhaꞌ sia kuch tɨi miꞌ puiꞌ tu daaꞌñchuꞌ na jax tu daaxix. Jaꞌpji dhiꞌ nax ioꞌm jum aaꞌ nach miꞌ puiꞌ xi chu kuugalhdhidhaꞌ nat jax tu daasak guch Xoiꞌkam, nach baꞌ bhammɨ aayaꞌ jix dhaam buiñor gu Dios.

1 JUAN 2:25

Na baꞌ noꞌch puꞌñi miꞌ puiꞌ xi dhuiñchuꞌ na jɨꞌk jax jix aaꞌ guch Xoiꞌkam, dai na bach baidhikaꞌ bhammɨ jaꞌk jix dhaam nat paiꞌ tuch iimchuda na saak jich aichdhaꞌ. Dɨɨlh puiꞌ xich chɨɨdak guꞌ guch Xoiꞌkam janoꞌ na yaꞌ xi oilhimɨk.

NAT JAX TƗ TƗƗ GU JUAN 3:12

Baꞌ guiꞌ nam puꞌñi miꞌ puiꞌ jimiaꞌ nañ jax jix aaꞌ, gɇꞌgɇrkam kɨꞌn ja darsaꞌ iñ bhammɨx dhaam, jaꞌp ji buusniaꞌ nam guiꞌ bhaiꞌ siisap kaꞌ gu chiop gaꞌn gu Dios. Gammɨjɨ bhaiꞌ pu bap tuiꞌkaꞌ am, cham tuꞌ jɨꞌx juugɨt. Ja aꞌm uaꞌnaꞌ iñ na jax chɨɨꞌ gu Dios gio na jax tɨ tɨɨꞌ bhaiꞌ na paiꞌ dhɨr naiꞌr gɇꞌkam, nax ioꞌm gɇꞌr kiicham, na xibkam Jerusaleen jup tɨ tɨɨꞌ, gio baꞌ nañ jax jup ba tɨɨꞌkaꞌ ɨp aañ miꞌ dhɨr jaꞌp jaꞌk.

NAT JAX TƗ TƗƗ GU JUAN 3:21

Guꞌ baꞌ gu jɨꞌk nam jiñ buix biiñak kat miꞌ puiꞌ tu kuugalhdhim nañ jɨꞌk jax jix aaꞌ cham tuꞌ bhaan jax jim aagɨt sia tuꞌ ba ji ja duu, aañ gɇꞌgɇrkam kɨꞌn ja darsaꞌ yaꞌ nañ paiꞌ Gɇꞌkam kɨꞌn ba daa sonpan gu Dios, nam jaiꞌñ aꞌmkam ja sɨlhkaꞌndaꞌ gu jaꞌtkam.