1 TIMOTEO 4:7 - Tepehuano Tepehuán del Sureste (Durango)

⁷ Chaꞌp mi ja kɇkɇɇdat guiꞌ nam bɨxchuꞌ iatdaꞌ ganaiꞌ sapookiꞌñ tu aꞌgadaꞌ. Cham tuꞌ mim nɨnɨiꞌñ gu pu chuꞌm, gio guꞌ dai guiꞌ nam cham ja jur biaꞌ nam baꞌ pu chuꞌm tu aꞌgadaꞌ. Aap cham tuꞌp jim buixdhat xim guguuxdhatgɨdaꞌ nap jix ioꞌm xi gaaꞌñchuꞌndaꞌ nap jax jaꞌk miꞌ puiꞌ jimdaꞌ na jax jix aaꞌ gu Dios.

1 TIMOTEO 4:7 ပူးပေါင်းရင်းမြစ်များ

GU NOONBIꞌÑ GUCH XOIꞌKAM 24:16

Puiꞌ kuñ baꞌ aañ jiñ dhɨkooꞌñdhatuꞌ nañ miꞌ puiꞌ jim na jax jaꞌk jix kɨɨꞌ kaꞌm nɨiꞌñ gu Dios gio gu jaꞌtkam ja bui.

1 TIMOTEO 1:4

Jaꞌp jap ja tɨtdadaꞌ nam cham tuꞌp jum buixiꞌñdhaꞌ nam jax tu jimdat gu bɨjɨk dɨr kam jich bopxi, na guꞌ dhiꞌ bhaamdaraꞌ pɨx ba uaꞌ. Bhaan ji ñiokboi pɨx chaꞌtak jimiaꞌ am guꞌ noꞌ mɨt bhaan ba ji chu aꞌga, cham tuꞌ na iam ja palhbuidhaꞌ nam jax jaꞌk bhaan xim guguuxdhaix ioꞌm miꞌ puiꞌ ba jiimdaꞌ na jax jix aaꞌ gu Dios.

1 TIMOTEO 1:9

Kani nach jix bhaiꞌ xich gaꞌngadaꞌ na cham tuꞌm aaꞌ na jaroiꞌ ja aagiꞌñdhaꞌ na jax jaꞌk tu aagix guiꞌ nam cham tuꞌx buam tu bua, guꞌ guiꞌ ji nam aaꞌ nam ja aagiꞌñdhaꞌ nam jix buam tu bua, guiꞌ nam cham miꞌ puiꞌ jimiik kaꞌ, nam cham tɨ jɨɨgiꞌñdhaꞌ, nam gammɨjɨ pɨx jum uaꞌtulhiꞌñ, gio nam pu cham tuꞌ kaꞌm nɨiꞌñ gu Dios, gio na ni jax chuꞌm jaiꞌx xidhuuꞌn kam na naiꞌx chu jaiꞌch kum cham tuꞌ kaꞌm tɨ nɨiꞌñ. Gio guiꞌ nam ja tataat ja kooꞌn piam gu ja nanaan, bɨɨx guiꞌ nam jɨꞌk jir tu kooꞌn kam.

1 TIMOTEO 2:10

Guꞌ jaꞌpji nam bɨɨx aixim jix bhaiꞌm duukam xip tu duñiidhaꞌ na jax jix kɨɨꞌ kaꞌm nɨiꞌñ gu Dios, baꞌ dhiꞌ puiꞌ bam kaiꞌch nam jix bhaiꞌm duuk. Puiꞌm jaꞌk xi chu duñiaꞌ gu uꞌuub na jax jaꞌk bhaan jix maatɨꞌ kaꞌ nam dai gu Dios pɨx buiñor soiꞌm ɨlhiiꞌñ ja iꞌiiꞌmdaꞌ bhaan.

1 TIMOTEO 3:16

Aach dɨɨlh jix bhaiꞌx maat nar gɇꞌp jum duukam dhiꞌ nach tuꞌ bhaan jix biiñak kat puiꞌ jaꞌk tu jim, na guꞌ jaꞌpni tu tuꞌiiꞌ: Guch Xoiꞌkam ya ai dhi oiꞌñgaꞌn bhaan maaꞌnkam jup jim duuk. Bɨɨx aixim jix bhaiꞌm duukam jup tu buimɨk, na guꞌ gux Dhuuduꞌ kam jix Uañ Iiꞌmdaꞌ na bhaan tajaañixchuꞌ. Gu noonbiꞌñ gu Dios joidham jix kɨɨꞌ maaꞌnkam tɨɨ mɨt, sia naiꞌ pu chuꞌm ba tum aꞌga ja bui guiꞌ nam cham jir Israel kam, jaiꞌ dhɨt ba tɨ jɨɨgiꞌñ am buiñor. Baꞌ yaꞌ dɨr giop jii jix dhaam jaꞌk na paiꞌ dhɨr jir gɇꞌkam xib bɨɨx kap.

1 TIMOTEO 4:8

Na guꞌ dhiꞌ jaꞌpni ji buusan na jax yaꞌ maaxik jich chutkuꞌ bhaan nam aaꞌndaꞌ nach jaꞌp xi oipodaꞌ nach jich xɨɨsɨsdaꞌ na baꞌx bhaiꞌ tu tatdaꞌ kaꞌ, sia ku guꞌ cham pɨk jum aaꞌ dhich chutkuꞌ nach jix bhaiꞌ ja buadaꞌ. Guꞌ matgɨm guch iꞌiiꞌmdaꞌx ioꞌm ji nam aaꞌ nach jix bhaiꞌ ja duñiaꞌ na baꞌx bhaiꞌ tuch jimdaꞌ yaꞌ nach ka dudua dhich chuukuꞌ bhaan gio gatuuk jich iꞌiiꞌmdaꞌ bhaan.

1 TIMOTEO 6:11

Baꞌ aap nap bhaankam tu juan gu Dios, chaꞌp pu chuꞌm bhaan jum tukgidhat miꞌ puiꞌ xi jimdaꞌ na jax jix aaꞌ. Soiꞌp jum ɨlhdhat jix ja joiꞌgɨꞌndaꞌ gu jaiꞌ gammɨjɨ. Miꞌp puiꞌ tu daaꞌñchugɨt xi kɨɨkgɨdaꞌ nap tuꞌ bhaan jix biiñak kat tɨ jɨɨgiꞌñ bɨɨx jum jur kɨꞌn.

1 TIMOTEO 6:20

Baꞌ aap Timoteo, dɨɨlh jap miꞌ puiꞌ xi dhuiñchuꞌndaꞌ na pich tuꞌ ba maat nar joidham. Chaꞌp ja kɇkɇɇdat guiꞌ nam bɨɨx aixim tuꞌm tu aꞌga na tuꞌ yaꞌ dhi oiꞌñgaꞌn jax jum bua, na guꞌ pu cham tuꞌ mim nɨnɨiꞌñ. Dɨɨlh pɨx nam jax ɨlhiiꞌñdhaꞌ nam pu kaiꞌchdhaꞌ, cham tuꞌ na puiꞌ jaꞌk jix aaꞌ gu Dios.

1 TIMOTEO 6:3

Noꞌ jaroiꞌ maadɨt jix ioꞌm maakam xi bua na tu ja aꞌgiꞌñ guch Xoiꞌkam jɨɨgiꞌñdham na jax jaꞌk cham puiꞌm kaiꞌch gu sɨlhkam ñioꞌkiꞌñ guch Xoiꞌkam dhiꞌ nach tuꞌ bhaan tɨ jɨɨgiꞌñ aach,

1 TIMOTEO 6:5

Bar koꞌkdhicham kaꞌ pɨx baꞌ, gammɨjɨ bɨɨx aixim pɨx bam buidhaꞌ am dai jaꞌp tuutuꞌm nam cham ji maatɨt na jax pɨk jaꞌk jir sɨlhkam. Nam guꞌ bax iaꞌñdhix kaꞌ gu tuꞌ na cham jir kɨɨꞌ kaꞌ, bhaan pɨx jum tutumñigamtaidhaꞌ am nam jax jaꞌk tu jimdaꞌ. Chaꞌp mi ja kɇkɇɇdaꞌ pu chuꞌm gu jaꞌtkam.

2 TIMOTEO 2:16

Aap dɨɨlh cham jup tu aꞌgat gu tuꞌ na pu cham tuꞌ bhaiꞌ nam jax chuꞌm tu aꞌga gu jaꞌtkam yaꞌ dhi oiꞌñgaꞌn. Na guꞌ guiꞌ nam pu chuꞌm ba ji chu aꞌgaꞌ, saalh puiꞌ pu chuꞌm ji chu aꞌgimɨi gammɨjɨ mɨkkat cham kar kɨkɨɨꞌ jaꞌtkam kaꞌ am, maakam pɨx ba kaiꞌchdhaꞌ am.

2 TIMOTEO 2:23

Chaꞌp mi ja bɨpnatdat guiꞌ nam dai ñiokbodaꞌ bɨxchuꞌ bhaan ji chu aꞌgat na pu cham tuꞌ mim nɨnɨiꞌñ, na guꞌ dhiꞌ dai gu bhaamdaraꞌ tu uaꞌpu nap jax bax maat.

2 TIMOTEO 3:12

Jir sɨlhkam guꞌ nam puꞌñix ja bhaamkidhat ja tulhiiñchuꞌndaꞌ guiꞌ nam jɨꞌk buiñor bap tuiꞌñgɨdaꞌ guch Xoiꞌkam.

2 TIMOTEO 3:5

Puiꞌ xi kaiꞌchdhaꞌ am nam Dios buiñor tɨ jɨɨgiꞌñdhaꞌ, guꞌ pɨx ji na guꞌ nam jax jaꞌk tu jimdaꞌ, dhiꞌ bhaan jix maatɨꞌ kaꞌ nam cham tuꞌ miꞌ puiꞌ jiimdaꞌ na jax jaꞌk jix aaꞌ gu Dios nam tuiꞌñgɨdaꞌ. Chaꞌp mi ja bɨpnatdat dhiꞌ pu chuꞌm gu jaꞌtkam.

2 TIMOTEO 4:4

Jaꞌp jam xi dhuuji na tuꞌ pɨk jir sɨlhkam kaꞌ, dai gu tuꞌ nar sapookiꞌñ kaꞌ nam jix ioꞌm jix joojoiꞌñdhaꞌ.

TIITO 1:14

Ni kum cham mi ja jɨɨgiꞌñdhaꞌ guiꞌ nam bɨjɨk dɨr kam bhaan tu daaꞌñchugɨt tu aꞌga, na guꞌ dɨɨlh pɨx nam jax ɨlhiiꞌñ nam puiꞌ tu jim. Jaꞌp xi dhuukat am guiꞌ na pɨk tuꞌr sɨlhkam, sɨlh pɨx nam ja chiandaꞌ gu jaꞌtkam nam pu duñiaꞌ sia ku tɨi cham jir sɨlhkam.

TIITO 2:12

Baꞌ puiꞌ nat jax xich joiꞌmdak jich chɨɨ, puꞌñip jum aaꞌ nach miꞌ puiꞌ jimiaꞌ na jax jix aaꞌ, nach cham tuꞌ kap tu buadaꞌ gux buam jum duukam na tuꞌ dhi oiꞌñgaꞌn jich aagiꞌñ, dai gux kɨɨꞌp jum duukam pɨx nach bhaan bach chukgiꞌñkaꞌ. Dɨɨlh jach xich gaꞌngidhat na jax jir joidham, gio baꞌ nach soiꞌch ɨlhdhat dai guiꞌ tɨꞌñchokaꞌ.

TIITO 3:9

Chaꞌp tuꞌp jum buixiꞌñdhaꞌ noꞌm jaiꞌ dhɨt bhaan ñiokbo gu tuꞌ na pu cham tuꞌ mim nɨnɨiꞌñ, puiꞌ na jax noꞌm bhaan tu aꞌga gu bɨjɨk dɨr kam sapookiꞌñ nam jax tu jimdat guch bopxi kat, na guꞌ dhiꞌ bhaan pɨx jix bhaak kaꞌ am bhaan ji chu aꞌgat na jax tu aagix nat tu uaꞌnak gu Moisees. Guꞌ dhiꞌ cham tuꞌ kam aaꞌ xib, pu cham jañ maat nam jax kaiꞌñkam puiꞌ jaꞌk tu daaꞌñchuꞌ.

ISRAEL KAM 5:14

Noꞌm bar gɇꞌgɇr jaꞌtkam guꞌx bhaiꞌ bax mat kaꞌ am ji guiꞌ nar jix buam jum duukam gio guiꞌ nar jix kɨɨꞌp jum duukam, nam guꞌ bɨxchuꞌ ba tu machiaꞌ. Gio guꞌ bɨɨx aixim tuꞌm ba tu kuaꞌdaꞌ am gu koiꞌ, cham tuꞌ dai biiꞌm kiaꞌ na jax nam jir aꞌlhich kat.