1 TIMOTEO 3:8 - Tepehuano Tepehuán del Sureste (Durango)

⁸ Gio guiꞌ nam miꞌ tu juandaꞌ ja bui guch Xoiꞌkam jɨɨgiꞌñdham, jum aaꞌ ɨp sia nam jir jix kɨkɨɨꞌ jaꞌtkam kaꞌ, nam jir jix bhabhaiꞌkam kaꞌ bɨɨx pɨx ja bui. Gam nam sɨlhkam tu aꞌgadaꞌ jax ñam kaiꞌchdhaꞌ. Ni kum cham jix maik kaꞌ. Ni kum cham jaꞌp pɨx muiꞌx maiꞌchik kaꞌ gu tuumiñ nam dɨɨlh kɨꞌn xim tu tumñigamtak kaꞌ.

1 TIMOTEO 3:8 ပူးပေါင်းရင်းမြစ်များ

ROOMA KAM 3:13

Gu ja chiichiñ jaꞌp ji buusan na jax noꞌ yasbhioꞌkix gu mukdhaꞌx dhɨbaalh, dhiꞌ puꞌñi jaꞌk ji buusan nam giilhim jix iaꞌtbiꞌ. Daman jaꞌp jup ji buusan nax maimdaꞌ gu ja chiichiñ, jaꞌp na jax gu kookoꞌ nam ja chiichiñ am uaꞌkaꞌ gux maimdaꞌ na cham jiñ jimchudaꞌ noꞌt maaꞌn jiñ kɨi,

PILIIPOS KAM 1:1

Aañ Paablo bɨɨmaꞌn gu Timoteo nach gook dɨt jir tujuandam tugiꞌñ guch Xoiꞌkam, mu tu jam uaꞌñiꞌñ ich aapiꞌm na pim miꞌ oiꞌdhaꞌ Piliipos na gɇꞌ daaꞌñxim jir kiicham, na pim guꞌr jaꞌtkam tugiꞌñ gu Dios na pim buiñor bap tuiꞌdhiꞌ guch Xoiꞌkam Jesuus. Bɨɨx jañ jam aagɨt jup kaiꞌch na pim jɨꞌk maap jum jumpadat daan gu Dios, sia guiꞌ nam bɨɨpɨꞌ dɨr guꞌkat tu jam aꞌgiꞌñ gu ñioꞌkiꞌñ, gam guiꞌ nam jaꞌppɨx jir tujuandam miꞌ jam bui.

1 TIMOTEO 3:12

Jum aaꞌ ɨp na maaꞌn pɨx tɨ bɨɨnaꞌ kaꞌ gu jaroiꞌ nar tujuandam kaꞌ ja bui guch Xoiꞌkam jɨɨgiꞌñdham, pu daipuꞌ gu ubii gu jax chuꞌm na bɨɨmaꞌn jum tɨɨmoꞌ. Gio nax bhaiꞌ ja mamtuxiꞌñdhaꞌ gu maamraꞌn, nam cham buam tuꞌm tu maachidhaꞌ, sia gu bɨngaꞌn jix bhaiꞌ tɨtdat.

1 TIMOTEO 3:2

Dai nam aaꞌ na joidham jir jix bhaiꞌkam kaꞌ, nam cham jix bhaamkiꞌñdhaꞌ gu jaꞌtkam. Gio baꞌ na maaꞌn pɨx tɨ bɨɨnaꞌ kaꞌ, daipuꞌ gu jax chuꞌm na bɨɨmaꞌn jum tɨɨmoꞌ gu ubii. Gio bɨxchuꞌ bhaan na tuꞌ kaꞌm tɨ nɨidhat miꞌ pu tu duñiidhaꞌ, gio nax gɨꞌm tu aꞌgadaꞌ. Gam nax bhaiꞌ ja tɨtdat ja tɨbiaptudidhaꞌ gu jaꞌtkam noꞌm paxiaraim kiaꞌmiꞌñ. Gam nax joojoiꞌñdhaꞌ na tu ja aꞌgiꞌñdhaꞌ gu jaꞌtkam gu ñioꞌkiꞌñ gu Dios.

1 TIMOTEO 3:3

Gio baꞌ na cham maimmukdaꞌ, ni ku cham ja kokdadaꞌ gu jaꞌtkam, guꞌ jaꞌpji nar jix bhaiꞌkam kaꞌ pɨx ja bui, jix ja joiꞌmdat pɨx ja nɨiꞌñdhaꞌ. Gam na cham tuꞌ bhaan jup jum buixiꞌñdhaꞌ gu tuꞌ tuumiñ.

1 TIMOTEO 5:23

Aꞌlhich jap muiꞌp xi ioꞌdat gu uubas gu bargaꞌn gux oꞌjoꞌ paꞌ na baꞌ jotmodaꞌ duadhidhaꞌ gum book na saak jix koꞌk, cham tuꞌ dai suudaiꞌ.

TIITO 1:7

Na guꞌ gu jaroiꞌ na tu ja aꞌgiꞌñdhaꞌ guch Xoiꞌkam jɨɨgiꞌñdham, dhiꞌ gu Dios na bhaankam miꞌ puiꞌ tu buadaꞌ. Puiꞌ ku baꞌm aaꞌ na tuꞌ kaꞌm tɨ nɨidhat miꞌ puiꞌ jimdaꞌ na jax jix aaꞌ, na cham tuꞌ dɨɨlh pɨx xim joiꞌgɨꞌndaꞌ, ni ku cham bhammukdaꞌ, ni ku cham maimmukdaꞌ, ni ku cham joojoiꞌñdhaꞌ na ja gɨɨbdaꞌ gu jaiꞌ, ni ku cham jix maiꞌchim kaꞌ gu tuumiñ na kɨꞌn jix chu sabaꞌdam kaꞌ gu tuꞌ na pu cham tuꞌ mim nɨnɨiꞌñ buiñor gu Dios.

TIITO 2:3

Gio gu uꞌuub nap saak puiꞌp ja darsaꞌ nam tu ja aꞌgiꞌñdhaꞌ ɨp gu jaiꞌ uꞌuub, jum aaꞌ sia nam puiꞌ jaꞌk jup tu jimdaꞌ na jax jix kɨɨꞌ kaꞌm nɨiꞌñ gu Dios. Cham jir am nam naiꞌ bɨɨx aixim tuꞌm tu aꞌgidhaꞌ na tuꞌ cham jir sɨlhkam, ni kum cham jix buam ja aꞌgadaꞌ gu jaꞌtkam, ni kum cham jix maik kaꞌ. Guꞌ jaꞌpji nam jix bhaiꞌ tu jimdaꞌ nam baꞌ puiꞌp ji ja nɨidhat miꞌ puiꞌp tu daaꞌñchuꞌndaꞌ gu jaiꞌ.

SANTIAGO 3:10

¿Jax baꞌ jaꞌk jup tuꞌiiꞌ dhiꞌñ jaaduñ nach baꞌ guꞌ dhich chiichiñ kɨꞌn pɨx jup gɇꞌkamtuꞌndaꞌ gu Dios gio baꞌ moo nach giilhim jup ja tɨtdadaꞌ gu jaꞌtkam na jax aaꞌ? Panaas guꞌ moo dhiꞌ cham tuꞌ am gɨꞌnsɨ ji gu puiꞌ jiñ jaaduñ.

1 PEEGRO 5:2

Jaꞌp jañ baꞌp xi jam tɨɨdam jiñ jaaduñ na pim bhaan bax kaapak gu ñioꞌkiꞌñ gu Dios, na pim joidham jix bhaiꞌm taatɨt muiꞌ xim guguuxdhatgɨdaꞌ na pim ja aagiꞌñdhaꞌ guch Xoiꞌkam jɨɨgiꞌñdham gux bhaiꞌm kaiꞌchdham ñioꞌkiꞌñ gu Dios. Jaꞌp ji buusniaꞌ na pim ja bipiaꞌdaꞌ, nam guꞌ jaꞌp ji buan nam jir jam kakaasniraꞌ. Ku guꞌ cham tuꞌ ji na pim bhaan pɨx jix maiꞌchik kaꞌ gu tuumiñ ku pim baꞌm dakooꞌñdhatgɨdaꞌ na pim ja aagiꞌñdhaꞌ, sia ku pim jix ooꞌn noꞌ pim guꞌ cham joojoiꞌñ gu puiꞌ jaꞌk. Guꞌ jaꞌpji na pim joidham jix bhaiꞌm taatɨt ji, dɨɨlh pɨx na pim joidham jix aaꞌndaꞌ na pim puꞌñi jaꞌk bhaankamuꞌn tu juandaꞌ guch Gɨꞌkoraꞌ.