1 TIMOTEO 4:6 - Tepehuano Tepehuán del Sureste (Durango)

⁶ Baꞌ noꞌp guꞌ aap puꞌñi dai gux kɨɨꞌp jum duukam ja aagiꞌñ guch Xoiꞌkam jɨɨgiꞌñdham, gio noꞌp miꞌ puiꞌ tu daaꞌñchugɨt jum biiñkadat bhaan jum guguuxiꞌñ na jax jum kaiꞌch gux bhaiꞌm kaiꞌchdham ñioꞌkiꞌñ gu Xoiꞌkam na sɨlhkam tu aꞌga, gio baꞌ noꞌp maaꞌn nap jax miꞌ puiꞌ jim gammɨjɨ, jir jix kɨɨꞌ tujuandam tugiꞌñ kaꞌ ap guch Xoiꞌkam.

1 TIMOTEO 4:6 ပူးပေါင်းရင်းမြစ်များ

MATEO 13:52

Baꞌ gio muiꞌp ji ñio gu Jesuus, jup ja tɨtda: ―Noꞌ maadɨt guiꞌ nam sap jix mat kaꞌ gu ñioꞌkiꞌñ gu Dios miꞌ puiꞌ ba jii na jax pɨk jaꞌk bhaan ba tɨ nɨidhidhaꞌ, jaꞌp ji buusandaꞌ na jax gu jaroiꞌ noꞌ miꞌ paiꞌ tu biaꞌ gu bɨxchugaꞌn, na guꞌ bɨɨx pɨx joidham tɨ nɨiꞌñdhaꞌ, sia ku jaiꞌ tɨir kɨklhiꞌñgaꞌn.

LUUKAS 1:3

Guꞌ baꞌ aañ jup mañ guguux nañ tum uaꞌñxidhaꞌ aap jiñ jaduuñ Tiopil nañ kapbhaiꞌ bax maat nat jax tu duuk guch Xoiꞌkam gio nat jax pɨk jaꞌk jum duu dɨɨlh, na ñich guꞌx bhaiꞌ xi chɨ tɨkkaimɨk.

GU NOONBIꞌÑ GUCH XOIꞌKAM 1:15

Baꞌ maaꞌnnim na mɨt muiꞌ maap mam jumaap guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, jɨꞌk xijum maaꞌn ooꞌm aixkam, bhaiꞌ ji chu ja aꞌgi gu Peegro nat jax kɨkbo miꞌ ja saagiꞌñ, jup ja tɨtda:

GU NOONBIꞌÑ GUCH XOIꞌKAM 20:31

Moo pim siamri xi chɨꞌñchukat na ñich jax jaꞌk jam aaꞌñdhak bɨɨx jɨꞌmaꞌn janoꞌ na ñich paiꞌ dhuuk baik oidhaꞌ jam bui juruuñdhak nañ tu jam aꞌgidhimɨk nabap tanoolh gio nabap tukaaꞌ, siañ jax xi suakɨt.

GU NOONBIꞌÑ GUCH XOIꞌKAM 20:35

Gio aapiꞌm jañ bɨɨx puiꞌp tu jam aꞌgiꞌñdhaꞌ na pim puꞌñi tu juandaꞌ gio na pim siamri xi ja maakidhat guiꞌ nam cham biaꞌkaꞌ nam tuꞌ kɨꞌn tu sabaꞌdaꞌ, puiꞌ pim xim aagɨt nat pɨn jax tɨꞌɨɨk gu Gɇꞌkam jich Xoiꞌkam na saak jix ioꞌm jix abhaaruix noꞌñ puꞌñi tuꞌ nañ pɨx ja maakim gu jaꞌtkam, cham puiꞌ na jax noꞌm jaꞌkbuiꞌ kat tuñ maak.

ROOMA KAM 15:15

Guꞌ ji nañ guꞌ aañ yaꞌ tu daasaim bhaan dhi uꞌuan dhiꞌ nañ bhaan mu tu jam uaꞌñxiꞌñ na pim baꞌ bhaan tɨꞌñchokat miꞌ puiꞌ duñiidhaꞌ na jax jix aaꞌ gu Dios, na pim cham mɨk buppadaꞌ. Gio nat guꞌ gu Dios pɨx puiꞌ jaꞌk jiñ dhai xiñ joiꞌmdak

1 KORIINTO KAM 4:17

Pu kaiꞌñkam jañich mɨjɨp xi jam joochxi gu Timoteo na tu jam aꞌgidhaꞌ nañ jax jaꞌk tu jimdat tɨ jɨɨgiꞌñ buiñor guch Xoiꞌkam, gio nañ jax jaꞌk tu aꞌga jaiꞌ kap gam naiꞌ jaꞌp chichiop. Miꞌ puiꞌ jim guꞌ dhi Timoteo na jax jix aaꞌ guch Xoiꞌkam, giox joiꞌgɨꞌn iñ ɨp aañ, na guꞌr jiñ mar tuꞌm, puiꞌ ku ñich baꞌ dhiꞌ mɨjɨ xi jam joochxi.

2 KORIINTO KAM 11:23

Gior tujuandam tugiꞌñ iñ guch Xoiꞌkam jaꞌp na jax guiꞌ nam sap pɨk baꞌ jaiꞌp jir tujuandam tugiꞌñ. Jix ioꞌm jir jix kɨɨꞌ tujuandam tugiꞌñ iñ aañ guch Xoiꞌkam, puiꞌ xi chɨi ñich sia kuñ buiñor gu Dios jix ñaanbim kaiꞌch. Gɇꞌ ba tu jua ñich guꞌ bhaankam guch Xoiꞌkam, guiꞌ cham paiꞌ puiꞌ tu juan am. Gio muiꞌkim jamɨt ba jiñ gɨɨꞌ joꞌ kɨꞌn, guiꞌ cham paiꞌ ja gɨb am, paiꞌjɨ tɨip jiñ mumuaꞌdaꞌ am.

2 KORIINTO KAM 3:6

Nat guꞌ guiꞌ pɨx pu chuꞌm jup jich dhuu nax maat na jax jaꞌk tuꞌm jum aaꞌ guiꞌ nam puꞌñi bhaankam naiꞌ ja aagiꞌñdhaꞌ gu jaꞌtkam na xib maakam tuꞌt jum aaꞌ nam miꞌ puiꞌ jiimdat buiñor tɨ jɨɨgiꞌñdhaꞌ, nam cham tuꞌ miꞌ paiꞌ bhaan ka tu daaꞌñchuꞌndaꞌ gu jax chuꞌm uꞌuan na jax jaꞌk tu aagix, guꞌ jaꞌpji dai na jax pɨx ja jurtudidhaꞌ gux Dhuuduꞌ kam jix Uañ Iiꞌmdaꞌ. Na guꞌ jaroiꞌ maadɨt noꞌt cham am bua puiꞌ na jax tu uaꞌñix kaꞌ nam jax jaꞌk tuꞌt miꞌ puiꞌ jiimdaꞌ gu jaꞌtkam, dhiꞌ mu jaꞌk bhɨichdhaꞌ na paiꞌ gammɨjɨ miꞌ pup jum tulhiiñdhaꞌ. Guꞌ baꞌ noꞌm guꞌ bhaan pɨx tu daaꞌñchugɨt miꞌ puiꞌ ba jiim na jax pɨx ja jurtudidhaꞌ gux Dhuuduꞌ kam jix Uañ Iiꞌmdagaꞌn gu Dios, cham tuꞌ mu jaꞌk bhɨɨyaꞌ am, bhaiꞌ jaꞌk ja bhɨichdhaꞌ guꞌ na paiꞌ gammɨjɨx bhaiꞌ pu ba tu ja jimdaꞌ.

2 KORIINTO KAM 6:4

Bɨɨx na jɨꞌk jax tuch jim, dhiꞌ bhaan jix maatɨꞌ nach sɨlhkam jir tujuandam tugiꞌñ gu Dios, puiꞌ na jax nach bɨɨx aixim tuꞌm kɨꞌn naiꞌch chulhiiñaim, guꞌ ji nach guꞌ aach tu nakgatuꞌ. Yaꞌ bɨɨx aixim tuꞌm jich aꞌm tum aaꞌndaꞌ tɨi, gio bɨɨx aixim jix chu xijai kaꞌ panaas.

EEPESO KAM 6:21

Baꞌ gu Tiikiko nach joidham jix kɨɨgalhiꞌñ nar jich jaduuñ jich Xoiꞌkam bhaan, gam na joidham jir jix kɨɨꞌ tujuandam tugiꞌñ guch Xoiꞌkam, dhiꞌ mu jimiaꞌ jam bui na baꞌ jam aagiꞌñdhaꞌ nañ jax jiñ ɨlhiiꞌñ aañ gio nañ jɨꞌk tuꞌ jax bua.

PILIIPOS KAM 2:20

Na guꞌ cham jaroiꞌx jaiꞌch na jax gu Timoteo na puiꞌx buam jup jum aaꞌ jam aꞌmkam jaꞌp na jax aañ. Cham jaroiꞌ jax xim aaꞌ iam noꞌx bhaiꞌ tu jam jim kaꞌ baꞌ cham.

PILIIPOS KAM 2:22

Dai gu Timoteo nax bhaiꞌ miꞌ puiꞌ jim. Jix maat japim sia aapiꞌm na jax jaꞌk tu jim janoꞌ na puñ oiꞌñchuꞌ na chich bhammɨ dɨr tu jam aꞌgi gux bhaiꞌm kaiꞌchdham ñiꞌook, bɨɨx aixim tuꞌm kɨꞌn jiñ palhbuidhim jaꞌp na jax maaꞌn gu alhii noꞌ joidham jix jɨɨgiꞌñ gu taataꞌn.

PILIIPOS KAM 3:16

Baꞌ puꞌñi jaꞌk bɨɨx maap miꞌ puiꞌ ba duiñchuꞌndaꞌ ich nach jɨꞌk tuꞌ bax maat nach aꞌm jum aaꞌ nach miꞌ puiꞌ duñiidhaꞌ gammɨjɨ.

KOLOOSAS KAM 2:19

Cham tuꞌ buiñor jup tuiꞌkaꞌ am guꞌ guch Xoiꞌkam dhiꞌ pu chuꞌm gu jaꞌtkam, guch Xoiꞌkam pɨx guꞌ nar gɇꞌkam ja bui dhiꞌ nam buiñor tɨ jɨɨgiꞌñdhaꞌ, dhiꞌ baꞌ ja guguuxdhaꞌ nam jix ioꞌm miꞌ puiꞌ xi jiimdaꞌ na jax jix aaꞌ. Guch Xoiꞌkam pɨx sia ja maak na tuꞌ ja aꞌm jum aaꞌndaꞌ guiꞌ nam buiñor tɨ jɨɨgiꞌñdhaꞌ, sia guch Xoiꞌkam pɨx dɨɨlh miꞌ ja tuttuꞌ guiꞌ nam buiñor tɨ jɨɨgiꞌñ na paiꞌ jax jix aaꞌ gu Dios nam tuutkaꞌ.

KOLOOSAS KAM 3:16

Chaꞌpim mɨk buppadaꞌ na pimɨt tuꞌ ba maat nat jam aaꞌñ guch Xoiꞌkam, na guꞌ dhiꞌ joidham jir jix kɨɨꞌp jum duukam. Gio na pim paiꞌ dhuuk tum aꞌaagiꞌñdhaꞌ gux bhaiꞌm kaiꞌchdham ñioꞌkiꞌñ guch Xoiꞌkam, piam na pim paiꞌ dhuuk jum sɨsɨlhkaꞌndaꞌ sia tuꞌ na pɨx bhaan, bɨɨpɨꞌ pim xim gaꞌngimɨi na pim jax jaꞌk tɨꞌyaꞌ na pim baꞌx bhaiꞌ ja aagiꞌñdhaꞌ. Xi laalaꞌñxidhat japim gu Dios, bhaan japim dɨr xi boosgat Saalmos taꞌm, piam sia jax ña pɨx chuꞌm, dai nax dhaam kam bhaan tu aꞌgadaꞌ. Dhiꞌ pim baꞌ bhaan taxchaabgiꞌñdhaꞌ gu Dios gio na pim bhaan gɇꞌkamtuꞌndaꞌ bɨɨx na jɨꞌx jam jujur kɨꞌn.

KOLOOSAS KAM 4:7

Gu Tiikiko nar jich jaduuñ jich Xoiꞌkam bhaan, joidham jir jix kɨɨꞌ tujuandam tugiꞌñ guch Xoiꞌkam, gammɨjɨ puñ palhbuiꞌñchuꞌ nañ jɨꞌk tuꞌ jax bua. Dhiꞌñ aꞌmkam mummɨ tu jam aꞌgidhaꞌ.

1 TESALOONIKA KAM 3:2

gu Timoteo ñich baꞌ mɨjɨ xi joot nañ aꞌmkam mu jam tɨɨꞌmɨraꞌ na puiꞌp jir jich jaduuñ jich Xoiꞌkam bhaan, gio na puiꞌ bhaankam jup tu juan gu Dios, na tu aꞌga gux bhaiꞌm kaiꞌchdham ñiꞌook na bhaan tu aꞌga guch Xoiꞌkam. Jup xi chɨɨdak jañich na bhammɨ jam guguuxdhaꞌ na pim baꞌ miꞌ puiꞌ tu daaꞌñchugɨt tɨ jɨɨgiꞌñdhaꞌ dhiꞌ na pimɨt tuꞌ ba maat nar joidham.

1 TIMOTEO 1:10

Gio guiꞌ nam muiꞌ ja bɨɨm boppo gu uꞌuub, piam gu uꞌuub guiꞌ nam muiꞌ ja bɨɨm boppo gu chichioꞌñ. Gio guiꞌ nam dai chichioꞌñ maap boppo nam puiꞌ ji dhui na maadɨt jir ubii kaꞌ, piam guiꞌ nam dai uꞌuub maap boppodaꞌ nam puiꞌ ji dhui ɨp na maadɨt jir chioꞌñ kaꞌ. Gio guiꞌ nam tɨ ɨɨxdhat gu jaiꞌ jaꞌtkam maakam jaꞌk ja gaꞌraꞌ nam tu ja juantuꞌndaꞌ puiꞌ cham ji ja namkidhat. Gio guiꞌ nam jix iaꞌtbiꞌ nam puiꞌ xi kaiꞌchdhaꞌ nar sɨlhkam, sia kum guꞌx maat na cham jir sɨlhkam. Sia guiꞌñ ja aagɨt jup kaiꞌch nam miꞌ dhɨr maakam duñiidhaꞌ na jax cham jir sɨlhkam gux bhaiꞌm kaiꞌchdham ñiꞌook na sɨlhkam tu aꞌga.

1 TIMOTEO 4:16

Xim nuukdat ap nap cham uaꞌtulhdharaꞌ tɨr gɨxiaꞌ. Xim gaꞌngadaꞌp ɨp noꞌp moo miꞌ puiꞌ ja aagiꞌñ gu jaiꞌ na jax jir sɨlhkam. Gammɨjɨp miꞌ puiꞌ xi jimdat na jax jix kɨɨꞌ kaꞌm nɨiꞌñ gu Dios, na guꞌ noꞌp miꞌ puiꞌ duiñchuꞌ, cham mu jaꞌk bhɨɨyaꞌ ap nap paiꞌ gammɨjɨ miꞌ pup jum tulhiiñdhaꞌ, sia guiꞌ nap jɨꞌk puiꞌ ja mamtuxdhaꞌ.

1 TIMOTEO 6:3

Noꞌ jaroiꞌ maadɨt jix ioꞌm maakam xi bua na tu ja aꞌgiꞌñ guch Xoiꞌkam jɨɨgiꞌñdham na jax jaꞌk cham puiꞌm kaiꞌch gu sɨlhkam ñioꞌkiꞌñ guch Xoiꞌkam dhiꞌ nach tuꞌ bhaan tɨ jɨɨgiꞌñ aach,

2 TIMOTEO 1:6

Baꞌ aañ jum aagiꞌñ nap jix ioꞌm xim guguuxdhai puiꞌ xi dhuñiaꞌ nat tuꞌ bhaan jum aꞌm tɨ tɨɨ gu Dios janoꞌ na ñich bhaiꞌ xim daagɨk tum daañxi.

2 TIMOTEO 3:10

Aap dho gi guꞌ miꞌ puiꞌ tu daaꞌñchuꞌ ji nañ jax jaꞌk tu mamtuxiꞌñ aañ, nañ jax jaꞌk tu jim, nañ tuꞌ jax bua, nañ jaroiꞌ bhaan jix biiñak, gio nañ jɨꞌx jix ñakooꞌ gu bhaamdaraꞌ, gio nañ jax jix chu joiꞌgɨꞌn, gio nañ jax jaꞌk jiñ guguuxdhat jix ñakooꞌ nañ naiꞌñ chulhiiñaim

2 TIMOTEO 4:3

Kam aajim nam paiꞌ dhuuk jaiꞌchdhɨlhiaꞌ gu jaꞌtkam nam cham jɨꞌx ka kaim kaꞌ dhix bhaiꞌm kaiꞌchdham ñioꞌkiꞌñ guch Xoiꞌkam na sɨlhkam tu aꞌga. Dɨɨlh pɨx ba ja gaꞌngadaꞌ am guiꞌ nam tu ja mamtuxiꞌñdhaꞌ dai puiꞌ jaꞌk nam jax jix aaꞌndaꞌ dɨɨlh. Dai dhiꞌ kɇɇkɇꞌ am jaroiꞌ na ja koꞌraardaꞌ na jax chuꞌm tu aꞌgadaꞌ.

TIITO 2:1

Baꞌ aap nap paiꞌ dhuuk tu ja aꞌgiꞌñdhaꞌ nap ja guguuxdhaꞌ guch Xoiꞌkam jɨɨgiꞌñdham, dai gu tuꞌ nar sɨlhkam jap bhaan tɨtɨɨꞌñchokat tu ja aꞌgiꞌñdhaꞌ.

1 PEEGRO 2:2

Guꞌ jaꞌpji dai ji na pim joidham bax maachik kaꞌ na jax pɨk jaꞌk jix aaꞌ gu Dios na pim tuiꞌñgɨdaꞌ, na pim kɨꞌn joidham jix kokbaꞌn kaꞌ gu jam iꞌiiꞌmdaꞌ bhaan, jaꞌp na jax gu aꞌaalh guiꞌ nam kiaꞌpɨx maaxilhiaꞌ nam guꞌ joidham gammɨjɨ pɨx kax xiꞌiik kaꞌ. Puꞌñi ɨp aapiꞌm jiñ jaaduñ, muiꞌ pim xi gaaꞌñchuꞌndaꞌ na jax pɨk jaꞌk jix aaꞌ guch Gɨꞌkoraꞌ na pim baꞌ cham mu jaꞌk ka bhɨichgɨdaꞌ na pim paiꞌ gammɨjɨ miꞌ pup jum tulhiiñdhaꞌ gɨt,

2 JUAN 1:9

Baꞌ gu jaroiꞌ noꞌ jaiꞌ pup miꞌ xi baapsaim na dɨɨlh jax ɨlhiiꞌñdhaꞌ na paiꞌ dhuuk tɨi sap pɨk baꞌ tu aꞌgadaꞌ gu Dios ñioꞌkiꞌñ, cham tuꞌ bhaan tɨ nɨidhidhaꞌ gu Dios. Jɨɨꞌ ji noꞌ daaxix kam pɨx tu aꞌga, daipuꞌ nat jax pɨx xi chu daasak guch Xoiꞌkam janoꞌ na yaꞌ xi oilhimɨk na baꞌ bhaan tɨ nɨidhidhaꞌ gu Dios gio gu Maraaꞌn Jesuus.

JUUDAS 1:5

Na guꞌ dhiꞌ jaꞌpni jia nat jax tu ja dooda bo bɨjɨk guch bopxi kat. Pu kani gɨt nañ moo palhɨɨp bhaan xi chu jam aꞌgidhaꞌ. Janoꞌ nam bhammɨ dɨr tu ja juantuꞌndaꞌ Ejipto gu Israel kam jaꞌtkam, gu Dios ja palhbui na mɨt baꞌ bha bubua yammɨ dɨr jaꞌk Kanaan. Yammɨ dɨr nat ja aichdhak baꞌ moo dai nat jup ba ja koi guiꞌ na mɨt jɨꞌk cham tuꞌ kaꞌm tɨɨ na jax tɨix aagat. Dhiꞌ puꞌñip tu ja doodaꞌ.