1 TIMOTEO 4:3 - Tepehuano Tepehuán del Sureste (Durango)

³ Dhiꞌ pu chuꞌm gu jaꞌtkam jup kaiꞌchdhaꞌ am na cham jir am na gan tɨ bɨɨnaꞌ kaꞌ gu jaroiꞌ noꞌ ba tɨ jɨɨgiꞌñ buiñor guch Xoiꞌkam. Sia jɨꞌmaꞌn gu koiꞌ uaꞌtulhdharaꞌ ɨlhiiꞌñdhaꞌ am, aagix kaꞌ pɨx na jax chuꞌm jix bhaaiꞌ nam kuaꞌdaꞌ. Jax dhui nat guꞌ gu Dios jup tu duu bɨɨx na jɨꞌk jir tum kuaꞌdam nam baꞌ puꞌñi tu kuaꞌdaꞌ guiꞌ nam tɨ jɨɨgiꞌñdhaꞌ buiñor guch Xoiꞌkam, dai nam xi taxchaabgidhat gu Dios.

1 TIMOTEO 4:3 ပူးပေါင်းရင်းမြစ်များ

MATEO 14:19

Baꞌ xi ja chia gu jaꞌtkam nam mi jaꞌp xi dharaibuꞌ saiꞌ dhaam, baꞌ xi dhaagɨk gu paan jix dhaam jaꞌk xi chɨ tɨɨgɨk xi chu taxchaabgi buiñor gu Dios. Miꞌ dhɨr baꞌ dai nat pɨx taꞌtak muiꞌ ji ja maa gu noonbiꞌñ, guiꞌ baꞌ miꞌ dhɨr pɨx mu jaꞌk jup ji ja maa mɨt gu jaꞌtkam.

MATEO 15:11

Jax dhui na moo cham tuꞌ xidhuu gu tuꞌ koiꞌ noꞌ moo tu kuaꞌ pɨx gu jaroiꞌ. Guꞌ ji noꞌ giilhim kaiꞌch na jax cham jir am na baꞌ puiꞌm kaiꞌch nax xidhuu, na guꞌr uaꞌtulhdharaꞌ.

MATEO 15:36

Miꞌ dhɨr baꞌ dai nat xi dhaagɨk gu xijum gook gu paan gio baꞌ gu boptop, jix dhaam jaꞌk xi chɨ tɨɨgɨk xi chu taxchaabgi buiñor gu Dios. Miꞌ dhɨr baꞌ dai nat pɨx muiꞌ ji ja maa taꞌtak gu noonbiꞌñ, guiꞌ baꞌ miꞌ dhɨr mu jaꞌk pɨx muiꞌp ji ja maa mɨt gu jaꞌtkam.

LUUKAS 24:30

Baꞌ nam miꞌ ba daraa na paiꞌ tum kuaꞌ na mɨt ba ji chu juu gu jurnɨk kam, gu Jesuus maaꞌn xi dhaagɨt gu paan xi chu taxchaabgidhak buiñor gu Dios ɨrban jaiñak muiꞌ xi ja maa.

JUAN 6:23

Baꞌ moo ampɨk jaiꞌ gama jaꞌk jup ba ai mɨt gu jaꞌtkam kaknub taꞌm nam mu dɨr jaꞌk jiim Tibeeriyas, nar miaꞌn bhaiꞌ dhɨr oidhaꞌ juraab na paiꞌx kotboraꞌ, nat paiꞌ xi chu taxchaabgidhak gu Jesuus nat tu ja maa gu jaꞌtkam.

GU NOONBIꞌÑ GUCH XOIꞌKAM 27:35

Baꞌ daipuꞌ nat puꞌñi xi ja tɨɨdak gu Paablo, bhaiꞌ ji dhaa gu paan. Miꞌ dhɨr baꞌ dai nat xi chu taxchaabgidhak buiñor gu Dios miꞌ puiꞌ ja saagiꞌñ gu jaꞌtkam naiꞌ xi ja maa taꞌtak gio baꞌ nat bhaiꞌ ji chu juu dɨɨlh.

ROOMA KAM 14:17

Na guꞌ na baꞌ ja aꞌm tɨ nɨidhidhaꞌ gu Dios gu jaꞌtkam, nam miꞌ puiꞌ jiimdaꞌ na jax jix aaꞌ, nam jix bhaiꞌm taatɨt tu oiꞌñkaꞌ bɨɨx jɨꞌmaꞌn na jax pɨx ja jurtudhidhaꞌ gux Dhuuduꞌ kam jix Uañ Iiꞌmdaꞌ, dhiꞌ jɨꞌ bhaan na ja aꞌm tɨ nɨidhidhaꞌ gu Dios, cham tuꞌ gu tuꞌ koiꞌ noꞌñ bɨɨx tu kuaꞌ piam ku guꞌ cham.

ROOMA KAM 14:3

Guꞌ baꞌ noꞌ pim guꞌ aapiꞌm puiꞌ ɨlhiiꞌñ nax bhaaiꞌ na pim tu kuaꞌdaꞌ bɨɨx, dho pim cham jax ja tɨtdadaꞌ guiꞌ nam jix xidhuutuꞌn kaꞌ jaiꞌ gu koiꞌ, ni guiꞌ mu dɨr bha jaꞌk kum cham jax jam tɨtdadaꞌ, na guꞌ gu Dios maaꞌn na jax pɨx ɨlhiiꞌñ sia ku jaroiꞌ bɨɨx aixim tuꞌm tu kuaꞌ piam ku jɨꞌk pɨx.

ROOMA KAM 14:6

Na guꞌ gu jaroiꞌ na puiꞌ ɨlhiiꞌñdhaꞌ na jax chuꞌm tanoolh pɨx jir jix kɨɨꞌ kaꞌ, pu kaiꞌñkam pɨx guiꞌ gu tanoolh puiꞌ ɨlhiiꞌñdhaꞌ nar jix kɨɨꞌ kaꞌ na baꞌ dhiꞌ bhaan buiñor tu daandaꞌ gu Dios soiꞌm ɨlhdhat. Guꞌ baꞌ gu jaroiꞌ na bɨɨx tu kuaꞌdaꞌ na jɨꞌk tuꞌx chu jaiꞌch kaꞌ, nax bhaiꞌm taat kaꞌ buiñor gu Dios ku baꞌ tu kuaꞌdaꞌ, dai na xi taxchaabgidhat. Guꞌ baꞌ gu jaroiꞌ na jɨꞌk pɨx tu kuaꞌdaꞌ, na puiꞌx bhaiꞌp jum taat kaꞌ buiñor gu Dios ku baꞌ jɨꞌk pɨx jup tu kuaꞌdaꞌ gu koiꞌ, puiꞌp xi taxchaabgidhat ɨp gu Dios.

1 KORIINTO KAM 6:13

Gio saak jaꞌpnip jir jum kaiꞌchdham: “Pu kaiꞌñkam pɨx tu boopok ich na mim gaamuidhaꞌ gu koiꞌ.” Piam jaꞌpni: “Pu kaiꞌñkam pɨx jix jaiꞌch gu koiꞌ nach boopok am jum gaamuꞌ.” Maaxik jir puiꞌ dho, dai pɨx ji na guꞌ cham paiꞌch matgilhdhaꞌ gu Dios paiꞌ na duuk ɨlhdhaꞌ, sia gu koiꞌ, na guꞌr yaꞌ kam pɨx dhi oiꞌñgaꞌn. Dhich chutkuꞌ baꞌ puꞌñi ɨp, pu kaiꞌñkam pɨx jup duñiix nach miꞌ puiꞌ jimiaꞌ na jax jix aaꞌ guch Xoiꞌkam na baꞌch aꞌm jup tɨ nɨidhidhaꞌ, cham tuꞌ nach jix buam jum duukam jup tu buadaꞌ.

1 KORIINTO KAM 7:28

Tɨi cham tuꞌr uaꞌtulhdharaꞌ dho sia kut jax chuꞌm chioꞌñ gaagak gu ubii bɨɨmaꞌn ba tu kiicha, piam gu jax chuꞌm ubii noꞌt oidhak bɨɨmaꞌn ba tu kiicha gu chioꞌñ, dai pɨx ji na guꞌ nam paiꞌ dhuuk tɨi maap ba tu oiꞌñkaꞌ, bɨɨx aixim bax chu xijai kaꞌ, bhaan pɨx bam tulhiiñdhaꞌ am. Dhiꞌ bhaan jañ baꞌ tɨi cham aaꞌ na pim tɨ bɨpnaꞌ kaꞌ.

1 KORIINTO KAM 8:8

Jax dhui na guꞌ cham tuꞌ dhiꞌ kɨꞌn jich aꞌm tɨ nɨidhidhaꞌ gu Dios gu jax chuꞌm koiꞌ nach kuaꞌdaꞌ. Nach guꞌ cham tuꞌ dhiꞌ kɨꞌn jir jix uꞌuañ kaꞌ noꞌch tu kuaꞌ gu tɨkiix kam koiꞌ, ni kuch cham dhiꞌ kɨꞌn jich uaꞌtulhdhidhaꞌ noꞌch cham tu kuaꞌ.

KOLOOSAS KAM 2:16

Cham jir am noꞌ jaroiꞌ cham jam kɨɨgalhiꞌñ na pim kuaꞌ gu tuꞌ, piam gu tuꞌ na pim ioꞌ, piam noꞌ pim cham tu piastat gu jax chuꞌm tanoolh na paiꞌ dhuuk jum aaꞌndaꞌ, puiꞌ na jax na kiaꞌpɨx bhaiꞌ dhɨr jaꞌp ba gɨxiaꞌ gu masaaꞌn, piam na paiꞌ dhuuk cham tum juandaꞌ.

KOLOOSAS KAM 3:17

Gio bɨɨx na pim jɨꞌk jax kaiꞌchdhaꞌ, piam na pim jɨꞌk tuꞌ jax buadaꞌ, puiꞌ pim jaꞌk buadaꞌ na jax jaꞌk bhaan jix maatɨꞌ kaꞌ na pim aapiꞌm sɨlhkam kaichuꞌ guch Xoiꞌkam nar Gɇꞌkam. Xi taxchaabgidhat japim ɨp baꞌ gu Dios jich Gɨꞌkoraꞌ nat jix bhaiꞌ ba duu jam aꞌmkam guch Xoiꞌkam.

1 TIMOTEO 2:4

Na guꞌ gu Dios jich Gɨꞌkoraꞌx aaꞌ nam bɨɨx gu jaꞌtkam miꞌ puiꞌ jimiaꞌ na jax jum kaiꞌch gu ñioꞌkiꞌñ na sɨlhkam tu aꞌga na baꞌx bhaiꞌ tu ja jimiaꞌ.

1 TIMOTEO 4:4

Nat guꞌ gu Dios tum kuaꞌdam jup tu duu gu koiꞌ bɨɨx na jɨꞌk jix chu jaiꞌch, cham tuꞌ nach guꞌ aach baꞌ yaꞌ dɨr puiꞌp ba duñiaꞌ na cham jir tum kuaꞌdam kaꞌ, dai ji nach tu kuaꞌdaꞌ xi taxchaabgidhat gu Dios.

1 TIMOTEO 5:14

Baꞌ jaꞌpni jaꞌk jix bhaiꞌ, nam gu xixibkam dɨꞌdɨlhdhɨm uꞌuub jaiꞌ xi ja oidhai gu chichioꞌñ, xi chu oiꞌñchaim jix bhaiꞌ xi ja dui gu ja maamar noꞌ mɨt jɨꞌk ja tɨɨ. Baꞌ puꞌñi jaꞌk cham tuꞌ tuꞌ bhaan jax jich chɨtdadaꞌ am guiꞌ nam xich bhaamkiꞌñ aach nach tɨ jɨɨgiꞌñ buiñor guch Xoiꞌkam.

ISRAEL KAM 13:4

Gio baꞌ jam guguuxiꞌñ iñ ɨp na pim cham jir ganaiꞌ pɨx kaꞌ. Chaꞌpim jaiꞌx bhaiꞌ ja tɨtdadat ja bɨɨm boppodaꞌ gu uꞌuub, dai ji guiꞌ na pim maap tɨɨmuiꞌx na jax tu daaxix. Na guꞌ puiꞌ pɨx jam tɨɨdaꞌ gu Dios janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn na pim jix uꞌuaꞌtulhdhix noꞌ pim puꞌñi jaiꞌx bhaiꞌ ja tɨtda gu uꞌuub. Baꞌ puiꞌ xi jam tɨɨdai mu jaꞌk xi chu chiñiaꞌ nam jam iabuꞌ na pim paiꞌ gammɨjɨ miꞌ pup mɨɨjidhaꞌ.

ISRAEL KAM 13:9

Puiꞌ ku pim baꞌ dai guiꞌ pɨx buiñor tɨ jɨɨꞌñdhat jix biiñak kaꞌ gammɨjɨ. Chaꞌpim tuꞌp jum buixdhat na jɨꞌk jax tu daaxix gu yaꞌ maaxik, puiꞌ na jax gu koiꞌ na jax chuꞌm jir jum kuaꞌdam gio na jax chuꞌm cham. Na guꞌ dhiꞌ cham jɨꞌxkat tuꞌ kɨꞌn jich palhbuidhaꞌ sia kuch tɨi miꞌ puiꞌ tu daaꞌñchuꞌ na jax tu daaxix. Jaꞌpji dhiꞌ nax ioꞌm jum aaꞌ nach miꞌ puiꞌ xi chu kuugalhdhidhaꞌ nat jax tu daasak guch Xoiꞌkam, nach baꞌ bhammɨ aayaꞌ jix dhaam buiñor gu Dios.